رسالة فى حب الريس

رسالة فى حب الريس

أنا مبخافشى وحفضل أقول

كلمـة حــق عليها مسئـول

إن الريس راجــل طيــب

وبشعبه دايما مشغـــــول

مشغول انه يلم فلوسنا

بره سويسرا يحوشهالنا

وف حسابات سريه يشيلها

نفسه يأمن مستقبلنا

شفتو ازاى بقى قلبه رحيم

عنده ايمان وضميره سليم

بيجوعكوا لجل تخسوا

آه ياشعب يا محتاج لرجيم

من جهلكوا بتقولوا بطاله

وان الاحوال مش شغّاله

دا الراجل نفسه يريحكم

هى الراحه تبقى عواله؟

أما حكاية المنتجعات

ليه تسموها المعتقلات؟

ليه الظن

وسوء النيّه

نفسه يفسحكوا يا بهوات

أما الكرسى واللى اتقال

دا كلام مش محتاج لسؤال

الغلطه دى غلطتنا يا عالم

إن مجبناش كرسى تيفال

والله انتم ظالمين الراجل

ضيّع عمره ومين يستاهل

حتى الاكل بياكله بدالنا

طالع واكل نازل واكل

بعد دا كلّه........ماله الريس؟؟؟؟؟

ههههههههههههههههههه

يخرب عقلك شكلك هدودينى فى دهية

انت والله يازيزو جبت المفيد وربنا يستر وماتتمسكش بس بجد صراحة حلوة شكرا ليكى يازيزو

بس ياريت تكمل الترقية على باقى المفسدين rendeer

تحفه يا زيزو بجد بس بلاش من ده كتير عايزين نكمل دراسه علي خير ربنا يخليك

انت ان شاء الله عايز تودينا السجن بس حقيقى انا معك فى كل كلمة قلتها flower

» تحياتي لسيادة الريس
» رسالة الى كل اعضائنا
» رسالة الى كل يتيم
» رسالة حب قد تكون الأخيرة
» رسالة من مجنون