نصائح بسيطه لكل فتاه عبيطه!!!
كم مره شعرتى حبيبتى انك عبيطه ومجنونه و كل تصرفاتك طايشه
ما هو سبب ذلك؟
اليكى منى بعض النصائح
1- اعملى كنترول على لسانك لان اللسان بدايه المصايب يعنى مش فى اى حديث تدخلى وتستنى لوك لوك لوك لوك …..خليكى رزينه عرفى الى قدامك انك فاهماه وعارفه هو عايز ايه خليكى بالنسبه للقدامك لغز يعنى بالعربى ماتندلقيش بلسانك
2- سؤال ازاى وانتى فى مكان الى قدامك يعرف انك مشغوله ومعندكيش وقت تضيعه ويعجب بيكى؟؟
امشى بخطوات لا هى سريعه اوى ولا بطيئه اوى احرصى دايما وانتى ماشيه ما تلتفتيش قدامك ولا وراكى لبسك يكون شيك ومحتشم ومش مبهدل واى حد وانتى ماشيه يقول اى كلمه معاكسه حلوة ولا وحشه اديله الصابونه يعنى ولا اكنك سمعتى حاجه
3- وانتى قاعده مع اى واحده زميلاتك ونازلين دودودودودودودو وماحدش عارف انتو بتقولوا ايه
اوعى تديها سرك او تعكى معاها فى الكلام كتير لانها ممكن تعملك نشره اخبار
4- وانتى فى مكان عام ومع شلتك والنكت خلاص وقتها جه حاولوا ماتضحكيش بصوت عالى لان ده بيدى الناس انطباع غير ظريف عنك
5- التليفون والتليفزيون والنت حاولى تقليلى منهم على قدر المستطاع لسبب بسيط لانك مش حتقيضى بقيه عمرك معاهم طبعا
6- اوعى تدى ودانك لكل من هب ودب وكونى دايما واثقه من نفسك
7- بلاش الضحك لاتفه الامور وبصوت عالى طابعا عشان الى قدامك حيقول عليكى تافهه
8- خلى عندك هدف فى الحياه مش كل حاجه الولد ده البنت دى عملت حلبس ايه النهارده صوبع الروج لونه ايه
9- ابعدى عن الارتباط باى شاب بعيد عن اهلك مش يقولك بحبك يا انشراح تقوليله بحبك يا عتريس خليك دايما واثقه فى ربنا ان نصيبك حيجى ويخبط على بابك وان الى حيفتح الباب اهلك مش انتى0
10- الزواج الى مشهور دلوقتى الزواج العرفى اوعى تفضحى نفسك واهلك وتكونى ضحيه شاب فاسد
11- حبيبتى الوقت الى بيضيع فى الشات مع شاب للتسليه مش ربنا اولى بالوقت ده عشان تذكريه فيه وكمان ماتعرفيش انك لما تكلمى شاب معناها خلوه بينك وبينه يبقى اكيد الثالث الى معاكو مييييييييين…. ابليس
12- اوعى ترفضى عريس على خلق وطيب وابن ناس عشان كلام فارغ جمله كتير سمعتها من البنات اصلى مش بؤمن بزواج الصالونات
انتى تعرفى ان اكثر الزيجات نجاحا كانت زيجات الصالونات
13- اوعى تعملى زى واحده ا دايما بتبص الى فى ايد غيرها وما بتحمدش ربنا على معاها
14- فى واحده شافت قطه سوده فى الحلم واتشأمت وقالت انا يومى_ استغفر الله العظيم _ بلاك ليه هى قالت كده لا يعلم الغيب الا الله …اوعى تكونى زيها وخلى التفائل دايما قدامك
15- لكل البنات اوعى تهذرى وتتبسطى مع ابن الجيران وابن عمك وابن خالك بحجه انكم متربين مع بعض لازم تعرفى ان لكل حاجه حدود
16- الخوف من الحسد والتشائم من كل حاجه صفتين حاولى تبعدى عنهم
17- اوعى تكونى جميله وشيك جدا خارج البيت وجوه البيت مهمله ومش مهتميه بنفسك
18- اوعى تكونى مبذره وتصرفى ببزخ لان المبذرين كانوا اخوان الشياطين والمرأه كمان معروفه بأنها وزيره اقتصاد ناجحه
19- لما حد يأتمنك على سر اوعى تقوليه لحد حتى لاقرب الناس ليك
20- ابحثى دائما عن الجديد حاولى تعودى نفسك على القراءه وحاولى تحفظى القرآن
عدد من النصائح كتبتهم اليكى يا حبيبتى لكى تحصنى نفسكن من هذا الداء
ارجو ان تنتفعوا بهم
الأحد 27 سبتمبر 2009, 14:28
