بسم الله الرحمن الرحيم
الاصل هو الموت ولا الحياه
خرج ابن ادم من العدم قلت...................... ياااااه
دخل ابن ادم للعدم قلت......................... ياااااه
تراب بيحيى ...................... وحى بيصير تراب
الاصل هو الموت ولا الحياه؟؟؟
................ حب............
عجبتنى كلمه من كلام الورق
النور شرق من بين حروفها وبرق
حبيت اشيلها فى قلبى قالت حرام
دة انا كل قلب دخلت فيه اتحرق
...............هو الكلام يتقاس بالمسطرة.................
وقفت بين شطين على قنطرة
الكدب فين والصدق فين يا ترى
محتار ح اموت......الحوت خرج لى وقالى
هو الكلام يتقاس بالمسطرة
...............الحياه كده.........
نسمة ربيع لكن بتكوى الوشوش
طيور جميلة بس من غير عشوش
قلوب بتخفق انما وحدها
هى الحياه كدة ...كلها فى الفاشوش
طبعا دة كلام الرائع صلاح جاهين
يااااااااااارب يعجبكم