تقيم دكتور أحمد الجمال ومدى قبول الطلبة له؟

بصراحه الدكتور احمد شخصيه محترمه
بس مع احترامى الكامل ليه انا مش بفهم منه اى حاجه
وده اكيد عيب منى مش عارف
بس فى ناس بتفهم منه

ههههههههههههههه
انتى عشان مسافر يا زيزو وسايب البلد وسايب الكلية تقلب الطلبة على الدكتور المحترم الخالى من العيوب
على فكرة والله كل محاضرة ليه بنام فيها عشان ببقه صحيه بدرى
ولكن فيه ضمير بيانبنى انى احضر المحاضرة عشان ببقة طلعه من البيت على اساس احضر المحاضرات كلها وطبعا انى بستفيد من محاضرتة فى راحه المخ لفترة بسيطة عشلن اقدر اكمل المحاضرات الى بعديها

No comment

بكل صراحة وللأسف الشديد فدكتور أحمد الجمال ليس لدية أى قدرة على الشرح
ومن المفترض أن تكون مهمتة الأساسية أيصال المعلومة للطالب وبما أنه لا يعرف فمن الأفضل أن يترك التدريس وليس من المفروض أن كل شخص يحصل على الدكتوراه يقوموا بفرضة على الطلبة فمن ليس لديه القدرة على الشرح يتجه الى عمل الأبحاث وعمل الكتب
وأنا شخصياً لم أستفيد منه خلال الأعوام السابقة سوى بقصة حياتة الى أن وصلت لدرجه أننى كنت أريد نشرها لكى يستريح وأرحم الدفعات الجايه
وعلى فكرة العيب مش مننا لأننا بنفهم من الدكاترة التانية ومن الأخر المفروض الدكتور أحمد ياخد كورسات أنه أزاى يوصل المعلومه للطلبة وداء مش عيب أما عن المميزات فأنا أرى أن مهمتة الأساسيه أنه يفهمنا وداء غير متوافر وبالتالى لا أجد ميزه حقيقية فهو متكبر للغايه ويشعر بنفسه كثيراً
وأقسم لكم أننى من الطلبة الملتزمه جداً ولكن وجدت نفسى أضيع مجهودى على الفاضى لحضورى له ولذلك أدخره ولم أحضر له هذا الترم سوى محضرتين ولا تعرفوا ما مدى شعورى بالدكتاتوريه عندما طلبة منه أحدى الزميلات أن يبطىء وقام بالأستهزاء بها رغم أن هذا من حقها
وأسف جداً على الأطاله لكن كان لدى الكثير بداخلى وأشكركم على عرض هذا الموضوع لأنها شكوى جميع طلبه تاريخ

الجمال متكبر ومغرور

دكتور احمد مثقف عنده معلومات كتير بس مبيقدرش يوصل المعلومات للطلبة بطريقة بسيطة

د| احمد موسوعة علمية كبيرة جدا لكن للاسف مش بيقدر يفيدنا بعلمه الواسع ده كمان بيهدر وقت كبير من المحاضرة فى الحديث عن حياته الشخصية
ملحوظة |ده دكتور واحنا بنكنله كل الاحترام والتقدير ياريت يكون النقد بدون الاساءة لشخصه

الحل أننا نعمل شكوى جماعية ونمضى عليها ونعتصم عن المحاضرات إذا لم يتم تغير شىء
كلية التربيه عرفوا أزاى ياخدوا حقوقهم وكمان ليهم رحلات علميه على حساب الكليه يعنى مع الدراسه
وأحنا تاريخ ومنعرفش حاجه عن إلى بندرسه ومشفناش حاجه على الطبيعه يعنى التعليم غلط
للأسف فى حاجات كتير غلط فى الكليه مش دكاتره وبس داء نظام تعليم كمان

والله ياجماعة انتوا ظلمين الراجل اوى .
الدكتور احمد من الشخصيات المحترمة اوى
الواحد لو ركز معاة هايفهم
امال بقى لو جربتوا دكتور من الى انا جربتهم فى المنصورة هاتقولوا اية
دول مش مغرورين
دول الغرور كلة
الدكتور احمد جنب معظم الدكاترة انسان محترم .

مع أحترامى الشديدلرائيك
سواء الدكتور أحمد أو غيره من إلى جربتهم فدول ما ينفعوش يكونوا أساتذه للطلبه المحترمه
وأحنا مش بنقارن بينه وبين غيره أحنا شايفين أنه مش بيفدنا فى حاجه ومش بيدى فرصه للمناقشة مع إن دى شغلته الأساسيه وبياخد مقابل عنها وبيقومش بدوره

على ما اعتقد ان الموضوع ده للمناقشة والاراء
ولابد ان نحترم الاراء

لو سمحتم كل واحد يلزم حدوده
الموضوع ده انا شايف فى تجاوزات كتير
سواء للدكتور احمد او اى عضو من الاعضاء
عبد الرحمن من حقه يقول رأيه زى ما انت قولت رايك

يعنى حضرتك كده ياعم المهم قلت رايك فى الموضوع ولا خرجت عنه
تبقى الزم حدودك مع اى عضو
وفعلا زى ماقال الاخ عبده من حق اى عضو انه يناقش الموضوع مش يعمل زى حضرتك

انا بعتذر يا جماعة لو كنت غلط فى الاستاذ عبدالرحمن
بس اصل كلامه مش منطقى خالص كانه بيتكلم عن حد تانى مش الدكتور احمد الجمال

يا جماعه براحه كليتنا لازم تبقى مثال للاحترام الغلط كان ماشى قبل الثوره لكن بعدها لاه وبنشكرك لانك اعتزرتله المهم انا شايفه ان امتحانات دكتور احمد كويسه واتحدى لو شخص حضر كل محاضرات دكتور احمد ومعرفش يحل امتحانه

اود في البدايه ان انحاز لكلام محمود بلال لانه كلام حقيقي فعلا اما انا فلم اجد فيه اصلا اتخاذه لقب استاذ جامعه مهما فعل فهو فاشل بكل المقايس

واود ان اقول ان الكلام الذي يقوله في المحاضره مع الاسف لايخرج من انسان متعلم بل يخرج من انسان لايفقه القراءه والكتابه اه اود ان اعتز عن حدية كتابتي ولكنها الحقيقه المره

على فكرة الدكتور احمد بدا يغير من اسلوبه سواء فى المعاملة او فى الشرح
وخاصتا فى محاضرة النهارة ويارب يكون كده على طول

ههههههههههههههههههههههه
هو قرا الموضوع ده ولا ايه

بجد فعلاً محاضرة النهارده كانت جميله
وانا شخصياً هبدأ اشتغل معاه واعمل الحاجات الى طلبها مننا
ان شاء الله

فعلا دكتور احمد بدا يتغير اسلوبه
انا كنت مستغرب طول المحاضرة

ياحماعة هو مش غير اسلوبه ولا حاجة ده تبع الحالة المزاجية بتاعته

بالنسبة للاخ الى غلط وبعدين اعتذر طب اشمعنة انت بتتكلم عن الدكتور احمد الجمال والكل عمال يتكلم علية
طب مافى دكاترة تانى ماتسنحقش ان هية تكون موجودة وكلكم عرفينهم .

انت كمان بتتكلم كدة لان انت من اول مادخلت كلية وانت فى دمنهور يعنى انت مش عارف اى حاجة فى حاجة

No comment

No comment

ممكن اسال سؤال لكل الى فى المنتدى ؟

لية الدكتور احمد هوة الوحيد الى مش عجبكم فى القسم

هوة مفيش غيرة .

No comment

عيب الدكتور احمد فى حاجتين
1-مبيوصلش المعلومة او هو حاسس اننا المفروض نبقى عارفين اللى بيشرحه واننا كبار
2-ودى الاهم انى بخاف من امتحاناته ومن تصحيحه

على فكرة يااية امتحاناته ارحم من دكتور ابراهيم بكتييييييييييير

ومين الى قاليك ان هما بيشوفوا دة

عايزين تمشوة كلموها هوة

انا بتكلم يازيزو على اساس الموضوع شامل الكل

السلام عليكم انتم ياجماعه مبالغين فى التقيم ده