دكتورة / عبير قاسم بين مؤيد ومعارض

والله حسب معرفتى الشخصية بها انها ضحية
وانها المفروض تبقي زى ماهى

بالرغم من ان انا ليس لى علاقة قوية بالدكتورة عيبر الا ان هية شخصية محترمة .

والسبب فى حدوث ذلك لها هو مصالح ضخصية .

والاسام القدامة سوف تشهد ذلك .

بدليل طلب الدكتورة الاخرى ان تكون جامعة دمنهور تابعة لجامعة الاسكندرية معنى ذلك................. ؟؟؟؟؟؟؟


كلة بيدور على نفسة دلوقتى ..


نفسى نفسى ..

المفروض الكلية ترفدها لسبب لانه مش عارف هى هتقابل الطلبة وزملائها ازى
مش هيكون فى ثقة بينا وبينها وهيكون اللاقة بينها مش سليمة
فهى تقعد فى البيت من قصرها

لالالالالالالالالالالالا ديه مزهلة

بصراحه أنا حاسه أنها مظلومه وبعدين نحكم عليها بعد ما يتم أثبات ذلك عليها لأن أحنا عارفين أن فى ناس كتير فاسده وبتدور على مصالحها وممكن يكونوا وراء الى بيحصل لها وهما مش شايفين نفسهم فاسدين أصلاً وبيجروا وراء الماديات يا رات يا جماعه ما نظلمش لان اليومين دول وضحوا حاجات كتير ما كناش نتخيلها

ظلمتوها كتير  حرام كده
دا ربنا بيسامح

يا جماعه ان بعد الظن اثم
احنا ما نعرفش فين الحقيقه
وكمان كم الاشاعات الى بتتنقل فى بلدنا دى بقت فظيعه
حرام اننا نحكم على دكتوره احنا ما شوفناش منها غير الاحترام والمعامله الكويسه كده
انا شايف انها تستمر عادى حتى لو كانت غلطانه احنا كلنا بشر ومافيش انسان كامل

لا تعليق

المتهم بريئ حتى تثبت ادانتة .

وهو المطلوب اثباته هههههههه

والله انا محتار انا كنت اول دفعة تدرسلها الدكتورة عبير وكانت محترمة جدا وهي اول دكتورة تعمل استبيان لطلب راي الطلبة فيها بس الا انا اعرفه عنه ان هي سهله الاختراق والتاثير عليها

حلو التعبير سهلة الأختراق والتصويب

شكرا"للدكتورة الفاضلة

اتمنى انها تكون اشاعات وان ثبت عكس ذلك فليعينك ويعيننا الله

يارب

بسم الله الرحمن الرحيم
"يا ايها الذين آمنوا إن جاءكم فاسق بنبأ فتبينوا أن تصيبوا قوما"بجهالة فتصبحوا على ما فعلتم نادمين"
(صدق الله العظيم)

الزميل الكريم الى بيقول ان عبير قاسم(د) رفضت استقلال فرع دمنهور عن جامعة اسكندرية وبيحسبه لها موقف ايجابى احب اقلك انك أخطأت التقدير لانها معملتش كده عشان سواد عيون الطلبة لو انت فاكر كده تبقى غلطان اما بخصوص التفسير المنطقى لموقفها ده يرجع الى انها مش متخيلة ان الدكتورة عبير قاسم الى اتربت على ايد الراهبات ومعاها سبع لغات انها تنتسب لجامعة الفلاحين اقصد دمنهور وبالتالى حاربت من اجل بقاء الحال كما هو عليه.
ارجو تقبل وجهة نظرى بصدر رحب.........

ماهو للاسف ان برده بعد 25 يناير الطيور بتقع على اشكالها عشان كده انا عزرك

أتمنى تكون هدأت النيران ...............والله المستعان

إلهى انت تعلم كيف حالى فهل ياخالقى فرج قريب
فيا ديان يوم الدين فرج هموم فى الفؤاد لها دبيب
وخدى حبلى بحبل رضاك وامنن على وتب على عسى
اتوب

لكى تضح الحقيقة لمن لا يعرفها وحتى نكون أدق جزء من الحقيقة التى قد تنكشف اكثر فى يوم من الايام

اسم الدكتورة عبير قاسم موجود فى الأوراق التى تسربت من أمن الدولة وفى الاوراق الحقيقية وليست المزورة وهو ما دفع الحاكم العسكرى بمحافظة البحيرة لأجبار الدكتورة عبير قاسم على تقديم استقالتها من مكتبة مبارك ، ولحسن حظها قبل اكتشاف ذلك بأيام قليلة تم ترقيتها الى أستاذ مساعد بالقسم.


ولكن يسألنى أحد هل أنجازاتها فى مكتبة مبارك يجعلنا نستوقف برهه ونعطيها فرصه ثانية

أحب أقولها وبكل وضوح لم تكن هناك أنجازات فى مكتبة مبارك على يد الدكتورة عبير قاسم اذا كانت ليست تبع امن الدولة

احب أوضح ان اللى شغال فى أمن الدولة مبيعتمدش على مرتب تافه كده يعنى دكتورة عبير مش مستنية ال300 جنية اللى هيطلعولها من أمن الدولة
ولكن شغل امن الدوله عبارة عن مصلحة قصاد مصلحه
يعنى هتجسسلك على حد فى مقابل تسهلى خدمات أخرى
أعتقد كلامى مش محتاج توضيح أكتر من كده

هههههههههههههههههههههههههه
خلاص يا كبير الموضوع خلص
قلبك ابيض

والله نفس احساسى بجد انها الدكتور عبير

historical كتب:

رجاء كتب:

بلا خيبة يعنى هى ثورة 25 يناير الفاشلة ديه عملتلكم ايه

بنقولك ايه يأستاذه رجاء متسيبك من السياسة والثورة والكلام الفارغ ده وكبرى دماغك

اقولك حاجه هاتيلك عضاضة بتاعه العيال الصغيره يمكن تنفعك

ولا اقولك فى شريط لإليسا لسه طالع من الفرن أعمليلة دونلود وشيريه واسمعية انتى وصحابك

بلا ثورة بلاوجع قلب

هههههههههههههههههه
اهو كله جه على دماغنا يازيزو بالذات بتوع التاريخ
كلامى واضح وصريح ههههههههههههه

والله عندك حق يا زيزو
خليكى فى حالك وملكيش دعوة بالثورة يا انسة رجاء
والله بالنسبه لريحانة انا شكيت من اول ما قالت الشعر

ههههههههههههههة ما قلنا كده من بدرى والله منا سيبك يبتاعة امن الدولة

انا مش بهدد حد انا اقصد انى هواجهها بالى كانت بتعملوا فى الطلبة ممكن اه يكون الفظ خانى بس انا مقصدش الى انته قولته دا انا مش بلطجى عشان اعمل كده وبعدين انتا يجب انك تعذرنى اما تعرف الى عملته معايا ومع بعض الطلبة وبعدين هتقدر انا ليه استخدمت اللفظ ده وما بخصوص انى احترمها لانها استاذتى فانا لايشرفنى انا احترم انسانة كانت بتضربنى فى ضهرى بتعاملها مع امن الدولة عشان ايه تتجسس على استاذ زميلها ليه تهمته ايه انه عاوز يطور التعليم ليه عشان مش عاجبه الفساد الى فى الكليىة ليه عشان تمنع الطلبة تصلى فى مسجد الكلية عشان عشان عشان يا هوستريكل انا مستحقش اللوم دا كله انتا فهمت الجملة من وجهة نظرك انت وما سمعتش وجهة نظرى كان يجب عليك تستفسر منى انا اقصد ايه بالمصطلح دا وبعدين نديها فرصة اه ممكن بس جريمتها كبيرة اكبر مما تتخيل لايمكن ان تمر من غير عقاب على الاقل من الكلية وبعدين اوك ممكن نسامحها

على فكرة أنا مش الدكتورة عبير قاسم
لكننى أطمع فى حصولى على درجات علمية فى سن صغيرة وأعتبر د/عبير مثل أعلى لى فى درجاتها العلمية على الرغم من أن تقديرى العام بالفرقة الأولى والثانية (جيد)

على فكرة يا أخ .......................... ثورة يناير عمرها ما كانت فاشلة
والدليل كلامك دلوقتى بكل صراحة ......... والا كلامى خطأ.

مش هتفرق على فكرة سواء حضرتك دكتورة عبير او غيره احنا بقينا فى زمن الحرية وكل بيقول اللى فى نفسه بعيدا طبعا عن احترامى لها كاستاذة وفرق السن بينا

الريحانة كتب:

على فكرة يا أخ .......................... ثورة يناير عمرها ما كانت فاشلة
والدليل كلامك دلوقتى بكل صراحة ......... والا كلامى خطأ.

على فكرة ياريحانه هى تقريباص أخت مش أخ لانها اسمها رجاء
وده ملهوش علاقة بالثورة بالعكس ده هى مع النظام السابق

الريحانة كتب:

على فكرة أنا مش الدكتورة عبير قاسم
لكننى أطمع فى حصولى على درجات علمية فى سن صغيرة وأعتبر د/عبير مثل أعلى لى فى درجاتها العلمية على الرغم من أن تقديرى العام بالفرقة الأولى والثانية (جيد)

كويس والله ياريحانه انك عارفه ان الدكتورة حصلت على درجات علمية وهى فى سن صغير ، شكلك قريبه منها جداً ، وياريت لو انتى قريبة منها كده توصليلها وجهت نظرنا
وبالتوفيق ليكى

بالمناسبة أنا عمرى ما اتكلمت مع د/عبير قاسم أبدا" فى اى مكان على الرغم أن دى السنة الثالثة لى فى الكلية.
الا أثناء المحاضرة فقط وتكاد تكون مرات معدودة

علي فكرة النقاش رائع بس الا مش رائع الاخت رجاء الا مشمنها اي رجاءههههههههههههههههههههههههههههههههههههههههههههههههههههههههههه

ههههههههههههههههه

الريحانة كتب:

بالمناسبة أنا عمرى ما اتكلمت مع د/عبير قاسم أبدا" فى اى مكان على الرغم أن دى السنة الثالثة لى فى الكلية.
الا أثناء المحاضرة فقط وتكاد تكون مرات معدودة

على فكرة ياريحانه أنتى أثرتى نقطة جميلة جدا ، وده بعيد يمكن يكون عيب فى شخصية الدكتورة عبير ، انى عمرى ما شفتها قاعده على مكتب ولا حتى واقفه والطلاب حوليها بينقشوها فى المحاضرة بيسألوها ، زى دكاترة تانية بغض النظر عن اسلوب شرحهم ، مش عارف ده كان على أيامنا مش عارف هى غيرت من اسلوبها ده ولا لا
لانها برضه فى المحاضرات كتير كنا بنشبها انها متنفعش تدرس غير لأبتدائى وأعدادى لانها كانت بتملينا المحاضرة وده شئ بيستفزنى انا شخصيا ، وحاجه تانية انها تانى محاضرة تسألك فى المحاضرة اللى فاتت وكأنها بتتعامل مع طالب ابتدائى،فالحوار حتى داخل المحاضرة كان غير مفيد، يعنى مفيش نقاش مواضيع نربطها بالواقع
المهم ده كان على ايامنا لو هى اسلوبها اتغير ياريت حد يقولى ، ولو فضل زى ماهو ياريت لما ترجع تعدل منه وتبحث عن طرق أخرى للحوار .
ويارب نتصالح مع أنفسنا عشان لما نتصالح مع الأخرين نكون صدقين النية

historicalكتب:
على فكرة ياريحانه أنتى أثرتى نقطة جميلة جدا ، وده بعيد يمكن يكون عيب فى شخصية الدكتورة عبير ، انى عمرى ما شفتها قاعده على مكتب ولا حتى واقفه والطلاب حوليها بينقشوها فى المحاضرة بيسألوها ، زى دكاترة تانية بغض النظر عن اسلوب شرحهم ، مش عارف ده كان على أيامنا مش عارف هى غيرت من اسلوبها ده ولا لا
لانها برضه فى المحاضرات كتير كنا بنشبها انها متنفعش تدرس غير لأبتدائى وأعدادى لانها كانت بتملينا المحاضرة وده شئ بيستفزنى انا شخصيا ، وحاجه تانية انها تانى محاضرة تسألك فى المحاضرة اللى فاتت وكأنها بتتعامل مع طالب ابتدائى،فالحوار حتى داخل المحاضرة كان غير مفيد، يعنى مفيش نقاش مواضيع نربطها بالواقع
المهم ده كان على ايامنا لو هى اسلوبها اتغير ياريت حد يقولى ، ولو فضل زى ماهو ياريت لما ترجع تعدل منه وتبحث عن طرق أخرى للحوار .
ويارب نتصالح مع أنفسنا عشان لما نتصالح مع الأخرين نكون صدقين النية
مافيش شخص بيجتمع عليه كل الناس بالقبول أو الرفض حيث أن الانسان نفسه له عدة أساليب تظهر فى المواقف المختلفة فتترك عند البعض والبعض الآخرإنطباعات كثيرة لهاآثارها المختلفة بسلبياتها وإيجابياتها.وعلى الرغم من ذلك فإختلاف الرأى لايفسد للود قضية.

الريحانة كتب:

كتب:
مافيش شخص بيجتمع عليه كل الناس بالقبول أو الرفض حيث أن الانسان نفسه له عدة أساليب تظهر فى المواقف المختلفة فتترك عند البعض والبعض الآخرإنطباعات كثيرة لهاآثارها المختلفة بسلبياتها وإيجابياتها.وعلى الرغم من ذلك فإختلاف الرأى لايفسد للود قضية.

أكيد الأختلاف لايفسد للود قضية وان شاء الله ميكونش فيه خلاف ونقدر نتلاقى فى النهاية.
بس ليه انتى أخدى الكلام على نفسك ده مش موجهة ليكى على فكرة ده للدكتورة عبير قاسم
واحنا على فكرة مش بنهاجم الدكتورة عبير قاسم ولا بنقلل من شأنها ولكننا بنحاول نتجاذب الآراء لكى نصل للحقيقة
وحتى نعرف من كان فينا مخطئ ودورة لكى يصحح مفاهيمة الخاطئة التى تعلقت بأذهان الناس حتى يعود ليمارس دورة .