واحد غبي كل الناس بتقول له يا حمار ، فقام في مرة قال لهم بلاش كلمة حمار دي سموني حاجة تانية فسموه جحش....فراح لمراته فرحان بيقول لها مش الناس خلاص سموني جحش .. قالت له وهي غضبانة.....اتنيل م انت بكره تكبر وتبقي حمار تاني
مرة ولد شاف قطة فى الشارع قال لأخوه انا هاخد القطة دى اغسلها و اربيها.اخوه قاله لو غسلتها هتموت و سابه و مشى..... رجع بعد ساعتين لقى اخوه بيعيط وبيقوله القطه ماتت.... قاله مش قولتلك لو غسلتها هاتموت ، قاله ماماتتش و انا بغسلها ماتت و انا بعصرها
مره واحد عدى على واحد صاحبه بخيل اوى...... لقاه حاطط ايده على عين الشمال وبيبص بالتانيه... بيقوله مال عينك ؟ قالوا م انا شايفك بواحده . اشغل التانيه ليه!
واحد راح للدكتور قالوه انا عندي صداع قالوا الدكتور انتا بتنام والشبك مقفول ولا مفتوح قالو مقفول ، قالو الدكتور افتحوا ....تاني يوم جالو الراجل .. فقالو الدكتور ها راح الصداع ؟ قالوا : الصداع راح.....والبوتجاز راح......والتلفزيوون راح.... و....و
سواق قتل 60 واحد في حادثة.... لما سأله الظابط ليه قتلتهم؟ قال له كنت ماشي وبعدين فجاة العجلة ضربة ..ولقيت على يميني فرح وعلى شمالي راجلين ... ادخل في مين ؟ قاله الظابط ادخل في الراجلين.. قاله م انا دخلت في واحد والتاني دخل الفرح
مرة واحدة ست قالت لإبنها :خد الفلوس دى وروح هاتلى دواء يصغرنى عشرين سنة فراح الولد يحيب لها الدواء ورجعا إداها الدواء .. و راح المدرسة....... رجع الولد لقى والدته صغرة عشرين سنة قال لها: إنت صغرتى قوى يا ماما ، بس إيه العيل اللى فى إيدك دة قالت له:إسكت يا واد مش أبوك شرب العلبة كلها
واحدغبي راكب مع ابوه العربيه ابوه قاله اقفل الشباك ياولد الجو برد ... الولد قاله ياسلام عليك اما انت عليك تقاليع هوا يعني لما اقفل الشباك الدنيا بره هتحرر؟
فيل ونمله ماشين على البحر... فجأه الفيل رمى نفسه فى البحر ليه ؟؟؟؟؟؟؟....... أخو النمله جاى وراهم
واحد اخنف واقع فى بئر مايه ...فمر علية واحد وكان اخنف برضه ، قالة اطنعك ...رد قالة ايوه طنعنى.... قال بتألس علي طيب مش حطنعك
في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا أستاذ، الأستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ.
مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته.
بلدياتنا بيوقف تاكسي فسأله: فاضي يااسطة فقال له الأسطة: ايوة فاضي
فقال له بلدياتنا: طيب ماتيجي تقعد معايا شوية .
فيه واحد كريم جدا بيته اتحرق جت المطافى يطفّوا البيت!! قالهم والله ما انتوا عاملين حاجة قبل ماتشربوا الشاي.
صبى كسلان جداً شغال فى ورشة كل لما المعلم يقول له هات مفك، يقول له كمان شويه .. بكره .. مش وقته، وفى يوم لمبة الورشة اتحرقت، فالمعلم قاله ركب اللمبة رد الصبي وقال : دى حاجة سهلة قوى، وشاله المعلم على كتفة واستنى دقيقة دقيتين ربع ساعه مافيش حاجة ركبت، قال له المعلم انت مركبتش اللمبة ليه قال له اللمبه قلاووز وانت اللى مبتلفش يا معلم.
سألوا مسطول : مين أهم الشمس ولا القمر .. فقال القمر طبعا.. لان القمر بيطلع بالليل ينور لناوالدنيا ظلمة.. أما الشمس تطلع بالنهار والدنيا نور أصلاً.
مسطول اشترى لأمه عصفورين, واحد بغني والثاني ساكت .. فسألته أمه ليه واحد بيغني وليه الثاني ساكت .. قالها ده الملحن.
مسطول جه يخرج من العربية لقى الدنيا بتمطر راح خارج من الباب التانى.
مرة مدرس سأل الاطفال فى الفصل وقال اللى يفتكر نفسه غبى يقف .. بعد شويه وقف تلميذ .. فسأله المدرس وليه بقى يا سيدي بتفتكر نفسك غبي .. فرد عليه التلميذ اصلي ماحبتش اشوفك واقف لوحدك يا أستاذ.
مره واحد غبي راح السينما هو ومراته واول ما النور طفى قال لها قومى يا وليه شكلهم هيناموا.
جماعه ارهابيين أغبياء حبوا يفرقعوا مدرسة فحطوا قنبلة فى الدور الاول واستخبوا فى الدور التانى.
واحد ركب مترو الانفاق .. جاله الكمسرى بيقول له تذاكر ... قال له امين شرطة... فسابه وراح للى جنبه وقال له: تذاكر ... قال له: امين عبد الجواد.