ورط اللى بعدك بسؤال؟؟

لعبة النهارده هى بمثابة ورطة كبيرة

يعنى ايه

يعنى

انك تسأل سؤال للى بعدك؟؟؟؟ بشرط ان يجاوب عليه بصراحة مطلقة

اوك

وانا حبدأ واسأل

كام عمرك الحقيقى ؟؟؟

مش عارف اصل انا مبعدش

اصلى بخاف من الحسد

بس انا عايش من زمان

بس انا بصراحه
19 سنه
وشهرين
و11 يوم
و21 ساعه
و52 دقيقه
وشويه ثوانى صغيره
هههههههههههه
اللى بعدى
اسمك ايه بالكامل

انا سؤالى خايب بس بعد كده هسال اساله جامده ومحدش يزعل

انا اسمي بكل صراحه
محمد ابراهيم محمود

وسؤالي ايه هي امنيه حياتك اللي لسه ما تحققتش ؟

الامنيه التى لم تتحقق لى بعد

انى اتزوج الانسانه التى احبها والتى اختارها قلبى
وسؤالى
هل مرت عليك قصه حب جميله

لعبه حلوه يا شوشو

هل مرت عليك قصه حب جميله

ايوة

امـــا ســـؤالــى انا

ما هى اصعب لحظه مرت عليك ف حياتك ؟

اصعب لحظة

لما بنصدم فى حد بثق فيه اوى بكون فى غاية الانهيار والحزن والالم

بس الحمد لله مش بيتكرر كتير

سؤالي

ايه رايك فى الدنيا ؟؟؟؟؟

عايزة اللى عنده حظمش اى حد يمشى فيها

ايه اكتر حاجة تضايقك فى اللى قدامك؟؟

[size=29]أولا بجد فكره اللعبه جميله $ شكرا يا شـــوشـــو $ أما السؤال وهو ايه أكتر حاجه بتضايقنى فى اللى قدامى ؟ $أكيــــــد ما بحبش ان الانسان اللى قدامى يكون غرور $ لأن الغرور بالزات من الصفات اللى لها عواقب قد يكون الفرد ليس متوقعها بالمره $ و سؤالى للى بعـــــدى ...$ هل تشعر/ى أنك/ى شخصيه جذابه ؟؟[/size]

انت شايف ايه يا عمده

وسؤالى

عمرك انجرحت من حد انت حبيته اوى؟

اه

ايه اكتر موقف محرج اتحطيت فيه ؟

ممكن يكون الموقف هو سؤالك ده ذات نفسه يا مان فــــــــرى $ هههههههه لأن السؤال ده ما سبقش و حد سئله ليــــــــا $ عالعموم اعفينى من السؤال المحرج ده و أنا حا أبقى أعوضهولك فى سؤال تانى ...تحياتى و تقديرى لك ولكل الأعضـــــــاء $ دمتم فى رعايه الله و أمنـــــــــه $

لا ياعماد مفيش اعفاء من سؤال فى اللعبة

ايه ياعماد ده انا بقول انك اكتر واحد قلبك جامد

ومبتخفش

ولا انت بتخاف؟

اوعى ياعماد تكون بتخاف ده انت مثلنا الاعلى

هههههههههههههههههه

يلا يامان رد على السؤال ومحدش يسال اساله تانيه ياجماعه غير لما عمده يجاوب

خلاص يازملكاوى نسيبوا عماد براحته

سؤال جديد.....ايه اكتر اسم بتحبه؟

شجن

انا بموووووووت فى الاسم ده
وان شاء الله ده فى المستقبل لو جبت بنت هسميها شجن

ههههههههههههههه

اللى بعدى

لو كنت بتحب قولنا اسم حبيبتك

او حبيبك لو كنتى بنت؟

ممكن أجاوبك ع السؤال ده ...أحسن من التانى $ و اسم حبيبتى $ شيمــــــاء $ و سؤالى للى بعدى : $ ما أصعب موقف تعرضت له ؟؟ $

اصعب موقف تعرضت له

كنت ماشى مره فى الشارع
ومره واحده لاقيت ميه انكبت عليا من فوق عماره

والاصعب بصراحه انها مكنتش ميه

كان فى جماعه بيبيضوا العماره دى
وزى ماتقولى كانوا بيرموا البويه اللى باقيه
وحظى الجميل انها كلها وقعت عليا
اه والله بجد
وكان موقف محرج اوى وانا واقف فى الشارع ومش عارف اعمل ايه
هههههههههههههههههههه
ربنا ما يكتبها عليكوا
ههههههههههههه

سؤالى
انت او انتى اتخدعت قبل كده فى حد انت حبيته اوى؟

$ شكلنا حا نقضيها مع بعض يا زملكــــــاوى $ و ده يسعدنى طبعا $ و عن سؤالك : $ أنا سبق و انخدعت فعلا قبل كده بس نسيـــت كل أثار الحب ده فى لحـــظه $ و دلوقتى أنا الحمد لله تمــــــام و انشاء الله ما تتكرر حاجه تانيه زى دى $ مشكور يا أحلى زملكــــــــاوى $ و سؤالــــــى : $$ ماذا تعنى الصداقــــــه لك/ى ؟؟ $ سؤال سهــــــــــل أكيــــد $

الصداقة دى من اعظم معانى الحياة ومن اكتر الحاجات اللى بتخلينى متمسكة بالحياة يوم بعد يوم

ويمكن دة لان ربنا انعم عليا باصدقاء راااااااااااااائعين ربنا مش يحرمني منهم ابدا

& سؤالى
لما بتنظر/ى فى المرايا ازاى بتشوف/ى نفسك ؟؟؟؟؟؟؟؟؟؟؟؟؟؟&

$ سؤالك جميل يا برينسيس $ أولا مشكوره لتشريفك الموضوع $ و أما بخصوص السؤال : $ فأكيـــــد أنا عن نفسى ساعــه لما بشوف نفسى فى المرايه بشوف ممكن حاجات فيا أتمنى انى أغيرهــــــا ...و الحمد لله بحاول كتير انى أكون أحســــن $ و ربنـــــــــا معانــــــــــا كلنـــــــا لما فيه كل خير $ و سؤالـــــى : $ ما هى نسبه زكــــائك بالمــــائه ...%؟؟ $ يعنى خليك/ى حقـــــــــانى كده و قيـــــــم ذكائك بذمـــــه $

هههههه سؤال تحححححححفة والصراحة مش ممكن اقدر احدد لان اللى ممكن يحدد النسبة هم الاشخاص اللي بنتعامل معاهم

وممكن اقول ان ساعات النسبة عندى بتزيد او بتقل على حسب النفسية

سؤالي

ختمت /ى المصحف كم مرة فى رمضان ؟؟؟؟؟؟؟؟ اتمنى الاجابة بصرااااااااحة

دمتم فى رضا الرحمن

$ الحمد لله مرتين و كنت أتمنى انى أكمل الـــ3ـــالته $ و سؤالـــــــى >>>>> ماذا تعنى لك هذه الكلمــــــــات : $ الحــــب & الصـــداقه & الأمــــل $ حلويين دوووول 3 $

الحب : احساس رائع له لذة على كل احوله

الصداقة : معنى جميل اوى بس للي يعرف يحققه ويقدر قيمته لان الصاحب ساحب

الامل : من غيره تبقي الحياة صعبة لاننا بنحتاجه لما بنواجه مشاكل الحياة وعشان عندنا وانا بحب بكرة عشان عندى امل انه افضل من النهاردة باذن الله

سؤالى :

& لما بتحس/ي بالوحدة اوى فين بتروح/ي ؟؟؟؟؟؟؟

أكيد لخير معين ...ربنـــــــــــــا $ و سؤالى : $ ما هو أفضل لقب أو اســـــم تحب سماعه من الأخرييــــــــــــن ؟؟ $

ههههه سؤال تحفة

هو بصراحة بحب " شيمو" لان حسام اللى بيقولهالي او" مشمشتى " لان اصحابي هم اللى بيقولهالى

اما " برينسس " لقب غالى عليا لان اعضائنا الغاليين هم اللى بيقولهالي

سؤالى "

" ايه افضل مكان بتحب/ي تروحه فى الدنيا الواسعة ديه ؟؟؟

الاسكندريه اكيد

انا بعشقها
ونفسى بجد اعيش فيها
وكان نفسى تكون كليتى فيها
بس الظروف مسمحتش
سؤالى بقى
ماتش الزمالك بكره الساعه كام؟
ههههههههههه

الماتش كان الساعه 8 يا زملــــــكاوى و خلص 1/0 للأسماعيلــــــى $ Hard LUck 4 U $ انشاء الله تتعوض فى المباريــــــات القادمــــه $ و سؤالى : $ من أكثر شخصيه مؤثره فيــــــــك/ى ممن حــــــولك ؟؟

بصرااااحة اكيد والدتى ربنا مش يحرمنى منها ابدا

سؤالى

ايه اكلتك المفضلة ؟؟؟؟؟؟؟؟

أكيـــــــد كل الأكل نعمه من عند ربنا $ بس أنا بحب المكرونه بالبشاميــــل $ هى طريقه تحضيرهــــا بتكون صعبه شويه بس جميله بجد $ و سؤالى : $ ماذا تمثل لك هذه الكلمـــــــات الــــــ3ـــــلاثـــــه : $ 1: الصديــــق & 2: الحبيـــــــب & 3: الأخ $

الصديق " : لو كانت صالحة تبقي هية اكبر رزق فى الدنيا

الحبيب: اتمنى انه يكون زوجى فى الدنيا والاخرة

الاخ: يكفى انه اول كلمة نقولها لو اتوجعنا من اى حاجة بنقول اخ دليل على قربه من قلوبنا اوى

& اين توجد قناة استاكيوس ؟؟؟؟

يعنى اسئلة عامة حبة تغيير

اولا : بجد لعبه حلو اوي

اسمحولي اشترك فيها

بالنسبه لقناه ستاكيوس تقع في الاذن

اما سؤالي للي بعدي هو:

حلم او امنيه نفسك تحققها في حياتك؟

***********

اللهم انت ربي
لا اله الا انت خلقتني وانا عبدك
وانا علي عهدك ووعدك مااستطعت
ابوء لك بنعمتك علي
وابوء بذنبي
فغفر لي فانه لا يغفر الذنوب
الا أنت

بجد لعيه تحفه وشكلها بدأه من زمان بس انا لسه داخلاها

بالنسبه للأمانى كتير بس أهم أمنيه بجد بالنسبالى انى أكون حد متميز فى كل حاجه وأصل لاعلى المراتب بطاعه ربنا وبجهدى وبحب الناس
ادعولى

سؤالى دعوه صادقه من اعماق قلبك لمن تهديها؟

أهدبها لكل من أحبني وساعدنى ف يوم من الايام وعلي رأسهم الوالدين

سؤالي سهل جدا
هتعمل ايه لو عرفت أن حد بيحبك جدا ومش قادر يستغنى عنك بس انت مش حاسس بيه أو ف حياتك حد تانى ؟ ولو صارحته مش قادر يستغنى عنك برضه

هتعمل ايه لو عرفت أن حد بيحبك جدا ومش قادر
يستغنى عنك بس انت مش حاسس بيه أو ف حياتك حد تانى ؟ ولو صارحته مش قادر
يستغنى عنك برضه

انا مش حاسة بية يبقى لازم اصارحة بكدة لان مش ينفع وانا فى حياتى شخص تانى والاهم غير ان فى حياتى شخص تانى انا مش حاسة بية

شكرااااااااا احمد لسؤالك

اية رايك اورطك فى كرسى الاعتراف يااااااااا ااحمد ؟

معنديش مانع ملكه بس تستحملوا رخامتى وتأخيري ف الردود لأنى مش هدخل نت كتير اليومين دول

طيب سؤال تانى مع أنك مجاوبتيش ع السؤال الاول لأنى قلت حاجه غير انك تصارحيه
لو انتى بتحبي حد وهوة مش حاسس بيكي واعترفلك فانتى بعدتى ومش قادرة تنسي خالص؟؟

بعد ولسه مش قادره انساه

اكيد ححاول اتأقلم علي الوضع

لان اكيد عندي كرامه مش حفرض نفسي عليه وهو مش عايزني

ححاول اعيش حياتي

واكيد حلاقي اللي يحبني ويقدرني بجد

اما سؤالي هو؟

حتعمل ايه لو اصحابك اتفقوا عليك وعملوا فيك مقلب جامد شويه وانت لما عرفت زعلت اوي؟

ياتري حترجع تكلمهم تاني عادي خالص

ولا هتزعل فتره وترجعلهم تاني
ولا هتعمل ايه؟؟؟؟؟

****************
اللهم انت ربي
لا اله الا انت خلقتني وانا عبدك
وانا علي عهدك ووعدك مااستطعت
ابوء لك بنعمتك علي
وابوء بذنبي
فغفر لي فانه لا يغفر الذنوب
الا أنت

شكرا ع الاجابه رومانسيه وهوة ده الصح فعلا بس مش هلاقي اللي يحبنى لا زم هوة يلاقينى المرة دى

حتعمل ايه لو اصحابك اتفقوا عليك وعملوا فيك مقلب جامد شويه وانت لما عرفت
زعلت اوي؟

ياتري حترجع تكلمهم تاني عادي خالص

ولا هتزعل
فتره وترجعلهم تاني
ولا هتعمل ايه؟؟؟؟؟

لا عادي مفيش مشكله فرحوا وانبسطوا خلاص أنا كمان أحلي واحد يعمل مقالب ف البنى أدمين وف الأخر مفيش زعل بين الاصحاب لكن لو فيها جرح ومس للكرامه معتقدش انى ممكن أعامله زى الأول تانى

سؤالي هوة انت ايه نوع تليفونك؟؟؟ ولو سألتك علي رقمه ياترى هتكتبه عالمنتدى وتنطرد؟؟

ههههههههههه ايه السؤال التحفة دة !

تليفونى نوعه " دمعة "

وطابعا مش هكتب رقمه لانى بنت و مش بدى الرقم غير للقريبين منى اوى عشان اتجنب وجع الدماغ الهيافات وكدة يعنى

سؤالى فيه حابة احراج بس نجاوب بصراحة

كم مرة كدبت فحياتك ؟

وامتة كانت اخر كدبة ؟ هههههههههه

دمتم بكل الود والفرفشة

أنا معرفش بس أكيد كتير لكن مش الكدبه اللي تظلم حد
أخر مرة كانت النهارده لما اتأخرت ف البيت ومارحتش الشغل قام الدكتور سألنى انت كنت قاعد نت وسايب الصيدليه قولتله لأ وأنا فعلا كنت قعدت بس مش كتير والله وكنت شغال ف البيت بس أنا قلتله انى ماقعدتش وكنت من الظهر وأنا بشتغل ف البيت

سؤالي بقي:
انت(ى) أخر مرة انصدمت(ى) ف حد كانت امتى؟؟

bestwishes
ganna

بالنسبه لسؤالك يا احمد

انت(ى) أخر مرة انصدمت(ى) ف حد كانت امتى؟؟

انا اتصدمت مره واحده بس في حياتي

كانت السنه اللي فاتت

اكيد مش لازم اقول تفاصيل

بس انا اتعلمت منها حاجات كتيير وشفت الدنيا بشكل جديد

وزي مابيقولوا طول ما احنا عايشين في الدنيا دي

لازم نتعلم من اخطأنا

(لايقع المؤمن مرتين)

سؤالي سهل اوي: هو*

عندك كام اخ واخت وانتي اكبر اخوات ولا اصغرهم؟

*****************
اللهم انت ربي
لا اله الا انت خلقتني وانا عبدك
وانا علي عهدك ووعدك مااستطعت
ابوء لك بنعمتك علي
وابوء بذنبي
فغفر لي فانه لا يغفر الذنوب
الا أنت

هيا أخت واحده ربنا يخليهالي يارب وأنا الكبير

سؤالي بقي أسهل مايمكن
ايه نوع الطعام المفضل عندك باستثناء الطبيخ؟واياك تقوللي ملوخيه

انا بحب دايما الفراخ

وسؤالى انت (ى) بتحب الكلية الى انت (ى) فيها حاليا ؟

best wishes
ganna

أنا عمرى ماحبيت الآداب بس بجد الناس اللي فيها تجبرك علي انك تحبها ومااعتقدش انى كنت ممكن أرتاح كده ف كليه تانيه

انت (ى) حضرت كل محاضرات السنه اللي فاتت؟؟ ولا بعضها ولا معظمها؟؟

انا الحمد لله حضرت كل المحاضرات

ماعدا واحده او اثنين

كانوا في اول اسبوع في الدراسه

سؤالي:

تتوقع يكون تقديرك كام السنه دي ؟

****************
اللهم انت ربي
لا اله الا انت خلقتني وانا عبدك
وانا علي عهدك ووعدك مااستطعت
ابوء لك بنعمتك علي
وابوء بذنبي
فغفر لي فانه لا يغفر الذنوب
الا أنت

انا اتوقع اجيب مقبول
بس ادعيلى اجيب مقبول

bestwishes
ganna

سؤالى :

مين الدكتور الى انت (ى) بتحبة فى القسم بتاعك ؟

bestwishes

ganna

انا اكتر دكتورة بحبها عبير قاسم وحنان الشافعى
سؤالي بقي
ايه اهم الصفات اللي بتتمناها في شريك حياتك او شريكة حياتك
اللي بجاوب يجيب اللي عنده

تسعدنى انا وأسرتى
عارفة يعنى ايه زوج وزوجة
اهم شيء قبل كل ده الاخلاق وتكون فعلا هى شايفة سعادتها معايا

مش مهم بقى بيضة ولاسودة طويلة ولا طويلة

ممكن تسيب صاحبك ياخد ايميلك ع المنتدى بعد مالكل عرفك عليه لاي سبب مهما كان؟

» $ ضع نصيحــــه لــلى بعدك وللجميـــــــع ...$
» $ تقول ايه للعضو اللى قبلــك $
» ركز فى الصورة هتشوف اللى بتحبه
» اليهودى اللى مش يهودى
» ليه اللى قلبه طيب دايما خسران