مشرفنا المميز ahmed على كرسى الأعتراف

السلام عليكم ورحمه الله وبركاته

مشرفنا المميز ahmed على كرسى الأعتراف Fire10

أهلا ومرحبا بكم احبتي ..

وهانحن من جديد على بساط من الاخوة الصادقة نلتقي ..

نلتقي لنجدد عهود الوفاء لمن هم أوفياء لهذا الصرح ..

نعود لنستضيف ضيف لطالما أسعدنا وأفرحنا في نشاطه ..

ضيف لا يمكننا أن نصفه بكلمات مدح على ما يبذله في هذا الصرح الشامخ

معروف عنه بحسه الجميل في أخلاقه

في تعامله مع الأعضاء والمشرفين والمراقبين

حيث المرح وخفة الدم... التي نجدها في روحه

حيث الشفافية ... والحب .. والمودة..

حيث سعة الخاطر ... ودماثة الخلق ...

حيث كل هذا.... نجد

ahmed

لن آطيل عليكم وآترك لكم هذآ الموضوع

للكشف عن الجآنب الذي لآنعرفه عن ضيفنآ الغآلي،،

الذي يستحق بجدآره بأن يكون ضيفنآ على كرسي الإعترآف لهذآ الاسبوع

ختاما

اتمنى لك أسبوع حافل بالاسئله الساخنة ..,, والمرحة ..,,

واتركك مـع اسئلـة "الاعضاء"

وليه عوده بالأسئلة

وطلبات طبعا موجوده الكرسى اللى قلتلى علية وقطعت النور وكل حاجه
مشرفنا المميز ahmed على كرسى الأعتراف Fire10

بعد الصورة دى أكيد أنا جاهز ان شاء الله بس ايه اللي انت قولته عنى ده كله ياعم الحج ده أنا كده ممكن أتغر بس ع العموم أنا هنا لو حد احتاج حاجه وربنا يعدي الاسبوع ده علي خير مع انى بإذن الله مش متوقع أكتر من سؤالين تلاته والكرسي هيفرقع علي طول

]size=24]احمد ! وقعت ولا حدش سمى عليك هههههههههههههههههه
عامل اية ياكبير ــــــــ على فكرة دة مش تبع الاسئلة هههههههههههههههه
بسم الله
لو فى بطاقة تعارف نعرفك من خلاها يا ترا تكتب فيها اية !
اية هو حلمك او تخطيطك لمستقبلك ؟
يوم عمرك ما تنساة ! ولية ! مشرفنا المميز ahmed على كرسى الأعتراف Icon_twisted

علاقتك بربنا اية اخبارها ؟
اقرب الناس ليك ؟

ـــــــــــــــــــ على فكرة انا لسة ما خلصتش
راجع تانى فاصل ونواصل هههههههههه[/size]

الاول أحب اقول موقف حصللي من شويه
أنا كنت جاوبت وكتبت ييجى نص صفحه عنى ولما ضغطت ارسال الرد قام النت فاصل فمعتقدش هكتب تانى بنفس الطريقه لأنى بحب أعمل الحاجه مرة واحده وياصابت ياخابت ولو خابت صعب أكررها أنا هتكلم بصراحه بعيد عن أي حاجه تانيه ولو فيه ناس انصدمت فيا بعد الكرسي ده ف عادى بالنسبه لي أسف لأنى مش هكرر اللي قولته من شويه والنت فصل بس هقول نفس المضمون

بطاقة تعارف تعرفنى من خلالها
الاسم: أحمد فتحي النجار
السن:18
الحالة الاجتماعيه:أعزب
رغاي موت وعمرى مابزهق من الكلام
أنا مش هكرر قصة حياتى اللي كتبتها من شويه بس أقدر أقولك انى وحيد عشان كده أهلي كانوا بيخافوا عليا جدا ومسابونيش أعتمد علي نفسي من صغري وده شىء أنا بندم عليه دلوقت
انا كنت ف يوم انسان منطوى وعايش زى الكتاب مابيقول تقدر تقول فترة الابتدائى وبعد كده بدأت أتعرف علي أصحاب الكل حاول يبعدنى عنهم وانا مقدرتش لأنى كنت بالنسبه لهم حاجه كبيرة قوى وكانوا بيعملولي أي شيء عشان يرضونى لأنى كنت بغششهم ف الامتحانات ده كان ف الاعدادى كان نفسي أدخل صناعه بس أساتذتى كانوا شايفين انى أقدر أكون متفوق ف الثانوى بأقل مجهود كمان .دخلت الثانوى وكنت معتمد ع الدروس بس جبت درجات عاليه ف سنه تانيه ماعدا الكيمياء لأنى ماكنتش مهتم بيها وكنت شايفها ماده هايفه نقصت فيها 12 درجه بعد كده دخلت علمي علوم وبعد شهر من الدراسه حولت علمي رياضه لأنى شوفت انى كنت جايب النهائيه ف سنه تانيه فهمون أفضل فيها ف تالته
في سنه تالته بطلت أحضر الدروس جمب المذاكرة ومهما كانوا المدرسين بيشتكوا كنت بطنش لحد ماجبت مجموعي الزباله اللي أغضب أهلي بس بعد كده عرفوا فضايحي فأخدت علي دماغي لأنهم شافوا انهم تعبوا ومالاقوش أي حاجه ف النهايه بس أنا كنت مش فاهم لسه الكلام ده لأنى حاسس انى أول مرة أبدأ أتعرف ع الناس ومش عارف أكون كويس ازاى أو وحش ازاى؟
المهم أنا رحت قدمت ف معهد سنتين عشان أخده وأخلص لكنهم أقنعونى بالكليه والشهاده وحبة كلام كده فكملت ف الكليه وسبت المعهد عشان محدش ييجي يقوللي كلمه بعد كده زى ازاى أدخل معهد ؟ هو أنا عبيط؟
كان نفسي أطلع عبيط ويسيبونى أعمل اللي ف دماغي بعد كده قدمت ف الكليه20-9-2008 وكانت الدراسه بدأت مالاقيتش قسم الفرنساوى ف دمنهور ومقدرش أدخل انجليزى بفرق درجه قلت اجتماع وبعدين رسيت علي تاريخ مع واحد صاحبي وبعد كده بقيت معاكم ف الكليه
وهيا دي قصة حياتى يارب تكونو اتعرفتوا عليا

تخطيطى لمستقبلي انى هاخد الشهاده ومش هشتغل بيها وكان نفسي أكون مبطل تعليم دلوقت ومعايا صنعه وكفايه اللي كنت أخدته ف المدرسه لحد الاعدادى أو الثانوى حتى دلوقت بقي أنا راميها خالص بس ان شاء الله هاخد المعهد برضه اللي أنا عايزه وبعد الكليه ربك يسهلها ده لو فضلت علي قيد الحياه يعنى

يوم عمرى ماأنساه تقدر تقول النهاردة لأنى عملت حاجه عمرى ماعملتها قبل كده بس كان أحلي يوم في حياتى ومش هنساه ابدا 20-9-2009 كان عيد ميلادى مع عيد الفطر وكل الناس قالتلي كل سنه وانت طيب مش مهم علي ايه بس الكل قالهالى وكنت سعيد جدا وأنا مع أصحابي

علاقتى الحاليه الحمد لله بحاول أخليها أفضل بعد الفترة اللي عشتها بعيد جدا عنه وحصلتلي فيها أزمات كتير لحد ماوصل بيا الطريق انى اتعالجت من مشكله حصلتلي بالقرآن وبعدها حمدت ربنا وان شاء الله عمرى ماهكرر اللي عملته تانى

أقرب الناس ليا
بعيد عن الوالد والوالده اللي ليهم مكانتهم الخاصه فيه كتير بس تقدر تقول أختى وانسان بعتبره أخويا الكبير وهو امام مسجد عندنا ودايما بيساعدنى ف كل مشاكلي لما أحكيهاله وأخيرا ابن خالتى

أحب اتأسف انى بتكلم كتير بس ده بقي شيء فيا ان شاء الله هتخلص منه ف أقرب فرصه وأسف لأنى كنت بتكلم وأنا مخنوق لأنى بعد ماكتبت وجاوبت النت فصل والرد ماوصلش

منور يااحمد الكرسى
وسؤالين خفيف خفيف كدا

_ الأول ازيك يااحمد مودك ايه دلوقتى ؟

_ لو ليك امنية واحدة تتحقق تتمنى تكون ايه؟

_ مقلب عملته او اتعمل فيك ؟

_ أكتر حاجة بتخليك عصبى وتضايقك؟

_ أكتر حاجة تحبها فى شخصية اللى ادامك ؟

_ بتختار صحابك على اساس ايه ولا عادى؟

_ اكلة بتحبها ؟

_ بتشجع نادى ايه ؟

_ لما تحس بوحدة او فراغ بتعمل ايه؟

1- مــــن انـــــــت فى نظرك ؟؟

2-باقة ورد لمن تهديها ...؟؟

3- باقة شوك لمن تهديها ...؟؟

4- اسوأ خبر سمعته...؟؟

5- شخص لاترفض له طلبا ..؟؟

6- ماهي التجربه التي تتمنى تكرارها ...؟؟

7- من هو توأم روحك ...؟؟

8- ماهو اكثر شئ تخشاه...؟؟

9- مالذي يشعرك بأكثر قدر من الحرج...؟؟

11- هنالك شعراء كثر فمن تعتبره شاعرك ...؟؟

12ـ حمامة زاجل استقرت على نافذتك تحمل رسالة من مجهول فممن تتمنى ان تكون...؟؟

13- جريمه تتمنى ارتكابها...؟؟

15- ما اكثر شيء تكره في نفسك .....؟

: 16- ما اكثر صفه يمتدحها الاخرون فيك ......؟

17- شيء تتمنى ان تغيره في حياتك ......؟

18- لديك مبلغ مالي محترم ماذا ستفعل به ....؟

19- كلمة او حكمة تكررها دائما في نفسك .....؟

شخص لا ترفض له طلب ؟؟

- من هو تؤام روحك ؟

-من تختار ليمسح دموعك ؟

- موقف غير حياتك 180 درجه ؟

-هل تشعر احيانا بانك سيئ الحظ ؟

-( مستحيل انساك ) لمن تقولها ؟

- حكمه تؤمن بها دائما ؟

- اعتذار تريد ان تقدمه ... لمن ؟

- اجمل مكان سياحي قمت بزيارته ؟

- اكتر سؤال بيضايقك ؟

- بيت شعر مفضل لديك ؟

- هل انت من هواه الادب ؟ ومن هو الكاتب الذي تتابع كتاباته ؟

- الحياه تجارب ... افضل تجربه بالنسبه لأحمد؟

- ايه هي ايجابيات احمد وسلبياته ؟

- كلمه شكر .. لمن تهديها ؟

- موقف تتمنى تكراره ؟

- اكتر فصل من فصول السنه بتحبه ؟

- فكرت تقتل حد من قبل ؟؟

- مسرحيه اضحكت احمد كثيرا ؟

- مشروبك المفضل ؟

- بتحب الحيوانات الاليفه ؟؟ مثل ...؟

- ايه هي اكبر المخاوف بالنسبه لك ؟

- ضربت حد قبل كده ؟

- اوصفلنا وانت حزين شكلك بيبقي ايه ., يعني بتعمل ايه ؟؟؟ طب وانت عصبي...... !! ؟

- من تقوله ( حسبي الله ونعم الوكيل ) ؟

ندخل بقي علي الاسئله الخاصه بالمنتدي

-اولا .. القسم المفض لأحمدبالمنتدي ؟

- قسم بالمنتدي عمرك ما دخلته ؟

-اكتر عضو بيغضبك .,

* عضو بيضحكك ؟....

*عضو تقول عليه مبدع .....

* عضو نشيط ..........

* وعضو مشاكس ...

- اجمل توقيع عضو عجبك ...........

- عضو يعجبك اسمه المستعار ؟

- عضو بتحب صورته الرمزيه ؟

بتحب مين يقعد على الكرسي بعدك؟

مين اكتر حد لفت نظرك فى المنتدى ؟

نصيحة تنصح بيها حد معين ؟

ايه اكتر موقف احرجك؟

مين اكتر واحد او واحدة تلجئله لما بتكون متضايق؟

ايه اكتر مشكلة قابلتها كانت ممكن تضيعك؟

ماذا كنت تتمنى ان يحدث ولم يحدث؟

هل انت سريع الغضب؟

ايه اكتر حاجة شدتك في المنتدي؟

كيف تعرفت على هذا الموقع ؟( يعنى حد قالك عليه ولا ايه)

ايه رآيك فى كلية الآداب بدمنهور؟

طيب الدكاتره ايه اخبارهم معاك؟

احمد بيداوم على حضور المحاضرات ولا لا؟

اكتر دكتور بتحبة على المستوى العام؟

هل انت رااضى عن مستوى التعليم فى مصر ؟

ماذا تعني لكي كلمة :
الحب
الصداقة
الفراق

مين مثلك الاعلى فى الصداقة

عيشت قصة حب قبل كدة

ايه رائيك فى قضية فلسطين

اكلتك المفضلة

ثلاث نصائح تحب تهديهم لكم عضو فى المنتدى وهمة مين

من هو العضو اللى نفسك تخنقيه؟

من هو العضو اللي يستحق انه تقول عنه محبوب بين الاعضاء ؟

مين بنظرك بيعمل بجهد بالمنتدى ؟

مين مقصربالمنتدى بنظرك ؟

اسوء يوم ف حياتك ؟؟

افضل يوم ف حياتك ؟؟

المواقف اللى عمرك ما نسيتها لحد دلوقتى ؟؟

افضل قسم فى المنتدى من وجهة نظرك ؟؟

ايه الحلم الى نفسك تحققه ؟

اكتر واحد غالى عندك اوى هنا فى المنتدى مين؟

مين اكتر انسان من اصحابك بتقضى فترات طويله تكلمه على الاميل ولو عندك مشكله
مش تقولها لحد غيره ؟

اكتر امنية بتتمناها في حياتك ايه ؟

اجمل توقيع وصورة شخصيه بتعجبك فى المنتدى لمن من الاعضاء وما سبب اعجابك بها ؟

مين اول شخص بتدور عليه او عليها اول ما تدخل المنتدى ؟

موقف كوميدى كل ما تفتكره تموت من الضحك؟

اكتر بلد تحب تعيش فيها واشمعنا البلد دى بالذات وتحب تكون فيها مع مين؟

شويه كده وارجع تانى هههههههههههههههههههه

حلوة الأسئله الخفيفه دي بس ماأوعدكش أجاوب عليها كلها
ولو أصريت مش هتكون الصراحه كامله

أهلا بيك يامديرنا العزيز
بسم الله
عن مودى دلوقت فأنا منتشي حبتين وفايق الحمدلله
أنا معنديش غير الامنيه دى اللي نفسي تتحقق أكون ف الجنه مع اللي يحبونى وأحبهم

مقلب عملته أنا مبحبش أعمل مقالب كتير غير ف أختى والناس العزيزه عليا بس هقولك موقف مش مقلب قوى كنت جايب فيلم وعايز أنزله ع الجهاز بتاع الصيدليه من غير ماحد يعرف فأخدت الفلاشه ودخلت ولاقيت اللي شغاله معايا قاعده لواحدها والدكتور مش موجود قمت قايللها بنت خالتى كان معايا من شويه وعايزاكى تروحيلها ضروري وهيا لأنهم متعلقين ببعض ماصدقت وقالتلي أنا هناك ولو حاجه وقفت معاك رن علي تليفونها الارضي وأنا هاجيلك لأن البيت جمب الصيدليه بالظبط ووزعتها وقعدت ع الجهاز عملت اللي أنا عايزه

أكتر شيء يخلينى عصبي صعب تلاقي حاجه تعصبنى بس ممكن لو لسه صاحي من النوم ومفيش فطار وحد قاللي اعمل أي حاجه حتى لو قاللي حضر الفطار لنفسك

أكتر شيء أحبه ف شخصية اللي قدامى انه يكون فاهمنى وفاهم أنا عايز ايه منه بالظبط

أنا بختارهم علي أساس انهم أصحاب أصحابي مش أكتر وأي حد شايف انه مختلف عنى أقدر أصاحبه بسهوله جدا ونفيد بعض

أكله بحبها؟؟ صينية فراخ بالبطاطس وتكون متظبطه ومافيهاش بصل كتير

أنا ماليش في الكورة قوى بس أهلاوى وبعرف أرد ع الزملكاويه تمام

لما بحس بوحده أو فراغ الأول كنت بتمشي مع حالي في أي مكان جميل بحب أزوره لكن دلوقت بكتب احساسي وأخرجه ومرة ربنا هدانى وقمت صليت

1- مــــن انـــــــت فى نظرك ؟؟

أحمد اللي ف نظر غيري

2-باقة ورد لمن تهديها ...؟؟

للوالدين

3- باقة شوك لمن تهديها ...؟؟

للشيطان

4- اسوأ خبر سمعته...؟؟

انى نجحت ف تالته ثانوي

5- شخص لاترفض له طلبا ..؟؟

خالتى

6- ماهي التجربه التي تتمنى تكرارها ...؟؟

فترة عملي ف مصر الجديده

7- من هو توأم روحك ...؟؟

مش شايفلي توأم ف أي حاجه بس دايما بيقولولي انى شبه خالي ف كل حاجه بالظبط وهموت وأشوفه

8- ماهو اكثر شئ تخشاه...؟؟

الذنوب اللي برتكبها وأنا عارف انها ذنوب

9- مالذي يشعرك بأكثر قدر من الحرج...؟؟

المدح في شخصيتى

11- هنالك شعراء كثر فمن تعتبره شاعرك ...؟؟

أنا قليل الاطلاع بس عندي كتاب لنزارقبانى كان جايلي هديه وعجبنى

12ـ حمامة زاجل استقرت على نافذتك تحمل رسالة من مجهول فممن تتمنى ان تكون...؟؟

من خالي اللي عمرى ماقبلته لحد النهارده لأنه مسافر من وأنا عندي شهرين

13- جريمه تتمنى ارتكابها...؟؟

أولع ف الفلوس

15- ما اكثر شيء تكره في نفسك .....؟

تسرعي وعدم التفكير كثيرا

: 16- ما اكثر صفه يمتدحها الاخرون فيك ......؟

بيقولوا ان دماغي نضيفه يعنى ذكى وكده بس أنا شايفها نضيفه يعنى فاضيه

17- شيء تتمنى ان تغيره في حياتك ......؟

أغير كليتى وأدخل المكان اللي أنا عايزه

18- لديك مبلغ مالي محترم ماذا ستفعل به ....؟

هجيب لاب توب ولو فضل حاجه هدخل بيها مشروع أعيش بيه بقيت حياتى

19- كلمة او حكمة تكررها دائما في نفسك .....؟

أنا لاأؤمن الا بما هو حقيقه وان أمنت بشيء جعلته حقيقه ده الشيء اللي أنا ماشي عليه وكتبته لأنى فعلا بنفذه

-
أهـــلا يا

أحمــد -

منور أكيـــد كرسى الاعتـــراف

و أحب
أبــــــدأ معاك بالأسئلــــــه دى
^
^

حققت
كام
بالمئه
من أحلامك؟
كيف تنظر
للماضى ؟
كيف تنظر
لمستقبلك ؟ وكيف تخطط له ؟
ماذا تفعل
عند لحظه
فشلك ؟
شايف

بلدك
إزاى ؟
إيه رأيك
فى نظام حكم مصر الآن ؟ ونفسك حكم مصر دلوقتى يبقى
زى أى عصر
عدى عليها
عجبك الحكم فيها ؟
أصبح الآن
كل شاب يعلم تماما إن الشهاده ليست كافيه وأصبح
يعلم علم اليقين
إن الحكومه
لم تعنى بالا بتعينه فى عمل فما هو إستعدادك لهذا
؟
إنت
شايف
إن الشباب ليهم حق يشكوا بالبطاله ؟ طيب بعد ما شكوا يقعدوا
يستنوا ولا
المفروض ياخدوا خطوه إيجابيه ؟
إزاى بتنمى
وتطور نفسك
؟
إيه
رأيك
فى الشباب اللى عايز يسافر ؟
جلوسنا
جميعا على النت ومصاحبتنا للشاشه
يضيع كثيرا من وقتنا فكيف تستفيد من النت
بشكل عام
ومن جلوسك
عليه ؟
إيه رايك
فى المنتدى
بصراحه
عايز

إيه
يبقى موجود فى المنتدى ؟
عايز إيه
يبقى مش موجود فى المنتدى ؟

هل انت شخصيه يسهل
ارضائها ؟!هل يسهل
التعامل مع وفهمك ام انك شخصيه غامضه من الصعب
الوصول اليها وفهمها ؟!
اانت شخصيه مرحه ؟ ام ممن يكرهون الفرح ؟!
ضعيفه

ام قويه شخصيتك ؟
متفائله ؟ ام متشائمه ؟!
ما هى احلامك وهل تخطط
للوصول إليها ام لا ؟!
هل تواجه نفسك بأخطائك ؟! يمكنك ان تتقبل نقد
ونصيحه الاخرين ؟!
كيف هو الشخص الذى يستحق احترامك ؟!
من لا
يستحقها؟!!!!!!!!!!
الذكاء && الغباء :-
جميعنا يدعى الذكاء
فيوجد من ينعت نفسه بالعبقرى واخر يقول انه اذكى
الاذكياء واخر يدعى
الغباء
واخرون يرون ان الذكاء والغباء متوفرون بهم فى مواقف مختلفه
لكن

انت كيف ترى نفسك ؟ ولما ؟!!!!!!!

- - - -

و ان شاء الله تعجبـــك الأسئلــه

شخص لا ترفض له طلب ؟؟

خالتي

- من هو تؤام روحك ؟

لسه ماقبيلتوش

-من تختار ليمسح دموعك ؟
أختار نفسي
- موقف غير حياتك 180 درجه ؟
مقدرش أقوله بس ممكن أقول اللي غيرها 360 درجه
-هل تشعر احيانا بانك سيئ الحظ ؟
أنا معرفش يعنى ايه حظ أصلا؟
-( مستحيل انساك ) لمن تقولها ؟
للإنسان الوحيد اللي قلبي حبه
- حكمه تؤمن بها دائما ؟
لا فائدة من البكاء علي اللبن المسكوب
- اعتذار تريد ان تقدمه ... لمن ؟
لكل اللي حبونى وتجاهلتهم
- اجمل مكان سياحي قمت بزيارته ؟
رشيد
- اكتر سؤال بيضايقك ؟
هوة السؤال ده نفسه مضايقنى بس ممكن انت بتحب مين من المطربين؟ وأكتر سؤال فعلا بيضايقنى هوة انت جيت؟؟ طيب كنت فين لحد دلوقت؟؟
- بيت شعر مفضل لديك ؟
اشتقت اليك فعلمنى ألا أشتاق
- هل انت من هواه الادب ؟ ومن هو الكاتب الذي تتابع كتاباته ؟
أنا مش من هواة أي حاجه ف أي حاجه
- الحياه تجارب ... افضل تجربه بالنسبه لأحمد؟
تجربة العمل خارج نطاق المحافظه اللي أنا فيها وخاصة فترة 6 أكتوبر لأنى عرفت انسان بالناس كلها
- ايه هي ايجابيات احمد وسلبياته ؟
مبحبش أتكلم في ايجابياتى لأنى ممكن أذكرها وبعدها أتغير ومااعملش بيها انما عيوبي حتى لو اتغيرت فأكيد هتكون للأحسن فتقدر تقول الولا أحمد ده عيل بارد جدا لما يكون فرحان رخم جدا لما يعرف ان اللي قدامه محتاجه مش عايز يتعلم الجديد بسرعه بيوعد بس بينفذ ف الوقت الضايع
عمره ماقال علي حاجه مابعرفش أعملها وبيكون مابيعرفش بس بيعملها وبتعدي ونفسي اعرف بتعدي ازاي؟
مش بيذاكر غير ليلة الامتحان ومينامش خالص طول الليل
قلما تلاقيه ماسك المصحف وقاعد يقرا فيه مع انه علي طول بيسمع قرآن
وأكتر عيب فيه مابيحبش يكرر الحاجه الصح ولو حاجه غلط يفضل وراك لحد ماتقتنع انها صح
طبعا ف سلبيات مااقدرش أقولها
- كلمه شكر .. لمن تهديها ؟
لأى حد علمنى أي حاجه مهما كانت بسيطه
- موقف تتمنى تكراره ؟
أعيش احساس انى بموت وف الاخر ألاقينى لسه عايش
- اكتر فصل من فصول السنه بتحبه ؟
أنا بحب ليل الصيف ونهار الشتاء بس بستمتع ف الشتاء أكتر
- فكرت تقتل حد من قبل ؟؟
أه مرة وأنا ف الابتدائى كنت عايز أقتل واحد مش هقول مين وحاولت فعلا واستمتعت جدا وأنا شايفه بينضرب علي فكرة مش أنا اللي ضربته
- مسرحيه اضحكت احمد كثيرا ؟
يالا بينا نعمل باللو
- مشروبك المفضل ؟
عصير المانجه
- بتحب الحيوانات الاليفه ؟؟ مثل ...؟
البقر
- ايه هي اكبر المخاوف بالنسبه لك ؟
انى أعيش لحد ماأكون عجوز ومش قادر أمشي
- ضربت حد قبل كده ؟
أكيد ومين فينا ماضربش حد قبل كده.؟
- اوصفلنا وانت حزين شكلك بيبقي ايه ., يعني بتعمل ايه ؟؟؟ طب وانت عصبي...... !! ؟
ببقي برضي كل اللي حواليا ومفيش شيء بيبان عليا غير مع الانسان اللي بحب أشكيله بشرط مايكونش شايفنى
- من تقوله ( حسبي الله ونعم الوكيل ) ؟
أي حد ظلم أى حد

أكمل يوم تانى ويارب أكون فايقلكم

الكرسي نور بوجودك معايا ياعمده
أكمل أجوبه وربنا يستر
بسم الله الرحمن الرحيم

ندخل بقي علي الاسئله الخاصه بالمنتدي مشرفنا المميز ahmed على كرسى الأعتراف Wink

مشرفنا المميز ahmed على كرسى الأعتراف Wink

-اولا .. القسم المفض لأحمدبالمنتدي ؟
استراحة الأعضاء
- قسم بالمنتدي عمرك ما دخلته ؟
تقريبا مفيش غير مناقشة الامتحانات
-اكتر عضو بيغضبك .,
الحمد لله ماقابلتش حد ف المنتدى يبغضنى
* عضو بيضحكك ؟....
حبيب قلبي funnyegyption
*عضو تقول عليه مبدع .....
عبده وعماد سمير
* عضو نشيط ..........
ولاء عسل
* وعضو مشاكس ...
ضياء الدين سالم
- اجمل توقيع عضو عجبك ...........
توقيع المراقبه العامه أستاذه وفاء
- عضو يعجبك اسمه المستعار ؟
شمس الاسلام وأسير العيون
- عضو بتحب صورته الرمزيه ؟
غير صورتى صورة عماد سمير وضياء
بتحب مين يقعد على الكرسي بعدك؟
المشرفه وفاء
مين اكتر حد لفت نظرك فى المنتدى ؟
شمس الاسلام
نصيحة تنصح بيها حد معين ؟
أنصحك بلاش أسئله محرجه عشان أنا هجاوب عليها
ايه اكتر موقف احرجك؟
ههههه كنت ف يوم حاطط رسالة تذكير علي تليفونى الساعه 9 عشان فيه مشوار المفروض أخلصه ونسيت المشوار وحضرت المحاضرة اللي كانت ف الوقت ده وبرغم انى عامل تليفونى صامت قبل ماادخل الا انه رن بصوت عالي الساعه 9 وأنا سيبته يرن علي أساس انه مش تليفونى ولما الهزاز اشتغل بطلع التليفون اكتشفت انى سايب واحد مستنينى دلوقت وكنت أتمنى أن الدكتور يخرجنى من المحاضرة لأن محدش صدق لما قلت ان تليفونى صامت ولأنى اتأخرت ساعه ونص عن شيء كان لازم يخلص من بدرى ولولا ستر ربنا لحقت أنجز اللي كنت عايزه ف أخر لحظه
مين اكتر واحد او واحدة تلجئله لما بتكون متضايق؟
حاليا مفيش حد ألجأله من الناس غير نفسي وبحاول أقرب من ربنا علي قد مأقدر
ايه اكتر مشكلة قابلتها كانت ممكن تضيعك؟
مواقف عملتها ف مصر لو كانت اتعرفت من زمان كان زمانى ضايع لامحاله
ماذا كنت تتمنى ان يحدث ولم يحدث؟
كنت أتمنى انى أكون أحد الأموات دلوقت
هل انت سريع الغضب؟
مع الناس اللي بخاف عليها بس غير كده أنا سريع البرود
ايه اكتر حاجة شدتك في المنتدي؟

كيف تعرفت على هذا الموقع ؟( يعنى حد قالك عليه ولا ايه)
المنشور اللي كان ف القسم
ايه رآيك فى كلية الآداب بدمنهور؟
كليه ناقصها حاجات كتير بس الحمد لله انى فيها
طيب الدكاتره ايه اخبارهم معاك؟
دكاترة زى الفل أنا معرفش غير الدكتور اللي بكشف عنده واللي أنا شغال معاه ف الصيدليه
احمد بيداوم على حضور المحاضرات ولا لا؟
وده سؤال أكيد لأ طبعا
اكتر دكتور بتحبة على المستوى العام؟
دكتور عبد المنعم مجاهد
هل انت رااضى عن مستوى التعليم فى مصر ؟
لو انت راضي عنه فأنا راضي بس مش راضي علي عدم الاحترام الموجود بين الطالب والمدرس

ماذا تعني لكي كلمة :
الحب
احساس صعب التخلص منه بسهوله ممكن يضيعك وممكن يرفعك لكنه ف النهايه مادام عرفته لازم تعرف الجرح - الحب احساس مش أكتر طول ماانت عايشه بتكون مش عارف تفكر -
الصداقة
لو حصلت بين اتنين صعب تفرق بينهم ومستحيل يرضوا أي أذي لبعض
الفراق
مش عايز أعرف يعنى ايه

مين مثلك الاعلى فى الصداقة
أبو بكر الصديق

عيشت قصة حب قبل كدة
احم ..من طرف واحد

ايه رائيك فى قضية فلسطين
احنا اللي سيبناها تكون قضيه

اكلتك المفضلة
الفراخ والبطاطس
ثلاث نصائح تحب تهديهم لكم عضو فى المنتدى وهمة مين
مبحبش أغتت علي حد ويقول عليا تقيل

من هو العضو اللى نفسك تخنقيه؟

احتمال العضو اللي سأل الأسئله دى

من هو العضو اللي يستحق انه تقول عنه محبوب بين الاعضاء ؟
ملكة الاحزان
مين بنظرك بيعمل بجهد بالمنتدى ؟
funny egyption و المديرين والمراقبين
مين مقصربالمنتدى بنظرك ؟
كتير وصعب تذكرهم كلهم

اسوء يوم ف حياتك ؟؟
يوم ماأفقد أي شخص عزيز عليا

افضل يوم ف حياتك ؟؟
كتير بس أول مجاوبك باليوم ده هيكون ده أفضل يوم ف حياتى
المواقف اللى عمرك ما نسيتها لحد دلوقتى ؟؟
أى موقف مهما كان صغير عملته لأول مرة مهما كان ومواقف تانيه زي مرة لاعبت طفله صغيره وأنا راكب العربيه وبعدين صورتها وحلفت عمرى ماانسي اليوم ده وصورتها لأنها شبه شخص بحبه لكنه بعيد عنى وعمرى ماانسي أي يوم فتحت فيه كتاب وذاكرت فيه لأنى بسجله بالتاريخ
عمرى ماأنسي أول مرة أنطق حرف السين سين مش ثاء يعنى نطقته من غير ماأطلع لسانى فيه
عمرى ماأنسي يوم ماحد قاللي بحبك وأنا جرحته عمرى ماأنسي يوم مادق قلبي لأول مرة ولا الساعه ولا الثانيه اللي دق فيها كنت كأنى أول مرة أشوف بنى أدمين وعمرى ماأنسي أول مرة ضربت فيها حد بالعصايه قدام الفصل كله وده ف الابتدائى لما أستاذ الدين سأل سؤال محدش عرف يجاوبه فقوم بنته ماعرفتش فقومنى فجاوبت عليه فقاللي اضربها 3 عصيان وهيا معانا ف الاداب دلوقت وحاجات تانيه كتير جدا لو كتبت فيها مستحيل أخلصها
افضل قسم فى المنتدى من وجهة نظرك ؟؟
منتدى اللغات
ايه الحلم الى نفسك تحققه ؟
حاليا لا يوجد غير انى يكون لي حلم
اكتر واحد غالى عندك اوى هنا فى المنتدى مين؟
elostaza زى أختى الصغيرة
مين اكتر انسان من اصحابك بتقضى فترات طويله تكلمه على الاميل ولو عندك مشكله
مش تقولها لحد غيره ؟
مفيش
اكتر امنية بتتمناها في حياتك ايه ؟
غير انى أموت في عز شبابي انى أشوف نفسي ناجح ولو لمرة
اجمل توقيع وصورة شخصيه بتعجبك فى المنتدى لمن من الاعضاء وما سبب اعجابك بها ؟
صورة عماد سمير لأنى كل ماأشوفها بذكر الله ونفس الموضوع بالنسبه للمراقبه وفاء
مين اول شخص بتدور عليه او عليها اول ما تدخل المنتدى ؟
هو عارف نفسه ف مش مهم أقوله

موقف كوميدى كل ما تفتكره تموت من الضحك؟
هوة موقف مش كويس حبتين ومقدرش أحكيه عشان صاحبه ممكن يقراه
اكتر بلد تحب تعيش فيها واشمعنا البلد دى بالذات وتحب تكون فيها مع مين؟
بلدى لأن فيها أهلي وأكون مع الناس اللي فيها

من غير زعل هتجاوب يا احمد وبكل صراحة من غير مضايقة وما تدعي علي

رايح لحفله من تأخذ معك من الأعضاء ..؟

محتاجمبلغ لظرف طاري تستلف من آي الأعضاء ؟ كنت في عماره وطلعتالسطح تريد من يكون فوق من الأعضاءغرق المنتدى ومعك قارب مايشيل إلا ثلاثة من تأخذ معك ..؟عضوين أو ثلاثة بالمنتدى تحسهم قريبين من بعض من هم ..؟

هل فكرت يوماً أن تغير أسمك ؟؟ لماذا ؟؟

ماذا يعني لك المنتدى ؟؟

لديك 3 تذاكر سفر من الأعضاء ستأخذ معك ؟؟

لديك مصباح علاء الدين ثلاث أمنيات أطلبها ؟؟إيه هي

هل فكرت يوماً للانسحاب من المنتدى ؟؟ لماذا؟؟

لو رجع بك الزمن إلى الوراء من تتمنى أن يرجع لك ؟؟

باقة ورد لمن تهديها ؟؟

باقة من النار لمن تهدي؟؟

كنت في من سيربح المليون وتريد أن تتصل بصديق ... من تختار ..؟

طالع رحله بريه من تأخذ معك ..؟عندكمشكله ... إي من الأعضاء ممكن يشارك همك ..؟عضو تريد منهطلب ماهو هذ لطلب ومن هو العضو

كم رقم ترتيبك في الأسرة؟
- منهو الأقرب لك من أعضاء أسرتك؟
- حدد أهم الأمور التي تقوم فيها وأنت فيالبيت؟
- مشروب يستهويك دائما؟
- ماهو الطلب الملحالذي تطمع به من أسرتك ولم يتحقق حتى الآن؟
- عندما تشاهد التلفاز : ماهو ابرزمايستدعي انتباهك وتحرص على متابعته؟
- ماهي أوقات النوم المفضلةلك؟
- أحب الألوان إلى نفسك ؟
- دولة تتمنى أن تسافر إليها ؟
- ماهيالوظيفة التي تتمناها لنفسك؟
- حدد اسم اليوم الذي تحبه واذكر السبب؟
-حددا سم اليوم الذي تكرهه واذكر السبب؟؟
- حدد نوع سيارتك المفضلة ؟
- مكان يعجبك كثيرا وتتردد عليه دائما؟
- أقرب الأصدقاء إلى قلبك؟مدرس لازال فيذاكرتك .. ولماذا؟
- مواد دراسية تحبها كثيرا ؟
- مواد دراسية تكرهاكثيرا؟
- حدد بالضبط موقع جلوسك في الفصل؟
- ماهي أحب المراحل الدراسية إلىنفسك؟
- ماهو ابرز عقاب مر عليك طوال فترة الدراسة وبأي سنه؟
- هل حصلت علىشهادات تميز خاصة وفي أي سنة؟
- سنة دراسية تعد هي الأجمل في حياتك؟
- موقفمحرج حدث لك في المدرسة
- عضو تعلمت منه الكثير ؟
- عضو تتمنى أن تراه شخصيا؟
- عضو لا تتمنى أن يغيبابدأ ؟
- عضو مشاغب ؟
- عضو يعتبر الاميز في نفسك ؟
- عضو يثير اهتمامك؟
- عضو تعرفه خارج المنتدى ؟
- عضو تكونت لديك علاقة معه عن طريق المنتدى ؟
- عضو اكتشفت مؤخرا انك لم تعامله باهتمام ؟
- عضو ترى أن لديه امكانياتكبيرة ولم يقدمها حتى الآن ؟عضو يعجبك طرحه للمواضيع :
عضو عصبي :
عضوترتاح له :
عضو يعجبك رده :
عضو هادئ :
عضو تحس انه متابع لك :
عضوتتابع مواضيعه :
عضو عاجبك اسمه المستعار :
عضو تحس إن اسمه المستعار غريب :
عضو تعرف معنى اسمه المستعار :
عضو ودك تشوفه من المنتدى:
عضو تحسانه غامض :
عضو تحس انه واضح :
عضو فرفوش :
عضو حزين :
عضو صعب التعاملمعه :
عضو مرعب:
عضو يحب الألعاب :
عضو كــسـلان :
عضو متحفظ :
عضومتسامح :
عضو لا تعجبك ردوده:
عضو حساس :
عضو قوي الشخصية :
عضوصبور:
عضو يرفع الضغط :
عضو سهل التعامل معه :
عضو تتمني معرفة اسمهالحقيقي :
عضو تقول له الي الأمام:
عضو نشيط جدا:
عضو كوميدي :
عضوودك تضربه :
عضو تخاف منه :
عضو محب لللآثارة :
عضو يحب المفاجآت :
عضوثقا فتة جيدة :
عضو تهديه باقة ورد :
عضو تهديه اغنيه معينه :
عضو فقدتهوتتمنى رجعته للمنتدى :
عضو مفيد للمنتدى :

ماهي المواضيع التي تشد انتباهك ؟؟

هل تشعر بقصورك في الرد على الأعضاء ؟
هل تشعر بقصور المشرفين بالردود؟؟
هلتتعامل مع كل أقسام المنتدى بنفس درجةالتفاعل؟؟
حين تجد طرح لايستهويك ؟؟ ترى ماهو رد فعلك؟؟
بصدق وأمانه من يحرض فيك رغبة التفاعل ,,,الموضوع أم صاحب الموضوع أمكليهما؟؟
كتبت موضوعا .. بذلت جهدا .. أنفقت وقتا ..أيقنت أن الموضوع أصبح جاهزاللطرح والعرض ... قدمته .... توقعت زوار .. توقعت تفاعل .. موضوع هام ...
ولا بد أن القراء سيثرونهبالردود والتفاعلات ..
انتظرت يوماً ويومين وثلاثة .. والنتيجةعشرة زوار أو عشرون ..
والردود لاااااااا أحدما هو شعورك ؟
حين يقوم احد الأعضاء بالرد على موضوعك ..ما هو شعورك حين تجد انه سلكبموضوعك طريقا لا يمت للموضوعبصلة مما دفع البعض للتفاعل مع رده دون اهتمام بطرحك أنتصاحبالموضوع الأصلي؟؟
عندما تجد احد الردود يدفعك للانزعاج .. ترى ماذاتفعل؟؟
حين تطرح موضوعاً ... هل أنت تحرص على متابعتهوتتفاعل معه أولا بأول أم يقل الاهتمام تدريجيا؟؟
هل تود أن يكون في المنتدى قسم تتمنى وجوده غير الأقسام المطروحة في المنتدى؟؟؟ وماهو؟؟؟
هل تؤمن بأهمية وجود وردود المشرف على مواضيعك؟؟
هل التثبيت للمواضيع المتميزة ... يشجعك للتواصل والعطاء؟؟؟وهل تشعر أنك تستطيع الوصول إليه؟؟

سلبية في المنتدى تتمنى زوالها ماهى

احلي خبر سمعته ...........
جريمة تتمنى ارتكابها ...................؟
أمر دائما تخششششاه ........................؟
رسالة حب لمن تهديها ..................؟

احمد كتب إنا بحب اشكر المنتدى لأنه عرفني بشخص والأجمل انه كان صدفه من هو هذا العضو؟؟؟؟؟؟؟؟

هههههههههههههههههههههههههههههههه

شد حيلك يا ابو حميد شكلم هتفضل معانا كمان اسبوع على الكرسى

دا ولاء عملت معاك الواجب وزيادة

واجب ايه ده انا عملت حاجات بسيطة
ليه بس كده تحرضوا علية
احمد ده اخويا لو مكنتش اعمل معاه واجب اعمل مع مين

وكمان انا كان عندي اسئلة كتيره بس انا اكتفيت بدول بس
بس مفيش مشكلة لو عايز كمان انا معنديش مانع
قول يااحمد عايز كمان ولا خليك بعد النتيجة

حققت
كام
بالمئه
من أحلامك؟
5% حلو

كيف تنظر
للماضى ؟

الله يرحمه
كيف تنظر
لمستقبلك ؟ وكيف تخطط له ؟

ان شاء الله خير بأخططله بعقلي يعنى لسه حبتين
ماذا تفعل
عند لحظه
فشلك ؟

عادي مادمت أستحق الفشل ده يعنى ماألعبش وأقول أنا فشلت
شايف

بلدك
إزاى ؟

ربنا اختارهالي وأنا راضي بيها مهما كانت
إيه رأيك
فى نظام حكم مصر الآن ؟ ونفسك حكم مصر دلوقتى يبقى
زى أى عصر
عدى عليها
عجبك الحكم فيها ؟

كل شيء ليه عيوب وليه مميزات واحنا مش
بنختلف كتير عن الدول المتقدمه بس عقليتنا هي عقلية الدول الناميه ودايما
أخطائنا بنظهرها أكتر مابنعترف بمميزاتنا ف متحسش غير بالناس اللي بتموت
والمتشردين وكده وهو ده الصح أنك تعرف قيمة اللي انت فيه بس لما بتحصل
اصلاحات ف المواضيع دى معظمنا بيتجاهلها وقلما تلاقيها معروفه
حكم مصر مايكونش زى أي عصر بس أنا بختار جزء من عصر عبد الناصر وعصر السادات
أصبح الآن
كل شاب يعلم تماما إن الشهاده ليست كافيه وأصبح
يعلم علم اليقين
إن الحكومه
لم تعنى بالا بتعينه فى عمل فما هو إستعدادك لهذا
؟

استعدادى ده خاص بيا بس أنا مطمن جدا الحمد لله
إنت
شايف
إن الشباب ليهم حق يشكوا بالبطاله ؟ طيب بعد ما شكوا يقعدوا
يستنوا ولا
المفروض ياخدوا خطوه إيجابيه ؟

المفروض يشتكوا بس مش المفروض يقعدوا ويقول ده مناسب وده مش مناسب الزمن اللي احنا فيه مش عايز كبارة
إزاى بتنمى
وتطور نفسك
؟

مابفكرش ف الموضوع ده لأنى كل مااعرف حد وتحصللي معاه مواقف وادرسها بعقلي فأنا كده بنمى ف نفسي من غير تعب كتير
إيه
رأيك
فى الشباب اللى عايز يسافر ؟

مش شايف انه يقدر يحقق ذاته ف بلده مع انه لو لقي راتب محترم ويكون جمب أهله عمره ماهيسافر واللي يسافر وينسي أهله ده ومايجيش مثلا غير يوم موت أحد أفراد أسرته علي قد مابيصعب عليا علي قد مابقول عليه تفكيره محدود
جلوسنا
جميعا على النت ومصاحبتنا للشاشه
يضيع كثيرا من وقتنا فكيف تستفيد من النت
بشكل عام
ومن جلوسك
عليه ؟

مابستفدش منه خالص بس برتاح لانى أسراري كلها عليه وبينفع لما أحب أظبط مزاجى لو متعكر
إيه رايك
فى المنتدى
بصراحه

شيء جميل فعلا والمفروض ياخد اهتمام أكتر من كده
عايز
إيه
يبقى موجود فى المنتدى ؟

ممكن شات
عايز إيه
يبقى مش موجود فى المنتدى ؟
ولا حاجه ياريت كل شيء يكون موجود ف المنتدى

هل انت شخصيه يسهل
ارضائها ؟!هل يسهل
التعامل مع وفهمك ام انك شخصيه غامضه من الصعب
الوصول اليها وفهمها ؟!

ده أسهل حاجه ممكن تعملها انك تصاحب أحمد ده يمكن أسهل من اتك تكتب موضوع ف المنتدى
وعن انك تفهمنى فأنا مابعملش شيء غير انك تكون دايما فاهمنى
اانت شخصيه مرحه ؟ ام ممن يكرهون الفرح ؟!

أنا مبحبش أروح أفراح بس حكاية مرحه دى أصحابي يجاوبوا عليها
ضعيفه
ام قويه شخصيتك ؟
متفائله ؟ ام متشائمه ؟!

متفائله لدرجة التشائم وعمرى ماكنت ضعيف ولا عايز أثبت انى قوى
ما هى احلامك وهل تخطط
للوصول إليها ام لا ؟!

. ...... . دى أحلامى ومش محتاجه تخطيط لأنها مخططه نفسها
هل تواجه نفسك بأخطائك ؟! يمكنك ان تتقبل نقد
ونصيحه الاخرين ؟!

من ناحية أواجه نفسي بأخطائى مااعتقدش حد بيعملها قدى ومع ذلك مش كل النقد بتقبله لأنى محبش حد ينقد شيء موجود فيا ومقدرش أستغنى عنه لكن لو يستحق انه يتغير لازم يتغير
كيف هو الشخص الذى يستحق احترامك ؟!
من لا
يستحقها؟!!!!!!!!!!

أنا بحترم أي حد وعمرى مأخدت حد بالمظهر عشان أحترمه أو لا لأن كل عقليه لازم تحترمها عشان تفهمها غير كده أنا بحترم أي حد بدون أي سبب حتي يثبتلي هو العكس
الذكاء && الغباء :-
جميعنا يدعى الذكاء
فيوجد من ينعت نفسه بالعبقرى واخر يقول انه اذكى
الاذكياء واخر يدعى
الغباء
واخرون يرون ان الذكاء والغباء متوفرون بهم فى مواقف مختلفه
لكن

انت كيف ترى نفسك ؟ ولما ؟!!!!!!!

عمرى الحمد لله ماقلت أنا ذكي بس مرة قلت أنا مابحبش يتقاللي ذكى أو دمى خفيف لأنهم بحس ممكن يخلونى أتذاكى وأغير ف شيء ممكن يكون فيا لكن عارف لو قلتلي كلمه انت مثلا بتضايق منها أنا بفرح بيها لأنى متأكد ان عمر ماحد هيكررها بعدك حتى انت

ولاء عسل

اقتباس :: :بس مفيش مشكلة لو عايز كمان انا معنديش مانع
قول يااحمد عايز كمان ولا خليك بعد النتيجة

لا دا حلاوتها قبل النتيجه بس ياريت طلب صغير مايجيش حد يسألنى انت عملت ايه ف الامتحانات أو نتيجتك ايه أخبارها لأنى مش هجاوب
واسألي براحتك استاذه ولاء وياريت فعلا أي حد من الاعضاء عايز يسأل أنا معنديش مشكله بس تكون شيء يستحق أجاوب عليه وأفيد اللي سأله وياسلام لو أقدر أستفيد من وراه أنا كمان ومش عارف أصحابي مطنشين ليه؟

أنا حاولت والله أستاذه ولاء أجاوب ع الأسئله بس معرفتش لأنها بغض النظر عن انها مستفزه حاسس انها متوجهه لواحد ف الاعدادى أو الثانوى وأنا ممكن أجيب حد يجاوب عليها لو مش يضايقك أو ممكن تشوفي الاسئله المكررة تحذفيها وتغيري صيغة الاسئله لأنى والله حاولت أجاوب وبالرغم انى عايز أجاوب علي أسئله معينه بس لما أحط الأسئله تحت بعضها بصراحه وبدون زعل نفسي بتنسد وبفكر انى انام بدل مايطلع عليا النهار أو أروح شغلي متأخر وياربت ماتكونيش زعلتى لأنك مش عارفه أنا عملت ايه مخصوص عشان أجاوب وماأزعلش حد منى

بسم الله
أنا قررت أجاوب ويارب اجابتى تفيدك استاذه ولاء أو تفهمى حاجه من وراها
وأنا عايز أعرفك ان اللي أعرفهم ف المنتدى وف الكليه يتعدوا ع الصوابع

رايح لحفله من تأخذ معك من الأعضاء ..؟
هاخد واحد طولي لو لاقيت

محتاج مبلغ لظرف طاري تستلف من آي الأعضاء ؟
من أي عضو معاه فلوس وأكون عارف انه مش بخيل
كنت في عماره وطلعت السطح تريد من يكون فوق من الأعضاء؟
أرجو ماتكونيش انت لأنى ممكن ارمى نفسي لو سألتينى تانى
غرق المنتدى ومعك قارب مايشيل إلا ثلاثة من تأخذ معك ..؟
هنزل من القارب وأحط صاحب عزيز عليا وانسان زى أخويا وأكتر انسان حبيته ف حياتى لأنى واثق انهم كلهم هيحافظوا علي بعض
عضوين أو ثلاثة بالمنتدى تحسهم قريبين من بعض من هم ..؟
ملكة الاحزان وبرنسيس شيماء واحتمال زيزو

هل فكرت يوماً أن تغير أسمك ؟؟ لماذا ؟؟
لأ طبعا لأنه سهل ومحبوب

ماذا يعني لك المنتدى ؟؟
كما يعنى لأى شخص مهتم بيه

لديك 3 تذاكر سفر من الأعضاء ستأخذ معك ؟؟
أنا مبحبش السفر فهديكي تذكرتى واختاري انتى علي زوقك

لديك مصباح علاء الدين ثلاث أمنيات أطلبها ؟؟إيه هي
ماتزعليش لما تقري الاجابات
يارب يجيلك نفس وتكمليها للأخر
يارب ألحق شغلي بدري

هل فكرت يوماً للانسحاب من المنتدى ؟؟ لماذا؟؟
أه دلوقت عشان مايكونش شكلي وحش بعد اسئلتك
بس أنا مش همشي لأن فيه حاجات أهم طبعا

لو رجع بك الزمن إلى الوراء من تتمنى أن يرجع لك ؟؟
اللي بيروح مابيرجعش حتى الزمن مادام راح مش هيرجع

باقة ورد لمن تهديها ؟؟
أنا مجاوبه قبل كده بس خليها لأعضاء المنتدى

باقة من النار لمن تهدي؟؟
لنفسي لما بكون بارد
كنت في من سيربح المليون وتريد أن تتصل بصديق ... من تختار ..؟
هختار الانسان اللي متأكد انه هيساعدنى أستاذى الكبير أستاذ سعد
طالع رحله بريه من تأخذ معك ..؟
أي حد صحته مساعداه ويقدر يمشي واحتمال يقدر يشيل ف نص الطريق
عندك مشكله ... إي من الأعضاء ممكن يشارك همك ..؟
مش هحرجه وأذكره بس هو زى أخويا
عضو تريد منهطلب ماهو هذ لطلب ومن هو العضو
أطلب من اللي سأل الاسئله دى يشوف حاجه تهم اللي هيجاوب مادام عرف شخصيته من الأسئله اللي جاوب عليها قبل مايسأل
كم رقم ترتيبك في الأسرة؟
3
- منهو الأقرب لك من أعضاء أسرتك؟
أختى
- حدد أهم الأمور التي تقوم فيها وأنت فيالبيت؟
الأكل أو النوم
- مشروب يستهويك دائما؟
المانجه
- ماهو الطلب الملحالذي تطمع به من أسرتك ولم يتحقق حتى الآن؟
انهم يسيبونى أصحى مرة لواحدي
- عندما تشاهد التلفاز : ماهو ابرزمايستدعي انتباهك وتحرص على متابعته؟
أي شيء جديد عليا مهما كان
- ماهي أوقات النوم المفضلةلك؟
الصبح بدري
- أحب الألوان إلى نفسك ؟
الأسود بس أنا مش بعتبره لون عشان كده اللون الأخضر القاتم حاليا واحتمال يتغير بكرة
- دولة تتمنى أن تسافر إليها ؟
مبتمناش أسافر
- ماهيالوظيفة التي تتمناها لنفسك؟
لو فيه وظيفه غير مدرس ممكن أشتغلها عادي مفيش مشكله
- حدد اسم اليوم الذي تحبه واذكر السبب؟
الجمعه لأنه يوم ميلادي والاثنين لأنى قابلت فيه معظم مواقفي الجميله
-حددا سم اليوم الذي تكرهه واذكر السبب؟؟
اليوم اللي بكرهه مالوش اسم
- حدد نوع سيارتك المفضلة ؟
الفيراري بس بحب ف مصر اللانسر وامكانيات البي ام دابيو
- مكان يعجبك كثيرا وتتردد عليه دائما؟
بيت ستى لأن ستى عايشه فيه
- أقرب الأصدقاء إلى قلبك؟مدرس لازال فيذاكرتك .. ولماذا؟
صعب أنا نفسي أحدده لأنى أصحابي كلك منزله واحده عندى. المدرس اللي دخللي أول حصه ف الدراسه وبعد كده ماشوفتوش لأنى حولت مدرسه تانيه وعمى هو اللي درسلي فيها وأنا فكر كل مدرسينى بأسماء المواد من أيام الابتدائى حتى الاعدادي
- مواد دراسية تحبها كثيرا ؟
كنت مدمن رياضيات ف يوم من الايام بس بموت ف الفرنساوى والانجليزى
- مواد دراسية تكرهاكثيرا؟
تاريخ أو جغرافيا بالاضافه لعلم النفس والفلسفه
- حدد بالضبط موقع جلوسك في الفصل؟
ماحبش أقعد ف مكان واحد أصل التخت بتكون معظمها فاضي
- ماهي أحب المراحل الدراسية إلىنفسك؟
اعدادي عشان انحرفت شويتين فيها
- ماهو ابرز عقاب مر عليك طوال فترة الدراسة وبأي سنه؟
ف 3 اعدادي لما عاكسنا بنات أنا واصحابي واشتكونا للمدير ولولا انى معروف باحترامى شويتين وسط زمايلي كان زمانى لأول مرة أجيب ولي أمرى بس الحمد لله أساتذتى كدّبوا البنات وكالعاده خدعتهم المظاهر وأنا دخلت الفصل عادي بعد كام عصايه من مدرس الالعاب وكام كلمه من مدرسة الدراسات وكام نصيحه من الأخصائى الاجتماعي
- هل حصلت علىشهادات تميز خاصة وفي أي سنة؟
أنا مش بتاع الكلام الفاضي ده
- سنة دراسية تعد هي الأجمل في حياتك؟
5 ابتدائي
- موقفمحرج حدث لك في المدرسة
مرة جيت من غير كتاب العربي ف الاعدادي ومدرس اللغه العربيه كان بيستمتع بقرائتى شويتين وقاللي اقرا يانجار قمت قايلله معاييش كتاب طلعنى ملصلي ودانى وبعدين بيضربنى بالراحه كده بالعصايه قمت برفع ايدي جات العصايه خبطت فيها وردت ف نظارته ساعتها أنا كان منظرى زباله بصراحه
- عضو تعلمت منه الكثير ؟
واحد بحبه ومش عايز أقول اسمه
- عضو تتمنى أن تراه شخصيا؟
كل الاعضاء
- عضو لا تتمنى أن يغيبابدأ ؟
أتمنى أن لايغيب غيري
- عضو مشاغب ؟
مش أنا
- عضو يعتبر الاميز في نفسك ؟
مش هنا
- عضو يثير اهتمامك؟
هبقي أقولهاله ف وشه
- عضو تعرفه خارج المنتدى ؟
عبده وعبده وضياء وعلي
- عضو تكونت لديك علاقة معه عن طريق المنتدى ؟
عبده تقريبا
- عضو اكتشفت مؤخرا انك لم تعامله باهتمام ؟
بصراحه اللي بيسأل الاسئله دي
- عضو ترى أن لديه امكانياتكبيرة ولم يقدمها حتى الآن ؟
عبد الشافي
عضو يعجبك طرحه للمواضيع :ولاء
عضو عصبي :مفيش
عضوترتاح له :مش موجود حاليا
عضو يعجبك رده :شمس الاسلام
عضو هادئ :برنسيس شيماء
عضو تحس انه متابع لك :ـــــ___
عضوتتابع مواضيعه :أنا بتابع الموضوع اللي يستحق مش العضو
عضو عاجبك اسمه المستعار :شمس الاسلام
عضو تحس إن اسمه المستعار غريب :منمن
عضو تعرف معنى اسمه المستعار :ملكة الاحزان
عضو ودك تشوفه من المنتدى:رجالة المنتدي المراقبين والمديرين
عضو تحسانه غامض : لو غامض فأنا معرفوش
عضو تحس انه واضح :أناأهو
عضو فرفوش :انقرض من زمان
عضو حزين :ملكة الاحزان
عضو صعب التعاملمعه :لسه ماقبيلتوش
عضو مرعب:هههههههههههه
عضو يحب الألعاب :أنا مدمن بلايستيشن
عضو كــسـلان :ييييييييييييه ماتعدش
عضو متحفظ :مش أنا طبعا
عضومتسامح :العبد لله
عضو لا تعجبك ردوده:كتير
عضو حساس :أتمنى مايكونش انت
عضو قوي الشخصية :ممكن وفاء
عضوصبور:أتمنى يطلع انت
عضو يرفع الضغط :مفيش غيري
عضو سهل التعامل معه :مات ف الحرب
عضو تتمني معرفة اسمهالحقيقي :مش عايز أعرف
عضو تقول له الي الأمام:funny egyption عبد الشافي
عضو نشيط جدا:ولاء عسل
عضو كوميدي : لسه ماهزرتش معاه
عضوودك تضربه :أنا لما أقوم هضرب نفسي انى جاوبت
عضو تخاف منه :مبخافش غير من اللي خلقنى
عضو محب لللآثارة :جاكى شان
عضو يحب المفاجآت :أحمد حلمي
عضوثقا فتة جيدة :محمود سعد
عضو تهديه باقة ورد :elostaza
عضو تهديه اغنيه معينه : عبدالشافي أهديه أنا مهما كبرت صغير لعمرو دياب
عضو فقدتهوتتمنى رجعته للمنتدى :ــــــ

عضو مفيد للمنتدى :Every body here

الأسئله الباقيه جميله وان شاء الله أجاوب وقت تانى عشان الوقت اتأخر وغير كده أنا لسه متأثر بأجوبتى اللي فاتت تصبحوا علي غير وزى أنا مازعلتش من الاسئله يارب ماحد يزعل من الردود

ياه يااحمد تصدق انى ندمت لما سالتك

فانا كنت اقصد انى مستفزش حضرتك لكنى كنت بسال كنوع من المداعبة
وعلي العموم شكرا علي اجاباتك الصريحة
واتمنى انى مضيقكش تانى
وكمان انا كنت بسالك تبع مراحل دراستك مش متوجهة لطفل
والاسئلة الباقية عايز تجاوب جاوبها انت حر مش عايز برده انت حر والاسئلة المتكررة متجاوبش عليها
الباقي من الاسئلة انا مش هشوفه عشان متجرحش تانى واوعدك مش هسالك تانى

أستغفر الله العظيم يارب يابنتى والله أنا ماأقصد ان حد يزعل وأنا لو زعلت كنت هقول مش مجاوب بس كل ما في الموضوع ان مالاقيتش ولا سؤال فيهم حاسس انه متوجهلى ولو راجعتى الردود هتتأكدى من طريقة ردى
وأنا كنت عارف من البدايه انه هيبقي كرسي رخم مادام أنا قعدت عليه وملاحظ ان مفيش أسئله تانيه يعنى نقدر نقول الاسبوع خلص وكان نفسي ينتهى أحسن من كده بس مفيش نصيب

السلام عليكم منور الكرسى يااحمد اكيد الاجابات بتين شخصيتك اكتريارب تكون مستريح على الكرسى

وماشاء الله على الاعضاء بيسالوا فى كل حاجه ههههههههههههه

اسعدتنا كتير بإجاباتك مشرفنا المميز ahmed على كرسى الأعتراف Icon_smile

اجابات جميلـــه يا أبو حمـــيد

~ ان شاء الله لى عـــوده ~

اهلا وسهلا بيك احمد على كرسى الاعتراف وانا عارفة ان هى جات متاخرة جدااااا

بعد مالاسبوع خلص

معلش ظروف غصب عنى منعتنى عن الدخول

وكويس ان زيزو سبقنى بوضعك على كرسى الاعتراف

والاسئلة جميلة

وانا قرات بعض الاسئلة والاجابات وان شاء اكمل الباقى

لو تسمحى لى انى اسئلك بعض الاسئلة اكون اسعد

منور الكرسى

منمن:[quote]اكيد
الاجابات بتين شخصيتك اكتر[/quote

شكرا لمرورك منمن اللي أسعدنى كتير بس زى ماالإجابات بتبين شخصية الواحد الحالة المزاجيه بتأثر ع الاجابات وبتديكى فكرة ممكن ماتكونش صحيحة بالمرة عن الشخصيه ومع ذلك أحلي شيء انك تجاوب بدون ماتكون مستعد وف أي وقت لأن ده ممكن يظهرلك عيوب ف نفسك بتغيرها

شكرا لمرورك ملكه وأي سؤال عايزه تسأليه أنا تحت أمرك

اجاباتك كتير صريحة وجميلة وتشبهنى في شوية من شخصيتى لانى انا كمان بحب عصير المنجة مووووووووووت بحب بيت جدتى جدااااااااااا كمان

بس كنت عايزة اوضح حاجة لولاء

ياولاء احمد مش يقصد انه يضايقك بس هو صريح والاسءلة كتيرة عليه بحكم شغله ووقته اللى مش ملكه

بس هو جاوب ع الاسءلة ع قد مايقدر عشان مش يزعل حد

احنا هنا كلنا اخوات ولازم نعذر بعض يا لولة

دمتم بكل الحب والود

الى هناء أحبائي نصل إلى ختام كرسي الأعتراف

مع ضيفنا العزيز الذي أمتاز بالشفافيه

ولايسعنا

الا ان نتقدم بجزيل الشكر

الى مشرفنا الرائع

Ahmed

كما أعتدنا عليك مبدع في ردودك وكنت رائع

أثناء وجودك معنا في

كرسي الأعتراف

وفي الختام أريد أن أشكر كل من ساهم معنا في

أستقبال ضيفنا على الكرسي

والى اللقاء مع ضيف أخر

مع السلامة يا احمد

نراك تانى ع الكرسي بعد ما تترقي فى الموقع ان شاء الله تانى ههههههههههههههه

دمتم بكل الود والتقدير

- شكرا -

Ahmed

لأجابـــاتـــك

كانت اجاباتك صريحـــه و جميلــه و كان كرسى اعتراف أجمــل معاك

~ فى انتظار الضيف الجديد ان شاء الله ~

اولا انا بشكرك يابرنسسة الشيماء واسعدنى ردك كتيرا فعلا والله وعشانك انا مش هقدر ازعل من حد تانى لكن بصراحة احمد استفزنى ومكنتش اتوقع من ان اي حد يرد عليه كده مهما كان والله في ساعتها انا قولت مش هسال حد تانى لكن في النهاية وزي انتى ماقولتى فعلا احنا اخوات والاهم ان الاحترام بين الاعضاء من قوانين المنتدي ولا ايه وعشان كده انا هبعتلك كوب من عصير المانجو

الله الله ميرسي كتير طعمه حلووووووووو

طبيخك اتحسن هههههههههههههههههههههه

والله انا قصدى " التمس لاخيك المسلم 70 عذر فان لم تجد له عذر فان العيب فيك "

بس جزاكى الله خيرا ع حسن تفهمك للموقف يا عسل

ميرسي ياسكر......... حلي بي بقي الطبيخ والمانجو
هههههههههههههههههههههههههههههههههههه
اتمني لكي اكلة ممتعة

شكرا ليكم كلكم انكم استحملتونى وبالأخص أستاذه ولاء لأنى فعلا مكانش قصدى أي حاجه من اجاباتى وكل اللي كان بييجي ف بالي ساعة السؤال أنا كتبته وخلاص وأتمنى ماأكونش تقلت عليكم ومعلش الرد جه متأخر شويتين

خلاص يااحمد في النهاية احنا اخوات وكان نفسنا تقعد علي الكرسى كمان شوية بس زيزو بقي قعدنى

ربنا يكون ف عونك
وكده أريح موضوع الكرسي ده مايمشيش معايا أصلا

» عضوتنا الغالية دروب شيماء على كرسى الأعتراف
» بعد ثورة 25 يناير للمرة الثانية قمر الزمان على كرسى الأعتراف
» اول ضيف على كرسى الاعتراف
» mostafa_abdo7072000 على كرسى الاعتراف
» كرسى الاعتراف