ضل راجل ولا ضل حيطة

جلست بعض السيدات فى النادى فتحدثت سيده وبدأت تخطب فى وسط سيدات النادى وقالت :

: قالو ضل راجل ولا ضل حيطه ... ياختى بلا راجل بلا نيله

1 - عمرك سمعتى عن حيطه بتشخر طول الليل ومتخلكيش تعرفى تنامى.

2- ولا حيطه تدخل من باب البيت تجعر عايزه الغداء وبعدين تطين عشتك عشان الملح طلع زياده فى الباميه.

3 - ولا ممكن ترجعى البيت فى يوم تلاقى الحيطه بتبوس فى الشغاله.

4 - طب شفتى حيطه تملا سقف الشقه دخان والارض سجاير.

5 - ولا حيطه تصحيكى من النوم فى نصف الليل عشان معرفش ايه طلع فى دماغها.

6 - ولا حيطه تدوخك وراها عشان تشوفيها بتكلم مين فى نص الليل فى التليفون.

7 - طب الحيطه معروف مكانها طول الليل انما المحروس يدوخك وراه عشان تعرفى كان سهران في انه داهيه .... قال ايه عنده شغل : يا سم.

8 - ولا فى حيطه تحاول تطلعك غلطانه فى كل كلمه تقوليها عشان تثبت للعيال ان الحيطه بتفهم عنك.

9 - ولا حيطه تقعد تقولك ماتخرجيش بالفستان ده أحسن اقطعه ولما تطلبى منه فلوس عشان تجيبى فستان غيره تعمل ودن من طين و ودن من عجين ...طيب ده حتى الحيطه ليها ودان

ههههههههههههههههه
ايه ده يابنتى
ده انتى بهتلتيهم

ههههههههههههههه
يستاهلو ولا لا ؟؟؟؟؟؟ انا موش قلت حاجة غلط
تسلمي قمر علي المرور

لية طيب الغلط دة

بس مش الكل

استخبي يااسماء
هههههههههه

وعملين تقولو حقوق المراءة ومش عارف اية مفيش حقوق الراجل خالص

عبد الرحمن عبد الشافى كتب:: لية طيب الغلط دة

بس مش الكل

شور لازم يبقي في حالات شاذة يعني وما ننكرش ان في ناس كويسة

قمر الزمان كتب:: استخبي يااسماء
هههههههههه

لا انا لا اخشي في الحق لومة لائم هههههههههه

عبد الرحمن عبد الشافى كتب:: وعملين تقولو حقوق المراءة ومش عارف اية مفيش حقوق الراجل خالص

وايه اللي منعكم تطالبوا بحقوقكم؟؟؟؟

كدة احنا عندنا نخوة

هههههههههههههههههههههههههههههههههههههه

لالالا احنا نقعد قعدة عرب بقى

احنا هنتعارك ولا ايه ياجماعة
هههههههههههههههههه

انا هجيب حسنى مبارك المرة الجايه
ههههههههههههههههههه

لا انا هاجيب الكبير
ولا اوقول لكم
الموضوع يتمسح ونريح دماغنا
هههههههههههههههههههههههه

ايه في ايه أسماء ماغلطتش عشان كل ده
الغلط ع الحيطة اللى ماوقعتش على دماغ الستات وسابتهم قاعدين مع بعض يجيبوا ف سيرة حيطانهم أنا لو مكانهم وشوفتهم زهقانين من الحيطان كدا أطلقهم بالتلاته ويشوفوا شجرة يناموا تحتها أحسن

ههههههههههههههههههه
انا مش قولتلك استخبي يااسماء

هههههههههههههههههههههههههههههههه
ادى اخر الى يبنى بيت فية حيطان
ههههههههههههههههه

هههههههههههههههه
حيطان اخر زمن

ياااااه كل ده من حتة موضوع لا راح ولا جه انا برده قلت ان في ناس كويسة يعني
وبعدين لو كان موضوع بيهاجمنا احنا موش كنا هنطالب بحذفه ابدا لاننا نقدر نرد عشان انتوا دايما ظالمينا انما انتوا لو عندكوا رد اوك مفيش مشكلة قولوا نحن نقبل الرأي والرأي الاخر lol!

» احمد ربنا انك راجل