هل حب الفتاه يعتبر خيانه لاهلها والشاب عكس ذلك

ارى من وجهة نظرى المتواضعة انه ليس هناك حب لغير الله ورسولة

والوالدين والاخوات اما حب الذى تذكريه هنا فهو افراز لفشل مجتمعتنا وبعد الشباب عن الدين

بالتالى بقى كل اللى يشغل الشباب ةالبنات قصص تافهة ليس يجنى من ورائها غير اهدار للوقت

ووهم الحزن .

انا معاك استاذ مروان ان الحب بيكون لله رسولة
بس انت لازم يكون لك شريك فى حياتك واكيد انت بتدور علي الشريك دة علشان تحبة يبقى انت بتدور على الحب
ودة كمان لازم يكون من حق الفتاة ايضاً
بس ممكن يكون مجتمعنا الشرقى بيشوف الحاجة دى غريبة علينا بس لازم كل واحد يعبر عن مشاعرة وحبة
ودة انا مش شايف فيها عيب لو الحب دة شريف وحقيقى
شكراً ملكة على طرحك الموضوع وعودة موفقة ملكة

شكرا ملكه ع الموضوع

أستاذ مروان أنت فعلا عندك حق لكن تعمل لو انت جيت في يوم لاقيت شخص شاغل بالك مرة واحده بالرغم من اللي انت بتقوله ده ولا قيت نفسك عايز تصارحه وتعرف رأيه فيك بأي طريقه عشان تشوف ان كنت هتستمر معاه ولا لأ؟ ساعتها بجد مهما تقول لنفسك عيب بتكون خايف شخص زى ده يضيع منك فبتقوله الكلمه اللي تشغله .

انما انك تحب واحده وعارف انها من الأول مش هتسعدك مثلا أو مش ليك ومع ذلك تستمر في الحب ده وتصارح اصحابك عادي وتروح تتباهي انها كمان بتموت فيك ده شيء مش مقبول بالمرة
وانا معتقدش ان اللي يحب بجد لازم يعرف كل الكون بقصة حبه دى مهما كان مشغول باللي بيحبه ويعملك قيس وليلي وشغل الافلام ده

الحب بيكون في قلبك وان الشاب يصرح بيه للي بيحبه ف ده لأنه عايز يعرفه انه مشغول بيه وبيتمناه لنفسه دنيا وأخرة ويكون بعيد عن المعصيه والشهوات لأنى ماعتقدش انه هيقدر يبعد عن اللي بيحبه من كل قلبه ومسيطر علي كل حياته

أما عن الفتاه ماتنفعش تحب غير اللي ليها في الدنيا يعنى ماتحبش حد عارفه انه هيبيعها في الاخر وتروح تصارحه والبنت اللي تصارح حد بحبها ليه ده بيأثر عليها لأنه هوة كمان يعنى مش هيسكت لما يعرف

فالموضوع ملكه مش موضوع عيب ولا غلط الموضوع ان كل واحد ليه وجهة نظره في الحب وشايفه بطريقته والحب الشريف مش عيب لكن بعيد عن معصية الله وشغل الافلام اللي بيسيطر علي عقولنا اليومين دول والشاب من حقه يعترف عشان مايفضلش مخدوع كتير ويعرف ان كانت دى اللي هتكون نصيبه ولا لأ والبنت الصح أنها ماتعترفش للي بتحبه ان كانت عارفه انه مش بيحبها أو انه مش هيكون ليها لأن دى إسمها خيانه من وجهة نظرى

وأسف انى طولت عليكي بس الموضوع جميل واستاذ مروان أكيد بكرة يعرف ان فيه حب للزوجه والاولاد وحب في الله بعيد عن اللي بيحصل دلوقت وبيكون مع اللي انت تختارها لنفسك في الدنيا