وجدى على كرسى الاعتراف

السلام عليكم ورحمة الله وبركاتة

معنا هذا الاسبوع عضو فاضل ومجتهد
وجدى

هو هادىء بطبعه
لا يكفى ما اقوله عنه لكن كلامى موجه لكم وله باختصار مفيد

معنا العضو المميز / وجدى
سوف اترككم لتتعرفوا عليه

[/size]

شكرا ليكى يا ملكة ويارب يوفقنى فى الاجابة على الاسئلة

الف مبروك ليك ياوجدى على الكرسى ويارب يعجبك وان شاء الله ليه عودة مع الاسئلة Smile

ربنا معاك يا وجدى وانتا قبل كل شىء غنى عن التعريف ولية عودة مرة اخرى

مَن انت ؟

- ماهو هدفك بالحياة

- لو تفاجئت بخيانه شخص عزيز ايا كان كيف تتصرف معه ؟

أعضاء تعجبك كتابتهم وقل رائيك بشخصياتهم سوا ايجابيه او سلبيه ؟

في زمن البحث عن المادة ... عن ماذا تبحث أنت ؟
لى عودة

ملكة الاحزان كتب:: السلام عليكم ورحمة الله وبركاتة

معنا هذا الاسبوع عضو فاضل ومجتهد
وجدى

هو هادىء بطبعه
لا يكفى ما اقوله عنه لكن كلامى موجه لكم وله باختصار مفيد

معنا العضو المميز / وجدى
سوف اترككم لتتعرفوا عليه

[/size]

ملكة الاحزان كتب:: مَن انت ؟

- ماهو هدفك بالحياة

- لو تفاجئت بخيانه شخص عزيز ايا كان كيف تتصرف معه ؟

أعضاء تعجبك كتابتهم وقل رائيك بشخصياتهم سوا ايجابيه او سلبيه ؟

في زمن البحث عن المادة ... عن ماذا تبحث أنت ؟
لى عودة

بسم الله الرحمن الرحيم

بشكرك يا ملكة على اسئلتك السهلة دى لحد دلوقتى واتمنى انى اجوبها بكل صراحة وصدق

مَن انت ؟
الاسم : وجدى نبوى على عبد الله
السن : 19 سنة
محل الميلاد : دمنهور
انا باختصار شخص عادى جدا شخصيتى بتوصل للواقف قدامى بكل سهولة , مش بتجمل امام اى حد ولا بجامل اى حد الا لو كانت المجملة بغرض الذوق مش اكتر , من السهل ان حد يقنعنى بفكرة او رأى بس يشرط انه يلزمنى الحجة والدليل على كلامة , بقبل النقد من اى حد بشرط انة يكون اهل له , مش بكره حد , ولو فى حد بيكرهنى بيبقى الحد ده اضعف منى وبيحاول انه يخفى ضعفه ده فى صورة كرة , وده مش غرور لكن دة ايمان منى بنفسى وقبلها ثقه فى الله عز وجل الى دايما بيهدينى للصواب .
- ماهو هدفك بالحياة

هدفى انى انشاء الله انى احصل على الليسانس واكمل دراسات عليا واعمل فى التدريس فى الجامعة

- لو تفاجئت بخيانه شخص عزيز ايا كان كيف تتصرف معه ؟

الحمد لله مفيش حد عزيز عليا خانى , ولكن ممكن دة يكون من حد اديتة ثقتى وخذلنى اوحتى طلع مش محل الثقة دى , ولكن لو دة حصل معايا بتصرف معاه على قدر عمله خيانته ليه , بس بكون اتعلمت واخذت درس وخبرة .

أعضاء تعجبك كتابتهم وقل رائيك بشخصياتهم سوا ايجابيه او سلبيه ؟

• طبعا كل اعضاء المنتدى" المشاركين والفعالين " بتعجبنى اراءهم بس فى مجموعة بعتبرها المرايا الى بتعكس ليه المجتمع الى بعيش فية وبحترم اراء كل واحد فيهم وهم محصورين فى

1- ياسمين كتابتها وخصوصا الشعرية رائعة جدا وبتعجبنى باضافة انها زميلة وصديقة غالية جدا عليا وانا بقول انها بتتحلى بنوع من المسالمة والطيبة الشديدة جدا وده شى طيب ولكن ده مش مطلوب فى كل الامور.

2- منمن خدومة جدا ودمها خفيف جدا جدا و زميلة عزيزة بس بعتقد انها لديها شى من الانطواء والرأى الاحادى .

3- البرنسيسة شيماء ودى انا بحب اتناقش معاها اوى اوى وبجد دمها خفيف جدا بس دايما هى متمسكة بارئها حتى لو اظهرت انها مقتنعة بالرأى الاخر.

4-رحاب بتعجبنى كتابتها جدا ولها اسلوب مميز فى الكتابة وكمان اختيار الموضوعات .

5- ملكة الاحزان طبعا الى بترد على كل موضوعات وبتعرف تختار التعليق المناسب اما عن الشخصية فأنا يا ملكة بصراحة متناقشتش معاكى قبل كده بشكل يسمح لى اقول رأى فى شخصيتك .

6- ولاء المرحه اوى شخصيتها ظريفة جدا ولها موضوعات قوية وبتعرف تنوع فى اعمالها .

7- زيزو شخصية نشيطة جدا ومخلص فى عملة بس انا بختلف معاه فى الاراء السياسية وبعتقد كل منا له طريقتة فى فهم وتحليل وحل المسأل الخاصة بالسياسة .

في زمن البحث عن المادة ... عن ماذا تبحث أنت ؟

طبعا المادة هى اساس اى شى وهى القوة المحركة لاى انسان بس المادة عندى وسيلة لتحقيق الغاية وليست فى حد ذاتها غاية اما انا الى ببحث عنه هو راحة الضمير خصوصا فى عملى وحياتى وانى اكون انسان صالح ونافع .

ياريت يكون ربنا وفقنى فى الاجابات شكرا يا ملكة على مرورك

السلام عليكم ورحمة الله وبركاته وجدى على كرسى الاعتراف Icon_sunny

اولا : احب اشكرك يا وجدى على كلماتك عنى دة بس من زوقك ......... ولكنى مش متمسكة برائي ولا حاجة انا بالعكس طالما حد اقنعنى برائيه بطريقة سليمة انا طابعا بسلم لكلامه جدا .....
وجدى على كرسى الاعتراف Icon_sunny

وثانيا : احب قبل ما ابدا اسالك ...... استازنك فى انك تقول : ( والله العظيم اقول الحق ) هههههههههههههه .........
المهم نبدا الاسئلة مع تمنياتى الصرااااااااااحة الشديدة اووووووووى فى الاجابات دة طابعا لو حبيت .........
1_ لخص فى كلمتين ....... لما بتقعد لو حدك بتشوف نفسك ازاى ؟
2_ انت ايه قدام مرايتك اللى اكيد عمرها ما هتخدعك ؟
3_ على اى اساس بتختار اصدقائك ؟
4_ بصراحة .... انت بتدى الامان بسرعة للى حواليك ؟
5_ الى اى مدى انت مقتنع بنفسك ؟
6_ ساسعات بتتهز شخصيتك قدام نفسك ؟ وامتة ؟
7_ ساعات بتلاقى نفسك بتنصح اللى حواليك بحاجات انت ساعات مش بتقدر تعملها ؟
8_ انت راضى عن نفسك ؟ والى اى مدى ؟
9_ بيمثلو لك ايييييييييييييه .....
( اسرتك _ اصدقائك _ المجتمع _ الكلية _ العلم _ السفر _ المسجد ) ؟؟؟؟؟؟
10_ حلم حياتك ؟
11_ حاجة حلمت بيها واتحققت ؟ واخرى لم تتحقق ؟
12_ تقول لمين الكلمات دى ....... ( احترمك _ اتمنى لك التوفيق _ احبك فى الله _ حسبى الله ونعم الوكيل _ منك لله _ سامحنى _ اعزرنى _ خليك جانبى _ انا من غيرك ضعيف _ سبنى فى حالى _ اتمنى اكون زيك _ ربنا يكرمك _ الله لايحرمنى منك _ اشكرك _ ربنا يقدرنى وارد جمايلك ) ؟؟؟؟؟؟؟؟
13_ ايه رايك فى الاسف ؟ وممكن تتاسف لحد ؟
14 _ انت من رايك عضو ايجابى ولا سلبى ؟
15 _ الحياة فى نظرك نور ولا ظلمة ؟
16 _ ايه رايك باختصار فى ( الصداقة _ الوفاء _ الاخلاص _ التضحية _ الامانة _ المحبة _ الزوق _ الاحترام _ الخيانة _ البخل _ الغيبة والنميمة _الاهانة _ الاخلاق _ النفاق _ الخضوع والخشوع لله _ عز وجل _ )
17_ امتة اخر مرة قعدت مع نفسك قعدة حساب وطلعت منها بنتيجة ايجابية ؟ وبتكرر على طول ؟
18_ من رايك الشخصى ( الاسف ضعف ولا قوة ) ؟
19_ بتحب الدراسة ؟ وبتديها قد ايه من وقتك ؟
20 _ ايه رايك فى مصر من ناحية ..... ( التعليم _ السياسة _ الاقتصاد _ المجتمع _ التدين _ الثقافة _ الاخلاق ) ؟؟؟؟؟؟؟؟؟؟
21_ من وجهة نظرك شايف مؤشر حياتك رايح فين ؟
22_ لو قلتلك اكتر حاجة بتزعلك فى الدنيا ؟
23_ واكتر حاجة بتفرحك ؟
24_ لو قلتلك ( انى من وجهة نظرى انى ممكن اخسر موقف ولكن لا اخسر الشخص اللى بتناقش معاه ) تقولى ايه رايك ؟؟؟؟؟
25 _ كلمة تقولها لشبلب المسلمين ؟طيب وللفتيات ؟
26_ ايه اكتر مكان بتفضل انك تروحه لما بتكون مضايق ؟
27 _ طيب ولما بتكون مبسوط ؟
28 _ قولنا عن اكتر موقف حصلك وضحكك ؟
29_ طيب واخر زعلك ؟
30 _ من رايك ايه هو ...... ( سر الوجود _ اجمل حاجة فى الدنيا _ اكبر كنز فى حياتنا _ اكبر مكسب فى الحياة _ اكبر خسارة فى الحياة _ افضل تعويض فى الحياة _ سر الفرحة _ سر التعاسة _ سر الامل _ سر التفاؤل ) ؟؟؟؟؟؟؟؟
31 _ سؤال كنت متوقع انى هسالهولك وفعلا انا سالتهولك ؟
32 _ سؤال كنت متوقع انى هسالهولك وانا مش سالتهولك ؟
33 _ سؤال كنت تتمنى انى مش اسالهولك ؟
34 _ سؤال كنت تتمنى انى اسالهولك ؟
35 _ ايه شعارك فى الحياة اللى دوما بتسعى لتحقيقه ؟؟؟؟؟؟؟؟؟؟؟؟؟؟؟؟؟؟

وجدى على كرسى الاعتراف Icon_sunny

واخيرا : اتمنى انى اكون خفيفة عليك وليك مطلق الحرية فى الاجابة او عدم الاجابة على اى سؤال ..........
امنياتى للجميع بدوام التوفيق والتقدم

مبروك عليك الكرسى يا وجدى ويارب تكون مرتاح فيه و ربنا يقدرك على اجابه الاسئله ربنا معاك ويقويك

بسم الله الرحمن الرحيم
اهلا يا برنسيسة وشكرا على مرورك وكمان الاسئلة واحب اقول انى حجاوب بصراحة شديدة جدا
والله العظيم اقول الحق ......هههههههه
_ لخص فى كلمتين ....... لما بتقعد لو حدك بتشوف نفسك ازاى؟
بشوف نفسى "وجدى"يعنى انا لابتجمل امام حد او حتى بظهر مالا اخفية .
انت ايه قدام مرايتك اللى اكيد عمرها ما هتخدعك ؟
والله دة راجع للحالة المزاجية عندى يعنى لو مبسوط بكون شكلى بشوش ولو فى حاجة مزعلانى بيكون باين عليا وه بيكون غصب عنى لكن انا عارف اصدق يا برنسيسة يعنى انا بشوف نفسى ازاى ........بشوف نفسى انسان عادى ليه وجهة نظر فى الى قدامى , سواء فى المجتمع ,او فى الاشخاص , او الموضيع والحمد لله غالبا بتكون رؤيتى صحيحة او على الاقل اقرب من الصح .
على اى اساس بتختار اصدقائك ؟
على اساس المرء على دين خليله لذلك اصحابى معدودين ومش اى حد بيكون صاحبى او بمعنى ادق صديقى .
_ بصراحة .... انت بتدى الامان بسرعة للى حواليك ؟

والله فى ناس يتقول لى كدة وبيقولوا ان دة بسبب الثقة الى بيمنحوها لى والحمد لله مفيش حد عطانى ثقته الا وكنت محل الثقة دى .
_ الى اى مدى انت مقتنع بنفسك ؟
طبعا مفيش حد مش مقتنع بنفسه والسبب فى الاقتناع ده انها نفسه , اما انا مدى اقتناعى بنفسى الحمد لله عالية جدا .
ساعات بتهتز شخصيتك قدام نفسك ؟ وامتة ؟
طبعا ساعات ده بيحصل لما بكون اخترت حاجه غلط او كنت متوقع حاجة وحصل غيرها خالص .
- ساعات بتلاقى نفسك بتنصح اللى حواليك بحاجات انت ساعات مش بتقدر تعملها ؟
ككل نصيحتى بتكون للناس الى يهمونى وغالبا بكون بحبهم والكمال لله عز وجل وده طبعا ممكن يحصل مع اى حد لاننا بشر لكن مع الله بكون شديد الحرص انى مقعشى فى الذنب ده .
انت راضى عن نفسك ؟ والى اى مدى ؟
الحمد لله راضى عن نفسى لانى بخاف من ربنا جدا , اما مدى الرضا ده متمثل فى مدى اقتناع وحسن ظن الناس بيه .
_ بيمثلو لك ايييييييييييييه .....
( اسرتك _ اصدقائك _ المجتمع _ الكلية _ العلم _ السفر _ المسجد ) ؟؟؟؟؟؟
اسرتى : هى كل حياتى مقدرش ابعد عنها

اصدقائى : هما من الحاجات المهمة بحياتى والى من بدونهم بيكون ناقصنى كتير اوى لان" المرء بأخوانه " .

المجتمع : طبعا مجتمعا جزء الامه الاسلامية وفيه من المميزات والعيوب لكن بيمثل ليه الاصل والجذر الى بحاول فيه اصلح واقوم لانه بالفتره صالح " كنتم خير امة اخرجت للناس " " والخير فى وفى امتى ليوم الدين "

الكلية : مكان الدراسة والمجتمع الاصغر

العلم : بحر ماله نهاية , وبحاول احصل منه على ما اد اقدر

السفر : امتع تجربة , خصوصا لوكنت من ناس بحبهم

المسجد : اطهر واعف مكان ومجلسى المفضل

حلم حياتك ؟
حلم حياتى انى احقق ما اتمناه طالما فيما يرضى الله ورسوله .
حاجة حلمت بيها واتحققت ؟ واخرى لم تتحقق ؟
الى حلمت بيه واتحقق انى اجيب مجموع كويس فى الثانوية العامة وخاصة فى سنة 3 ثانوى .
اما الى حلمت بيه ولم يتحقق انى اكون لاعب كرة قدم وللاسف انا مبعرفش العب كورة خالص .

_ تقول لمين الكلمات دى ....... ( احترمك _ اتمنى لك التوفيق _ احبك فى الله _ حسبى الله ونعم الوكيل _ منك لله _ سامحنى _ اعزرنى _ خليك جانبى _ انا من غيرك ضعيف _ سبنى فى حالى _ اتمنى اكون زيك _ ربنا يكرمك _ الله لايحرمنى منك _ اشكرك _ ربنا يقدرنى وارد جمايلك ) ؟؟؟؟؟؟؟؟
احترمك : انسان عارف قدر نفسه كويس اوى

اتمنى لك التوفيق : اشرف صاحبى

احبك فى الله : مصطفى صديقى

حسبى الله ونعم الوكيل : لليظلمنى

منك لله : صاحب الغيبة والنميمة

سامحنى : للاجرحه دون قصد

اعزرنى : للبأسى عليه دون قصد

خليك جنبى , والله لا يحرمنى منك : الانسانه الى بحبها .

انا من غيرك ضعيف : صديقى المقرب

سيبنى فى حالى : الحاقد و الحاسد

اتمنى اكون زيك : عمى

ربنا يكرمك : استاذى ومعلمى الاستاذ احمد

اشكرك , والله يقدرنى على لرد جمايلك : ابويا وامى

- ايه رايك فى الاسف ؟ وممكن تتاسف لحد ؟
الاسف شى موجود فينا لاننا بشر وكل ابن ادم خطاء , ولو انا غلطت ممكن اتاسف .
-_ انت من رايك عضو ايجابى ولا سلبى ؟
والله فى بداية اشتراكى فى الموقع كانت علشان الابحاث فقط ولكن بعد كدة بدات اشارك فى الموقع واتفاعل معاه .
الحياة فى نظرك نور ولا ظلمة ؟
نور
-_ ايه رايك باختصار فى ( الصداقة _ الوفاء _ الاخلاص _ التضحية _ الامانة _ المحبة _ الزوق _ الاحترام _ الخيانة _ البخل _ الغيبة والنميمة _الاهانة _ الاخلاق _ النفاق _ الخضوع والخشوع لله _ عز وجل _ )

الصداقه : افضل ما فى الحياة وحبذا ولو كانت فى الله و لله

الوفاء : عمله نادرة

الاخلاص : شى اساسى مينفعشى نعيش من غيره

التضحية : اسمى عمل واجمل شعور .
الامانة : حق على كل من يقول لا اله الا الله سيدنا محمد رسول الله (ص)

الرزق : بيد الله سبحانه وتعالى ولا حيلة فيه

الاحترام : اساس للتعامل بين الناس

الخيانة : اسوء صفة ممكن تكون فى البنى ادمين

البخل : عاده سيئة للغاية وربنا يبعدها عنا

الغيبة والنميمة : حصائد الالسن الى حينكب فيها الناس فى النار وربنا يكفينا شرها

الاهانة : لا تغتفر

الاخلاق : شيم الرجال

النفاق : سلاح الكاذب والجبان

الخضوع والخشوع لله عز وجل : اساس العبادة وعقيدة المفلح
امتة اخر مرة قعدت مع نفسك قعدة حساب وطلعت منها بنتيجة ايجابية ؟ وبتكرر على طول ؟

الحقيقة اخر مرة متذ كرها وواثق فيها اوى كانت من حوالى شهر والحمد لله انا بعمل كدة بستمرار . زكانت النتيجة طيبة للغاية

من رايك الشخصى ( الاسف ضعف ولا قوة )؟
قوة لانا الى بيقدم على تقديم الاسف انسان ذو ارادة وعزم
-_ بتحب الدراسة ؟ وبتديها قد ايه من وقتك ؟
انا بحب دراستى جدا وانا الى اخترت المجال دة , ولكن بالرغم من الحب دة هى مش واخده حقها فى الوقت .
ايه رايك فى مصر من ناحية ..... ( التعليم _ السياسة _ الاقتصاد _ المجتمع _ التدين _ الثقافة _ الاخلاق ) ؟؟؟؟؟؟؟؟؟؟

التعليم : افشل نظام

السياسة : انا شايف ان فيها حراك وتطور كبير بس فى سليبة مننا كشعب

الاقتصاد : محتاج نهضة ودفعة كبيرة جدا

المجتمع : فيه من العيوب ما يجعلنا نثور ولكن بردة فية من بعض الحسنات الى تجعلنا نتفائل ونستبشر الخير

التدين : سمة من سمات مصر ولكن نحن ننقل دون ان نتحقق

الثقافة : قليلا ما يهتم بها الاخلاق : طبيعة مصر ولو الى بيظهر لينا غير كدة بس داخلنا لسة موجودة وملتزمين بيها

_ من وجهة نظرك شايف مؤشر حياتك رايح فين ؟

والله انا بعمل باسباب وبطلب من الله انه يهدينى للصواب وبعتقد انى ساير فى الطريق الصحيح

- لو قلتلك اكتر حاجة بتزعلك فى الدنيا ؟
الغش والنفاق
- واكتر حاجة بتفرحك ؟
لما بكون السبب فى فرحة الناس الى معايا
- لو قلتلك ( انى من وجهة نظرى انى ممكن اخسر موقف ولكن لا اخسر الشخص اللى بتناقش معاه ) تقولى ايه رايك ؟؟؟؟؟
والله يا برنسيسة دة مش بيعجبنى وبحس ان الشخص الى بيعمل كدة منافق وبيكون كلامه لمصلحتة وبعدين طالما الشخص دة على حق اعتقد انه مستحيل يخسر موقف
- كلمة تقولها لشباب المسلمين ؟طيب وللفتيات ؟
اقول للشباب " وتعاونوا على البر والتقوى " وان الامة مش حتنهض الى بشباب واعى وفاهم اما للفتيات اقول لهم ان دورهم مش اقل من دور الشباب ويقول صلى الله علية وسلم " تركت فيكم مامن تمسكتم به لن تضلوا بعدى ابدا كتاب الله وسنى كتاب الله حبل ممدود وقد اعلمنى السميع العليم انهم تجمعا ولن يتفرقا حتى تردوا عليا الحوض "
- ايه اكتر مكان بتفضل انك تروحه لما بتكون مضايق ؟
الحقيقه انا مش بفكر فى مكان معين بعينه ولكن ممكن اقول البحر
- طيب ولما بتكون مبسوط ؟
بحب اخرج مع اصحابى وبيكون البحر برده
- قولنا عن اكتر موقف حصلك وضحكك ؟
اكتر موقف حصلى وضحكنى هو لما كنت فى معسكر كشفى فى 3 ثانوى وانطلب منى اختبار فى الشارات والمهارات وانا مكنتش مستعد فرحت معلق شارة خباز ومتحدى نفسى على اساس انهم مش حيعملوا اختبار ويقولوا لى اخبز ولكن اتت الرياح بما لا تشتهى السفن وقالوا اخبز لنا رحت مكلم البيت عندى وسال العيش ازاى بيتعمل ورحت جايب دقيق وخميرة والذى منه وخابز بس النتيجة مكنتشى حلوة اوى لان العيش مخمرشى وكان فيه ملح زيادة شويا واللجنه عجبها التحدى اوى لننا الوحديين الى ابتكرنا واحنا وكمان العيش اتحرق وعلى فكرة كلهم جالهم مغص .
طيب واخر زعلك ؟
بجد الموقف الى زعلنى جامد اننا فى السابقة دى خسرنا لانهم مكنوش عايزين اقليم دمنهور وبالذات مدرستنا تفوز الى تقريبا هى الى كانت على مستوى البحيرة بتعرف يعنى ايه كشافة .
من رايك ايه هو ...... ( سر الوجود _ اجمل حاجة فى الدنيا _ اكبر كنز فى حياتنا _ اكبر مكسب فى الحياة _ اكبر خسارة فى الحياة _ افضل تعويض فى الحياة _ سر الفرحة _ سر التعاسة _ سر الامل _ سر التفاؤل ) ؟؟؟؟؟؟؟؟
سر الوجود : انا بعتقد ان سر الوجود هو " الحب " بس الحب الحقيقى المبنى على الصح المنزه عن الاغراض والمطامع الى ربنا مبارك فيه والحب ده مش قاصر بين واحدة وواحدة .....ده ممكن يكون بين الناس وبعضها والاسلام والاديان السماوية بتدعى بكده .
اجمل حاجه فى الدنيا : الاطفال خصوصا البنات وهما صغيرين لانهم لما بيكبروا بيقلبوا .....هههههههه .

اكبر كنز فى الحياة : القناعة " ارضى بما قسمه لله تكن اغنى الناس "

اكبر مكسب فى الحياة : انك تبعد عن صديق سوء او انسان بيكرهك وبيظهر انه بيحبك ونفسه يغرفك .

اكبر خسارة فى الحياة : انك تخسر صديق وصاحب بجد بيحبك من غير اى مصالح .

افضل تعويض فى الحياة : ان ربنا يرزق الواحد بزوجة صالحه يئتمنها على عرضه وماله وعياله .

سر الفرحه : انك تكون السبب فى سعادة الى حواليك

سر التعاسة : انك تكون لوحدك مفيش حد بيحبك او تهمه

سر الامل : هو ثقة الانسان بنفسه والاهم من كده تجدد الثقة دى باستمرار .

سر التفاؤل : ان تكون مؤمن بقدر الله وقسمته .
- سؤال كنت متوقع انى هسالهولك وفعلا انا سالتهولك ؟
الحقيقة يا برنسيسة انا كنت متوقع اسئلتك كلها وفعلا انا كنت بستمتع وانا بجاوب عليها لكن السؤال الى كنت متوقعه وجه هو

"ساعات بتلاقى نفسك بتنصح اللى حواليك بحاجات انت ساعات مش بتقدر تعملها ؟ "
سؤال كنت متوقع انى هسالهولك وانا مش سالتهولك ؟
الحقيقة مفيش سؤال متوقعتهوش الا وجه يا برنسيسة
- سؤال كنت تتمنى انى مش اسالهولك ؟
السؤال كان
"لخص فى كلمتين ....... لما بتقعد لو حدك بتشوف نفسك ازاى ؟"
لانه من الصعب على اى انسان يقيم نفسه ويحكم عليها
-_ سؤال كنت تتمنى انى اسالهولك ؟
لا بجد اسئلتك يا برنسيسة مغطية المنهج كلة
ايه شعارك فى الحياة اللى دوما بتسعى لتحقيقه ؟؟؟؟؟؟
الايمان بالقضاء والقدر وبمشية الله دون التدخل منى باعتراض او تذمر
واخيرا بشكرك يا برنسيسة على مرورك واسئلتك الجميلة

شكرا يا شيمو على مرورك

اهلاااااا بيك ياوجدى على الكرسى منور

نبتدى بالاسئلة ::::

السؤال الاول ب 100 ريال

" اقصد السؤال الاول "

اية اكتر حاجة بتحبها فى الدنيا

اكتر اكله بتحبها

لو انت ماشى بمتوسيكل فى صحراء و مافيش غير مكان واحد لشخص واحد ولاقيت

امرأه عجوزة / صديق عزيز / حبيب
ياترى هاتاخد مين معاك

الرسالة رقم 5 عندك فى الموبايل لاحظ رقم 5 بالتحديد

الاسم رقم 27 ؟

ليك كام اخ ؟

عضو توقيعه روعه..( )

عضو نشيط... ( )

عضو تفرح بوجوده .. ( )

عضو تحسه واثق من نفسه ... ( )

عضو داخل مزاجك ... ( )

عضو تخاف تشوف اسمه موجود ... ( )

عضو تحسه طفولي .. ( )

عضـو أحيانا ينرفزك بـ ردوده ...( )

مين من الأعضاء تحسه قريب لتفكيرك ؟

مين من الأعضاء دائم التواجد في المنتدى ؟

كنت في عماره وطلعت السطح ،،، لقيت الاعضاء كلهم باصين تحت ،، هتزق مين ؟؟
مطلوب واحد

غرق المنتدى ومعك قارب مايشيلش الا ثلاثه من تاخذ معك ؟

عضوين او ثلاثه بالمنتدى تحسهم قريبن من بعض منهم ؟

عضو أو عضوة...عايز تتعرف عليه/ها ؟؟

كنت في من يربح المليون وعايز تتصل بصديق ... تختارمين من أعضاء المنتدى؟؟

رايح رحله تاخد مين معاك ؟؟

هل هزمك حزنك في يوما من الايام؟

اي الدول تتمنى ان تزورها ؟

هل انت راضي عن نفسك ؟

بماذا تقر وتعترف أمامنا الان ؟

اغمض عينيك دقيقه لو سمحت, ماذا خطر على بالك وانت مغمض العينين ؟

ايهما اهم شهادتك الجامعيه أم الزواج ممن تحب ؟

هل من الممكن ان تتحول الصداقه الى حب ؟

هل تعترف بشيء اسمه الصداقه بين الرجل والمرأة ؟

هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

هل انت مدمن تفكير؟

من هو اكثر شخص تفكر فيه؟

اذا تم تعيينك ملكا لجميع البلاد العربيه فما اول قرار ستتخذه ؟

هل تكره شخص بشده في حياتك ؟

ما هو اقتراحك الذي تتمنى ان يحدث في هذا المنتدى ولم يحدث الى الان ؟

هل ملابس الشخص امامك تؤثر فيك لتأخذ عنه انطباع ؟؟

ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

حكمة تؤمن بها جدا؟؟

عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟

ماذا تفعل اول شيء اذا ربحت ملايينا او مليونا عشان ما كونش طماعه ؟

-مين اكثر حد بترتحلو وتحب لما تضايق ترحلو؟

انت شايف ان انت حققت كل الى انت عايزو؟

ايه الحاجه الى تعملها تخليك تحس انك ملك ؟

-الراجــل في نظــرك ، امتـى بيفقد احترامـه قدام النــاس ؟؟ وايه اللي انت بتعمله عشان تحافظ على احترامك بين الناس ؟؟

وجدى عبدالله اي رجل من هؤلاء تحب تعيشه

راجـل عايـش وخــلاص

راجـل عايـش عشان هدف بيحاول يوصله

راجـل عايـش عشان يوصل لهدف مستحيل

عايـز تقـول حاجــه لحد معين دلوقتي ؟؟ مين هو وعايز تقوله ايه ؟؟

هل ممكن تتغير لمجرد ان حد عزيز عليك طلب منك ده ؟

أية هي الدعوة التي تتمني من الله أن يستجيب لها ؟

ايه الحاجه اللى كنت تتمنى انك تحققها وفشلت ؟

انت صادق مع نفسك ولا بتحاول تبقي صادق مع نفسك ولا ما بتفكرش اصلا في الموضوع ؟

مين الشخص اللى جرحت مشاعره وعايز تتأسف ليه؟

بتعمل ايه وبتروح فين وبتتمنى ايه فى الحالات الأتيه؟

متضايق

مبسوط

مصدع

تحس بالملل

طاير من الفرحه

معصب

هادئ

رايق

مشتاق

حزين

ايه افضل مرحله تحس انك عشت فيها افضل ايامك وليه؟

الابتائى _ الاعدادى _الثانوى _ الجامعه

ايه اكتر رياضه بتحب انك تلعبها؟

آيه قرآنيه ترددها دائما؟

ماذا يعنى لك الاتى:

البحــر

الغرووب

الشعر

اهلك

الوحده

الفراق

الوداع

الصداقه

الحب

العصافير

الليل

الورد

كفايه كده دلوقتى عندي ماتش ولازم الحق للا الفريق يتغلب

يلا سلاااااااااام

كااااااااان هناااااااااااا

عاشقة النادى الأهلى

ولاء

بسم الله الرحمن الرحيم

اهلا يا ولاء ................. وربنا يوفقنى فى الرد على اسئلتك

1- اية اكتر حاجة بتحبها فى الدنيا

اكتر حاجه بحبها فى الدنيا هى انى اقعد مع طفل صغير والعب معاه ويكون مبسوط معايا .

2- اكتر اكله بتحبها

السمك المقلى

3- لو انت ماشى بمتوسيكل فى صحراء و مافيش غير مكان واحد لشخص واحد ولاقيت
امرأه عجوزة / صديق عزيز / حبيب
ياترى هاتاخد مين معاك

اختيار صعب اوى يا ولاء لكن انا بعتقد انى حاخد الحبيب لان الحبيب ده بيكون واثق من الى بيحبه ومامن له .

4- الرسالة رقم 5 عندك فى الموبايل لاحظ رقم 5 بالتحديد

هى رسالة من اقرب صاحب ليه

5- الاسم رقم 27 ؟
هو اسم احد الاصدقاء القدامى ليه

6- ليك كام اخ ؟
الحقيقة مليش اخوات

7- عضو توقيعه روعه..( )

هو توقيع ابراهيم الشرقاوى

8- عضو نشيط... ( )
زيزو

9- عضو تفرح بوجوده .. ( )
شيمو

10- عضو تحسه واثق من نفسه ... ( )
رحاب

11- عضو داخل مزاجك ... ( )
ولاء

12- عضو تخاف تشوف اسمه موجود ... ( )
هو مفيش حد بخاف اشوف اسمه بس ممكن اقول فى حد مبحبش يكون موجود وانا موجود .

عضو تحسه طفولي .. ( )
لا تعليق

13- عضـو أحيانا ينرفزك بـ ردوده ...( )
الحقيقة مفيش .

14- مين من الأعضاء تحسه قريب لتفكيرك ؟

ممكن اقول رحاب لانا موضوعاتها وكمان ردودها بتشبة لحد كبير ارائى

15- مين من الأعضاء دائم التواجد في المنتدى ؟

الملكة وزيزو والبرنسيسة وانتى طبعا ياولاء

16- كنت في عماره وطلعت السطح ،،، لقيت الاعضاء كلهم باصين تحت ،، هتزق مين ؟؟
مطلوب واحد ؟؟

والله مفيش عضو ممكن اكون وصلت معاه للدرجة دى ولكن لو اتوجد انا ممكن ازقه من الدور الاول بس .

17- غرق المنتدى ومعك قارب مايشيلش الا ثلاثه من تاخذ معك ؟
اخد العضو الى القيه يستاهل النجاه .

18- عضوين او ثلاثه بالمنتدى تحسهم قريبن من بعض منهم ؟
ولاء والبرنسيسة ورحاب

19- عضو أو عضوة...عايز تتعرف عليه/ها ؟؟
ايمن صقر لان مساهماته جيدة جدا
20- كنت في من يربح المليون وعايز تتصل بصديق ... تختارمين من أعضاء المنتدى؟؟
اختار smsm_tout

21- رايح رحله تاخد مين معاك ؟؟
اخد صديقى المقرب .

22- هل هزمك حزنك في يوما من الايام؟
لا
23- اي الدول تتمنى ان تزورها ؟

السعودية وبالتحديد المدينة المنورة وازور ساكنها على افضل الصلاة والسلام

24- هل انت راضي عن نفسك ؟
الحمد الله لدرجة كبيرة

25- بماذا تقر وتعترف أمامنا الان ؟
انى لغاية دلوقتى والحمد لله بجواب بكل صراحة

26- اغمض عينيك دقيقه لو سمحت, ماذا خطر على بالك وانت مغمض العينين ؟

الحقيقة مفيش لان الدنيا كانت ضلمة .

27- ايهما اهم شهادتك الجامعيه أم الزواج ممن تحب ؟

الحقيقة هو مفيش مجال للمقارنه بينهم لان دى حاجه ودى حاجه بس لو تعارض الاتنين مع بعض اختار الزواج ممن " احب "

28- هل من الممكن ان تتحول الصداقه الى حب ؟

لا

29- هل تعترف بشيء اسمه الصداقه بين الرجل والمرأة ؟

والله لو من منطلق زماله ومودة داخل الايطار المسموح بيه من شرع وقيم ممكن اعترف بده وده بيحصل فى حياتنا .

29- هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟

الحمد لله ده محصلش .

30- هل انت مدمن تفكير؟
لابعد مدى

31- من هو اكثر شخص تفكر فيه؟

الانسان الى يكون مسؤل منى

33- اذا تم تعيينك ملكا لجميع البلاد العربيه فما اول قرار ستتخذه ؟

اول قرار اتخذه هو تعريب كل المصطلحات الغير عربية سواء فى حياتنا او فى ثقافتنا .

34- هل تكره شخص بشده في حياتك ؟

الحمد لله انا مبكرهش حد

35- ما هو اقتراحك الذي تتمنى ان يحدث في هذا المنتدى ولم يحدث الى الان ؟

انا اتمنى شى ياريت القيه بينا كاعضاء وهو اننا نكون عارفين بجد الهدف من المنتدى وايه هيا العلة من انشاءه . وانا بعتقد ان نسبه كبيره من الاعضاء والحمد لله عارفين كده بس اتمنى ان الرساله توصل للى لسه معرفش .

36- هل ملابس الشخص امامك تؤثر فيك لتأخذ عنه انطباع ؟؟

ايوه بالطبع لان ملابس الانسان بتعكس جانب كبير من شخصيته وتفكيره .

37- ماالذي يلفت انتباهك بسرعه في الشخص لكي تعجب به ؟

شكله وطريقة كلامه وتعامله مع الى حواليه

38- اذا احببت شخصا في الوقت الخطأ وفي المكان الخطأ فماذا تفعل ؟؟

احاول ارجع بالشخص والوقت للمكان والوقت الصح .

39- حكمة تؤمن بها جدا؟؟

الصدق اقصر طريق للاقناع .

40- عاده تفعلها دائما تتمنى ان تتركها ؟

التفكير فى المستحيل قبل الممكن .

41- ماهو اجمل اسم لولد واجمل اسم لبنت من وجهة نظرك؟

اجمل اسم لمولود : أحمد
اجمل اسم لمولوده : مريم
42- ماذا تفعل اول شيء اذا ربحت ملايينا او مليونا عشان ما كونش طماعه ؟

ممكن اشترى عربية
43- -مين اكثر حد بترتحلو وتحب لما تضايق ترحلو؟

صديقى القرب
44- انت شايف ان انت حققت كل الى انت عايزو؟

والله لحد دلوقتى نسبة كبيرة والحمد لله اتحققت

45- ايه الحاجه الى تعملها تخليك تحس انك ملك ؟

انى اشرب قهوة واكون انا الى عاملها بنفسى .

46- -الراجــل في نظــرك ، امتـى بيفقد احترامـه قدام النــاس ؟؟ وايه اللي انت بتعمله عشان تحافظ على احترامك بين الناس ؟؟

يفقد الرجل احترامه قدام الناس لم يقول كلمه ومينفذهاش , اما انا بحترم كلمتى جدا وبنفذها مهما كان .

47- وجدى عبدالله اي رجل من هؤلاء تحب تعيشه

احب ان اكون
" راجـل عايـش عشان هدف بيحاول يوصله "

48- عايـز تقـول حاجــه لحد معين دلوقتي ؟؟ مين هو وعايز تقوله ايه ؟؟

لا ,,,لانى مشغول بالرد على اسئلتك يا ولاء

49- هل ممكن تتغير لمجرد ان حد عزيز عليك طلب منك ده ؟

لا .... بس اعتقد ان الحد العزيز عليا ده انا كمان عزيز عليه وبالتالى هو حيكون شايفنى بشكلى الى انا عليه وحابب الشكل ده . ولو فعلا محتاج التغير ده حتغير بس اكون فعلا انا مقتنع بده مش بعمله علشان ارضى حد .

50- أية هي الدعوة التي تتمني من الله أن يستجيب لها ؟

انه سبحانه وتعالى يسترنى على الارض وتحت الارض ويوم العرض وانه يعطينى سألى فيما يرضى الله ورسوله .

51- ايه الحاجه اللى كنت تتمنى انك تحققها وفشلت ؟

انى اكون بعرف العب كورة ...... بس للاسف انا مبعرفش العب خالص .

52- انت صادق مع نفسك ولا بتحاول تبقي صادق مع نفسك ولا ما بتفكرش اصلا في الموضوع ؟

الحمد لله انا صادق جدا مع نفسى ومبحبش اتناسى او اكون غير كده .

53- مين الشخص اللى جرحت مشاعره وعايز تتأسف ليه؟

انا عمرى مجرحت حد لانى مبحبش انجرح .

54- بتعمل ايه وبتروح فين وبتتمنى ايه فى الحالات الأتيه؟

متضايق : بحب اكون مع نفسى بفكر واتمنى محدش يضايقنى اكتر

مبسوط : اخرج واكون مع اصحابى واتمنى اكون كده على طول

مصدع : احاول انام او اصفى نفسى من اى افكار اوحسابات

تحس بالملل : احاول اغير من رتم الحياة وافكر فى حاجة جديدة

طاير من الفرحه : احاول اشرك الناس الى معايا او الى قدامى فى الفرحة دى

معصب : انصح الى قدام منى بالبعد عنى

هادئ : بكون ساكت ومحولشى ازعل من حاجه

رايق : اوكازيون ..... واخلى الى قام منى يستغل الفرصه دى ويطلب الى عايزه

حزين: التزم الصمت احاول افك الحزن ده

55- ايه افضل مرحله تحس انك عشت فيها افضل ايامك وليه؟

" الابتائى _ الاعدادى _الثانوى _ الجامعه "

الجامعة لانها انضج فترة واكترها خبره وتجارب

56- ايه اكتر رياضه بتحب انك تلعبها؟

رياضه المشى

57- آيه قرآنيه ترددها دائما؟

" وعسى ان تكرهوا شيئا وهو خيرا لكم "

58- ماذا يعنى لك الاتى:

البحر : اروع منظر

الغرووب : الفراق

الشعر: المححب ليه قراءته

اهلك : اهم شى عندى

الوحده : صديقة عزيزة

الفراق: اصعب حاجه

الوداع : نهاية لاى شى

الصداقه : ابقى شى

الحب : اجمل شعور بس لو كان حقيقى

العصافير : بشاير الخير

الليل : هدوء

الورد : سفير المشاعر

شكرا ليكى يا ولاء ...... شكرا على مرورك

شكرا ليك يا وجدى على اجاباتك الدبلوماسية جدا ........

بس لو تسمح لى لية وجهة نظر تانية من ناحية.......

1_ الموقف اللى ممكن اخسره .......... عشان انا لما الاقى ان الموقف دة ممكن يخسرنى صديقة كويسة ويكون فاصل بينى وبينها وهية معاندة او منشف دماغها فيه يبقى انا المفروض انى اهدى اللعب معاها وااجل المناقشة لحد لما الامور تهدى او اخسر الموقف واطلعها هية الصح عشان افتح مجال جديد واسيب فرصة تانية لفتح حوار جديد هادف ومجزى .......... لان مش المهم هو مين اللى يكسب ومين اللى كلامه يمشى لالالالالالالا ...... لكن المهم ان الصح هو اللى نعمله فى النهاية .

*************

2_ من ناحية الصداقة بين الولد والبنت لان مافيش حاجة اسمها فى حدود الشرع مع وجود صداقة بينهم ولا فى اى مبرر ولا اى دليل فى الكتاب والسنة بيشرع او بيحلل الصداقة بين الولد والبنت فى اى حال من الاحوال وممكن تتاكد من كدة مع اعادة النظر فى معنى كلمة ( صداقة ) وفى ( حدود العلاقة بين الرجل والمراة ) .

***************

مع خالص تمنياتى لك بدوام التفوق وجدى على كرسى الاعتراف Icon_sunny

شكرا يا برنسيسة على مرورك بس احب اوضحلك حاجتين اولا بخوص ان حد يخسر موقف بس ميخسرشى الى قدام منه انتى قلتى فى سؤالك " اتناقش معاه " مش انصحه والفرق كبير بين الاتنين لنها لو مناقشة او جدل ولكن هادف اكيد الصح هو الى بيمشى الاخر لان كل واحد بيقدم حججه و براهينه وساعتها لو بينت للشخص ده الى الزمنى الحجه انى متفقه معاه وانا من جوايا مش كدة يبقى انا بنافق اوحتى على الاقل بكذب لكن لو بنصحه وده مكنشى فى السؤال اكيد انا ححاول معاه مره واتنين واكتر *******************************************تانيا بخصوص ان ممكن يكون فى صداقا بين ولد وبنت وانا بجاوب على السؤال كان تفكيرى منصب على شكل الزماله او الاخوه الى ممكن انه يكون بين ذكر وانثى فى عمل او شغل الى بيه لابد ان يكون فيه اختلاط او شكل من التعامل الى قايم على الاحترام و المودة لكن انا طبعا عارف ان لا فى الدين حاجة اسمها صدقا بين رجل وست لكن رتم الحياة وشكلها الحالى فرضت علينا ان يكون فى اختلاط بس فى النطاق المسموح بيه من معامله وكلام وده ذى ما موجود بنا كاصدقاء وزمايل فى الكلية او القسم .. وجزاكى الله كل خير لانا لافتى نظرى وفى اعادة توضيح اجابة السؤال ......... شكرا لمرورك يا برنسيسة مرة تانية .

مع المجموعه الاولى
اخوك شيتوس

شخبارك يا غالي
1) س كما تعودنا ان ناخذ راي الجميع بكرسي الاعتراف فمارايك اخي بكرسي الاعتراف
2)س هل مفاجأت جلوسك على كرسي الاعتراف لها وقع في نفسك ؟ وماهو شعورك وانت على كرسي
3)س -كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى

الأمنية اللي تتمناها ... ؟
4)س شو أصعب المواقف اللي مريت بها ؟
5) س شو موقفك من الحب ؟؟ وهل جربته ؟؟ هل تأمن بوجوده ؟؟
6)س -فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟
7) س هل ندمت فحياتك على شي معيّــن ؟؟؟
Cool

س مالفـرق بين الحب والصداقة ؟ وهل يمكن ان يسلكا طرق الغيرة 00؟

_ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق ..
تحياتي لك

س: تعمل اية لو لقيت ان اقرب صاحب ليك اخد عليك محاولة هزار عابرة معاة انها اساءة وقرر الانفصال عنك وانفصل عنك بالفعل؟

اخبارك اية ياوجدى على الكرسى

انت شخص رائع ياوجدى

واجابتك جميلة

وبجد

تعرفنا عليك اكتر

واسعدنا بيك

حوار جميل جداااااااااااااا

ومعلش تعبتك معاية
عارفة طولت
جاوب على بقيت الاعضاء
وعلى طول هقفل الموضوع
ونلتقى مع عضو جديد

تحياتى لك

شكراليكى يا ملكة ......... وحجاوب على باقى الاعضاء

بسم الله الرحمن الرحيم

اهلا بيك يا محمد وشكرا على مشاركة الغالية

1) س كما تعودنا ان ناخذ راي الجميع بكرسي الاعتراف فمارايك اخي بكرسي الاعتراف ؟

الحقيقة هو كان بالنسبة لية كرسى مريح لدرجة كبيرة والحمد لله انا جوبت على الاسئلة كلها ومسبتش سؤال . وكنت صريح جدا

2)س هل مفاجأت جلوسك على كرسي الاعتراف لها وقع في نفسك ؟ وماهو شعورك وانت على كرسي ؟

طبعا لها واقع على نفسى وواقع كبير كمان ...... الحقيقة شعورى على الكرسى كان شعور ما بين القلق والغبطة .

3)س -كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى
الأمنية اللي تتمناها ... ؟

والله الحلم الى فى بالى واتمانه انى اكون شخص نافع بالتعلمتة وانشاء الله اكمل دراسات عليا واتعين فى الجامعة .

4)س شو أصعب المواقف اللي مريت بها ؟
اصعب المواقف الى مريت بيها كانت لما فقت شخص عزيز عليا وكان ده له تأثير كبير على نفسى .

5) س شو موقفك من الحب ؟؟ وهل جربته ؟؟ هل تأمن بوجوده ؟؟

والله الحب موجود ..... ومفيش حد مجربوش ...... وموقفى منه انى مؤمن بيه طالما فيما يرضى الله ورسوله وعلامة الرضا ده بتكون متمثلة فى مدى مباركه الله لهذة العلاقة واستمرارها .

6)س -فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم
قلبك أم عقلك ؟؟؟؟؟؟؟؟

انا دايما بحكم عقلى فى كل شى لكن ممكن فى بداية الامر اتأثر بقلبى بس بعد كدة بعيد النظر واحكم العقل .

7) س هل ندمت فحياتك على شي معيّــن ؟؟؟

والله الندم الى بيه اخسار خسار عظيمة الحمد لله محصلشى لان ربنا دايما بيهدينى للصواب ولكن ممكن يكون اسف .

س مالفـرق بين الحب والصداقة ؟ وهل يمكن ان يسلكا طرق الغيرة 00؟

هو فى فرق طبعا بس انا بقول ان الصداقا درجة من درجات الحب لان مفيش حد بيصادق حد ومش بيحبة ولكن الحب هو درجة اسمى واعلى من الصداقا ...... انا بالنسبة للغيرة فهى موجودة فى الاتنين بس بيختلف شكلها فى الصداقا والحب .

_ما رأيك بهذه الكلمات ..

الخيانة : اسوء صفة ممكن تكون فى البنى ادمين

المرأة : مخلوق جميل بس غدار

الصداقه : ابقى شى

النمينة : ذنب كبير وربنا يبعدنا عنه

النفاق : سلاح الكاذب والجبان

تحياتى ............ وشكراا ليك يا محمد

اهلا bond وشكرا على مرورك

س: تعمل اية لو لقيت ان اقرب صاحب ليك اخد عليك محاولة هزار عابرة معاة انها اساءة وقرر الانفصال عنك وانفصل عنك بالفعل؟

والله احاول ارجع مرة تانية له وافهمه الموقف الى حصل وانه مكنش اصدى ..... واعتقد انه لو صديقى بجد حيقبل الاسف ده وحيتفهم الامر ........... اما لو عمل عكس ده يبقى هو مش باقى عليا واعتقد انه من الاول مكنش مصدقنى لشخصى بل لمصلحة .

مشكور يا ......... bond مرة تانية .

بجد يا وجدى انت انسان جميل جدا واجاباتك مقنعه وبسيطه بس تحوى معناها ويارب يوفقك فى حياتك

شكرا ليك يا محمد وانا سعت بأسئلتك جدا

شكرا ياوجدى بجد رائع جدااااااااااااااا

وكان حوار جميل اوى
ونلتقى مع عضو جديد

» mostafa_abdo7072000 على كرسى الاعتراف
» الافتتاح: وقوانين كرسى الاعتراف
» كرسى الاعتراف
» غلق كرسى الاعتراف
» اول ضيف على كرسى الاعتراف