انقذ بلدك

نداء الى شباب مصر انقذو مصر
دى بلدنا وكفايه كفايه الرساله وصلت
والناس خلاص الخوف فى كل بيت من اللصوص ومن المجهول
والخطر الاكبر من العدو الى واقف مستنى الفرصه
انقذو البلد
حرام بلدنا بتتحرق الرئيس بقائه لنهاية مدته اكثر امان واستقرار للبلد
والله العظيم انا باكره النظام ولكن من اجل بلدى نقف جميعا ونقول لا للتخريب لا
للتظاهر الذى سوف يدمر البلد وحيدى الفرصه لناس كتير تعمل الى هى عيزاه
ارجوكم ننشر رساله لكل الشباب لحد كده كفايه وهو الرئيس قبل مطالبكم
المعارضه عندنا هشه لن تستطيع ان ان تملا الفراغ لان معظمهم الله واعلم بنواياهم من امثال ايمن نور والبردعى وغيرهم نداء اتمنى من الله ان يصل لكل الشاب
لكى ننقذ البلد من اراقة الدماء

مع احترامى الشديد لراى حضرتك بس انا شايفه اننا مش لازم اننا نتراجع او نستسلم علشان واحد زى حسنى مبارك يقول انا المنتصر لا والف لا انا بقول للشباب كلهم واولهم انا لازم نكمل مسيرتنا حتى لو كلنا متنا فده علشان وطننا ومستعدين نموت كلنا بس الحق هو اللى صوته يكون موجود كفايه بقى 30سنه فى ذل ومهانه لازم كلنا نقف ومانستلمش ابدا وان شاء الله الحق صوته هو اللى هيعلى على الباطل وتحيا مصر بشعبها وبشبابها

يا اختى انا معاكى ولكن كل ما اخشاة ان نندم وليس ندم على النظام الظالم ولكن ان نندم با تدخل البلد فى حالة من الفوضى والبلطجه والتدهور الذى توجد بوادره الان لذلك اتمنى من الله ان يحمى بلدنا مصر ويحفظها

كلامك على حق كلة وكلام منطقى اخى العزيز وانتى يا اختى كلامك منطقى
ولكن حنتكلم على الانتصار والهزيمة ولا على الاطفال اللى هيموتوا من الخوف والرعب
وكمان المفروض اللى له حق يطلبة بادب ويقبل المناقشة والتحاور وكمان فين المتعارضين دول من زماااااااااااان ولا مبارك لسة متعين بقالة سنة لازم نخاف على البلد دى سواء بوجود مبارك ام لا وناخذ فى الاعتبار انه مصرى ومسلم وبدل من نشكرة على نهاية الخدمة والامان اللى عطاه للشعب ولا نطرده ونسمية السفاح الخ

اعزائي اود ان اوضح نقطة اذا كانت البلاد ستتعرض لكل هذا الاذي فليرضخ شخص واحد ليهدأ 85 مليون فليسقط حسني مبارك ونظامه الفاشل الفاسد الذي يموت منه مئات الاطفال كل يوم بدون طعام ولا دواء وانت بتفكري في خوف الاولاد الصغيرين
لا خليهم يتربوا علي المبدأ الصحيح ويعرفوا ان الحق لو علي رقبتي
وكما قال الفيلسوف .........
انا افضل الحرية مع الخطر عن العبودية مع السلم

اخى العزيز متكبرش الموضوع خلينى اتكلم بصراحة ومن غير زعل
مبارك طلع واحترم الشعب ورد على طلباتكم ووعد الناس انه مش هيرشح نفسة فى الانتخابات القادمة ووضع نظام جديد شوفوا النظام الجديد وان معجبش الشعب ابقى اعتصموا وابقى قابلنى لو شفتوا يوم عدل يا شعب عايز الحرق بعد ما مبارك يمشى واللى هيجى هيبقة جعان وطماع وعايز ينهب حتى مبارك واولادة شبعوا من الفلوس انتو شعب عايز الفتنة والارهاب والقتل ممكن تقولى انت عشت الايام اللى فاتت دى فى خوف انتى واهلك وجرانك واصحابك ولا فى استقرار

السلام عليكم ورحمة الله وبركاته
حياكم الله شباب مصر
الأخت آيه والأخ أبو اسلام كلامكم جيد
اذا مصر فيها 85 مليون فالخارجين لايتعدوا 4 مليون
واذا كان النظام فاسد فهذا ليس لشخص الرئيس فقط بل للوزراء وتابعيهم
نعم .. هناك أخطاء كثيرة لكن للرئيس ايضاً افضال على مصر
انظروا لمصر من 30 سنه ومصر الآن
نعم حقق الآمان وساد الظلم ايضاً
انظروا لمصر كدولة .. جامعات .. مستشفيات .. كبارى .. طرق .. مكتبات .. رأى .. اعلام
ربما لا نملك احدهما لكن هذه ممتلكات الدولة المصرية ويجب الحفاظ عليها
لا تلوموا شخص الرئيس ولنلوم انفسنا على تقصيرنا ولنحافظ على مصر الآن حتى لا تتدخل الدول الأوروبية فيما لايعنيها
وبرأيي هى مؤامرة ضد الشعب المصرى والرئيس نفسه
ولا أحد يعلم أين الحقيقة ....

طالب جديد عدد المساهمات : 27

يا جماعة العملية مطلعتش بطالة وقهر أقتصادى فقط
طلع فيه مطلب اهم وأساسى الأمان واللى احنا مشفنهوش فى الايام اللى فاتت
وكلامكم رائع وعلى فكرة البنر اللى أنتم حاطينه فى الموقع معبر الى حداً كبير

ربنا يستر علينا

ربنا يستر عليكى يامصر

اللهم احفظ مصرنا من الفتن اللهم احفظها انت القادر علي ذلك يارب يارب يارب لجائنا اليك فانت وكيلنا

ربنا يسترها علي مصر
ربنا يعدي الفتنه دي علي خير
يارب يرجع الاستقرار والامان مره تانيه
يارب ارحمنا برحمتك يارب