20 سؤاال للبنات و 20 سؤال للشباب...الجرىء يدخل

اولا
نبدا باسئله البنـــــــات:-
انتِ صريحة وجريئة فجاوبي على الاسئلة ...
1-هل حبيتى من قبل؟
2-هل تشعرين بالفراغ العاطفى؟
3-هل تبحثين عن نصفك الاخر؟
4-هل انتى مزاجيه؟
5-هل انتى معقده؟
6-هل تشعرين بالملل؟
7-هل لديك ذوق باختيار ملابسك؟
8-هل لديك الشجاعه والصراحه ان تقولى اسمك بالمنتدى؟
9-هل تحبين شخص بالمنتدى؟
10-ماذا تصفين شكلك العام؟
11-هل تمت خطبتك ولم يتم شىء بسبب رفض الخاطب لكى؟
12-ما الصفه الي تطلق عليك غالبا؟
13-من هو العضو الى مزهقك فى المنتدى؟
14-هل انتى مغروره وشايفه نفسك؟
15-هل انتى حنونه؟
16-هل كذبتى مره كذبه قويه ومشت عليهم ؟؟
17-تحسين ان فى شىء ناقص فى حياتك وما تعرفين السبب؟
18- هل ندمتى على قرار اخذتيه بحياتك؟
19-تحسين انك مظلومه؟
20-هل انتى غيوره؟
***********************
ثانيـــــــــــــــــــــــــــأ
اسئله الشبـــــــاب
هل انتَ صريح وجريء فجاوب على الاسئلة .....
1-هل حبيت من قبل؟
2-هل تشعر بالفراغ العاطفى؟
3-هل حققت هدفك بالحياه حتى الان؟
4-هل انت معقد؟
5-هل ندمت على قرار اتخذته فى حياتك؟
6-هل خطبت مره ورفضتك البنت؟
7-هل انت كد المسؤليه؟
8-هل لديك الشجاعه والصراحه انك تقول اسمك فى المنتدى؟
9-هل تشعر بالملل؟
10-هل انت قاسى بالتعامل مع الجنس الاخر؟
11-ماذا تصف شكلك العام؟
12-ما الصفه التى تطلق عليك غالبا؟
13-هل بالك مشغول بشىء؟
14-هل تحب عضوه بالمنتدى؟
15-هل انت بوجهين؟
16-هل تتقبل النقد الصريح جدا؟
17-هل انت عصبى؟
18-هل انت مغرور وشايف نفسك؟
19-هل انت حنون؟
20-هل انت منافق ومحتال ؟

خلصت الاسئله
يا رب يعجبكم الموضوع

شكرا شوشو للتوبيك

انى احبك فى الله

ميرسى سمورة للمرور

السلام عليكم ورحمة الله وبركاته
شكرا يا shosho علي الموضوع دا
بس أفتكر إن مش كل الأعضاء حيقدروا يجاوبوا علي الأسئلة دي لأنها وبصراحة قوية وتحتاج الي الصراحة عشان تعرفي تجاوبي
ومعتقدش إن كل حد حيجاوب بصراحة علي الأسئلة دي
وكمان الاجابة ممكن تسبب الاحراج لباقي الاعضاء
لو تحبي أجاوب علي الاسئلة أنا مستعد وبصراحة تامه

20 سؤاال للبنات و 20 سؤال للشباب...الجرىء يدخل 67

اولا تقبلى تحياتى يا شوشو انتى والاخ العزيز سمسم...كانت ابتسامتى وضحكى كماوصفتها انتى والاخ العزيز لا استهزاء بالموضوع بالعكس ابتسمت لعدم مقدرتى على الاجابة اسئلة صريحة تحمل الجرئة الشديدة بين ثناياها دا مجرد توضيح تانيا فانا احترم كل عضو ومشاركة ايانا كانت هذة المشاركة وما تحمله وما الغرض منها فا انا لم اتعود الاعتذار على شىء لم افعله او ذنب لم اقترفة ...........اسفة
20 سؤاال للبنات و 20 سؤال للشباب...الجرىء يدخل CAPWI5X3

20 سؤاال للبنات و 20 سؤال للشباب...الجرىء يدخل CAPWI5X3

اللهم أنت السميع العليم تعلم ما بي وما علي
اللهم أرجو رحمتك ومغفرتك

20 سؤاال للبنات و 20 سؤال للشباب...الجرىء يدخل 99

انا على فكرة مش زعلت انا عارفة انك بتهزرى او الاسئلة صريحة

ومش حتعرفى تجاوبى عليه علشان كده بهزر معاكى

وانتى عارفة غلاوتك عندى سمورة

وعارفة كمان انك عمرك ماتستهزئى بتوبيك ياجميلة

اما بالنسبة لاسلام فهى فعلا الاسئلة صريحة وعايزة حد جرىء يجاوب عليها ولو مش تقدر انت

او اى عضو غيرك عادى مفيش مشاكل

واحنا كلنا اخوات ومفيش زعل بينا

shosho كتب:: اولانبدا باسئله البنـــــــات:-

أوك

انتِ صريحة وجريئة فجاوبي على الاسئلة ...

أكيد طبعاً هجاوب بكل صراحه

1-هل حبيتى من قبل؟

لالالالالالالالالالالالالا

2-هل تشعرين بالفراغ العاطفى؟

لالالا لأن ما فيش حاجه إسمها حب

3-هل تبحثين عن نصفك الاخر؟

لالا مش عاوزه أنا كده أفضل بكتيييييير

4-هل انتى مزاجيه؟

أحياناً

5-هل انتى معقده؟

أيوه .. كلهم بيقولولى كده

6-هل تشعرين بالملل؟

كتييييييير

7-هل لديك ذوق باختيار ملابسك؟

بحب ملابسى تكون مناسبه ليا ومش بحب الموضه

8-هل لديك الشجاعه والصراحه ان تقولى اسمك بالمنتدى؟

ايوه ... أنا إسمى

ولاء

9-هل تحبين شخص بالمنتدى؟

كل أعضاء المنتدى بحبهم ولهم منى كل الشكر والتقدير

10-ماذا تصفين شكلك العام؟

إنسانه عاديه جداً .. وبسيطه جداً

11-هل تمت خطبتك ولم يتم شىء بسبب رفض الخاطب لكى؟

لالالالالالا

12-ما الصفه الي تطلق عليك غالبا؟

مجنونة بالنادى الأهلى

13-من هو العضو الى مزهقك فى المنتدى؟

لا مافيش كل الأعضاء هنااا زى إخواتى

14-هل انتى مغروره وشايفه نفسك؟

أنا مش بحب الغرور .. وزى ما قولتلك أنا إنسانه بسيطه جداً

15-هل انتى حنونه؟

ايوه

16-هل كذبتى مره كذبه قويه ومشت عليهم ؟؟

أكتر حاجه بكرهها فى الدنيا دى هيا الكذب

17-تحسين ان فى شىء ناقص فى حياتك وما تعرفين السبب؟

تقريباً مافيش

18- هل ندمتى على قرار اخذتيه بحياتك؟

أيوه قرار واحد بس ندمت عليه ولسه ندمانه لغاية دلوقتى

19-تحسين انك مظلومه؟

الحمد لله

20-هل انتى غيوره؟

أنا غيوره على حبى لدينى

***********************
خلصت الاسئله

يا رب يعجبكم الموضوع

أسئله جميله أوى يا شوشو

شكراً لكـِ

دمتـِ فى حفظ الرحمن

$ أسئله جميله يا شوشو $ تحياتى و تقديرى لمجهودك الجميل و المحترم دائما $ دمتى بكل خيــــــــــــر $

shosho كتب:: اسئله الشبـــــــاب

هل انتَ صريح وجريء فجاوب على الاسئلة .....

1-هل حبيت من قبل؟
اكيد طبعا حبيت
حبيت مرتين
المره الاولى اللى حبيتها رفضتنى
وبصراحه انا حمدت ربنا انها رفضتنى لانى اكتشفت بعد كده انى مش هكون سعيد معاها
التانيه بقى
لحد دلوقتى مستنى ردها لسه بتفكر

2-هل تشعر بالفراغ العاطفى؟
ايوه اشعر بالفراغ العاطفى ونفسى اللى بحبها توافق علشان محسش بالفراغ ده
لانه بصراحه صعب اوى
واكيد اللى بيحب فيكم هيحس بكده

3-هل حققت هدفك بالحياه حتى الان؟
لا لسه محققتهوش
لان هدفى الوحيد انى اسافر كندا عند خيلانى
ومعنديش امل تانى فى حياتى خااااااااااااالص غير الامل ده
بس مستنى اخلص الكليه

4-هل انت معقد؟
لالالالالالالا
خااااااااااااااالص

5-هل ندمت على قرار اتخذته فى حياتك؟

بصراحه ايوه
انا قررت فى مره انى اكدب على ابويا
وبعد كده ندمان اوووووووى
وانا قلت لاخويا اللى اكبر منى وقلت لامى
بس مجتش الفرصه انى اصارح ابويا
لان بصراحه انا مبحبش ازعله خاااااااالص
وانا المره اللى كدبت عليه فيها كدبت عليه علشان مكنتش عايز ازعله

6-هل خطبت مره ورفضتك البنت؟

لا محصلش
بس اللى حصل انى صارحت واحده قبل كده وقولتلها انى بحبها بس هيا رفضتنى وقالتلى نكون اخوات
انا مش عارف ايه حكايه الاخوات اللى البنات طلعالنا فيها دى
ههههههههههههههههههه

7-هل انت كد المسؤليه؟
بصراحه لسه مجربتش وبصراحه معرفش ان كنت انا كد المسؤوليه ولا لا
بس ده اكيد هيبان لما اكون مسؤل عن حا جه

8-هل لديك الشجاعه والصراحه انك تقول اسمك فى المنتدى؟

انا بصراحه مكنتش عايز اقول اسمى
بس مدام انا وافقت انى اتكلم بصراحه وبجرئه
يبقى لازم اقول
انا بصراحه كنت عضو قبل كده فى المنتدى
وطلبت مسح عضويتى لسبب خاص
بس زى ماتقولوا مقدرتش ابعد عن المنتدى
فقررت انى ارجع بعضويه تانيه
انا احمد نصير
يارب تكونوا فاكرنى

9-هل تشعر بالملل؟
انا بشعر بالملل لما بقعد فى البيت
بس ده مش معظم الوقت
لانى قاعد فى المحل بتاع اخويا وانا اللى مشغل المحل ده
يعنى معظم الوقت مشغول
علشان كده مبحسش بالملل خاااااااالص

10-هل انت قاسى بالتعامل مع الجنس الاخر؟
بصراحه نص نص
يعنى زمايلى واصحابى بكون معاهم على طبيعتى خااااااااااالص
وبردوا مع اى حد تانى بتعامل معاها عادى
عادى جدا كمان
بس لما الاقى واحده بتكون شايفه نفسها شويه بتعامل معاها بكل رخامه

11-ماذا تصف شكلك العام؟
انا طبيعى جدا
طويل شويه
ممكن طويل حبتين
ممكن طويل خالص
ههههههههههه
بتعامل مع كل شخص حسب طبيعته

12-ما الصفه التى تطلق عليك غالبا؟
نتاوى
يعنى بتاع نت
لان انا كل قعدتى على النت علطول
مبقمش من عليه غير لما بنام
حتى طبيعه شغلى كمان كده
لانى بنزل شغل علطول من على النت

13-هل بالك مشغول بشىء؟
ايوه
مشغول بالسفر
بفكر ديما هسافر امته
وامته هخلص الكليه علشان اسافر
وحاليا بفكر اكتر فى الانسانه اللى بحبها
وبصراحه كل تفكريرى فيها

14-هل تحب عضوه بالمنتدى؟
لا مش عضوه بالمنتدى
بس اقدر اقلك انها طالبه معانا بالكليه

15-هل انت بوجهين؟
لالالالالالالالالا خالص
وعمرى ما حبيت اشخص اللى بوجهين ده
بعتبره منافق

16-هل تتقبل النقد الصريح جدا؟
جدا
ببقى فرحان اوى لما الاقى حد يناقدنى فى شىء
واحب انه ينقدنى بصراحه وانا كمان ارد عليه بكل صراحه

17-هل انت عصبى؟
ايوه
عصبى جدا
حتى مع اسرتى فى البيت

18-هل انت مغرور وشايف نفسك؟
لا لا لا
بالعكس
بس انا بحب انى اكون انسان مميز
مش غرور
لا
مميز مثلا بحب الناس ليه
يعنى اخلى الناس تحبنى
واكون مميز بينهم
بجد كده بس عمرى ما كنت مغرور

19-هل انت حنون؟
ايوه
ببقى حنون مع الاطفال
بموت فى الاطفال الصغيره
وحنون ايضا مع الناس الكبيره فى السن وبحب اخدمهم دايما

20-هل انت منافق ومحتال ؟
لا لا لا لا
صفه النفاق دى صفه غير محبوبه
وانا عمرى ما كنت منافق
وحتى لو منافق اكيد هغير من نفسى
وبردوا عمرى ما كنت محتال
خلصت الاسئله
يا رب يعجبكم الموضوع
اكيد عجبنى شوشو
ويارب اكون قولت كل حاجه بوضوح
وبجد نفسى كل الاعضاء يتكلموا بكل صراحه لان بكده كلنا هنتعرف على بعض اكتر

انتِ صريحة وجريئة فجاوبي على الاسئلة ...

طيب يلا وربنا يسترها علية ههههههههههه

1-هل حبيتى من قبل؟
يعنى مش بالظبط هو بس كان اعجاب من بعيد لبعيد والحمد لله

2-هل تشعرين بالفراغ العاطفى؟

لالالالا لانى مش فاضية اصلا عندى حاجات اهم من كدة افكر فيها وبعدين كل شئ وليه وقته المناسب
3-هل تبحثين عن نصفك الاخر؟
ابحث عنه فى صفوف الملتزمين المحترمين فقط .....

4-هل انتى مزاجيه؟

يعنى الى حد ما تقدرى تقولى نرفوذة شوية

5-هل انتى معقده؟
لا بالعكس دة بيقولو علية دكتورة نفسية اخر تمام ..... ودة يمكن راجع لاتزان نفسيتى والحمد لله
6-هل تشعرين بالملل؟

احيانا بس انا مش بدى لنفسي فرصة للملل
7-هل لديك ذوق باختيار ملابسك؟

اه الحمد لله لانى بحب الملابس جدا ولية مزاج خاااااااااااص فيها لان اللبس عنوان للشخصية

8-هل لديك الشجاعه والصراحه ان تقولى اسمك بالمنتدى؟

هههههه " الشيماء محمد حسنى " عادى يعنى
9-هل تحبين شخص بالمنتدى؟

اه بحب

وبموووووووووووووت فيـــــ

" شوشو " طابعا هههههههههههههههههههههههه

10-ماذا تصفين شكلك العام؟

يعنى عادية بسيطة متنوعة
11-هل تمت خطبتك ولم يتم شىء بسبب رفض الخاطب لكى؟

لا ومعتقدش انها ممكن تحصل في يوم من الايام ....... ثقة فى نفسي والله مش غرور والعياذ بالله

12-ما الصفه الي تطلق عليك غالبا؟
اجتماعية اوى ..... متكلمة جداااااااااا........ عقلي اكبر من سنى اوى
13-من هو العضو الى مزهقك فى المنتدى؟

لالالالالا مش في حد بس بتضايق لما بيحصل سؤ تفاهم لانى بتمنى ان ربنا يديم علينا الحب والتفاهم
14-هل انتى مغروره وشايفه نفسك؟

هههههه مغرورة لا ولله الحمد دى صفة بعيدة عني لكن شايفة نفسي دى ايوة لانى بحس انى قدوة بمظهري عشان كدة بدعي ربنا انه يرضى عنى ويهدينى اكتر واكتر
15-هل انتى حنونه؟

بيقولوى انى حنونة وبنسى نفسي لما بكون مع الاطفال لانى بغرق فى دنيتهم الصغيرة البريئة

16-هل كذبتى مره كذبه قويه ومشت عليهم ؟؟
لالالا لانى مش بعرف اكذب لانى بيبان علية على طوووووووووول ههههههههههه

17-تحسين ان فى شىء ناقص فى حياتك وما تعرفين السبب؟
اكيد بحس بكدة بس انا عارفة السبب لما بكون مقصرة فى ورد الطاعة

18- هل ندمتى على قرار اخذتيه بحياتك؟
اه طابعا

ندمت

لما قررت انى اجاوب على الاسئلة التحفة دى ههههههههههه

بس كل حاجة منك حلوة يا شوشو

19-تحسين انك مظلومه؟

لا بالعكس انا واخدة حقي فى الدنيا دى تالت ومتلت ههههههههه
20-هل انتى غيوره؟

جدااااااااا جدااااااااااااااااااا جدااااااااا على حاجات كتير زى دينى واصحابي واهلي و اختى الوحيدة و......... &&&&&&&

بس بجد دى علقة سخنة منك يا شوشو ههههههههه

انى احبك فى الله دمتى بكل الحب والود اختى الغالية

ومنتظرين المزيد من ابداعاتك

انتِ صريحة وجريئة فجاوبي على الاسئلة ...
1-هل حبيتى من قبل؟
لا محصلش
2-هل تشعرين بالفراغ العاطفى؟
لا لانى مش فاضيه
3-هل تبحثين عن نصفك الاخر؟
نعم ولكنى لم اجده بعد
4-هل انتى مزاجيه؟
احيانا
5-هل انتى معقده؟
لا طبعا
6-هل تشعرين بالملل؟
احيانا لما بشعر بالوحده
7-هل لديك ذوق باختيار ملابسك؟
طبعا
8-هل لديك الشجاعه والصراحه ان
تقولى اسمك بالمنتدى؟
ايوه انا اسمى وفاء
9-هل تحبين شخص بالمنتدى؟
كل من فى المنتدى اخوتى
10-ماذا تصفين شكلك العام؟
عاديه جدا
11-هل تمت خطبتك ولم يتم شىء بسبب رفض الخاطب لكى؟
لا لم يتم خطبتى من قبل
12-ما الصفه الي تطلق عليك غالبا؟
حبوبه لانى بحب الناس كلهم
13-من هو العضو الى مزهقك فى المنتدى؟
بالعكس كل اعضاء المنتدى اخوتى واصدقائى
14-هل انتى مغروره وشايفه نفسك؟
انا مبحبش الغرور ومعتقدش ان الصفه دى فيا
15-هل انتى حنونه؟
ايوه حنونه على الناس كلها وخاصه الاطفال
16-هل كذبتى مره كذبه قويه ومشت عليهم ؟؟
لا محصلش وانا مبحبش الكذب واكتر حاجه تدايقنى ان حد يكدب عليا
17-تحسين ان فى شىء ناقص فى حياتك وما تعرفين السبب؟
احيانا
18- هل ندمتى على قرار اخذتيه بحياتك؟
ايوه ندمت على حاجه عملتها بس قدرت اصلحها
19-تحسين انك مظلومه؟
احيانا
20-هل انتى غيوره؟
اكيد انا غيوره جدا
***********************
خلصت الاسئله
يا رب يعجبكم الموضوع
بجد الموضوع متميز جدا شكرا لك شوشو والى المزيد من التميز

اسئله الشبـــــــاب
هل انتَ صريح وجريء فجاوب على الاسئلة .....
1-هل حبيت من قبل؟

بصراحه احب اوضح الاول مفهوم الحب لان الاعلام بكل اشكاله لخبطلنا المسأله فى الاسلام هو الحب فى الله زى امك واختك وزوجتك وكل مسلم على وجه الارض بكل اشكاله اما اليومين دول فهو العشق والغرام بين الشاب والفتاه قبل الجواز وبدون اى علاقه شرعيه تربطهم وده حرام طبعا مش عاوز افسر اكتر من كده عشان مبقاش ممل
وبصراحه ايوه عشقت قبل كده يمكن 3 او 4 مرات وديه كانت اتعس لحظات حياتى بصراحه

2-هل تشعر بالفراغ العاطفى؟

طبعا بحس بفراغ عاطفى تجاه ربنا لما الدنيا تاخدنى بعيد عنه شويه وبرجعله جرررررررررررررررى

3-هل حققت هدفك بالحياه حتى الان؟

بصراحه زمان كان هدفى هو الالتزام بالصلاه وباقى العبادات وبعد مدوقت حلاوة الايمان هدفى انى اسعى وادعى اللى الله بأكتر من لغه عشان الناس كلها تدوق حلاوة الاسلام ربنا يقدرنى قولو امين

4-هل انت معقد؟

لأ والله الحمد لله انا اجتماعى جدا ومرح جدا والحمد لله برده محبوب جدا من اصحابى واسرتى وده طبعا من فضل الله

5-هل ندمت على قرار اتخذته فى حياتك؟

كتيييييييييييير اولا لما قررت ادى قلبى لواحده متتامنش عليه وابعده عن ربنا لما مهتمتش بدراستى وكانت السينما واصحابى اهم عندى من مستقبلى واهم حاجه ندمت عليها السنين اللى ضاعت من عمرى بعيد عن الالتزام ربنا يهدينا جميعا الى ما يحب ويرضى

6-هل خطبت مره ورفضتك البنت؟

لأ محصلش الحمد لله بس الموضوع مش كبير يعنى ممكن جدا يبقى الشاب والفتاه قمه فى الاخلاق والادب لكن ميتفهموش فميحصلش نصيب من غير ميكون حد فيهم عنده عيب او نقص

7-هل انت كد المسؤليه؟

والله الى حد ما فى التجارب اللى انا دخلتها ادى لنفسى 8على10 بس والله بتحسن الحمد لله

8-هل لديك الشجاعه والصراحه انك تقول اسمك فى المنتدى؟

طببببعا انا حسام محمد حسنى اخوكم الفقير لله "شمس الاسلام " يارب شمس الاسلام ترجع تشرق فى قلوب البشر اجمعين
9-هل تشعر بالملل؟

سعات لما بحوط فدماغى حاجه من الطاعات ومبقاش قادر اعملها بس بقاومه على طول لان الملل عدو النجاح

10-هل انت قاسى بالتعامل مع الجنس الاخر؟

والله ابدا الحمد لله انا حتى لما بحب انصح حد او يبقى فى اى تبادل مصالح او الموقف مفروض عليا غصب عنى بحاول اتألف قلب اللى بكلمها اولا
مثلا لما بتلاقى حد بيعمل معصيه معينه لازم اتكلم على الجنه الاول ونعيمها قبل مخوفها من النار والرسول عليه الصلاة والسلام قال بشرو ولا تنفرو

11-ماذا تصف شكلك العام؟

متوسط الطول عريض شويه مفتول العضلات ههههههههههه عدوها ديه يعنى مقبول الشكل عدوها برده

12-ما الصفه التى تطلق عليك غالبا؟

بفضل الله طبعا اولا واخيرا التدين

13-هل بالك مشغول بشىء؟

طببببببببببببببببببببببببببببعا اولا برؤية وجه ربنا وهو اعظم ما فى الجنه وهى اعظم جائزه لاهل الجنه وكمان نفسى احقق حلمى فى الدعوه اللى الله والاقى بنت الحلال اللى تعينى على طاعة ربنا وناخدوا بادين بعض للجنه بالله عليكم ادعولى قال رسول الله صلى الله عليه وسلم " الدنيا متاع وخير متاع الدنيا المرأة الصالحه " وكمان بالى مشغول بالقدس وافغانستان والعراق دول اخوتنا المسلمين وليهم حق كبير علينا معظم الناس نسياهم وربنا هيسألنا يوم القيامه قدمنا للناس ديه ايه؟
وكمان بالى مشغول ازاى ابقى فرد نافع لمجتمعى المصرى ولامتى الاسلاميه

14-هل تحب عضوه بالمنتدى؟

أكيد لأ لانه من النوع بتاع العشق , وتسمحولى اديلكم راى المتواضع فى الموضوع ده ممكن يبقى صح وممكن يبقى غلط ان اى حد ممكن ياخد اى شكل ولون وصفات هو عاوزها من ورا النت وكمان لما تيجي تحكم على اى حد من خلال النت بتحكم من خلال اللى هو قالو عن نفسه مش من خلال تجارب ومواقف انت دخلت معاه فيها ممكن هو يبقى شايف نفسه صح لكن الحقيقه بتقبى غير كده

15-هل انت بوجهين؟

اسأل الله عز وجل ان لا اكون كذلك ,,,, الحمد لله لأ

16-هل تتقبل النقد الصريح جدا؟

من اقوال السلف " رحم الله شخصا أهدى اليا عيوبى" يعنى هم سموا اللى يجي ينصحهم ويبينلهم عيوبهم كأنهم بياخدو منه هديه ويبقى الموضوع نصح غير الشماته طبعا بس مش عاوز الهدايه تكتر هههههههههههههههه

17-هل انت عصبى؟

اوقات بصراحه بس والله اكتر حاجه بتعصبنى ويمكن الوحيده ان اشوف حد بيعصى ربنا والله انا متعصبتش لما واحد يهينى لكن معصية ربنا بتخلينى فى قمة الغضب مع التحكم فى الاعصاب طبعا ومحاولة الرجوع للهدوء والابتسام بنتهى السرعه

18-هل انت مغرور وشايف نفسك؟

قصدكم الكبر والتكبر طبعا بصراحه كل مالصفه ديه بتحاول تدخل عندى بعمل كل حاجه تتخيلوها عشان اطرودها من عندى عارفين ليه اسمعو حديث النبى بس صلو عليه اللهم صلى عليك يا نبى "لا يدخل الجنه من كان فى قلبه مثقال ذره من كبر " اللهم طهر قلوبنا من الكبر ااااامين

19-هل انت حنون؟

ببقى حنين جدا مع الاطفال بعشقهم جدا ومع كل انسان بحبه وزمان كانت الناس تقولى عيبك انك طيب وحنين زياده عن اللزوم لكن الطيبه والحنيه عمرها مكانت عيب لكن الناس الوحشه هيا اللى بتستغلها غلط
20-هل انت منافق ومحتال ؟
هههههههههههههههههههههههههه تفتكروا ؟؟؟؟؟؟؟؟؟
الحمد لله لأ طبعا

يارب مكونش زهقتكم منى او طولت عليكم وجزى الله خيرا صاحبة الفكره يارب تكون اعمالها خالصة لوجه الله بدون طلب شهره او رياء ربنا يرزقنا الاخلاص والقبول فى القول والعمل

همســــــــــــه لـــ
أهلاوى ( ولاء )

اولا مفيش حاجه مش اسمها حب من غيرالحب الدنيا ملهاش طعم وانا متأكد انك قصدك الغرام والعشق بين الشباب والفتيات بدون رابط شرعى وانا معاكى فكده
اما بالنسبة لنصفك الاخر لازم تهتم انك تلاقيه عشان ربنا خلقنا لنعمر فى الارض والنبى جبيبك وحبيبنا قال " تناكحو تناسلو فانى مباه بكم المم يوم القيامه " صلى الله عليه وسلم

زملــكاوى

يارب تكون اتعلمت من تجربتك الاولى وتكن اللى هترتبط بها تكون اهم حاجه ذات دين قال رسول الله صلى الله عليه وسلم واظفر بذات الدين تربت يداك "
واملى حياتك بحب الله والقرب منه عشان تنسف الفراغ العطفى وخلى اهم هدف عندك رضا ربنا عنك ويدخلك جنته
ومفيش حاجه اسمها صحوبيه وأخويه بين ولد وبنت قال تعالى " ولا متخذات اخدان " سورة النساء أخدان يعنى أصدقاء
وربنا يوفقك يا عم وتحقق كل احلامك

لــ الشيماء

هداكى الله الى ما يحب ويرضى اااااامين
بس اللبس الحلو عمره مكان عنوان لشخصية حد لكن الشخصيات بتبان فى المواقف الصعبه بيبان مين عدو ومين حبيب مين مخلص ومين منافق مين صادق ومين كداب الصحابه والسلف كانت اخر حاجه يهتموا بيها هيا اللبس لكن طبعا لازم المسلم يبقى اجمل وانضف وأطعم شخص على وجه الكره الارضيه ههههه

وفـــــــــــأء

الاحساس بالنقص يعوضه الانس بالله وطاعة ربنا فى كل قول وعمل
لكم منى كل الحب والتقدير اسف على الاطاله وتقبلو مرورى
والسلام احلى ختام فاالسلام عليكم ورحمة الله وبركاته

ياريت ندخلو ونكملو الموضوع التحفه ده بالله عليكم

زائر

دى جرأه منكو وروددكو على الاسئله كانت معقوله
بس أنا للاسف مش بحب أتكلم عن نفسى غالبا بسيب أفعالى هيا اللى تتكلم عنى وبحس ان هيا بتتكلم حلو جدا عنى وعن طبعتى وعن اخلاقى وشخصيتى[size=29][/size]

» للبنات وبس
» للبنات فقط............................!!!!!........................؟!!!!!!!!
» صور لاب توب روعة للبنات
» دعاء للشباب
» نصائح للبنات