لو دخلت وخرجت من غير ما تقرب لربنا يبقى ابكى على نفسك

لو دخلت وخرجت من غير ما تقرب لربنا يبقى ابكى على نفسك

.:: اللهم صل وسلم وبارك على نبينا محمد وعلى آله وصحبه وسلم تسليما كثيرا ::.

إخوانى وإخواتى
بدون الدخول فى مقدمة طويلة
كثيرا مننا يحاول إنه يتوب ولا فائدة
يحاول يصلى ولا فائدة
يحاول ويحاول ويحاول ولا فائدة
وقد وجدت ان من أكبر الاسباب التى أدت لذلك هى فقدان الامل
نعم
فقدان الامل فى دخول الجنة
كلما سألنا شخص جنة ولا نار يقولك نار بطيارة
لا طيارة ايه دا بصاروخ
يعنى داخل داخل
يبقى ليه اتعب نفسى وليه وليه؟
وكل دا لإعتقاد الكثير ان الحسنات صعبة للغاية
وان السيئات سهلة للغاية
فحبيت أعمل الموضوع دا ليشتمل بالتقريب على كل شئ يهدينا بلايين الحسنات باقوال وافعال صغيرة جدا جدااااااا
ولا تأخذ مننا لا وقت ولا مجهود
وعشان الكل بيحب الارقام فهبدأ بيها
يمكن نجدها عامل مغرى لتكملة الموضوع والاستفادة منه
بسم الله ابدأ

قال رسول الله صلى الله عليه وسلم
"من استغفر للمؤمنين والمؤمنات كتب الله له بكل مؤمن ومؤمنة حسنة"
تخيلوا يجماعة
حديث مش هياخد مننا ثوانى
هيتكتبلكم فيها ملايين الحسنات
تخيلوا لو كل يوم طبقنا الحيث دا
تخيلوا لما نقابل ربنا ونلاقى كمية الحسنات دى فى صحيفتنا بدون تعب ولا اى شئ
تخيلوا اكتر بقى اللى يساعد على نشر الحديث
وكل واحد يقراه بعد كدا ويستغفر لهم هيجيلك حسنات قد ايه
شفتوا بقى اننا هنكسب من غير تعب

الحديث الثانى
قال رسول الله صلى الله عليه وسلم
"من قال سبحان الله وبحمده مائة مرة حطت خطاياه،وان كانت مثل زبد البحر"
يا الله
كم واحد معندوش ذنوب
كام واحد خالى من الذنوب
كام واحد نفسه يمشى وهوا مش عليه ولا ذنب
طب ما الحديث بين ايدينا اهو
عايزين ايه تانى
هياخد مننا وقت قد ايه
دقيقتين تلاتة
وذنوبنا كلها تغفر بإذن الله
نخيلوا احنا قلنا سبحان الله وبحمده مائة مرة وبعد كدا موتنا
تخيلوا بتقابلوا ربنا وانت عش عندك ولا ذنب
والله يجماعة احنا مقصرين كتير جداااااااااا
يبقى اتفقنا اننا هنكسب حسنات ونغفر سيئاتنا بإذن الله تعالى

الحديث الثالث
قال رسول الله صلى الله عليه وسلم
"كلمتان خفيفتان على اللسان ،ثقيلتان فى الميزان، حبيبتان الى الرحمن
سبحان الله وبحمده ، سبحان الله العظيم"
مين مننا مبيحبش ربنا
مين مننا مش عاوز يعمل اى حاجة ترضى ربنا
احنا لما بنكون عاوزين طلب من حد بنعمله الحاجة اللى بيحبها عشان يدينا الحاجة اللى احنا عاوزينها صح
انت بتتمنى من ربنا يوفقك فى حياتك
ويدخلك الجنة بعد مماتك
طب ما تدى لربنا الحاجة الى بيحبها
تقيلة عليك قوى
تخيل لو قلتها مرة واحدة فى اليوم
هتثقل ميزانك ازاى
تخيل نقولها 100 مرة فى اليوم هنثقل ميزانا ازاى
مش هتاخد مننا وقت
تخيلو كل الكلام اللى انا قلته دا ياخد مننا وقت قد ايه
وهنكسب منه قد ايه
الحديث الاول حوالى 5 ثوانى
الحديث الثانى 3 دقائق
الحديث الثالث 6 دقائق
يعنى 9 دقايق كسبنا
مليارات الحسنات
غفرت جميع خطايانا
وبنمشى بصفة يومية
واحنا مغفورين الذنب ان شاء الله
طب تعالو نكملهم 10 دقايق ونشوف هنكسب ايه؟
تعالوا

الحديث الرابع
قال رسول الله صلى الله عليه وسلم
"قل هو الله احد تعدل ثلث القرأن"
تخيلوا معايا كدا
انا فى الدقيقة العاشرة دى ممكن اقول سورة الصمد كام مرة؟
12 مرة على سبيل المثال
يعنى ثواب قراءة القرأن كام مرة
اربع مرات
شفتو بقى فى 10 دقايق كسبنا قد ايه؟
مين مننا مبيمشيش 10 دقايق كل يوم لوحده
دا ان مكنش اكتر
مين مننا شايف ان الكلام دا تقيل رغم انه مش هيلكفنا وقت ولا مجهود

تعالوا بقى للخمس دقايق الباقييين
قال رسول الله صلى الله عليه وسلم
"من لزم الاستغفار جعل الله له من كل ضيق مخرجا.. ومن كل هم فرجا..
ورزقه من حيث لا يحتسب"
خمس دقايق نستغفر ربنا فيهم
صعبة؟
مش هتتعبنا
طب واحد يوقلى طب منا غفرت ذنوبى فوق
استغفر ليه
طب وانت هتستغفر عشان ذنوبك بس
طب اقرا بقيت الحديث فايدة الاستغفار ايه؟
ياترى مين مننا مش عاوز ربنا يفرج همه
ويرزقه من حيث لا يحتسب
راجعوا نفسكو يجماعة دى ربع ساعة مش اكتر
ربع ساعة شوفو هتجيبلكم جبال حسنات يوم القيامة قد ايه؟
طب تخيلوا بقى انكو نشرتوا الموضوع دا بين اصحابكوا وصحباتكوا
تخيلوا بقى كل واحد بيعمل بالموضوع دانتوا بتاخدوا نفس حسناته من غير تعب ولا مجهود
قال رسول الله صلى الله عليه وسلم
"من سن سنة حسنة فى الاسلام فله اجرها واجر من عمل بها الى يوم القيامة"
ياسلاااااااام
يعنى لو علمت ابنى فى المستقبل يعمل كدا
وهوا علم حفيدى وهكذا
لو علمت اصحابى واصحابى علموا اصحابهم اللى معرفهمش وهكذا
تخيلوا جبال الحسنات اللى هتجيلى من ورا ربع ساعة فقط
ياترى بقى هنعمل بالربع ساعة دى ولا ايه نظامنا

بااااااارك الله فيكـِ وجزاكـِ الله عنا كل خير

وجعله الله فى ميزان حسناتك

دمتـِ فى أماااااان الله أختى الكريمه

شكرا ولاء
نورتى المنتدى بجد
متبقيش تغيبى علينا كتير

تسلميلى يا قمر

وانتوا كلكم وحشتوووونى كتييير

وان شااء الله هحااول اكوون موجوووده معاااكم هناااا

ربنا يوفقكم الى ما فيه الخير

امين يارب

بارك اللّة فيكى

شكرا اختى ولاء
منورة المنتدى

شكرا ليكي يا ولاء

جزاكي الله خير

شكرا يامحمد
نورت المنتدى من بعد الامتحانات
لحقتوا نفسكوا انتوا
ياعينى علينا هههههههههههههههههههههه

» دخلت النت داعيه وخرجت عاشقه
» ابكى على نفسك
» دعاء ابكى الشيطان
» لو حجاب يبقى ,,,,, ؟
» محتاج ابكى