لو حجاب يبقى ,,,,, ؟

بسم الله والصلاة والسلام على رسول الله واله وصحبه ومن اهتدى بهديه الى يوم الدين ثم أما بعد ,,,,,,,,,

ديه قصيده جميله وعاميه عن الحجاب يارب تعجبكم ومتنسونيش من صالح دعائكم
الى
كل زهره فى بستان الاسلام والى كل ام مستقبليه الى من تريد ان تكون زوجه
طائعه لله ولرسوله وامراه مسلمه تريد بيتا مسلما وزوجا رحيما صالحا بارا
يعاملها باحسان وربا راضيا عنها ورسوله يتباهى بها
اخيتى ان الموده والرحمه والتفاهم والسعاده لن تحدث الا عندما تسيرى على منهج كتاب الله وسنه رسوله الكريم
تــوب العفــاف

------------ --------- --------- --------- --------- --------- --------- --------- -----

الأنوثـة مش مــجرد
حبة أحمـر عـ الشفايف
الانوثـة مش في انك
تهوِسي عقل اللي شايف
الأنوثـة نعمه غالــية
ربنا اللي اداها لــيكي
و بايديكـي تحفظيها
أو تضيع من بين ايديكي
*******
كل شيء في الدنيا لـما
بيـــــداروه بيزيد جمال
و العفـاف للبنت يغلب
أي شــــكل و أي مال
هو أحسن من عيونــهم
تاخدي نظرة الاحترام
ولا تاخدي سهم جـارح
اسمـــه نظرات الحرام؟
*******
الزهور بتكون جمــــيلة
طول ما لسّه الشوك حاميها
بس لو يوم شوكها سابــها
ألـــــــف ايـــد تتمد ليها
هو أحسن ترضي ربك
ولا ترضي الناس بحالها؟
هو ايـــــه للبنت يشفع
شكلها ولاّ عـــــملها؟
دا الجمال في الجسم زايل
انتي شفتيـه دام لمين؟
و الجمال في الروح بيفضل
مهمـا بتعـدّي السنيـن
*******
سيرة البنت العفـيفة
هى أحـــسن شيء يدوم
حبرها مكتوب بدينـــــها
مش بمكيـــاج أو هـدوم
انسي مكيـاجك وسيبي
نــور إلهك يملى وشّـك
بدلّي مـرايتك بقــــلبك
مستـحيل قلبـك يغشّـك
*******
انتي أجمل ألف مــــــرة
لو جمالك جوّة قلــــبك
مش مهم الخلق ترضــى
المهم ترضي ربـــــــك
هو إيه في الكون دا يغلب
لو الـه الكـون دا حبّـك؟؟؟
*****
منقول داليـا سـامي.

اللى نزلنا الموضوع دة هو ( شمس الاسلام ) .......

جزاك الله خيرا على مجهودك الراااااااااااائع معانا ...........
احنا فى انتظار مواضيعك المميزة

تم نقله للارشيف لانه مكرر......... نسخته الاساسية فى منتدى المراة فى الاسلام

» يبقى انت اكيد فى مصر
» الى هيعرف الفرق بين الصورتين يبقى عبقرينوووووووووو
» يبقى السوال ذكر ..... والاجابه انثى...
» كل ما نروح الكلية نشوفهم حتى فى الموقع دا يبقى حراااااااااام ؟!
» لو دخلت وخرجت من غير ما تقرب لربنا يبقى ابكى على نفسك