مطلوب فورا bond007 فى كرسى الاعتراف

اهلااااااا وسهلا بيك معانا على الكرسى ويااااااااارب تكون مستريح اوى معانا .....

يلا ما نضيعش وقت ونبدا بالاسئلة .........

1_ كلمنا بصراحة شوية عن نفسك ؟
2_ اخص احلامك فى كلمتين ؟
3_ ماذا يعنى لك كلا من ( الماضى الحاضر _ المستقبل ) ؟
4_ حلم حلمته واتحقق ؟؟؟؟ واخر لسة لم يتحقق ؟
5_ بتتمنى توصل لفين فى دراستك ؟
6_ ايه رايك فى منتدانا ؟
7_ وايه مقترحاتك لتطويره ؟
8_ بالنسبة للمنتدى توجه لمين الكلمات دى .... ( عضو نشيط _ مشرف /ة مميز _ عضو بتحترمه _ عضو بيعجبك مواضيعه _ عضو جرئ _ عضو بتعجبك ردوده _ عضو مميز _ عضو هايف _ عضو فعال ) ؟؟؟؟؟؟؟؟؟؟؟؟؟؟

9_ بيعنى ايه لك فى حياتك كلا من .....( اسرتك _ اصحابك _ جيرانك _ النهار _ الليل _ الحب _ الامل _ التفاؤل _ الصدق _ الخيانة _ النفاق _ التضحية _ الندالة _ الصداقة _ الوفاء _ الغيرة _ الطيبة _ اللا مبالاة _ الغضب _ السخرية _ الاعجاب _ النجاح ) ؟؟؟؟؟؟؟؟؟؟؟ والى اى مدى الحاجات دى موجودة بالفعل فى حياتك ؟؟؟

10 _ الكلمات دى بتوجهة لمين من الاشخاص ...... ( ربنا يكرمك _ ربنا مايحرمنيش منك _ حسبى الله ونعم الوكيل _ روح منك لله _ انت قدوتى _ احبك فى الله _ ربنا ينجحك _ خليك جانبى _ انت صديقى الوحيد _ الدنيا من غيرك ما لهاش طعم _ احسن لاعب كورة فى نظرك ) ؟؟؟؟؟؟؟؟؟
11_ لما بتحب تقعد لو حدك بتروح فين ؟؟؟؟؟؟
12 _ وامتة بتحتاج انك تكون لوحدك وبس ؟
13 _ موقف احرجك ؟
14_ موقف فرحك ؟
15_ موقف اضحكك ؟
16_ انت شخص راضى عن نفسك ؟
17_ ايه رايك فى المقولة اللى بتقول ان ...... ( الصاحب ساحب ____ وكمان المقولة : تكلم حتى اراك او اعرفك ) ؟؟؟؟؟؟؟18 _ انت انسان يعتمد عليه و لالا؟

19_مين اكتر انسان حاسس انه بيوقف جمبك ؟

20_عمرك الدنيا جت عليك ومعرفتيش تعمليلها حاجه ؟

21_عمرك حسيت إنك ملكش مكان فيها وهيا مش بتعتك ؟

22_عمرك حبيبك او صديقك بعد عنك وإنتا فى أمس الحاجه ليه ؟

23_عمرك حسيت إن حبيبك بيعد عنك وهو مبين غير كده ؟

24_عمرك شفت عمرك بيضيع أدامك وإنت واقف مش عارفة تعمل إيه ؟

25_عمرك شفت نفسك إنسان تانى غير إلى تعرفه ؟

26_عمرك حبيت تعيط ودمعتك مرضيتش تنزل ؟

27_عمرك إحتجت حبيبك وملقتيهوش معاك فى وقت ما إنت محتاجه اوى ؟

28_عمرك حسيت إن أهم وأحب أصحاب ليك مش معاك ؟

29_عمرك حلمت إنك تسافر ويوم ما جت ساعة الرحيل حسيت إنك مش عاوز تسيب بلدك ؟

30_عمرك حبيت تحارب الدنيا وفجأه لقيت إنك ضعيفة أوى أدمها ؟وليه ؟


31_عمرك حسيت إنك محبط ومش عارف ليه ؟

32_عمرك لقيت حاجه غلط ولما جيت تصلحها خربتها أكتر ؟

33_ من وجهة نظرك انت انسان سلبى ولا ايجابى ؟

34_عمرك وثقت فى حد وخانك اوجرحك ؟

35_عمرك إديت سرك لحد وسابك فى الدنيا ومشى ؟

36_عمرك حبيت تتغيير والتغيير محبكش ؟

37_عمرك حلمت ترجعي زى الاول ؟وفى ايه بالضبط ؟

38_عمرك حبيت تبقي تافهة ؟وليه ؟




39_انسان اتعرفت عليه و مندمتش و لو لثانيه انك عرفته ؟
40_انسان غير حياتك كلها لللاسوء؟


41_انسان غير حياتك كلها للاحسن؟

42_لو فى يوم حبيبك قال لك انا بحبك اه لكن سهل انساك هيكون احساسك ايه ؟ و هيكون ردك عليه ايه ؟

43_اخبار ثقافه الضرب ايه معاكي؟ يعنى الضرب اولا عندك و لا اخر ما ممكن تلجاي له الضرب ؟

44_ ايه اكتر حاجه بتتمنها دلوقتى ؟بعد شوية الاسئلة دول ؟


45_ هل فى ليله من الليالى حسيت ان الدنيا معدش فيها خير ؟

46_تقولي لمين مش هاممنى اللى فات بس اللى جاى هو اللى خايف منه...... خايف على نفسى من
الضياع ...خايف عليا من الوحده و عدم الثقة ؟


47_بيعنى لك بكره ايه فى حياتك ؟

48_هل انت ضعيف امام شىء ما او شخص ما ؟ وليه ؟
49 _ اه سورى نسيت اسالك عن بطاقتك الشخصية ؟؟؟؟؟
50 _ ايه اكتر ( اكلة _ لون _ مكان _ زمان ) بتحبه ؟؟؟؟؟؟؟
51_ ايه رايك فى اسئلتى ؟؟ وكلمة توجهة لية ؟
52_ هل فى سؤال كنت تتمنى انى مش اسالهولك ؟
53_ سؤال حيرك ؟
54 _ سؤال ضحكك؟
55_ سؤال عجبك ؟
56 _ سؤال كنت فرحان وانت بتجاوب عليه ؟

**********

واخيرا تمنياتى لك باجابات موفقة وصريييييييييييحة للغاية ..... ولا تنسى لك مطلق الحرية فى الاجابة او عدم الرد على اى سؤال ....

* مع خالص تحياتى لاسرة المنتدى الكرام *

bond007

اولا شكرا لكل من شارك فى الاسئلة:
س:من انا؟
ج:انا احمد عبد ربة مبارك
طالب جامعى * عمرى 20عام * لدى ثلاثة اخوة ولدان وبنت * وانا يتيم الاب (اى بمعنى انى لم اوع علية)*واعيش حياة عادية جدا فى الحياة * حلمى مثل حلم اى شاب عادى

س:حكمتى فى الحياة؟
اعطنى شبكة ولا تطعمنى بسمكة

س:متى يتذكر الرجل أن المرأة تفتقر للتفكير المنطقي؟
ج:بالنسبة للمتزوجون عندما يجد الرجل المراة (تحبك الامور زيادة عن اللزوم) اى بمعنى الغيرة الزايدة عن اللزوم

س:قطعة فحم صغيرة وجدار نظيف ماذا سترسم عليه ,,وماذا ستكتب تحت الصورة...؟؟
ج:سوف ارسم مدينة القدس المنتصرة واكتب تحتها (الانتصار العربى والتوحد الابدى)

س:حمامة زاجل استقرت على نافذتك تحمل رسالة من مجهول فممن تتمنى ان تكون...؟؟
ج:اتمنى ان تكون من ابى حيث انى افتقدة وافتقد معاملت الاب

س:ماهي التجربه التي تتمنى تكرارها ...؟؟
ج:بصراحة(تجربة الثانوية العامة)

س:ماهو اكثر شئ تخشاه...؟؟
ج:الفشل

س:نزار شاعر المرأه.... وانت شاعر من ...؟؟
ج:شاعر نفسى

س:من هو العضو اللى نفسك تخنقه ؟
ج:ابدا كل الاعضاء هنا فى قمة الاحترام واللطف

س:من هو العضو اللي شايف حاله بنظرك ؟
ج:اسف مش فاهم معنى كلمة (حالة) بالضبط

س:من هو العضو اللي يستحق انه تقول عنه محبوب بين الاعضاء ؟
ج:كتيييييييييييييييييييييييييييير(ملكة الاحزان+zezooo+منمن+برينسس الشيماء)ومش عايز انسى حد اعذرونى

س:مين بنظرك بيعمل بجهد بالمنتدى ؟
ج:بدون نقاش (ملكة الاحزان +زيزووو)

س:مين مقصربالمنتدى بنظرك ؟
ج:انا
ـــــــــــــــــــــــــــــــــــــــــــــــــــــــــــــــــــــــــــــــــ

1_ كلمنا بصراحة شوية عن نفسك ؟
انا احمد عبد ربة من البحيرة كفر الدوار بالعكريشة عمرى 20سنة وشوية انا طالب زى مانتم عارفين فى الفرقة التالتة الشعبة العامة انا اخ لثلاث لخوة ولدان وبنت وانا اصغرهم وامى موجودة والحمد لله لكن ابى توفاة الله وعمرة حوالى 5 س
2_ اخص احلامك فى كلمتين ؟
اعمل عمل نافع للناس
3_ ماذا يعنى لك كلا من ( الماضى الحاضر _ المستقبل ) ؟
الماضى:شىء جميل ماقدرش انساة
الحاضر :تجربة وبعيشها
المستقبل :فى علم الغيب
4_ حلم حلمته واتحقق ؟؟؟؟ واخر لسة لم يتحقق ؟
الحلم اللى اتحقق انى ادخل الجاااااامعه
اللى لسة :احجج امى
5_ بتتمنى توصل لفين فى دراستك ؟
والله...لحد مايصبح مستحيل انى اكمل
6_ ايه رايك فى منتدانا ؟
جميل جدا بجد
7_ وايه مقترحاتك لتطويره ؟
يكون فية تجديد اكتر من كدة بمعنى ان الطالب عندما يدخل على المنتدى يحس انة عارف كل شىء دار بالكلية
8_ بالنسبة للمنتدى توجه لمين الكلمات دى .... ( عضو نشيط( اوجهها للكل) _ مشرف /ة مميز(لزيزووو وملكة) _ عضو بتحترمه(كل المنتدى) _ عضو بيعجبك مواضيعه(ملكة) _ عضو جرئ(...) _ عضو بتعجبك ردوده(...) _ عضو مميز(...( _ عضو هايف(مفيش ولا عضو هايف الا الى بيشترك وميتفاعلش) _ عضو فعال(زيزووو وملكة ) ؟؟؟؟؟؟؟؟؟؟؟؟؟؟

9_ بيعنى ايه لك فى حياتك كلا من .....( اسرتك(هى كل حياتى) _ اصحابك(ملجأي) _ جيرانك (اوصانى عليهم الرسول) _ النهار(الحياة) _ الليل(السكون) _ الحب(شيء جميل) _ الامل(هو اللى بيحيينى) _ التفاؤل (مطلوب دائما)_ الصدق(مفتاح الجنة) _ الخيانة(اصعب شيء) _ النفاق (اهل النار)_ التضحية(مطلوبة فى بعض الاحيان) _ الندالة(محبهاش) _ الصداقة(اساس الحياه) _ الوفاء(اساس الصداقة) _ الغيرة(مطلوبة بعض الاحيان) _ الطيبة(هى اساسى) _ اللا مبالاة(معرفهاش) _ الغضب(والكاظمين الغيظ) _ السخرية(تكبر وتعالى) _ الاعجاب (يكون بحدود)_ النجاح(قمة الامانى) ) ؟؟؟؟؟؟؟؟؟؟؟ والى اى مدى الحاجات دى موجودة بالفعل فى حياتك ؟؟؟

10 _ الكلمات دى بتوجهة لمين من الاشخاص ...... ( ربنا يكرمك(لامى) _ ربنا مايحرمنيش منك(لامى) _ حسبى الله ونعم الوكيل(للظالم المفترى) _ روح منك لله(للظالم) _ انت قدوتى(رسول الله صلى الله علية وسلم) _ احبك فى الله(كل اصدقائى) _ ربنا ينجحك(كل اعضاء المنتدى) _ خليك جانبى(الله سبحانة وتعالى) _ انت صديقى الوحيد(للاسف انغدر بيا) _ الدنيا من غيرك ما لهاش طعم (امى)_ احسن لاعب كورة فى نظرك(ابو ترييييييكة) ) ؟؟؟؟؟؟؟؟؟
11_ لما بتحب تقعد لو حدك بتروح فين ؟؟؟؟؟؟
اقعد على شط الماء فى اى مكان
12 _ وامتة بتحتاج انك تكون لوحدك وبس ؟
لما اكون مخنوق من نفسى والدنيا
13 _ موقف احرجك ؟
لما اكون بتكلم مع اصدقائى وواحد منهم يقولى بجد (وانت مالك)
14_ موقف فرحك ؟
يوم نجاحى
15_ موقف اضحكك ؟
كتيييير
16_ انت شخص راضى عن نفسك ؟
للاسف لا
17_ ايه رايك فى المقولة اللى بتقول ان ...... ( الصاحب ساحب(معرفش) ____ وكمان المقولة : تكلم حتى اراك او اعرفك(مقولة جميلة تحث الشخص على اظهار نفسة وابداء راية ) ) ؟؟؟

18_ انت انسان يعتمد عليه و لالا؟
يعنى
19_مين اكتر انسان حاسس انه بيوقف جمبك ؟
ربنا سبحانة وتعالى
20_عمرك الدنيا جت عليك ومعرفتيش تعملها حاجه ؟
ايوة اكتر من مرة
21_عمرك حسيت إنك ملكش مكان فيها وهيا مش بتعتك ؟
كتيييييييييير ما اخذنى اليأس
22_عمرك حبيبك او صديقك بعد عنك وإنتا فى أمس الحاجه ليه ؟
ايوة حصلت قبل كدة
23_عمرك حسيت إن حبيبك بيعد عنك وهو مبين غير كده ؟
معرفش لانى ماليش حبيب
24_عمرك شفت عمرك بيضيع أدامك وإنت واقف مش عارف تعمل إيه ؟
لا ابدا
25_عمرك شفت نفسك إنسان تانى غير إلى تعرفه ؟
ايوة كتييير
26_عمرك حبيت تعيط ودمعتك مرضيتش تنزل ؟
كتييييييييييييييييييييييير خاصة لما اكون محبط احباط شديد
27_عمرك إحتجت حبيبك وملقتيهوش معاك فى وقت ما إنت محتاجه اوى ؟
ماليش حبيب(بمعنى الحبيب يعنى)
28_عمرك حسيت إن أهم وأحب أصحاب ليك مش معاك ؟
ايوة حسيت
29_عمرك حلمت إنك تسافر ويوم ما جت ساعة الرحيل حسيت إنك مش عاوز تسيب بلدك ؟
لا ما حلمتش
30_عمرك حبيت تحارب الدنيا وفجأه لقيت إنك ضعيفة أوى أدمها ؟وليه ؟
لا ما حبيتش
31_عمرك حسيت إنك محبط ومش عارف ليه ؟
فعلا كتييييير
32_عمرك لقيت حاجه غلط ولما جيت تصلحها خربتها أكتر ؟
لا لانى مابتدخلش فى اللى ما ليش فية
33_ من وجهة نظرك انت انسان سلبى ولا ايجابى ؟
انا اعتبر من وجهة نظرى انسان سلبى جدا
34_عمرك وثقت فى حد وخانك اوجرحك ؟
كتييييييييير
35_عمرك إديت سرك لحد وسابك فى الدنيا ومشى ؟
لا
36_عمرك حبيت تتغيير والتغيير محبكش ؟
لا
37_عمرك حلمت ترجع زى الاول ؟وفى ايه بالضبط ؟
لا
38_عمرك حبيت تبقي تافهة ؟وليه ؟
لا
39_انسان اتعرفت عليه و مندمتش و لو لثانيه انك عرفته ؟كل اصدقائى
40_انسان غير حياتك كلها لللاسوء؟
مفيش
41_انسان غير حياتك كلها للاحسن؟
مفيش انا بأثر فى نفسى
42_لو فى يوم حبيبك قال لك انا بحبك اه لكن سهل انساك هيكون احساسك ايه ؟ و هيكون ردك عليه ايه ؟
انا ماليش حبيب
43_اخبار ثقافه الضرب ايه معاك؟ يعنى الضرب اولا عندك و لا اخر ما ممكن تلجأ له الضرب ؟
اخر ما الجأ لة هو الضرب
44_ ايه اكتر حاجه بتتمنها دلوقتى ؟بعد شوية الاسئلة دول ؟ان ربنا يفكنى من زنقة الاسئلة الجامدة دى
45_ هل فى ليله من الليالى حسيت ان الدنيا معدش فيها خير ؟
لا خالص
46_تقول لمين مش هاممنى اللى فات بس اللى جاى هو اللى خايف منه...... خايف على نفسى من
الضياع ...خايف عليا من الوحده و عدم الثقة ؟
..............................................
47_بيعنى لك بكره ايه فى حياتك ؟
الخوف
48_هل انت ضعيف امام شىء ما او شخص ما ؟ وليه ؟
انا ضعيف اولا امام الله ثم اما امى واخوتى لان لهم السلطة والحكم عليا
49 _ اه سور نسيت اسالك عن بطاقتك الشخصية ؟؟؟؟؟
احمد عبد ربة مبارك حسين مرسى مواليد 10/11/1988 فصيلة الدم (o) رقم البطاقة مش فاكرة العنوان العكريشة بكفر الدوار
50 _ ايه اكتر ( اكلة(السمك) _ لون(الاصفر) _ مكان(المسجد) _ زمان(الليل) ) بتحبه ؟؟؟؟؟؟؟
51_ ايه رايك فى اسئلتى ؟؟ وكلمة توجهة لية ؟
اسئلة جميلة ومحيرة فى نفس الوقت وربنا يكرمك وتحققى كل احلامك انشاء الله وتكونى ون علية القوم فى العلم والدين
52_ هل فى سؤال كنت تتمنى انى مش اسالهولك ؟
لا ابدا

السلام عليكم
الاول ازيك يا احمد انا على ممكن اكون ما اعرفكش بس الظاهر انك عضو نشط المهم انا معجب بموضوع كرسى الاعتراف فحبيت اشارك الاصحاب فى توجيه الاسئله
1_ايه رأيك فى الحب ؟وهل انت عايش قصة حب؟وهل موجود حب بجد؟
2_مين احب الناس اليك ؟ولماذا اختارته؟
3_ايه رأيك فى المنتدى والناس اللى فيه؟
4_هل حبيت تتعرف على حد فى المنتدى؟
5_تتمنى ايه فى حياتك؟
6_بتحب الاكل ؟وايه افضل اكله بالنسبه ليك؟
7_انت اهلاوى ولا زمالكاوى؟
8_كلمه تحب تقولها لكل الناس؟
وشكرا ليك ولصحاب فكرة كرسى الاعتراف.......واتمنى لو اكون فيه بس مش عارف حبقى عامل ازاى ..مع السلامه..........

اولا: احب اعتذر للجميع عن التاخير لظروف خارجة عن الارادة وارجو قبول اسفى .

يلا نجاوب :-

1_ايه رأيك فى الحب ؟وهل انت عايش قصة حب؟وهل موجود حب بجد؟
الحب هو اساس الكون ولو كان مافيش حب يبقى مافيش مودة ولا رحمة0 اذا" من غير حب مافيش حياة" * انا مش عايش قصة حب ولا حاجة لانى مش فاضى ههههههههه * طبعا موجود حب بجد ولازم ما نخدش كل خيانة انها نهاية الدنيا او نهاية الحب
2_مين احب الناس اليك ؟ولماذا اختارته؟
احب الناس الى نفسى وبدون منازع هى " امى " ولية علشان الجنة تحت اقدام الامهات وكمان " وبالوالدين احسانا "
3_ايه رأيك فى المنتدى والناس اللى فيه؟
المنتدى عال العال وبجد براااااااافو لكل اللى شارك فية
4_هل حبيت تتعرف على حد فى المنتدى؟
كتيير لكن ما جاتش فرصة بس مش هقول زى مين
5_تتمنى ايه فى حياتك؟
اتمنى اولا رضا الله ورضا امى ورضا نفسى طبعا ثم تحقيق هدفى
6_بتحب الاكل ؟وايه افضل اكله بالنسبه ليك؟
هو فية حد مابيحبش الاكل *وافضل اكلة عندى وبدون كسوف الفراخ والسمك
7_انت اهلاوى ولا زمالكاوى؟
طبعا طبعا طبعا اهلاوى لان محدش زملكاوى
8_كلمه تحب تقولها لكل الناس؟
اولا ادلكم على شيء لو فعلتموة تحاببتم " افشو السلام بينكم"
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


1- تتمنى ايه فى الدنيا؟
اتمنى انى احقق هدفى وهو اسعاد ان انال مرضاة الله واسعاد امى وانال رضاها وتحقيق احلامى الشخصية
2-هل حسيت فى مره إنك مظلوم وقولى موقف إتظلمت فيه؟
فعلا اتظلمت قبل كدة فى الامتحانات مرة من تعليم الامتحانات ومرة من ميعاد الامتحانات لما كنت فى تانية مكان معايا مواد وكدة يعنى فكان الفرق بين كل مادة والتانية حوالى 17 ساعة
3-لو إتعرض عليك تبقى رئيس لدوله تقبل ولا ترفض؟ وإيه البلد اللى تحب تحكمها؟
لا طبعا ارفض
4-انت جاوبت فى سؤال ان مامتك وإخواتك مسيطرين عليك هل ده بيخنقك ولا تحب كده؟
لا طبعا انا احب كدة بشدة لان طالما هما خايفين عليا اذن انا فى امان وان سيطرتهم عليا مش لدرجة الخنق ولكن لدرجة الاحساس بالامان وعدم اطلاق اليد فى الحرية حتى لا اقع فى الكبائر
5- ايه رأيك فى اللى بيحصل فى الإسلام فى الوقت الحالى؟ ياريت فى سطور موجزه....
لله الامر من قبل ومن بعد لان اللى بيحصل دة ماينفعش ابدا لان الغرب بدا وكأنة هو الذى يحكم العالم الاسلامى وخاصة الاساءة الاخيرة للاسلام وخاصة رسولنا الكريم صلى الله علية وسلم فبجد لازم العرب والمسلمين يتحدو وكفاية تخاذل وذل ومهانة واسف للاطالة

6-مين عرفك بالمنتدى بتاعنا؟
الاعلان عنة فى الكلية
8-مين تحب انك تتعرف عليه فى المنتدى؟
..................................

9- ايه هدفك فى الدنيا وهدفك فى الاخره؟
انا قولت هدفى فى الدنيا قبل كدة لكن هدفى فى الاخرة هو الجنة بطبيعة الحال
10- خلاص جينا للسؤال الاخير انت ليه مش راضى عن نفسك؟
كدة لانى حاسس انى ماقدمتش حاجة للناس او لنفسى انتفع بيها "علم ينتفع بة الناس " وشكرا ليكى منمن
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ماهو تعبيرك للرومنسية ..؟!
انا اقدر الرومانسية لكن الرومانسية المعقولة بمعنى مايكونش الانسان متيم لدرجة ينسى نفسة وانتى اكيد فهمانى
./ هل تؤمن بالحب الطفولي والحب من أول نظرة ..؟!
لو قصدك بالحب الطفولى اللى هوة حب الاطفال دة يعتبر حب عادى لو هوة فعلا عادى اما الحب من اول نظرة انا اؤمن بية فى بعض الاحيان وانكرة البعض الاخر لان الحب من اول نظر مش اكيد انة حب صادق "دى الخلاصة "
../ تعبيرك للصداقة في خمس كلمات ..؟!
الصداقة" حماية - امان - مسؤولية - احساس - صدق "
../ عرضت عليك رحلة إلى دوله تدهب ويطلب منك اختيار ثلاثة يروحوا معاك مين حتختار ..؟!
اختار 1- صديق لية ماحدش يعرفة هنا
2- امى 3- اختى

../ الأنترنت بماذا تصفه في جملة لاتتعدي ال 10كلمات ..؟!
النت نعمة ونقمة فى نفس الوقت ولكن من وجهة نظرى ان نعمة اكثر من نقمة
وشكرا ليكى "ملكة"