دعوة لمظاهرة بكلية الآداب بدمنهور

أولا احيى المشرف الذى دخل وحذف جزء من الموضوع لا احيه على ذلك ولكن احية على انه لم
يحذف الموضوع كليتنا . لاننى تأكد انه موافقنى فى الفكرة

العجب لقد تم مشاهدة الموضوع سبع وعشرون مرة كل هذا ولا احد عنده القدرة على الرد ولو حتى من باب الديمقراطية.

اولاً انستى انا موجود فى الموقع كل يوم ما فيش مواضيع اتحذف نهائى
ثانياً موضوع الرد ده حريه شخصيه وانا بجد اول مره اشوف الموضوع ده
ثالثاً بالنسبه للمظاهره انا شايف انها فكره مش كويسه خالص فى الوقت ده
وبعدين ان شاء الله الجاى احسن بالتاكيد
شكراً ليكى

والله انا واحد من الناس مظلووووووم
تخيلوا معايا ماده من اولى لرابعه
ليه يعنى ماضى عقد مع الماده دى ولا ايه
مع العلم انى بحل والله وبجيب الكتاب وبدفع دم قلبى

والله العظيم انتوا عالم فاضية اولا

بالنسبة لولاء مش لازم تحذفى اى حاجة طالما احنا مش بنجرح فى حد
ثانيا بالنسبة للاخت كليوباترا فان النظام اكيد فى الكلية هايتغير لان كلة اتعظ واكيد الاخوان هايعملوا مظاهرات
اما بالنسبة للاخ الى شايل مواد ففى ناس كتير زيك
زى انا معاية مادتين امتحنت واحدة الترم الاول وشيلتها من قبل النتيجة ماتتطلع والتانية الترم التانى ودول للفرقة الاولى
فياريت محدش يخاف ولا يقلق لان كلة هايتعلم والى ماتعلمش الايام هاتعملة

اكيد النظام فعلا هيتغير
بالنسبة ليا يامستر انا مش حذفت انا عدلت
لانها كانت كتبت اسماء دكاترة فمش لازم بقي الكلام ده
اللي بيتحذف فعلا الطلوب حذفه
اعتقد كده وصل الفهم

أعتقد ايمن و fernandosor739 و زملكاوى يعانون مثلنا تماما

ايه المرشد الأكاديمي ده اول مرة اسمع عنه اكيد زى الجودة اللى مشفناش منها الا وعود وخلاص
اعتقد انها حبر على ورق فقط . المفروض يعملوا دليت للكلية بالدكاترة كلهم ويبداوا يبنوها من جديد
مع اخذ بعض الكوادر لا وقت للمجاملات

ياحبيبتى الموضوع مش كده
المهم انك تكتبى ورقة وتديها للمرشد
فيها شكاويكم ويمضى عليها كل من يحب اعتقد انها كده افضل

هههههههههههههههههههههههههه
اغيب يوم كل ده يحصل
هههههههههههههههههههه
اوك لو فى ناس عايزه تعمل مظاهرات وتغير نظام الكليه
انا ليا سؤال واحد بس مش اكتر
انت بتعمل كل حاجه فى حياتك صح او زى الكتاب ما بيقول ؟ولا انت بشر زينا وبتغلط !
ههههههههههههه
يبقى نبدا بنفسنا ولو فى حد شايف نفسه ما بيغلطش يبقى يعمل الى عايز يعمله
ده رأى انا بصراحه
انا اول الناس عندى عيوب كتير ما ينفعش اقول للناس تغير وانا لسه زى ما انا
لازم اتغير انا الاول وبعدين اغير الى حواليا

abdo كتب:

هههههههههههههههههههههههههه
اغيب يوم كل ده يحصل
هههههههههههههههههههه
اوك لو فى ناس عايزه تعمل مظاهرات وتغير نظام الكليه
انا ليا سؤال واحد بس مش اكتر
انت بتعمل كل حاجه فى حياتك صح او زى الكتاب ما بيقول ؟ولا انت بشر زينا وبتغلط !
ههههههههههههه
يبقى نبدا بنفسنا ولو فى حد شايف نفسه ما بيغلطش يبقى يعمل الى عايز يعمله
ده رأى انا بصراحه
انا اول الناس عندى عيوب كتير ما ينفعش اقول للناس تغير وانا لسه زى ما انا
لازم اتغير انا الاول وبعدين اغير الى حواليا <
br />

أهلا بك يا أستاذ عبده كان من الممكن ان تبدى رآيك فى الموضوع بدون ضحك
فأرى ان ضحكك قى التعليق ليس فى محله بل هو عدم تقدير للأمر
ومع ذلك
لك شخصيته وطريقته التى يظهربها
ما يهمنى اننا فعلا تغيرنا كثير ولو فى الآراء
ولكن لا احد تطرق للأستاذ الجامعى لا احد تطرق لطرق التدريس
كلهم ينظروا للكليات النظرية انها غير مجديه
لما لا نغير تلك النظرة لا نغير الا بوقفه

دعنى اقول لك ان وقفتنا ليست بالدرجة الاول انها تخلع دكاترة من منصبهم ليس هذا هدفى الشخصى ولكن حتى كل منهم يعيد ترتيب أوراقه ويطور من نفسه
ويعرف اننا لسنا من حزب سمعنا وطاع يا مولانا
قول اللى انت عايزة فى المحاضرة ونزل كتب بأثمان زى ما انت عايز
وكل ذلك تقدم لنا مادة رديئة ننساه بعد الامتحانات ونكاد لانفهما لاتتماشى مع روح العصر لا ترتبط بوقعنا
لانستفاد منها لانستطيع ان نأخذ منها فنطور من أنفسنا والمجتمع




خلاصة كلامى فى مثل بيقول العيار اللى ميصبش يدوش

بمعنى لوقفتنا اننا نجعل الكلية تنظر الينا على اننا لسنا طلاب مهمشين تتعامل معنا اننا لنا دور فى العملية التعليمية


بكل صراحه دعن أسألكم سؤال
ماهى الكلية بالنسبة لك
هى عبارة عن محاضرات امتحانات شفهيه امتحان نصف الترم واخر العام ترقب نجاح سقوط طيلة اربع سنين
لم ننظر الى المادة المقدمة لنا التى تجعل منا مؤهل لتدريس التاريخ
رغم اننا ككلية آداب المفروض ان نعد منذ السنة الاولى كطلاب أكاديميين ليس
كأمتحان ونجاح وسقوط والطالب فلان شايل ماده وهكذا
ذلك لان الكلية ليست تخلق مناخا جيدا للتعليم والبحث العلمي

هناك أيضا عبئ واقع على الدكتور الجامعى فتكلفة الكلية بأشغال لاتليق به كأستاذ اكاديمى كالكنترول واشياء اخرى تشعله دائما بعيد عن عملية البحث العلمي
فبالتالى ينتج لنا أستاذ جامعى ردئ ليس لديه فكرواسع محدود الثقافة فى مجال تخصصه
فبالتالى تقع على الكلية هذا العبء
يرد عليا أخر ويقول نحن فى منظومة كاملة وهى الوزارة التى جعلت كل هذا
ولكن مأحزننى حقا ان لا أحدفكر فى هذا المطلب العملية التعليمة وخاصة فى الكليات النظرية التى لابد ان ينظروا لها بعين أخرى



عذر لى على على الأطالة

الاستاذه قمر الزمان اشكرك كثير على كلامك اللى فى الرسالة
ولكننى لم أستطيع ان ارسل لكى رد
فظهرت لى العبارة التالية
لا تتوفر بعد على عدد كافي من المساهمات في المنتدى يمكنك من استعمال الرسائل الخاصة.
لا اعرف السبب

ولكن اعرف ما تقوليه جيدا فسبق وقولت
اننى من المتابعين للمنتدى بأستمرار للأستفاده منه فى دراستى
وليس لانك طيب تكون سلبى ليس هذا يغفر لك
وانا بالفعل لم ازعل من أحد أطلاقا فهذه تبادل أراء واحب اشكرك بصفتك من الادارة انكى سمحتى لنا ان نناقش هذه الفكره هنا ولم تمنعينا من ذلك

اختى كيلو باترا انا مش بحذف غير المطلوب فعلا حذفه يارب تفهمونى

فهد عبدالله المحمدى كتب:

لا تتعجبى ياكليوباترا فهى طبيعة الشعب المصرى يعتقد دائماً ان دمه خفيف

هذا ليس موضوع نقاشنا اخى

اولاً انا عايز اعلق على موضوع الضحك
ده اسلوبى وحضرتك ممكن تتاكدى من كل مساهماتى
اما بالنسبه لرأى الى قولته فوق انا قولت الى شايف نفسه بيعمل الصح يعمل الى هو عايزه
ومش مهم رأى الاخرين بس لو انا مش كويس ابدأ بنفسى وبعدين اغير الى حوليا

فهد عبدالله المحمدى كتب:

لا تتعجبى ياكليوباترا فهى طبيعة الشعب المصرى يعتقد دائماً ان دمه خفيف

أخى فهد ما يحزننى حقاً أنك قرأت الموضوع بكل ردوده ولن تنتبه لغير القشور التى سرعان ما تتعرى وتسقط

abdo كتب:

انا قولت الى شايف نفسه بيعمل الصح يعمل الى هو عايزه
ومش مهم رأى الاخرين

بالله عليك أخى عبده هذا يعقل هو عشان الانسان أفعاله صحيحة لا يأخذ بأراء الناس هذه تسمى ليست ديمقراطية اطلاقا ولا تبادل أراء
فخذ عندك سيد الخلق أجمعين رسول الله علية أفضل الصلاة والسلام لا احد يشك قط ان افعاله غير صحيحة ومع ذلك كان يشاور الصحابة
ولكن التمس لك عذرا اذا رديت وقولت انى لسه مستيقظ من النوم ولم انتبة لكلامى
قال تعالى (وشاورهم فى الأمر) . صدق الله العظيم

اعتقد انى ماقدرتش اوصلك راى
انا قصدى بالكلام ده انى لازم اغير نفسى الاول علشان اعرف اغير الباقى
ولو انا ماشى صح وفى افكار سلبيه هاتوقفنى ليه اخد ايها لما انا متاكد انى صح

بصوا بقي من الاخر فيه دبابات ادام الكلية اللي مش خايف علي نفسة يروح يعمل مظاهرة
ههههههههههه
انا رائ هقوله في توبيك جديد واللي يوافقنى الرائ يقول انا موافق ويقول مشكلته
اما غير موافق انا اريدمنه فقط بعد اذنكوا يقول غير موافق فقط مع ذكر مشكلاته اذا كان يوجد مشكله
اظن كلامى واضح وصريح

ياريت ياجماعة محدش يمسح حاجة وانا مش هاقول تانى

ايه حكايه مسح المواضيع والمساهمات دى
هو المنتدى فيه عفريت ولا ايه
معلش يا عبده وانت عارف ان فى هنا حريه راى قول الى انت عايزه ومافيش حد هايمسح الكلام بتاعك

بسم الله الرحمن الرحيم

اولا شكرا يا كيلوباترا على طرحك الموضوع ده
انا موافقه بس لانى مريت بالحاجات دى فاحدى الدكاتره تستخدم مع الطلاب الفاظ مش كويسه وان كان ده مش معايا بس انا بتكلم ف المبدا فلذلك اول ما قريت الموضوع قولت اكييييييد هخرج ف المظاهرة
بس بعد كده فكرت فى موضوع الشكوى الجماعية عندما تبدا الدراسة مراعاة للاحوال اللى بتحصل ولانى وده الاهم حاسه (ان شاء الله ان اللى جاى احسن)
فخلينا نصبر وع العموم خلااص زمن الخوف عدى لو حاولنا بهدوء وماحدش سمع لمطالبنا ساعتها نبقى عملنا اللى علينا ومن حقنا بقى نعلن مطالبنا فى المظاهرة
شكرا وارجو ان ماحدش يزعل من راى

ده كله حصل
مظاهرات تانى
كفاية بقى مظاهرات انتوا ختوا عليها ولا ايه عاوزين نخلصوا بقى من الدراسة ونشوف ايه الى ورانا
مش كتر المظاهرات هتغير النفوس كل واحد فيه عيب هيستمر فيه حتى يغيره بايده
مش هيستنا لما يعمل مظاهرة ويغيرة
وكمان الدكاترة مش ذى حسنى مبارك
دول ذى القذافى والله بجد

اولاً - وبكل صراحه احب اقولكم انه مينفعش احدد معاد للمظاهرة بسبب ان المشتركين مش كتير
واعترف انى فشلت فى إقناعكم رغم تيقنى انكم كلكم بتعانوا من نفس مشاكلى ولكن الاعتراف بالحق فضيله
لوكنا كتير كنت ممكن عملنا المظاهرة واللى باكد انها سلمية لان كل اللى بيدخل يسمع كلمة مظاهرة يرتبط زهنة اننا هنحرق الكلية


ثانيا ً - لو كنا قمنا بالمظاهرة كنا هنحدد معاد لها وهكون واقفه فى وسطيكم من غير ما قولكم انى كليوباترا اللى معاكم فى المنتدى وده مش عشان انا جبانه ولا حاجه ده عشان انا مش عايزة اكون رمز ولا حد يفتكرنى زعيمة انا طالبة زيكم تماما واقل منكم كمان وحتى لوحد شك فيا وقالى انك كليوباتر انا هنفى بس هكون معاكم قلبا وقالبا


ثالثا : انا شفت موضوع لقمر الزمان هنا اننا نقدم ورقة فيها مطالبا انا هدخل اقول رآى

رابعا : بعض الناس اللى كانت مؤيدانى هتفتكر انى تراجعت اابدا بس انا ملقتش العدد الكافى اللى ممكن يكون معا ، بس تعرفوا احنا لما نخلص كلية الاربع سنين ونقعد فى البيت واللى اشتغل وظيفة مش مكفياه ومش عجباه هيقول يارتنى عملت مظاهرة زى ديه وانا طالب انما كلنا فاكرين ان باب العمل مفتوح للكليات النظرية ، على العموم خليكم فاكرين النقطة ديه ولما نخلص كلية لو بقالنا عمر هنشوف ماذا فعل كلاً منا فى موقعه، طبعا ده مش يأس اطلاقا وادعوا ربى انه يخيب ظنى خصوصا بعد ثورة 25 يناير ويبقى فى تغير بجد لينا كلنا

انا معاكم يا شباب المفروض كلنا نغير بنفسنا وانا شايف ان موضوع المظاهرات السلمية دى حاجة كويسه ومتحضره فى نفس الوقت الهدف من كده مطاااااااالب معينه وهى :
1- التعين بالجامعة يكون من ابناء محافظة البحيرة وخريجها
2- النهوض بالناحيه الثقافيه لدى الشباب ونشر الوعى الثقافى
3- االتوسع فى الانشطة العلمية والثقافية والانشطة الرياضية .
4- عدم التعسف فى دفع والزام الطلاب على شراء الكتب الجامعية .
5- الغاء الوساطه والمحسوبية واعطاء كل ذى حق حقه .
6- تشجيع المواهب الطلابية وتحفذيهم والاهتمام بالابحاث العلمية .
7- اقامة صندوق دائم بالجامعة لتلقى شكاوى ومقترحات الطلاب والعناية بها ومتابعتها على مدار كل اسبوع .

ايوة يا جماعة لوكلنا ايد واحده وعدد كبير محدش هيقدر ياخد ضددنا قرار

اما لو واحد لوحده او عدد صغير من السهل على الكلية تصدر اتجاه اى قرار

انا عندى فكرة تانية هقولهالكم
ادخلو هنا
http://www.damanhourarts.com/home7.html

والله ياكليوباترا انا أحيكى على هذه المبادرة والتفكير الرائع ده

لو اتفقتم على معاد للمظاهرة هكون انا اول من واقفين فيها

على فكرة فى حالة احتقان فى الكلية وكله عايز تغير يعنى هيسمعكم وهيسمعوا مطالبكم والى حد ما هينفذوها

الدكاترة تفكرها اتغير الى حد كبير بعضهم مش كلك يعنى

على فكرة فى شباب زى الورد بنات وولاد ب عاملين حاملة نظافة فى الكلية حاجه بجد تفرح ومتطوعين

المهم انتم حددوا معاد للوقفة السلمية وبلغونى وكلنا نتجمع هناك