دعوة لمظاهرة بكلية الآداب بدمنهور

على فكرة انتم عندكم مطلب يدعوكم للوقفه ديه

انكم هتكونوا خريجى جامعة دمنهور والمفروض انكم دخلتوا من البداية انكم جامعة اسكندرية

بعلى الاقل الطلاب الموجودين حاليا يكون فى الاربع اقسام يكونوا خريجى اسكندرية

واللى هيدخل جديد يكون دمنهور

والغريب انهم انشأ جامعة من غير ما يكون فى مكان

وانا كمان موافقة جدااااااااااااا ع المظاهرة لاننا مش اقل من شباب طلبة جامعة اسكندرية اللى اجبرو راس الفساد بدون ذكر اسماء ع تقديم استقالتهم والباقي اتحول للتحقيق ولسة فى اكتر ان شاء الله


هنظم مظاهرة وهنطالب كل المفسدين من الكبير للصغير يقدم استقالته بكرامته احسن ما نطالب باقالتهم بالاسماء علنا

بضم صوتى لشباب ثورة التغير

دى الثورة شالت رئيس جمهورية فاسد نبقي مش هنغير كليتنا مجتمعنا الصغير بايدينا ؟ !!!!!!!!



فى انتظار تحديد المكان والزمان


دمتم بكل التعاون ع الاصلاح

ممكن اسال سؤال ؟
اية الفرق بين جامعة دمنهور وجامعة اسكندرية
انا شابف ان هية المفروض كانت تكون جامعة البحيرة ولبيست جامعة دمهور
بالنسبة الى انا موافق ان احنا ننفصل عن اسكندرية

هههههههههههههههه

حلوة اوى بعد كدة اى حاجة الحكومة تعملها هاتاخذ برايكم .

اعزريهم المرة دية مش هايعملوا كدة تانى .

عديها المرة دية

اهى دى الحاجه الى مكرهانى فى الكليه
موضوع جامعة دمنهور دى
انا ما كنتش ناوى انزل بس دى ها تخلينى انزل

انا فارقة معاية اوى كمان انتوا مش بتشوفة غير الاسم دية مسميات.

امال بقى الكلية الى اسمها كلية دية تبقى اية .

المفروض بدل ما نتحرك علشان حاجة مالهاش لازمة ولا فايدة .

نتحرك لحاجة مفيدة
زى نغير مكان الكلية يبنوا كلية جديدة هايقولوا بنوا .
يبقى ينجزو فيها بسرغة

ياريت يازيزو تشيل الصورة الى على الصفحة الرئيسية

الحمدلله رب العالمين والصلاة والسلام على أشرف المرسلين
*******وبعد********
فى هذا الظرف الدقيق الراهن علينا جميغا أن نستخدم العقل لقياس الأمور وحساب المضار قبل المنافع .
وبالتالى نقول حتى وان كانت النوايا حسنة (وهى الاصلاح) الا أن أناسا من الذين لهم تصفية حسابات مع الأساتذة سيركبون الموجة الأمر الذى سيفسد لايصلح

والله كلاميك تمام جدا .

فينيك من زمان

النهاردة كان يوم عظيم واعتقد ان أى حد كان معارض للمظاهرات او الإعتصامات أو الإصلاح اعتقد دلوقتى انه فرحان وندمان كمان مع احترامى ليكم جميعاً لكن اللى حصل فى الكلية النهاردة حاجة محدش كان يتوقعها .. كرامتنا رجعت ياطلبة .. الجميع فرح دكاترة وطلبة حتى اللى مش معانا فى التاريخ وقفوا معانا فى الحق ....... وكل الشكر للدكتور ماهر أبو السعيد اول حد وقف معانا وقال الحق واول حد ساعدنا فى الكلية لحد مادكتورة فايزة مشيت

الحمد لله يا مهاجرة انتصرت كلمة الحق وانتصرت كلمتكم لأول مرة
وانا فى آخر سنة فى الفرقة الرابعة قدمت شكوى ضدد الدكتورة فايزة صقر لرئيس القسم ولكنه لم يتخذ أى أجراء ضددها
قالى انا بحميك منها عشان متسقطكش وانا قولتله انى مش خايف
ولكن على مايبدوا انه هو مكنش عايز وجع دماغ من ناحيتها

بس النهارده انا بجد بشكركم لانكم رجعتوا كرامتكم وصوتكم والنهارده بس بفضل الله وفضلكم انتصرت شكوتى بعد عامين هؤلاء
ليس ادارة الكلية التى انصفتنا ولكن هؤلاء الطلاب


واخير مبروك ليكى مهاجرة مبروك ليكم يا أعضاء
مبروك لكلية الآداب

الحمد لله رب العالمين رجع حق كل طالب وطالبة اتهان فى يوم ورجع حق كل دكتور اتظلم بسببها
الله أكبـــــــــــر

هههههههههههههههههههههههههههه
مبروك علينا يا شباب
بس مين الى هايسقطنا السنه دى
قصدى هايعلم على ورقنا
ههههههههههههههه

هههههههه
شكل الدكتور عبد المنعم مجاهد

يبقى هانسقط تانى.
ههههههههه

الــــــــف مبروك لكل الطلبة وخصوصا طلبة قسم التاريخ

انا اعتقد ان كل المشاكل من قسم التاريخ لازم نفكر الف مره قبل ما نتخز اى قرار ومش كل ما تقف معانا مشكله نعمل مظاهلاه مش بالعفيه بالهدوء والاسلوب الجميل كله بيتحل

مشاكل الطلبه مع الدكاتره

انا معاكم

الحمد لله لكل الاعضاء فى المنتدى والف مبروك لينا كلنا اعتقد يازيزو حتى بعد سقوك الدكتوره فايزه باقى الدكاتره اللى كان عليهم بعض التحفظات هيحاولوا انهم يعدلوا من اسلوب تعليمهم والمحاضرات بتاعتهم كمان بس انا كان عندى اقتراح واتمنى يازيزو اننا نعمله كلنا

الاقتراح:اننا نختار من كل فرقه ولد وبنت وده طبعا بالانتخاب يحاولوا انهم يقدموا شكاوى الطلبه فى الفرقه بتاعتهم فى جميع الاقسام مش قسم التاريخ بس ونحاول اننا نكون منظمين علشان لما نجتمع باداره الكليه كل شهر نحاول اننا نعرضلهم مشاكل الطلبه فى كل قسم وفى كل فرقه ياريت بجد يازيزو الفكره تتطبق ونحاول اننا نحتفظ باسلوب النظام علشان نلتزم بالهدوء

شكرا ليك يازيزو على وفوقفك معانا فى المنتدى وفى الكليه

فكرة جميلة يا منمن وهنعرضها فى اول اجتماع مع الطلبة
بس ياريت تطمنونا على امتحان النهارده
امتحانتم ولا لسه واخبار المادة ايه ومين هيعلمها

اه الامتحان الحمد لله يازيزو كان كويس والدكتور ماهر قالى اللى هيعلم الامتحان الدكتور عبد المنعم بس يارب بجد يستر علشان الدكتور عبد المنعم ساعات بيدقق على المعلومه وشكرا يازيزو على قبولك الفكره

والله ياروقا انا حاسس ان انت مش فى القسم معانا انا حاسس ان شخص من خارج القسم بيتكلم .

لان طلبة قسم تاريخ لم يعملوا مظاهرة ضد اى دكتور الى كان بيعمل اى مظاهرة هما قسم الاثار .

ختى ما كنوش عايزين حد يشترك معاه مش عارف ليىةههههههههههههههه

انتو بتمسحوا اللى مش عاجبكم اوك شكرا انا مش هقول راى تانى بجد شكرا

روقا كتب:

انتو بتمسحوا اللى مش عاجبكم اوك شكرا انا مش هقول راى تانى بجد شكرا

الاستاذ روقا لم يقم احد من الادمن بمسح اى تعليق لك
فلاداعى ان تفترى على الادمن زورا
فجميع الادمن اللى هنا على قدر من الثقافة والوعى
واظن القسم واضح مفيش حذف الا لو تعرض لشخصية بالسب والقذف فقط
غير ذلك فلك كيفما تشاء
واذا منت ارسلت رد ولم يرسا فهذه مشكلتك من عندك وليست نحن
واكدلك انه لم تحذف لك رد هنا
اما حكاية تقول رآيك اولا فديه لايعنينا فى شئ فتلك حرية شخصية لن نجبر احد على قول رآى

انامش مع فكرة حذف الموضوع لاننا لازم نعبر عن راينا ولكن لازم نراعى ان دول دكاترنا فى حدود فى النقاش عنهم انا معاكم ان اسلوبهم لازم يتغير بس انا رأى أننا نسبلهم فرصة ونشوف مش ممكن يتغيروا بعد 25 يناير