يالا تعالوا funnyegyption هيعترف

حصرياااااا وعلى احلي منتدى اون لاين
االمشرف الاكثر من رائع ضيف كرسي الاعتراف
عايزين تعرفوا مين ؟؟؟؟؟؟












funny egyption



بنا معاك يافانى

مرحبا بك ع الكرسى يارب ما تزهق


ودي فرصه ماتتعوضشي
يلا بينا كلنا نعرف سر الشخصيه دي
وعايزة اسئله تحير تجنن
ااول سؤال منى
اسمك ايه بالكامل؟
بجملتين عرفنا على نفسك؟
سؤال خفيف مني
شايف عقلك اكبر من سنك؟
هل انت مغرور؟
هل انت ضعيف؟
هل صادفك الحب واستكبرت علية؟
هل احد ضربك قبل ذلك من الشباب؟
هل انت جبان لدرجة ان انت تخاف من الكلب؟
هل انت بتتغابة سعات؟
مين افضل عضو فى المنتدى برايك ؟
مين بقى انتيمك داخل المنتدي وخارجه؟
مين من المنتدى تتمنى انك تقابلهاااااااااااا خلى بالك مش تقابلووو اوك
يااترى مين بقى ؟
مين اكتر عضو تحب مواضيعه وردوده؟
هل تلاقي يشبهك داخل المنتدي ؟
جمله بترددها دايما
لو حصلت على فرصه تحكم العالم 24 ساعه حتعمل ايه
ااي امنيه بتحب تحققها
اديني رايك بالمنتدى كلوووووو
افضل 5 اعضاء بالنسبة الك واسوا 5 اعضاء
مين المطرب المفضل والمطربه برضو
بتحب الافلام العربية/ الاجنبيه الرومانسيه ولا الاكشن
هل بتآمن بالحب عبر ماسينجر
لو واجهتك مشكله هل بتحلها وحدك او بتتوجه لحدا يساعد
من هو امين اسرارك
اانت راضي عن نفسك؟؟؟؟؟؟؟؟
لو ما كنتش طالب بتحب تكون ايه تانى
اكلتك المفضله
المشروب المفضل لديك
قول لنا موقف محرج صار معك اتمنيتي الارض تبلعك وقتها
مين اقوى القلب ولا العقل عندك
امين من الاعضاء اول ماتفتح المنتدي تحب تشوفه؟



معلش الاسئلة كتيرة
بس دي عشان نعرف شخصيتك اكتر




اخر سؤال بقي














ماهو تقديرك العام السنة دي ؟؟؟؟؟؟؟؟؟؟؟؟؟؟؟؟؟؟؟؟؟؟؟

ميرسى اوى على الثقة دية

عبدة حبيبى وقعت ولا حدش سمى عليك
بس انا اسئلك واقولك اية انا عارف تاريخك كلة ههههههههههههههه
راجعلك تانى

اسمك ايه بالكامل؟
انا اسمى عبدالرحمن عبدالشافى قنديل محمد على السعيد

بجملتين عرفنا على نفسك؟
انا من كفرالدوار
وبدرس كلية الاداب جامعة المنصورة سابقا جامعة الاسكندرية فرع دمنهور حاليا قسم تاريخ
واكيد الى معاية فى القسم عرفنى

شايف عقلك اكبر من سنك؟
بصراحة لا

هل انت مغرور؟
الحمد لله لا
انا لا احب الغرور ولا اى شى يتعلق بة

هل انت ضعيف؟
احيانا لو انا الى غلطان

هل صادفك الحب واستكبرت علية؟
لا

هل احد ضربك قبل ذلك من الشباب؟
فى الحقيقة لا اما لو هزار كتير

هل انت جبان لدرجة ان انت تخاف من الكلب؟
انا الحمدلله مش جبان بس انا بخاف من الكلاب

هل انت بتتغابة سعات؟
اة بس لو مع شخص مش بيكون صادق معاية او انا مش مستريحلة

مين افضل عضو فى المنتدى برايك ؟
كتير على راسهم ملكة الاحزان وزيزو واحمد وعبدو وحضرتيك

مين بقى انتيمك داخل المنتدي وخارجه؟
احمد وعبدو

مين من المنتدى تتمنى انك تقابلهاااااااااااا خلى بالك مش تقابلووو اوك
والله السؤال دة محرج خلية بعدين وانا هاقول بس مش انهاردة

مين اكتر عضو تحب مواضيعه وردوده؟
ملكة الاحزان وزيزو وولاء واحمد

هل تلاقي يشبهك داخل المنتدي ؟
لالالالالا

جمله بترددها دايما
جــــــــــــــــــــــــــــــــــــــنـــــــــــــــــــــــــــــــــة

لو حصلت على فرصه تحكم العالم 24 ساعه حتعمل ايه
هانشر الاسلام والقراءن والقيم والاخلاق

ااي امنيه بتحب تحققها
انى اكون زى اختى الكبيرة ويكون عندى بنت زى بنتها

اديني رايك بالمنتدى كلوووووو
المنتدى جميل جدا بس عيبة فى اعضاء قليلون هما الى بيحركوا المنتدى بس وانا نفسى الكل يشترك

افضل 5 اعضاء بالنسبة الك واسوا 5 اعضاء
ملكة الاحزان وزيزو واحمد وعبدو وولاء
اما الاسوا فلا يوجد

مين المطرب المفضل والمطربه برضو
محمد فؤاد وشيرين

بتحب الافلام العربية/ الاجنبيه الرومانسيه ولا الاكشن
بحب الافلام العرب بس بحب الاكشن وبموت فى الكوميدى

هل بتآمن بالحب عبر ماسينجر
بصراحة مش اوى

لو واجهتك مشكله هل بتحلها وحدك او بتتوجه لحدا يساعد
لا بس انا بحب ارجع لاختى الكبيرة لان انا بحبها جدا ومقرش استغنى عنها

من هو امين اسرارك
اخواتى

اانت راضي عن نفسك؟؟؟؟؟؟؟؟
لا

لو ما كنتش طالب بتحب تكون ايه تانى
احب اسافر برة

اكلتك المفضله
الفراخ

المشروب المفضل لديك
الكوكاكولا

قول لنا موقف محرج صار معك اتمنيتي الارض تبلعك وقتها
كتير بس مش اوى

مين اقوى القلب ولا العقل عندك
القلب طبعا

امين من الاعضاء اول ماتفتح المنتدي تحب تشوفه؟
كتير

ماهو تقديرك العام السنة دي ؟؟؟؟؟؟؟؟؟؟؟؟؟؟؟؟؟؟؟؟؟؟؟
مقبول ومعاية مادتين من اولى د\عبدالمنعم مجاهد ود\ ومحمد عبدالقادر

حلوة اوى الاجابات الصريحة دى يا عبدة
ونبدأ ونقول
بتشوف ازاى مستقبلك وازاى بتخطط لة ؟
امنية كان نفسك تتحقق واتحققت ! وامنية نفسك تتحقق ولسة بدرى عليه
تقيمك للشخص الى امامك بيكون على اساس اية ؟
من هو قدوتك فى الحياة ؟
اية اكتر حاجة بتفرحك ؟ واية اكتر حاجة بتزعلك؟
هل كان ليك تجارب مع الحب ؟
ملكة جمال العام من وجة نظرك هى مين ؟

انا لسة ما خلصتش راجعلك تانى

بتشوف ازاى مستقبلك وازاى بتخطط لة ؟
بصراحة مفيش حاجة لسة
ولسة انا مستنى شوية كدة

امنية كان نفسك تتحقق واتحققت ! وامنية نفسك تتحقق ولسة بدرى عليه
لاسف مفيش
اما الامنية الى كانت نفسى تتحقق ولسة بادرى ان انا نفسى اسافر

تقيمك للشخص الى امامك بيكون على اساس اية ؟
المعاملة معاية ومع الاشخاص الاخرين

من هو قدوتك فى الحياة ؟
اكيد بلاشك الرسول علية الصلاة والسلام

اية اكتر حاجة بتفرحك ؟ واية اكتر حاجة بتزعلك؟
اكتر حاجة بتفرحنى لما بشوف بنت اختى
اكتر حاجة بتزعلنى لما بتسافر ومش بشوفها

هل كان ليك تجارب مع الحب ؟
لا
ولو كان كان اعجاب بس

ملكة جمال العام من وجة نظرك هى مين ؟
هية الى تكون محتشمة ومحترمة وخجولة

تنور ياعمدة

كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى

الأمنية اللي تتمناها ... ؟
الامنية الى انا بتمناها انى اكون محبوب من الجميع

أصعب المواقف اللي مريت بها ؟
اصعب المواقف لما تحرج امام اى حد بيكون موقف بايخ جدا

س -فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فى التحكيم

قلبك أم عقلك ؟؟؟؟؟؟؟؟
هوة فى الاول الواحد بيقول انا هوة هايحكم بالعقل بس بعد كدة القلب بيدخل فى الموضوع
الاسبق فى التحكيم العقل

س مالفـرق بين الحب والصداقة ؟ وهل يمكن ان يسلكا طرق الغيرة 00؟
الحب هوة ان انتة تحب الشخص ومهما عمل معاك مش بتشيل منة وبتكون معاة فى السراء والصراء
اما الصداقة فهيا ان انت تكون مع شخص علشان مصلحة ليك او هوة يكون لية مصلحة عندك ولو حصلك مشكلة يخلع منك
بالتاكيد بيسلكوا الى طرق الغيرة

ما رأيك بهذه الكلمات ..
^
^

الخيانة ..هية كلمة ردية وغير محبوية واى شخص لايحب ان يكون خائن
وهية من الكلمات البشعة التى تمر على اى شخص


المرأه..نص المجتمع النص التانى الى بيفكر بية اى راجل



الصداقة ..شئ جيد جدا بس لما يكون صداقة ليست من اجل مصلحة ولكن صداقة تدوم على الحب والغيرة على بعضنا البعض



النميمة ..لا احد يحب ان ينم على اى شخص سواء كان صديق او اخ
وهية من الافعال البذيئة التى يقوم بها الذى لايكون عندة ولا اخلاق ولا دين



النفاق ..اللهم لاتجعلنا من المنافقين

شكرا ياعمدة على الاسئلة الحلوة دية

ماذا ستكتب لنا لتعبر عن حياتك التي عشتها الى الان في كلمات قليله ؟


اذا اردت ان تبكي الان , فعلى من تبكي؟
على كل شئ جميل لم استفد منة

من ستختار ليمسح دموعك ؟
مفيش لسة

لو خيروك بين حبيبك وبين اعز صديق فمن تختار ؟
هاختار الاثنين


.ماهو تقييمك لهذا المنتدى بصراحه ؟
والله منتدى جميل وشيق جدا

من يسكن قلبك؟



.هل تعتقد ان حظك سيئ؟
الحمدلله انا حظى كويس

هل هزمك حزنك في يوما من الايام؟
اة

.((مستحيل انساك)) لمن تقولها ؟
لصحبى احمد الله يرحمة عمرى ما هانساة بالرغم من ان هوة اكبر منى



.(( انت كل شيء بحياتي )) لمن تقولها ؟
بنت اختى جـــنــة


لية تكملة ان شاء الله

مش عاف أقوم وأسيبك والله لكن بص كمان سؤالين ع الخفيف كده
تتوقع أكون بفكر في ايه دلوقت؟؟
شايف مين عنده صفه مشتركة بينكم؟
لو حد قالك انت غبي هترد عليه ازاى؟
بتحب تقول لمين دايما ياغبي؟
كلمة (عيب عليك ) تعرف تقوللي معناها أصلي معرفوش؟
لو أخدوا منك الكمبيوتر هتعمل ايه؟
طيب لو لاقيتهم داخلين عليك بلاب توب هتسيب الكمبيوتر؟
ايه فكرتك عن الجواز؟
ناوى تاتجوز وانت عندك كام سنه؟
مواصفات سعيدة الحظ اللي هتكون من نصيبك وماتقوليش محترمه وتسكت هات اللي عندك كله
لو ربنا رزقك بأولاد تحب يكونوا ولاد ولا بنات وناوى تسمى ايه ان شاء الله؟
ايه أبسط شيء يخليك تبتسم؟
واحد لو ماكنتش عرفته كانت حياتك هتكون غير حياتك اللي انت عايشها دلوقت خالص ولا لسه مصادفتش شخص يغيرك؟
انت عملت ايه مفيد في حياتك؟
راضي عن اللي انت حققته لحد دلوقت ف حياتك وياترى ناوى تعمل ايه جديد؟
قوللنا اسم الشهرة بتاعك
تحب قعدة الكافيه ولا البحر ؟ الدوشه ولا الهدوء؟
بتحب الافراح؟ طيب مواظب علي زيارة الموتى؟
واحد لو شوفته هتخنقه وليه؟
حد وعدك بحاجه وانت مستنيه يوفي بيها؟ طيب لو موفاش بوعده هتعمل معاه ايه؟

كفاية كده ولو لسه باقي عمر أكيد هرجع أكمل عليك دا انت واحشنى موت

1. ما هو اكثر شيء تجيده إجادة تامة؟
   حاليا مفيش غير ان انا بحب الضحك
   
2. كنت عايز أعرف ياعبده ياترى انت بخيل؟؟
   الحمدلله لا
   
3. طيب لو حدطلب منك مبلغ وقالك أنه هيسافر بيه ولما ربنا يسهلله الحال هيردهولك ياترى هتتعامل مع الموقف ده ازاى؟؟ يعنى هتمضيه علي شيكات مثلا ولا مش هتقبل خالص ولا هتعمل ايه؟
   مش عارف فى الوقت دة اية اية الى هايحصل وثانيا على حسب الشخص الى امامى
   
4. لو شفت حد من اصحابك بيتعارك بس كانوا اللي بيضربوه كبار عليك حبتين ياترى هتحاول تساعده ولا هتنفضله وتقول أنا مالى؟
   لو صحبى اوى هاحاول اساعدة
   
5. لو جاتلك فرصة زيارة مكان نفسك تزوره من زمان قوى لكن لازم يكون معاك فرد تانى هتختار مين من المنتدى؟
   ملكة الاحزان
   
6. عمرك فكرت ياعبده تكون عبده سوبر ستار؟ يعنى تكون مشهور
   اة
   
7. مش فاكر موقف مضحك شوفته قبل كده أو حصل معاك تحكيه ولو مش فاكر عادى
   انا حصل معاية وقدامى مواقف مضحكة كتير اوى بس حاليا مش فاكر حاجة اعذرنى
   
8. ياترى شايف أصحابك بيثقوا فيك؟ وياترى بتبادلهم نفس الثقه؟
   انا بثق فى اصحابى بس انا مش عارف هما بيقوا ولا
   
9. عمر حد كدب عليك كدبه جعلتك تندم انك عرفته؟
   اة فى واحد قالى هاجبلك حاجة وهوة اخذها لنفسة
   
10. عمرك انت كدبت علي حد كدبه ضيعته؟
    لاسف اة
    
11. انت شايف انك لو غنيت هتكون ناجح؟ ولا الحنجرة تعبانه؟
    لا انا مش بحب اغنى والحنجرة حاليا تعبانة
    
12. أنا مش عايز أتقل عليك لكن أخر سؤال عايز أسأله لو واحده بتحبها طلبت منك تعرفها علي واحد صاحبك وده العادى بتاع اليومين دول علي فكرة وقالتلك كلمنى عنه هتوصفهولها ازاى؟ وياترى انت هتتصرف بعد كده معاها ازاى؟
    فى وقتها هاسيبها وامشى ومش هاوصف حد
    
13. وكنت عايزك توصفلي بتحب جنه علي ايه؟ وأصحابك علي ايه؟ ويارب ماأكون تقلت عليك
    

انا بحب جنة اولا لان هية بنت اختى ولان انا بحب اختى كتير فلازم احب جنة واكتر كمان وكمان مفيش حد بيشوفها الى لما يحبها
ثانيا انا بحب اصدقائى لان هما الى بيوقفى جنبى فى وقت الشدة وحاجات كتير اوى علشان كدة انا بحب اصحابى جدا

تتوقع أكون بفكر في ايه دلوقت؟؟
فى تكلفة الكنز

شايف مين عنده صفه مشتركة بينكم؟
كان فى واحد صحبتى كانت معاية فى الكلية نفس التشاية حتى فى مجموع الثانوية العامة

لو حد قالك انت غبي هترد عليه ازاى؟
هاقولة ربنا يسمحك

بتحب تقول لمين دايما ياغبي؟
للى بيستهبل علية

لو أخدوا منك الكمبيوتر هتعمل ايه؟
مش هاعمل هاروح اقعد فى السيبر

طيب لو لاقيتهم داخلين عليك بلاب توب هتسيب الكمبيوتر؟
لا لان انا مش بستريح لية

ايه فكرتك عن الجواز؟
مفييش اتنين بيتجوزو بعض ويحبوا بعض ويرزقوا بالاولاد

ناوى تاتجوز وانت عندك كام سنه؟
مش عارف

مواصفات سعيدة الحظ اللي هتكون من نصيبك وماتقوليش محترمه وتسكت هات اللي عندك كله
حاجات كتير مش لازم تعرفها

لو ربنا رزقك بأولاد تحب يكونوا ولاد ولا بنات وناوى تسمى ايه ان شاء الله؟
بنات جـــنـــة

ايه أبسط شيء يخليك تبتسم؟
انا ببتسم من غير اى حاجة يعنى انا الرجل المبتسم

واحد لو ماكنتش عرفته كانت حياتك هتكون غير حياتك اللي انت عايشها دلوقت خالص ولا لسه مصادفتش شخص يغيرك؟
مفيش

انت عملت ايه مفيد في حياتك؟
حاليا انا شايف ان انا ماعملتش حاجة

راضي عن اللي انت حققته لحد دلوقت ف حياتك وياترى ناوى تعمل ايه جديد؟
لا مفيش

قوللنا اسم الشهرة بتاعك
alonso
الونسو

تحب قعدة الكافيه ولا البحر ؟ الدوشه ولا الهدوء؟
البحر الهدوء

بتحب الافراح؟ طيب مواظب علي زيارة الموتى؟
بحب الافراح
بس مش مواظب على زيارة الموتى


واحد لو شوفته هتخنقه وليه؟
بلاش

حد وعدك بحاجه وانت مستنيه يوفي بيها؟ طيب لو موفاش بوعده هتعمل معاه ايه؟
واحد صحبى
عادى هاعملها فية

بجد كرسى الاعتراف دة جامد جدا
ومن كتر الاسئلة مش لقية سوال بس يارب يحققلك كل اللى تتمناة

شكرا اوى شيماء على مروريك

ان شاء الله هاتكونى علية قريب جدا

نورتى الصفحة يامنى وليكى وحشة

بقاليك فترة مش باينة

كل ده وما زهقتش ياعبد الرحمن
يالا ياعبدو اختار بقي عضو
ولا نقول شيمو اللي هي
شيماء الشامى

معلش بقى يا عبدة انا كنت عايز اسئلك شوية اسئلة تانية بس للاسف كل الاسئلة انت اتسلتها

يعنى انتو عاوزينى اسيب الكرسى

لا والله بس انت كده قعدت كتيير والمفروض نعطي فرصة للاعضاء الباقيه
اي نعم انا اعترفت كتيير اكتر من شهر بس ده لانى كنت غايبة عن المنتدى ومكنتش بدخله بس اول ما دخلت تانى اخترت العضو التالي اللي هو حضرتك
وانا كنت بحسب انتو اختارتو عضو تانى بعدى

انا اسف جدا على التاخير وان شاء الله هاختار عضو دلوقتى

ويارب اكون موفق