historical Administrator
الدولة : المحافظة : البحيرة المدينة : فى قلب الحدث الجامعة : الإسكندريه فرع دمنهور الكلية : كلية الآداب الفرقة : خريج قسم : التاريخ الشعبة : عامه عدد المساهمات : 2499 العمر : 37 الجنس :
| موضوع: دا شعب فقرى للشاعر أحمد فؤاد نجم شاعر العامية السبت 16 أكتوبر 2010, 08:07 | |
| دا شعب فقرى
للشاعر أحمد فؤاد نجم
نظرا لأن النعمة فاقت حدها ولأننا مش قدها ولأن فعلا انجازاتك فوق طاقتنا نعدها ولأننا غرقنا في جمايل مستحيل حنردها نستحلفك ....... نسترحمك نستعطفك .......نستكرمك ترحمنا من طلعة جنابك حبتين عايزين نجرب خلقة تانية ولو يومين اسمع بقى إحنا زهقنا من النعيم ونفسنا في يومين شقا عايزين نجرب الاضطهاد ونعوم ونغرق في الفساد بيني وبينك حضرتك دا شعب فقرى مايستحقش جنتك أنا عارفه شعب ماينفعوش إلا شارون وبلير وبوش عايز يجرب الامتهان ويعيش عميل للأمريكان بيمد "غازه" لإسرائيل ويومين كمان ويمد نيل أهو يعنى نشرب ميه واحدة ندوب في بعض ماء وماء وماء ونفض سيرة الانتماء وبلاها نعرة وطنطنة تبقى البلاد "مستوطنة " (متسلطنة بالسرطنة) إيه اللي خدناه م الكرامة والإباء حبة خطب وكلام...كلام إحنا راهننا على النظام ورضينا بخيار السلام بخيارحنسد عين الشمس بيه علشان مايطلعش النهار ويطلع لمين؟ حبة معارضة مغرضين؟ وحسب بيان السلطة شلة مأجورين؟ ياعم فضك سيرة وارضى بقسمتك دا شعب مش فاهم أكيد يالا اطرده من رحمتك وإن كنت غاوي الحكم خليك مطرحك حاغطس واقب وأعود بشعب يريحك راضى وعمره مايجرحك أخرس ومايسمعش وأعميلك عينيه مش كل قرش يبص فيه مايقولش لأه، وفين، وليه يضرب ينفض في السليم وعلى الصراط المستقيم كل اللي يعرف ينطقه عاش الزعيم يحيا الزعيم | |
|
abdo طالب ماسى
الدولة : المحافظة : البحيرة المدينة : عايش فى زمن كل اقنعه الجامعة : الإسكندريه فرع دمنهور الكلية : كلية الآداب الفرقة : الثالثة قسم : التاريخ الشعبة : عامة عدد المساهمات : 1529 العمر : 32 الجنس :
| موضوع: رد: دا شعب فقرى للشاعر أحمد فؤاد نجم شاعر العامية السبت 16 أكتوبر 2010, 14:23 | |
| جامد الحج دة | |
|
ahmed طالب ماسى
الدولة : المدينة : مالهاش وجود ع الخريطة الجامعة : أخر الكلية : كليات أخرى الفرقة : أخر قسم : تاريخ تخصص جراحة مومياوات الشعبة : شعبة نساء وتوليد عدد المساهمات : 1026 العمر : 38 الجنس :
| موضوع: رد: دا شعب فقرى للشاعر أحمد فؤاد نجم شاعر العامية السبت 16 أكتوبر 2010, 18:07 | |
| إحنا زهقنا من النعيم ونفسنا في يومين شقا عايزين نجرب الاضطهاد ونعوم ونغرق في الفساد بيني وبينك حضرتك دا شعب فقرى مايستحقش جنتك
يااااااااااااااااااه هو ده المطلوب فعلا | |
|