مشرفتنا المتألقة دوما ..منمن على كرسي الاعتراف

ألف شكر ليكى ياملكة الاحزان على كلامك الحلو ده بجد كلام ماأستحقهوش


على العموم أنا مستنية أسألتكم ويارب تكون خفيفة0000

منورة يا منمن على الكرسى ربنا معكى ان شاء الله هسئلك بس بعد ما تردى على رحاب وولاء[size=29][/size]

بسم الله الرحمن
الرحيم


صديقتنا العزيزة
منمن انا مش حتقل عليكى لان الله يكون فى عونك بس عندى بعض الاسئلة يا ريت تجوبى
عليها ,,,,,,,,,





امتى
منمن تكره حد ؟


1
هل ممكن منمن تغفر الخيانة لها ؟وامتى ؟ ولمين؟


2
امتى منمن تكذب؟ وايه هى احلى كدبة كدبتها ؟


3
ايه الى يخلى منمن تضحك من قلبها؟


4
ايه الى يخلى منمن تبكى من قلبها؟


5
امتى منمن تكون فرحانة ذى الاطفال ؟وامتى بتكون
حزينة ذى الشيوخ؟


6
اية الحلم الى كنتى بتتمنية ومتحققش؟ واية الحلم
الى نفسك تحققية؟




واخيرا ياريت مكنش تقلت عليكى باسئلتى ويا رب تكون سهله عليكى .

ازيك ياولاء ويارحاب هبدأ مع ولاء وبعدين أجاوب أسئلة رحاب أنا سعيدة بأسئلتك ياولاء ليه بس انتى مصعبة الامور عليه اوى المهم ان يارب أقدر أجاوب عليها ويلا هبدأ معاكى الاجابة 0000


1_ أنا الحمد لله بحب الناس جدا وبحب أخدمهم جدا وكمان بفضل الله مش بزعل من حد وممكن برده غيرى يحكم عليه علشان أعرف عيوبى من غيرى0



2_فيه أهداف كتير وأنا بقسمها اهداف صغيرة زى نجاحى فى الكلية وهدف أسمى انى أشترك مع المجاهدين فى المسجد الاقصى واتمنى الشهادة هناك ادعولى ان أحقق الامنية ديه بتمناها بقالى 7 سنين0



3_مع ان الحياة مش بتبشر بخير الاان عندى احساس ان فى المستقبل هتكون الحياة كلها أمل فى المستقبل على ايدنا وايد شبابها0



4_اكتر شئ شعرت بالحرج هو لما حد يقول لأعز أصحابى كلام أنا ماقولتهوش ووقع خلاف لدرجة انه مستمر لغاية دلوقتى من أيام الثانوية0



5_فى شخص عمرى ماهنسى فضله عليه فى هدايتى وهو الدكتور عمرو خالد ربنا يباركله0




6_اول شخص اتعرفت عليه فى الموقع هو ياسمين0



7_اعز شخص عندى فى المنتدى ولاء وملكة الاحزان وزيزو وياسمين والبرنسيسة ورحاب وباقى الاعضاء0




8_من الدكتورة نادية لما قالت عليه وكمان قابلت زيزو واتعرفت من خلاله على الموقع زيادة0




9_الله يسامحك طبعا ولاء
ربنا يوفقك لزيزو
تستحق التقدير ملكة الاحزان
لسه فاكرنى نفرتيتى
وجودك يسعدنى ياسمين
صافى لبن للمؤرخ0



10_اقرب الناس الى قلبى عمى العزيز0


11_الحكمة التى أتخذها شعارا فى حياتى وعسى أن تكرهوا شيئا وهو خيرا لكم





12_اللون المفضل الفضى0



13_البطاقة هقدمها الى اختى حنان0



14_الاعتذار الى أمى0



15_الحمد لله انى لسه عايشة ومشندمانة على اى حاجة وفرحانة بالامن والاستقرار بجد0




16_ ابكى على الانحدار اللى وصل اليه العالم الاسلامى فى شتى بقاع العالم0



17_ هو شخص واحد بس يقدر يمسح دموعى وهو صلاح الدين الثانى الايوبى 0



18_ الذى يسكن قلبى هو الله ورسوله ديه أول حاجة وعد كده المسجد الاقصى0



19_الحمد لله لغاية دلوقتى لا بس ياعالم المستقبل هيبقى فيه ايه بس بحاول انى مااستسلمش بمنتهى السهولة ولو حزنت وده شئ عادى برجع بعدها فى ثوانى 0



20_مستحيل أنساكى الى جدتى رحمها الله0



21_خطر على بالى وأنا مغمضة العينين انى بلدى تبقى أحلى بلد فى الدنيا لانى حزينى باللى وصلتله0



22_ان أجهز جيش عظيم من جميع البلاد العربية ليخدم البلاد وينقذ البلاد التى إتهانت فيها كلمة الإسلام0:flower:



23_لا والله بفضل الله لم أكرهه أحد بشدة ممكن أزعل منه بس برجع فى ثوانى صافية من ناحيته جدا ولم أوصل لمرحلة الكره الشديد لشخص معين إلا لأعداء الاسلام0



24_اجمل اسم لولد انا بحبه وهو اياد واحلى اسم لبنت هو رودينة وهى السحابة اللى كانت بتغطى الرسول عليه الصلاة والسلام فى الاسراء والمعراج0



25_الصراحة لو حصلت على المبلغ ده هوزع نصفه لله علشان ربنا يكرمنى فى الباقى والنصف التانى لسد احتياجاتى والباقى لمساعدة من أراه يحتاج الى هذا المال0



26_أجمل حاجة فى حياتى لما دخلت الموقع حسيت فعلا انه موقع هادف وجميل0



27_أكتر بلد بحبها هى تركيا لموقف رئيس وزرائها رجب أردوجان الايجابى ضد اسرائيل والبلد التى أكرهها وبشده اسرائيل وامريكا0



28_نفسى فى رضاء ربنا عليه0




29_لما توفيت جدتى التى أعتبرها صديقتى وأحبها لدرجة كبيرة جدا اكتر من أمى0



30_لما احقق حاجة من اهدافى الصغيرة وكمان لما اجلس مع اسرتى ونتناقش بحب جدا انى اقعد معاهم



31_والله كلهم بحبهم جدا وزى ماقولتلك مش بفرق بينهم ويارب يقدموا خدمة لمجتمعهم وموقعهم وأنا الحقيقة شايفى همة عالية جدا من الاعضاء ويارب تفضل على طول0



32_ لا اريد ان تحتل بلدى من أى جهة وخصوصا من أعداء الله0



33_شايفى نفسى فى بيت الزوجية مع أولادى وممكن أكون فى الوقت ده قربت أبقى كركوبة0



34_ طبعا موهبة الغناء أصلى كل لما أغنى يقوللولى اسكتى صوتك وحش فكنت أتمنى ان يكون عندى موهبة الغناء0



35_ أكتر واحد بحب أكلم معاه عمى وخالى 0



36_أكتر موقف لما طلبت أمى أعمل حاجة ليها وللاسف رفضت وحسيت فى لحظتها ان ربنا غضبان عليه وكنت ندمانة جدا انى ماسمعتش كلامها0



37_ هدفى أنا ذكرته فى كلامى وطموحاتى انى أحقق هدفى الاسمى0



38_موقف إنى ماأدخلش حاجة غصب عنى أبدا لازم أفكر الاول قبل كل شئ0



39_الصدق صفة أدعو من الله انه يثبتنى عليها
الخيانة من اشد اعدائها وبكرهها جدا وبدعو ربنا ماتكونش من صفاتى
الكذب بحاول بفضل الله أبتعد عنه لأنه دايما بحس لو كذبت هانكشف فى يوم فبحاول ماأحطش نفسى فى الموقف ده أبدا
الغرور أتمنى من الله الا يكون موجود فيه علشان طبعا المغرورين بيكونوا معروفين وبكره أتعالى على أى حد0
الغيرة ديه بقى جبارة يارب الصفة ديه بالذات بكرهها جدا لانها وحشة جدا ومالهاش اى معنى
الصداقة الحمد لله بعشقها وعندى بفضل ربنا صداقات كتير
المسؤلية بحس انى موجودة فيها دلوقتى وانى لازم أوصل كل معلومة عرفتها للموقع وللاعضاء
أما الحب جميل جدا لما يكون حلال لاهلى واقاربى واصدقائى بس لما مايكونش حلال يبقى ساعتها أقف وأحاسب نفسى كويس علشان ربنا0



40_ وانا صغيرة حلمت انى أكون مهندسة بس قدر الله وما شاء فعل الحمد لله دخلت التاريخ هو غصب عنى بس حبيته بعد كده بفضل دعاء بابا وماما ليه0



41_ طبعا لازم أقبل النقد علشان أعرف انى نجحت فى أى عمل لازم يكون فيه نقد0



42_نقطة التحول من فتاة مستهترة الى الحمد لله فتاة متدينة ومتيقنة لأمور دينى ودنياى 0



43_ بحكم عليه على حسب تعاملاتى معاهم وأتبع المثل القائل ماتعرفش الانسان غير لما تعاشره أما الحكم عليهم بعد أكتر من مرة من مقبلاتى ليهم0



44_الحقيقة أقيس عمرى بالعمل والافادة اللى قدمتها لو مافيش افادة مافيش عمر0




45_العبارة من وجهة نظرى لاتلائمنى ممكن أفكر فى أى شئ بس وجودى زى عدمه عمرى مانفعت حد بفكرى يبقى أنا مش موجود0



46_العبارة دية صحيحة وعقلى متقبلها اذا كنت بعمل حاجة لاسلامى وبفيده0



47_الحرية فى نظرى شئ مهم بس أنا فى نظرى لو زادت عن حدها ماتبقاش حرية0



48_ اكتر حكمة أمة لاتعرف تاريخها لاتحسن صياغة مستقبلها0



49_اللى يفدنى فى اخرتى 0



وللحديث بقية ياولاء

50_عايزة من الناس انهم يحبونى ويحترمونى 0

51_ عايزة من من أهلى انهم يححقوا اللى انا عوزاه ومش يفرضوا رأيهم عليهم ويستمعوا ليه كويس0

52_ الحقيقة نقصنى حاجات كتير زى انى أكمل اهدافى لاخر يوم فى عمرى وبدعو من ربنا انه يحقق ليه اللى بتمناه000000

أنا كده ياولاء خلصت أسئلتك بس ياولاء صعبة أوى ماشى ياولاء هيجى عليكى يوم زى وساعتها قولى على نفسك يارحمن يارحيم على العموم شكرا ياولاء على أسئلتك0000

[/center]

ازيك يارحاب أنا فرحانة بأسئلتك اوى وانتى الحقيقة مختارة أسئلة سهلة

وهجاوب عليها ان شاء الله000

1_ أفكارى الحقيقة مش هتبقى أكتر من اللى عملوا زيزو وملكة الاحزان أفكارهم هايلة وعمرى مافكرت زيهم بس أقدر أقول ان الموقع كده أحسن بكتير ويكفى تجديده باستمرار0


2_اكتر شئ بيخوفنى فى الدنيا انى أكون قاسية على حد أو أعامل معاملة وحشة يارب يعصمنى من كده0


3_ أكتر شئ بيعصبنى فى الكلية لما بشوف لبس معظم البنات اللى وصل لانحدار كبير وأكيد انتى فهمانى 0


4_ مثلى فى الحياة العامة هو والدى وربنا يخليهولى
وفى الكلية لم أرى مثل يقتدى به حتى الان
وفى الدين رسولى حبيبى
وفى الموقع ملكة الاحزان وزيزو لانهم متفمين مع الطلبة جدا0


5_توأم روحى هو أختى الصغيرة هدى 0


6_ أختار أعز أصدقائى لأنه هو اللى هيفضل معايا على طول أما الحبيب ممكن يتخلى عنى فى يوم من الايام0


7_ أكتر شئ بدمنه القراءة والانترنت0


8_ فى بعض الاحيان لما أكون ماإتكلمتش معاه فبضطر من خلال لبسه أحكم عليه بس الحكم بيكون مؤقت لغاية لما أكلمه وبحلل شخصيته من خلال كلامه0



9_اكتر مقولة بؤمن هى( أنا وأخويا على أبنى عمى وأنا وأبن عمى على الغريب)0


10_ياه يارحاب السؤال ده بتمناه من زمان الحقيقة فيه شخصين هارمى عليهم الحذاء

الشخصية الأولى (تسيبى ليفنى) وزيرة الخارجية لاسرائيل أصل يارحاب الست ديه مش لقيه حد يوقفها فلازم يتحدف عليها جزمة علشان تتظبط وتقعد فى مكانها وتتهد0


الشخصية التانية (أحمد أبو الغيط ) وزير الخارجية المصرى لإنى الصراحة متغاظة منه جدا بعد إنحيازه لاسرائيل ضد المقاومة 0


شكرا بجد يارحاب أسئلتك مرحة وحلوة00000

انا عجبنى يا منمن اجابتك الصريحة انا هسئلك سوالين يارب يكون خفاف عليكى

[size=24] الله ينور على اجاباتك يا منمنتى انتى شخصية جميييييييييييلة من برة وجوة ورنا هيكرمك فى حيااااااااااااتك كلها ان شاء الله ........ انى احبك فى الله [/size]

بالنسبة لأسئلتك ياوجدى اسئلة جميلة معلش إتأخرت عليك علشان النت كان فاصل:




1_أنا الحقيقة عمرى مافكرت فى كلمة الكره بس ممكن أعرف الكلمة ديه للأعداء الاسلام بس للمسلمين عمرى ماكرهت حد ممكن أزعل بس أكرهه مش من سماتى.


2_ ممكن أكدب بكل صراحة لما ألاقى نفسى إتورطت فى حاجة كبيرة أنا اللى وضعت نفسى فيها بس بينى وبينك ياوجدى بنكشف بسرعة .


أحلى كدبة كدبتها لما كنت صغيرة وقولت لماما مش عايزة أروح المدرسة وعلشان أقنعها قلتلها إن أبلتى ماتت وطبعا ماما جرت على المدرسة وبالصدفة كانت الابلة غايبة فى اليوم ده وماما فالت للمدرسين ان أبلتى ماتت وكل المدرسين طلعوا جرى على بيتها علشان يعزوا وطبعا أبلتى إتخضت وفالت مين اللى قالكم كده قالوا منى ومن سعتها أخدت علقة مظبوطة وبقيت أروح المدرسة على طول.


3_ لما يكون فى نكتة حلوة أوى ولما يحصل موقف مشابهة لموقف أنا وقعت فيه.



4_ لما أفقد شخص عزيز عليه ولما أتظلم أوى.


5_ لما أكون فرحانة زى الاطفال ببقى أكيد شوفت توم وجيرى ولما أكون حزينة زى الشيوخ لما أكون قاعدة فى وسطيهم وياسلام لما يكونوا زعلانين بضطر انى أكون زيهم.
6_ انى أدخل كلية الهندسة بس قدر الله وما شاء فعل والحلم اللى نفسى أحققه انى أحرر المسجد الاقصى .

يارب أكون جاوبت على الأسئلة بكل صراحة والله وشكرا على الاسئلة ياوجدى

ازيك ياملكة الاحزان ان شاء الله هجاوب على أسئلتك.



1_ ألجأ الى الصمت لما أكون عايزة أتكلم علشان ما أتسرعش فى كلامى بالغلط.


2_ لما أكون غاضبة جدا أفضل ماسكة ايديه لفترة وكمان ممكن ماأقدرش أكلم حد فى وقت غضبى بس والله الواحد بيحاول يسيطر على نفسه فى الوقت الغضب.


3_ الحقيقة من وجهة نظرى مافيش سلبيات فى المنتدى المنتدى الحقيقة جميل جدا بس فيه تعقيب بسيط ان الموقع مليات أقسام كتير فالواحد إتلغبط جدا ديه بس التعقيب البسيط.


4_ بطاقتى الشخيصية :
الاسم: منى زكريا محمد
السن :19 سنة
المهنة :طالبة فى الفرقة التانية تاريخ
السكن : كفر الدوار . التمليك


اسئلتك جميلة ياملكة الاحزان واتمنى أكون جوبت كويس شكرا ليكى ياملكة الاحزان

الف شكر على أسئلتكم

ازيك ياياسمين يسعدنى وجودك وأسئلتك جميلة :



1_ والله السؤال ده المفروض انتى اللى تجاوبى عليه لإنى استحالة هعرف أنا أبقى ايه بس والله ياياسمين بحاول أكون فى نظر نفسى كويسة.

2_ أكتر عصر أحب أعيش فيه هو عصر الفراعنة لأنه عصر جميل جدا وأنا بحبه. [/size]

يارب أكون جوبت اجابة حلوة شكرا ليكى ياياسمين

تم غلق الموضوع