آداب دمنهور
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

آداب دمنهور


 
الرئيسيةأحدث الصورالتسجيلدخول

 

 قصة ( جيلنا الجديد ) كوميدية و رومانسية ...الخ الخ

اذهب الى الأسفل 
5 مشترك
كاتب الموضوعرسالة
قمر الزمان
مديرالمنتدى
مديرالمنتدى
قمر الزمان


الدولة : مصر
الكلية : كلية الآداب
قسم : تاريخ
عدد المساهمات : 1960
الجنس : انثى

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالجمعة 04 فبراير 2011, 02:59

قصة ( جيلنا الجديد ) كوميدية و رومانسية ...الخ الخ 32323890
قصة ( جيلنا الجديد ) كوميدية و رومانسية ...الخ الخ

.:: اللهم صل وسلم وبارك على نبينا محمد وعلى آله وصحبه وسلم تسليما كثيرا ::.

ازيكم يا احلي اعضاء
انا جيت بقصة جديدة خالص

ابطالها :
* مى : 20 سنة فى سياحة و فنادق مهتمة بدراستها جدا بس فى نفس الوقت استايل جدا بنت دلوعة و جميلة جدا

* ايمان : 17 سنة فى الثانوية ملتزمة جدا و محجبة و مهتمة بدراستها و ببيتها و مؤدبة و محترمة جدا

* بسنت :19 سنة بنت هاى اوى و مشاغبة جدا و دلوعة و مش مهتمية بالدراسة نهائى كل همها استايلها و برستيجها و مغرورة

* عمرو : 22 فى هندسة مهتم بدراسته و متفوق بس استايل برضه و دمه خفيف و ملتزم

* وليد : 19 سنة ملتزم جدا و محترم و دمه خفيف و مهتم بدراسته

* عماد : 21 سنة ولد غنى و هاى اوى و دلوع و دمه خفيف و استايل اوى بس متواضع


ملخص للقصة
تقريبا كل شخصية و وضحت فكرتها و بيتعرفوا على بعض شلة واحدة بطريقة غريبة و كوميدية و بتحصل احداث رومانسية و فى مواقف تراجيدى جامد

كل دة هنشوفه ان شاء الله
يا رب القصة تعجبكوا

الرجوع الى أعلى الصفحة اذهب الى الأسفل
قمر الزمان
مديرالمنتدى
مديرالمنتدى
قمر الزمان


الدولة : مصر
الكلية : كلية الآداب
قسم : تاريخ
عدد المساهمات : 1960
الجنس : انثى

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: رد: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالجمعة 04 فبراير 2011, 03:04

الحلقة الاولى
فى صباح مشرق و فى غرفة مى :
الام: يلا يا ميوية اصحى بقى عشان تلحقى الجامعة
مى : صباح النور يا احلى ماما فى الدنيا
الام : ياختى قولى صباح الخير حتى الاول
مى : يا ماما مافرقتش و بعدين انتى ماقولتيهوش و انا اتعودت بقى اقول صباح النور يا احلى ماما فى الدنيا مش صباح الخير اتعب انا لسانى ليه ؟؟
الام: ههههههه طب قومى يا لمضة انتى اهو كان زمانك نزلتى دلوقتى
مى : حاضر يا ماميتو انتى

المهم فى الاخر توصل مى الجامعة فى بداية المحاضرة بالظبط


و فى بيت ايمان :

يدق جرس الهاتف :

ايمان : السلام عليكم
مريم (صاحبتها) : و عليكم السلام و رحمة الله و بركاته، عامله ايه يا ايمان ؟
ايمان : الحمد لله على كل شئ انتى عاملة ايه ؟؟
مريم : الحمد لله تمام بقول لك ممكن طلب
ايمان : اتفضلى
مريم : انا كنت عايزاكى و انتى جاية تجيبى لى من المكتبة كشكول سلك كبير عشان المكتبة اللى عندنا قافلة و المستر عايز كشاكيل من دى و كدة و انا مش عارفة اتصرف
ايمان : خلاص يا مريومة ماتقلقيش ان شاء الله هصلى الصبح و البس و انزل اجيب لك الكتاب و نتقابل فى المدرسة


مريم : بجد يا ايموس مش عارفة اشكرك ازاى الحمد لله انى عندى ايمان عسولة زيك كدة
ايمان: ربنا يخليكى و يوفقك و بعدين اى حد مكانى كان هيعمل كدة احنا كلنا اخوات و لازم نساعد بعض
مريم : و يخليكى يا عسل يلا السلام عليكم بقى عشان الحق انزل انتى عارفة انى ساكنة بعيد
ايمان : و عليكم السلام و رحمة الله و بركاته


و على سرير بسنت :

نانسى اختها الصغيرة : بووووووووووسى قومى اتأخرتى
بسنت : ايه مين مات سيبينى يا نانوس اكمل نومى و ادلعك براحتى بدل امسكك اضربك بقى يلا برة
نانسى : لا بقى يا ست بسنت انتى كل يوم تقوليلى البوقين دول و مامى تزعق لى انا يلا قومى
بسنت : انا الغلطانة يوم ما فكرت اجتهد و ادخل جامعة
نانسى : معلث (معلش ) يلا قومى بقى مامى هتزعق لى
بسنت : هههههههههههه اتحايلى على شويتين
نانسى : بقى كدة !!!! ماااااااااااااامى الحقينى بوسى بتضربى
بسنت : هههههههههه يالهوى اطلعى يا بت انتى برة هههههه
الام: يلا بقى يا بوسى هتتأخرى على الجامعة
بسنت : يامامى بقى طب حضرى لى الحمام عشان عايزة اخد شاور
الام: منال ( الشغالة ) حضرته لك
بسنت : ياااااااااااى لا يا مامى انا مش بحب تحضيرها
الام: يلا يا بسنت مش عايزة دلع
بسنت: اوف بقى يا مامى
نانسى : اوف لاين و لا اوف سايد

بسنت : انتى الكبيرة يا بيسو ماترديش عليها



فى بيت عمرو :

الام : عمووووور قوم يا عمرى
عمرو : صباح الخير يا اعز انسانة فى الدنيا
الام: صباح النور يا حبيبى
يلا بقى قوم كدة و سمى الله و اتوكل عليه و روح جامعتك ربنا يوفقك يا رب
عمرو : ان شاء الله يا امى هيوفقنى و انا الحمد لله متفائل جدا عشان الصباح الجميل اللى ع الصبح دة ادعيلى انتى بس يا ست الكل
الام: و الله يابنى بدعيلك انت واخواتك فى كل صلاة ربنا يفتحها فى وشكوا يا رب و افرح بيكوا كدة
عمرو : ان شاء الله يا امى عن اذنك بقى عشان ماتأخرش ع الجامعة
الام : ماشى يا عمرو اتفضل



و فى بيت وليد :

الاب : وليد قوم يلا عشان الجامعة مش عايزين تأخير
وليد : حاضر يا بابا ازيك ؟
الاب : الحمد لله يا وليد ازيك انت ؟
وليد : الحمد لله تمام يا بابا يا رب دايما يسعد صباحك
الاب : ربنا يخليك يا وليد يلا بقى قوم عشان تلحق كليتك


وليد : و يخليكى يا بابا عن اذنك
الاب : اتفضل



و فى بيت عماد :

عماد : يس شنكووووووووووووووتى
اخته (لمياء ) : ايه يا عماد بتعمل ايه ؟
عماد : او حبيبتى ايه السؤال دة زى مانتى شايفة بلعب فيفا ع اللاب توب بس ايه رأيك مقطعهم اهه
لمياء : يعنى انت لما اجى افرح انك صحيت بدرى يوم الاقيك صحيت عشان تلعب فيفا ممممممممممم و كام كام على كدة
عماد : عيب عليك يا جميل اكيد طبعا مش صاحى بدرى انا لسة مانتمتش
لمياء : نعم ؟؟ و الجامعة اللى كمان ساعة دى هتعمل فيها ايه ؟
عماد : فورجيت ات يا مان
ماتيجى تلعبى معايا دور
لمياء : اوكا اى لاف ات
عماد : كوميدك
لمياء : اوووووو اوت كان ممكن تيجى جون
عماد : جون مين بس دة انا عماااااااااااااااااااد
الام : ايه دة يعنى انا بعتالك تصحيه تلعبى معاه
عماد : مامى يا جميل انت واحشنى جدا شوفت جبت لك ايه امبارح و انا راجع من الجامعة ( ازازة برفيوم)
الام : واو جميلة اوى اوى ميرسي يا عماد
اتعلمى يا ست لمياء
لمياء : يا مامى بقى
حاضر شوفى بقى انا النهاردة هجيب لك ايه


الام: اما نشوف
عماد : اه اه ااااااااااا الحقينى يا ماماااااااا
الام: ايه يا عماد مالك يا حبيبى
عماد : بين (pain ) فظيع اوى فى بطنى يا مامى انا هقوم عشان اروح الجامعة
الام : لا يا حبيبى ارتاح النهاردة انت تعبان اوى
هروح اجيب لك دوا و اجى
عماد : كوميدك
لمياء : حرام عليك صدقت
عماد : المهم مش هروح الجامعة كدة حلو اوى
لمياء : طب هات فلوس اجيب لها هدية و الا هروح اقولها الحقيقة يا جميل
عماد : يا ربى ع المصلحة خدى 300 جنيه اهه ظبطيها و استنضفى هاه
لمياء : بقى كدة انا هوريك
عماد : استنى يا لميون انتى قصدى يا ليمون
خلاص يا ليييمووووووو تعالى بقى
هتعملى ايه بقى انا مش ناقص دة انا حتى بطنى وجعانى
لمياء : هههههههههههههههههههههههههههههههههه
ابقى دور على اللى يعبرك






عايزة رأيكم اكمل و لا ؟
الرجوع الى أعلى الصفحة اذهب الى الأسفل
aya
طالب مجتهد
طالب مجتهد



الدولة : إفتراضي
عدد المساهمات : 127

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: رد: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالجمعة 04 فبراير 2011, 13:29

ياريت تكملى
الرجوع الى أعلى الصفحة اذهب الى الأسفل
قمر الزمان
مديرالمنتدى
مديرالمنتدى
قمر الزمان


الدولة : مصر
الكلية : كلية الآداب
قسم : تاريخ
عدد المساهمات : 1960
الجنس : انثى

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: رد: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالجمعة 04 فبراير 2011, 22:11

حاضر يا اية
الرجوع الى أعلى الصفحة اذهب الى الأسفل
قمر الزمان
مديرالمنتدى
مديرالمنتدى
قمر الزمان


الدولة : مصر
الكلية : كلية الآداب
قسم : تاريخ
عدد المساهمات : 1960
الجنس : انثى

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: رد: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالجمعة 04 فبراير 2011, 22:27

الحلقة التانية :
فى كلية سياحة و فنادق
لميس ( زميلة مى ) : هاى ميمو ازيك عاملة ايه وحشاااااانى خالص
مى : يا بت دة انا لسة مكلماكى امبارح بعد ما صليت العشا على طول عايزة ايه مانتى ماتضحكيش غير لما يكون فى مصلحة هههههههههههههه زيى كدة
لميس : يا لهوووى ع العسل انتى ع طول قفشانى كدة
مى : ليمو يلا انجزى عشان الحق اليوم انتى شايفانى جيت على اخر ثانية و الدكتور ظبطنى تظبيط اظن شوفتيه فخلينى الحق اخد نفسى فى البريك دة
لميس : طيب معاكى تسعة و عشرين جنيه و خمسة و سبعين قرش؟؟
مى : نعم ؟؟؟ ايه الدقة دى ؟؟ عايزاهم ليه ؟
لميس : يا ميوية بقى عايزاهم هجيب فستان جديد
مى : هتجيبى فستان بتسعة و عشرين جنيه و خمسة و سبعين قرش ؟؟
لميس : لا طبعا ليه هى اتشوكوليت
؟؟
هكمل ع الفلوس اللى معايا
مى : طيب يا ختى عشان اخلص منك خدى 29 جنيه
لميس: و الخمسة و تسعين قرش ؟؟

مى: يا حرامياية هما خمسة و سبعين قرش مش و تسعين و غير كدة انا ما بتعاملش بالقروش يلا امشى من هنا
لميس : ميرسي كنت فاكراكى ماى فريند لكن خسارة لقيتك صاحبتى مش ماى فريند
مى : لاااااااااا ماقدرش انا ع الفرق الشاسع دة
امشى يا بت انتى من هنا روحى استلفى من ساندرا
لميس : ههههههههههه سلام يا صاحبى
مى : لا حول و لا قوة الا بالله البت احولت
لميس: بصى انا هروح المول الجديد دة ع الساعة 8
ايه رأيك تعدى عليا على 7.30 كدة و اخدك معايا المول انا بثق فى ذوقك
مى : و الله يا قمر لو كان عليا انا نفسى اخرج و كل حاجة
بس مش هينفع اديكى الok غير لما اسألهم عندى فى البيت لو ok هكلمك اقول لك
لميس : اوكى يلا بقى عشان الدكتور هيظبطنا احنا الاتنين
مى : الله يسامحك على طول كدة لازم تظبطينى معاكى و ولا اخدت البوريك و لا اى حاجة
و اثناء المحاضرة :
يرن موبايل لميس و طبعا موبايلها مايتوصاش و الرنة اللى كانت حطاها تظبط الموبايل اخر حاجة
الدكتور : مين اللى موبايله بيرن
لميس : اسفة يا دكتور دى اس ام اس حتى مش اكتر
و ماحصلتش حتى المسد كول مش موضوع كبير يعنى
الدكتور : ورينى الموبايل
لميس : طب ممكن اعرف مين السيندر الاول؟؟
الدكتور : قولتلك ورينى الموبايل
لميس : اتفضل يا دكاترة
الدكتور : اممممممممم لمضة الروشة مين دى ؟؟
لميس : معرفش انا برئ يا بيه
الدكتور : انتى يا بنت انتى هتهزرى و لا ايه مين دى؟
لميس : ( يالهوى لتكون باعتة مصيبة ) ااااا دى دى دىدىدىدى
الدكتور : مين دى ؟
لميس : دى رنا اللى معانا هنا
الدكتور : هى غايبة عشان تقعد تبعت فى رسايل جوال
لميس : على فكرة اسمها مسدجات موبايل
الدكتور : اسكتى خالص
امممممممممممممممم
لذيذة اوى الرسالة دى
لميس : بجد كاتبة فيها ايه ؟؟؟
الدكتور : كاتبة :
ازيك يا ليمو عاملة ايه وحشانى اوى يا بنتوتة انتى و كل الشلة سلميلى عليهم اوعى تكونى فى محاضرة دكتور هانى غتيت ههههههههه دة رخم رخامة ايه رأيك بقى ان انا غايبة عشانه النهاردة المهم هنتقابل بالليل فين ابقى ابعتى لىمينى كول اوك؟؟
سلاموز بالكوكتيل
لميس : الحمد لله طلعت كارثة مش مصيبة
معلش يا دكاترة لو مفيهاش ازعاج اكتب لها فى مسدج :
ايوة يا فضيحة احنا فى محاضرة دكتور هانى غتيت الخنيق الرخم هكلمك لما اروح لأن الموبايل ناو مع دكتور هانى الغتت دة و هو صوته وحش فخليته يكتب احسن
يلا بيس يا فضيحة
الدكتور : بس كدة من عنيا

اتفضلى برة اصل دكتور هانى غتيت هنا و ليا تصرف تانى خالص معاكوا انتوا الاتنين
بقى انا كدة غتيت امال لما تشوفوا التصرف التانى هتعملوا ايه ؟
مى : معلش يا دكتور دى اكيد كانت بتهزر عشان خاطرى انا بلاش تقلب عليهم و بعدين مين بس اللى غتيت دة بالعكس انت اكتر دكتور بفهم منه و مش عشان حضرتك جد تبقى غتيت
الدكتور
: عموما انا برضه هكون شايل منهم جامد يا رب دايما يا مي كدة يكملك بعقلك يلا اشوفكوا بكرة اليوم خلص النهاردة اتفضلوا
مى : ايه الهبل اللى انتى عملتيه دة انتى ايه ؟؟
لميس : بصى بقى كفاية انك دافعتى عنه و سيبتينى
مى : يعنى اكدب يعنى ؟؟ و بعدين انا كنت معاكوا انتوا الاتنين
لميس : خلاص يا جميل هستنى منك فون
مى : اوك يا قمر
لميس : باى
مى : سلام


الرجوع الى أعلى الصفحة اذهب الى الأسفل
قمر الزمان
مديرالمنتدى
مديرالمنتدى
قمر الزمان


الدولة : مصر
الكلية : كلية الآداب
قسم : تاريخ
عدد المساهمات : 1960
الجنس : انثى

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: رد: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالجمعة 04 فبراير 2011, 22:29

استنونى في الحلقة القادمة
الرجوع الى أعلى الصفحة اذهب الى الأسفل
قمر الزمان
مديرالمنتدى
مديرالمنتدى
قمر الزمان


الدولة : مصر
الكلية : كلية الآداب
قسم : تاريخ
عدد المساهمات : 1960
الجنس : انثى

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: رد: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالسبت 05 فبراير 2011, 23:52


الحلقة التالتة
فى المول :
لميس : ياااااااه قد ايه انا فرحانة ان فى البيت عندك وافقوا
مى : بس ماتنسيش لازم ارجع بدرى اختى راجعة من السفر النهاردة و محضرين لها مفاجأة
لميس : يا راجل ابقى سلميلى عليها اهم حاجة دلوقتى اننا نروح نجيب الفستان دة شكله تحفة
مى : ايه يا بنتى الذوق دة انتى كان عاجبك فستان من الفساتين العجيبة دى ؟؟!!!
لميس : لا فين فستااانى ؟؟؟؟؟؟؟؟!!! لا بقى دة كان حلو جدا
مى : خلاص تعالى ندور على غيره
لميس : لااااااء مليش دعوة انا عايزة الفستان الاسود اللى كان هنا
العاملة : اهلا و سهلا نورتونا انتى كنتى عايزة الفستان الاسود اللى كان معروض برة ؟؟
لميس : اه هو عندك ؟
العاملة : اخدته الانسة اللى ماشية هناك دى
مى : ايه يا هبلة انتى رايحة فين
لميس : اسكتى بقى انتى سيبينى فى حالى
لميس : لو سمحتى يا انسة
الانسة ( اللى هي بسنت ) : او نعم فى حاجة؟
لميس: انا اسفة بس انا مش عارفة اقول لك ايه حضرتك اشتريتى الفستان اللى كنت حاجزاه من امبارح و كنت هتجنن عليه
بسنت : سورى مش ذنبى انا اللى جيت الاول و دفعت الفلوس
لميس : عشان خاطرى انا هيحصل لى حاجة لو مش خدتوا
بسنت : يعنى هو مفيش غيره ؟؟!! جت ع الفستان اللى انا عايزاه و تعوزيه انتى؟؟
سورى انا محتاجاه ضرورى عن اذنك
لميس : عشان خاطرى ياااااااااااا............. بجد انا عايزاه لحاجة
مهمة جدا
بسنت : هو انتى هتتصاحبى عليا ؟؟!! سورى انا مش عندى وقت اضيعه
مى : يلا يا لميس بقى هى جت ع الفستان دة مافى مليون فستان غيره كفاية احراج بقى حرام عليكى ماتخلينيش امشى
لميس : يا مى و الله عايزاه ضرورى
بسنت : ههههههههههههههههههههه و كمان اسمك لميس انا كنت فاكرة اسمك عطيات عواطف حاجة كدة يعنى
لميس : شوفتى يا ست مى بتقل ادبها ازاى؟
مى : ممكن يا انسة اتكلم انا وانتى لواحدنا ؟
بسنت : اوف انتوا طلعتولى منين بس
مى : اهلا انا مى
بسنت : و انا بسنت ياريت تنجزى و تخلصينى انا ورايا حاجات لازم اعملها
مى : خلاص انا اسفة انا بس كنت عايزة اعتذر لك عن اللى لميس عملته بس هى كدة و الله مش عايزة ترخم يعنى عموما اسفين جدا على ازعاجك
بسنت : انتى ليه بتتكلمى بشكل رسمى كدة
مى : بصراحة محرجة من اللى لميس عملته
بسنت : خلاويص حصل خير ممكن نبقى اصحاب انا و انتى ؟؟
مى : يكون ليا الشرف طبعا
بسنت : اوكى يا قمر دى ارقامى ابقى كلمينى لأنى مسعجلة جدا دلوقتى
1234567890
90876547
مى : اوك يا قمر استنى منى مكالمة سلام
بسنت : سلام
لميس : قالتلك ايه البت دى ؟
مى : لميس ماتبقيش غلطانة و تتكلمى عن اذنك انا لازم اروح
لميس : بقى كدة ؟؟ انا و لا البت دى يا مى ؟؟ لو اخترتى البت دى هعرف انك مش عايزة تعرفينى تانى
مى
يا مى
ميرسي اوى ع الايام الحلوة اللى عيشتيهانى و اتفضلى ال29 جنيه بتوعك اهم ابقى اديهم لصاحبتك
انا غلطانة انى صاحبتك بعد ماكنتى ماتعرفيش و لا حاجة فى الجامعة


مى ماشية فى الشارع عمالة تكلم نفسها :
يا رب هو اللى انا عملته دة صح و لا غلط
انا تعبااااااااااااااااااانة اووووووووووووى
مهما كانت دى صاحبتى و انا زعلتها
لا هى برضه غلطاااااااااااااااااااانة
يا ربى بقى انا مش عارفة اعمل ايه
انا تعبانة بجدددددددددددددددد
هى بسنت دى طلعت لى منين بس
و بعدين شكلها كدة هتكون من اصدقاء السوء
و مش الصديقة اللى انا عايزاها تكون صاحبتى بجد
طب ايه طيب يعنى ما اكلمهاش ؟؟؟؟؟
دى لميس عايزانى اختار بينها و بين بسنت دى
اااااااااااااااااااااااااااااااااااااااااااااااااا ااه
فييييينكوا يا اصحاااااااااابى
ياللى كنتوا اصحابى من ابتدائى
اللى كنتوا تقدروا تنصحووووووووووووونى بجد
انا تعبااااااااااااااااااااااااااااااااااانة اووووووووووى
يا رب صبرنى
ايه اللى المفروض اعمله بس فى الموقف دة
و ليه لازم اختار بينهم
المشكلة انى لو اخترتهم هما الاتنين

لميس هتزعل و هتفكر ان انا كدة بحب بسنت اكتر منها
ااااااااااااه يا دماااااااااااااااااااااااااااااااااغى

فى منزل بسنت :
بسنت كانت بتلعب مع نانسى و اختها التوأم بسمة ( توأم بسنت مش توأم نانسى ) لعبة
Spin the bottle
او الصراحة
قامت بسمة سألت بسنت :
بيسو انا حساكى متغيرة من ساعة ماجيتى من المول ايه اللى حصل هناك ؟؟
بسنت : و الله يا بسبس زى ما تكونى بتقرى افكارى انا فى موضوع مجننى اوى
و حكت لهم الحكاية و فى الاخر قالت
انا مش عارفة حاسة انى فرقت بينهم و اللى مجننى اكتر ان مى دى ما اتصلتش
نانسى : هههههههههههههه دى صاحبتها دى هبلة اوى كل دة عشان فستان
بسمة : بس يا نانسى كدة غلط بصى يا بسنت القصة غريبة فعلا انا مش عارفة اساعدك بس ربنا معاكى و ان شاء الله تتكلم
ترررررررررن تررررررررررررن
نانسى : هههههههههههه يا ريتك يا بسبوسة كنتى افتكرتى مليار دولار
بسنت : لا يا بسبس كويس انك افتكرتى مى مش مليار دولار و لا حاجة اهم حاجة دلوقتى انا عايزة اعرف هكلمها ازاى و اقول لها ايه ؟
بسمة : ماتحضريش كلميها كدة و زى ماتيجى تيجى
طب حد يرد فيكوا الاول مش قادرة ارد انا
نانسى : الو
مى : الو
بسنت؟
نانسى : بسنت مين ؟؟
مى : مش دى نمرة تليفون بسنت؟؟
نانسى : اااااااااااااااا بسنت اختى ؟؟؟
اهى معاكى
بسنت : ايه يا نانسى العبط بتاعك دة
الو
مى : الو
بسنت : مى ازيك؟
مى : الحمد لله تمام ازيك انتى ؟
بسنت : سوجود
مى : يا رب دايما
بسنت : انتى كام سنة يا مى ؟
مى : انا 20
بسنت : انا 19
مى : العمر كله يا رب
بسنت : انتى فى كلية ايه ؟؟
مى : سياحة و فنادق
بسنت : اممممممممم انا فى تربية رياضية
مى : طب معلش بقى يا بسنت انا لازم اقفل دلوقتى عشان اختى جت من السفر
بسنت : الحمد لله على سلامتها يا ريت ترنى لى ع الموبايل عشان اعرف رقمك
مى : حاضر سلام
بسنت : باىى


مى : وحتشتيييييييييييينا اوى يا مايا
ها عاملة ايه و اخبارك ؟؟ واحشاااااااااااااااانااااااااااااا اوى
مايا : الحمد لله يا ميوي يا قمر يا واحشنى انت
و انت عامل ايه ؟
مى : انا الحمد لله تمام بس انتى راجعة روشة يعنى ايه السر فى كدة ؟؟
مايا : يا بنتى برة دول عايشين غير جوة خالص
شوفى جبت لك ايه ( فستان )
مى : الله جميييييييييييييل اوى تسلمى لى يا رب
احم احم
فى حد مستنيكى فى اوضة الضيوف عايزك
مايا : دة مين دة
مى : روحى شوفى بس
مايا : هاى
رامز ( حد بيحب مايا والمفروض هيرتبطوا بعد ما تظبط امورها هنا فى مصر ) : هاى يا مايا الحمد لله ع السلامة واحشانى اوى ياااااااااه دة انا مستنى اليوم دة بفارغ الصبر يا عمرى
مايا : ......................... ميرسي يا رامز
معلش ثوانى عن اذنك
الرجوع الى أعلى الصفحة اذهب الى الأسفل
قمر الزمان
مديرالمنتدى
مديرالمنتدى
قمر الزمان


الدولة : مصر
الكلية : كلية الآداب
قسم : تاريخ
عدد المساهمات : 1960
الجنس : انثى

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: رد: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالسبت 05 فبراير 2011, 23:55

انا كل يوم هنزل حلقة كدا
بس هو مفيش حد بيشجع ليه ؟
ياجماعة عايزة روح معنوية ههههههههههه


الرجوع الى أعلى الصفحة اذهب الى الأسفل
قمر الزمان
مديرالمنتدى
مديرالمنتدى
قمر الزمان


الدولة : مصر
الكلية : كلية الآداب
قسم : تاريخ
عدد المساهمات : 1960
الجنس : انثى

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: رد: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالأحد 06 فبراير 2011, 00:37


الحلقة الرابعة

مى : ها يا مايا ايه رأيك فى المفاجأة
مايا : مى بصراحة انا اتعرفت على واحد برة و كان
جاى يتقدم لى
مى : ايه ؟؟؟؟ طب و رامز؟؟
مايا : مش عارفة بقى
مى : طب و رامز عمل لك ايه حرام عليكى
مايا : ايه يامى انا ما اجرمتش كل ذنبى انى حبيت واحد تانى من غير ما احس و بعدين انا حرة احب اللى احبه و ماحبش اللى ماحبهوش
مى : طب و رامز نعمل معاه ايه؟
مايا : ااااااااااااامممممم اتجوزيه انتى مهو انتوا الاتنين كنتوا بتحبوا بعض قبل ما يشوفنى
مى : ماينفعش هو عايزك انتى
مايا : و انا مابحبهوووووووووووووش و مش هتجوزه و هتجوز اللى على مزاجى
مى : لا يا مايا ماينفعش
مايا ( بصوت عالى جدا ) : و الله مش انتى اللى على اخر الزمن هتيجى تعرفينى ايه ينفع و ايه ماينفعش انا الكبيرة يا هانم و البنى ادم دة انا مش عايزاه و مش بحبه و يا ريت يكون عنده شوية كرامة و يطلع برة
الام : ايه يا جماعة دة ايه يا مايا اللى انتى عملتيه دة اهو رامز مشى
مايا : احسن خد الشر و راح
و طبعا مى منهارة فى اوضتها من العياط
يدخل عليها باباها
الاب : ايه اللى حصل بس يا مى
مى : معلش يا بابا انا اسفة بس انا مش قادرة اتكلم مع حد و يدويك ههدى و هنام عشان الجامعة
الاب : ماشى يا مى تصبحى ع خير
مى : و حضرتك من اهله يا بابا
الاب : ممكن افهم فى ايه
؟؟
مايا : بص يابابا من الاخر كدة فى عريس هيتقدم لى بكرة و مش هتجوز غيره
الاب : اما نشوف اخرتك ايه
الام : طب و رامز دة كدة يفضحنا ادام اخواتى
الاب : بنتك دى بجد فظيعة
و اهى اختها مرمية جوة هتموت لو عيطت 5 دقايق كمان
مايا : طبعا يا سى بابا مهى ست مى هى اللى تتشال ع الراس و ماتنزلشى و كلامها كله يمشى
الاب : انا مابفرقشى فى معاملتى ليكوا انا بعامل الغلطان وحش عشان يتعلم من غلطه
مايا : خلاص يا كبير مش دة الفستان اللى انا جايباهولها اهه اهه ادينى بقطعه و ولا عايزة اعرفها تانى و من النهاردة لا هى اختى و لا انا اختها
الام : لا و بتقولى انتى الكبيرة مهو واضح
مايا : يعنى اشمعنى انتوا تكدبوا و تقولوا بتعاملونا زى بعض زى ما بتعاملونى هعاملكم
الاب : لالالالالالالالالاااااااا انتى بجد لا تستحملى حرام عليكى بجد ايه اللى غيرك كدة
الام : انا هروح اشوف مى برقابتك
الام : الحقوووووونى
الاب : ايه فى ايه ؟؟؟
الام : تعالى شوف بنتك قاطعة النفس
الاب : ايه؟؟؟؟؟؟؟؟
الام : مى فوقى يا مى يا حبيبتى اتحركوا البنت بتموت مننا
الاب : ناوية تتصلى بالدكتور و لا هتسيبى اختك تموت ؟؟ هاتى لى نمرة الدكتور معتز
بسرررررررعة
مايا : خد انا طلبت لك النمرة رد عليه
الوالد : دكتور معتز الحقنى فى البيت بنتى بتموووت
بعد كشف الدكتور على مى
الوالد : ها يا دكتور طمننا
الدكتور : دى كانت حالة طبيعية جدا تحت ضغط شديد جدا اكيد كانت تحت ضغط شديد اهم حاجة انها ترتاح دلوقتى و ماتشربش اى نوع من المكيفات و تبعد عن النرفزة و العصبية و ماتتحركش من السرير و تاخد الادوية دى بالمواعيد اللى مكتوبة جنبها
الاب : حاضر يادكتور شكرا جدا ليك معلش ازعجناك
الدكتور: لا ازعاج و لا حاجة المهم بس تعمل اللى انا قلت عليه
و لو فى اى حاجة كلمنى فى اى وقت
الاب : حاضر يا دكتور من عنيا اتفضل
الدكتور : مع السلامة
الاب : فى رعاية الله
مااااااااااااااياااااااااااااا
انا مش هقول لك غير ربنا يسامحك بجد انا نازل اشترى الادوية لاختك
مايا : لا يا بابا هنزل اجيبهم انا
الاب : ربنا يهديكى يا رب
مايا : اهى الادوية يا بابا ممكن ادخل لمى لواحدى
الاب : اتفضلى
مايا : انا عارفة يا مى انك ممكن تكونى نايمة و مش سامعانى بس انا بجد حاسة بالذنب جدا انا اسفة على اللى عملته معاكى بس انتى لازم تعرفى انه كان لحظة غضب انا بحبك اوى
تصبحى على خير
الاب : ها ارتحتى ؟
مايا : اه الحمد لله حاسة براحة كبيرة
طب يلا ادخلى نامى انتى عندك شغل الصبح
و الساعة 3 الفجر
سمعت الام صوت حاجة وقعت ع الارض و لما دخلت اوضة مى لقيتها مش قادرة تقف و دايخة جدا و صحت باباها و اختها و نزلوا يودوها الصيدلية اللى تحت البيت يقيسوا لها ضغطها
فلقوا رجل كبير فى السن و قاس لها الضغط لقاه واطى و كتب لها على علاج و قالهم ينزلوا له مرتين فى اليومين او يتصلوا بيه يبعت حد من عنده عشان تقيس الضغط
و فى تانى يوم اتصلوا بالصيدلية الصبح تبعت لهم حد فجه الراجل الكبير دة و قاس لها الضغط لقاه زى ما هو
و لما اتصلوا بالليل جالهم شاب استايل و شبه مى جدا فى تصرفاتها و مؤدب جدا و لذيذ قاس الضغط و مشى
و بعد كدة بقى كل يوم الولد دة هو اللى بيطلع يقيس الضغط و كدة لمدة 4 ايام و فى اليوم الرابع لما طلع لقى مى الحمد لله مستجابة جدا مع العلاج و طبعا باباها قعد يقولها ايه اللى حصل و هى تعبانة و كدة
مى : بجد ميرسي اوى على تعبك انت و والدك تعبتكوا معايا
الشاب ( على ) : تعب ايه بس يا انسة مفيش لا تعب و لا حاجة احنا حتى هنا تحت البيت اهم حاجة بس انك بخير الحمد لله
مى : لا دة كفاية بس انكوا كنتوا بتطلعوا الدور التاسع من غير اسانسير
على : ههههههههههههههههههههه لا يا انسة مفيش اى حاجة اهم حاجة بس سلامتك و الف سلامة عليكى
مايا : احم احم احم احم انا اسفة يا مى
مى : خلاص يا مايا ماحصلش حاجة
مايا: طيب انا هسيبك بقى انتى و الدكتور عشان ورايا حاجات لازم اعملها عن اذنكوا
على : دكتور مين بس احنا على قدنا يا باشا
مايا : لالالا مين قال كدة عن اذنك
على : اتفضلى
ااااااا ............ انتى اسمك مى ؟؟؟
مى : ايون انا مى يا ...............
على : انا ................... انا اسمى على
تعرفى ان اسمك موسيقى و جميل اوى
مى : انت ليك فى الميوزيك ؟
على : اه بحب الميوزيك جدا و خصوصا موسيقى عمر خيرت
مى : الله عليك بجد انا بحبه جدااااااااااااااااااااااا
على : تحسيه بيوصف كل اللى جواكى
مى : تعرف ان انت فيك حاجات كتير اوى زيى و شبهى
على : الحمد لله بس طبعا مش هكون جنب جمالك حاجة
مى : ربنا يخليك انت انسان جميل اوى
على : ااااااااا............. طب عن اذنك بقى عشان سايب بابا لواحده فى الصيدلية
مى : يعنى انا لازم اتعب عشان اشوفك ؟؟؟
على : ماتقوليش كدة حرام عليكى
مى : دكتور على انا عايزة اقولك حاجة
على : انا اسمى على زى مانتى اسمك مى و على فكرة انا كمان عايز اقول لك حاجة و هبدأ :
انا مش عارف ابدأ اقول ايه بس انا معجب بيكى جدا
مى : هو دة اللى كنت عايزة اقولهولك انا كمان معجبة بيك اوى من غير ما اتكلم معاك حتى حاسة انك شخصية محترمة و جميلة
على : اااااااا ............. اااااااااااااااااااااا طب ممكن رقم موبايلك ؟؟؟؟؟؟؟
مى : 018888888888888888
على : اوك هرن عليكى دلوقتى
مى : تعرف ان رقمك حلو اوى و الارقام كلها لايقة على بعض
على : ميرسي دة بس من ذوقك
عن اذنك يا مى عشان الحاج مايقلقش عليا
مى : اوكى يا على
سلام
على : سلام
و فى كلية التربية الرياضية :
تامر: صباح الفل على اجمل عيون عيون بسنت
بسنت : استغفر الله العظيم انت بتطلع منين يا عمونا
تامر : انا موجود جنبك حتى لو انا مش جنبك
بسنت : انت مجنوووووووووووووووون
ثوانى معايا فون
بسنت : الو
مى : الو بيسو ازيك واحشانى
بسنت : و انتى اكتر يا ميوى و الله ايه يا بنتوتتى فينك ؟
مى : معلش و الله لسة شايفة مسدجاتك و مكالماتك دلوقتى
بسنت : ليه يا بنتى بس امال كنتى فين الاربع ايام اللى فاتوا ؟
مى : و الله كنت تعبانة (و حكت لها القصة بقى )
بسنت : ياحبيبتى معلش بس الواد على دة شكله مية مية
تامر : على مين يا هانم ؟؟؟
مى : دة اخوكى ؟؟؟؟؟؟؟
بسنت : لا دة واحد بيحبنى و انا منفضة له
مى : هههههههههههههههههههههههههههه
بسنت : اسكتى مش انا و لميس اتقابلنا صدفة فى نفس المول و اعتذرت لى و كانت عايزانى ابلغك انها بتعتذر لك لانك مش بتردى عليها
مى: يا حبيبتى يا ليموس
بسنت : بصى ايه رأيك ؟؟ انا خارجة معاها النهاردة تعالى معايا و نعملها لها مفاجأة
مى : خلاص قشطة هتخرجوا امتى ؟
بسنت : يعنى انا فى الجامعة هروح اغير هدومى و اروح لها هنتقابل فى الازهر بارك
مى : خلاص اوكى يا دوبك الحق البس
بسنت : يلا سى يو
مى : سى يو
فى الازهر بارك مى داخلة تدور عليهم فقابلت بنت ماشية :
البنت ( ايمان ): السلام عليكم
مى : و عليكم السلام حضرتك بتكلمينى
ايمان : ايوة انا بكلم حضرتك
اسفة لو هضايقك او هزعجك بس انا اول مرة اجى حديقة الازهر هنا و معرفش اى حاجة فلو ينفع يعنى تقوليلى على مكان يكون حلو هنا اروحه او نتعرف و نبقى اصحاب اثابك الله الجنة و يجزيك عنى كل خير
مى : اهلا و سهلا انا يشرفنى جدا اننا نكون اصحاب
تعالى نتكلم و احنا بنتمشى
ايمان : شكرا جزيلا ليكى جزاكى الله كل خير
مى : لا شكر على واجب يا .... صحيح انتى اسمك ايه ؟؟؟
ايمان : انا ايمان و انتى ؟
مى : انا مى تشرفت يا ايمان
ايمان : انا اللى حصل لى الشرف
بصى انا كنت جاية اقابل صحابى هنا هعرفك عليهم ثوانى اكلمهم اشوفهم فين
ايمان : اتفضلى
مى : الو
بسنت : الو انتى فين يا مروة
مى : مروة مين يا بت انا مى
بسنت : انا مع واحدة صاحبتى هنا فى الازهر بارك
مى : ااااااااه صحيح دة انتى عاملانى مفاجأة
بسنت : خلاص بعدت عنها
انتى فين يا بت انتى؟
بصى تعالى لى قدام البوابة
مى : اوك
بصى يا ايموس احنا هنقابلهم دلوقتى عند البوابة يلا نروح عشان ما يمسكونيش يضربونى لو اتأخرت
ايمان : ههههه يلا بينا
مى : ازيك يا بسبوسة انتى
بسنت : سو جود مين دى
؟
مى : دى واحدة صاحبتى
بسنت : هاى واحدة صاحبتها
ايمان : و عليكم السلام و رحمة الله و بركاته
بسنت : ..............
مى : لميس
لميس : مى
الاتنين فى نفس النفس : انا اسفة
بسنت : هههههه انتوا توأم و لا ايه
ايمان : خيركم من بدأ بالصلح و اتنوا الاتنين بدأدوا مع بعض بسم الله ما شاء الله
بسنت بتوشوش مى : ايه يا بنتى الشيخة اللى انتى جايباها دى ؟
مى : ههه ما تحكميش ع الناس من اول مقابلة يا انسة
لميس : تعالوا يا جماعة نشرب اى حاجة من الكافيتيريا انا جعانة اوى
مى : هههههههههههههههههه منين جعانة و منين نشرب معلش نعديها اكيد قصدك ناكل
يلا يا ايموس يا بيسو يلا يا ليموس
هأكلكوا اكلة على مزاجى انما ايه
هتخلصوا اكل فى صوابعكوا و تدخلوا على كتفكوا و بعدين ممكن تشبعوا هههههه

الرجوع الى أعلى الصفحة اذهب الى الأسفل
قمر الزمان
مديرالمنتدى
مديرالمنتدى
قمر الزمان


الدولة : مصر
الكلية : كلية الآداب
قسم : تاريخ
عدد المساهمات : 1960
الجنس : انثى

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: رد: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالأحد 06 فبراير 2011, 23:36

الحلقة الخامسة
مى : ها ايه رأيكم فى الاكلة دى ؟
لميس : يا يا بنتى الاكلة الجامدة دى طعمها حلوووو اووووووى
بسنت : اه يا ميوى بجد عرفتيها منين
مى : سر المهنة بقى هههههههه
و انتى يا ايموس ايه رأيك ؟
ايمان : بسم الله ما شاء الله طعمها حلو اوى اوى يا مى الحمد لله
بسنت : لميس عايزاكى لواحدنا عايزة اقولك حاجةعن اذنكوا
مى : اتفضلوا
مى : امممممممم ايه رأيك فى اصحابى بقى يا ايمان
ايمان : بصى يا مى انا هقول الصراحة بسنت انا حساها مش متدينة و مش فارق معاها حاجة و كمان مش حبانى و ربنا يستر اما لميس فانا ماتعاملتش معاها لسة
مى : بصى يا ايموس هى بسنت كدة خلاص بقى احسن هما جايين
مى موبايلها يرن
مى : ثوانى يا جماعة
الو
على : الو
ازيك يا مى
مى : ازيك ياعلى عامل ايه ؟
على : انا تمام الحمد لله
مى : يا رب دايما
على : مى انا معجب بيكى جدا
مى : ........... و انا كمان
على : انتى الانسانة اللى كنت بدور عليها من زمان و اخيرا لقيتك
مى : ااااااااا و انا كمان
على : انتى فى حد جنبك ؟
مى : هاه اه حاجة زى كدة
على : خلاص يا حبيبتى هسيبك دلوقتى
مى : اوك يا قمر
سلام
على : سلام
بسنت : قالك ايه و قولتى له ايه ؟
لميس : قاللى بحبك قولتله و انا كمان
مى : بس يا هبلة منك ليها
بسنت : مخبية علينا ايه يا حاجة
مى : هاه اااااا ولا حاجة هخبى ايه
لميس : يا بت دة انا حافظاكى
مى : قولت لكم مش مخبية حاجة
بسنت : لا مخبية
مى : انتوا هتخنقونى ليه ؟ سلام انا مروحة
ايمان : و انا كمان يا مى هاجى معاكى
لميس : ايه يا بت بنهزر
بسنت : سيبيها هى حرة هى و الشيخة بتاعتها
لميس : يا بنتى دى صاحبتنا
بسنت : مش هى دى اللى بقتنى عليكى و بقت شيخة ايمان علينا احنا الاتنين
لميس : عندك حق مع نفسها

مى : اهئ اهئ
ايمان : بتعيطى ليه بس ؟
مى : عشان كدبت عليكوا
ايمان : يعنى انتى مخبية ؟
مى : اه الولد دة اسمه على و انا و هو بنحب بعض
ايمان : انا و الله لو عليا عايزة انصحك بس بلاش انا انا خايفة يكون بيضحك عليكى
مى : قصدك ايه يعنى مش فاهمة بس انا شايفة فى عينيه انه بيحبنى
ايمان : بصى يا مى انا لسة صغيرة ع المواضيع دى و لسة فى ثانوى يمكن لو كنتى قولتى لبسنت او لميس كانوا ساعدوكى
مى : خلاص بقى انا تعبت انتى ساكنة فين ؟
ايمان : فى مدينة نصر و انتى ؟
مى : انا فى 6 اكتوبر و لميس فى 15 مايو تقريبا و بسنت فى المعادى
ايمان : خلاص انا هركب تاكسى و اروح
مى : و انا كمان
ايمان : يلا سلامو عليكو
مى : و عليكو السلام و رحمة الله و بركاته
مى بتتصل بعلى :
مى : الو
على : الو
مى : ازيك يا حبيبى واحشنى
على : انا الحمد لله تمام ازيك انتى ؟
مى : انا كويسة
انا هجيلك الصيدلية عايزة اشوفك
على : خلاص اوكى مستنيكى

بسنت : اللللللللللللـــ شوفتى الواد اللى ماشى هناك دة ؟؟
لميس : ايه يا بنتى انتى هتعاكسى فى الولاد كمان
بسنت : استنى بس شوفى انا هعمل ايه
روحى هاتى الطوبة دى و حطيها قدامى بسرعة
لميس : يا مجنونة حاضر اما نشوف
بسنت : ااااااااااااه اى اى مش قادرة ااااااه اى عايزة دكتور مش قادرة بموووووووووت لميس ساعدينى الحقووووونى
بسنت بصوت وشوشة : لميس عيشى الدور
لميس : ايه يا بيسو مالك لا الف عليكى انا هقومك حاولى تقومى
بسنت : مش قادرة اقوم شوفى حد يساعدك انا هفضل ع الارض كتير كدة
الولد ( عماد ) : يا بخت الارض بيكى يا جميل
بسنت : ميرسي
لميس : يا عم انت جاى تتجوز ساعدنا
عماد : قومى يا قمر فى قمر يصاحب الاشكال دى ؟
لميس : نعم و مالها الاشكال دى
بسنت : خلاص يا لميس بيهزر
قولى يا قمور انت اسمك ايه ؟
عماد : اسمى عماد و انتى ؟
بسنت : اسمى بسنت
عماد : اوك يا بيسو انا عايز رقم موبايلك
بسنت : هات موبايلك انت الاول و اما هروح هرن عليك عشان الفون بتاعى مش معايا ناو و ممكن تتصل حد يرد عليك غيرى
عماد : اوكيك 0130000000
بسنت : اوكشن باى
عماد : باى يا حبيبتى


مى : ازيك يا على
على : ازيك يا مى عاملة ايه ؟
مى : تمام وانت؟؟
على : اناكويس
تدخل عليهم واحدة
البنت ( هايدى ) : على حبيبى ازيك يا واد واحشنى انت نسيت انك مخطوب و لا ايه و و لا بتسأل و لا اى حاجة مين دى ؟

على : ..............
مى : انتى اللى مين
هايدى : انا خطيبة الدكتور انتى مين ؟؟؟؟؟؟؟
مى : انا ؟ ......... ابقى اسألى خطيبك
على : مى يا مى استنى
مى طالعة على سلالم العمارة بتعيط و بسرعة هوب تخبط فى شاب و توقع له الحاجات اللى كان ماسكها
مى : انا اسفة انا اسفة انت كويس
عمرو : مفيش داعى للاسف انا كويس اتفضلى عشان ماعطلكيش
مى : عن اذنك
عمرو : اتفضلى

تجرى مى على اوضتها و تقعد ع السرير و هى بتعيط
تدخل عليها مايا : ايه يا ميوى مالك
مى : عشان خاطرى يا مايا سيبينى فى حالى ابوس ايدك
مايا : اهدى يا حبيبتى الانفعال مش كويس على شانك انا هتتصل بالدكتور على يجيلك
مى : لا لو على دة اخر دكتور فى العالم اموت بس ما يشوفش وشى
مايا : يبقى اكيد هو اللى ضايقك عملك ايه مالك فى ايه بس ؟
مى : مايا عشان خاطرى ابعدى عنى عشان اهدى
مايا : اللى تشوفيه يا ميمو
و عموما لو عوزتى اى حاجة نادينى عن اذنك
مى : اتفضلى و اقفلى الباب وراكى و لو حد سألك عنى قوليلهم بطنها واجعاها اى حاجة
مايا : خلاص اوكى

موبايل مى يرن برقم على و مى لا بترد و لا اى حاجة و قفلت موبايلها و هات يا عياط و فجأة تليفون البيت يرن و مايا ترد :

مايا : الو
ايمان : الو مى موجودة ؟
مايا : اقول لها مين ؟؟
ايمان : ايمان صاحبتها
مايا : حاضر ثانية واحدة
مايا : خدى يا مى ايمان ع التليفون
مى : الو
ايمان : الو ايه يا ميمو مال صوتك ؟
مى : اهئ اهئ اااااااااااااااااااه طلع عندك حق يا ايمان اهئ اهئ
ايمان : فى ايه بس مالك ؟
مى ( بصوت عالى ) : طلع بيضحك عليا انا بكرهه انا بكرهه
مايا تسمع صوتها و تروح تقف ورا باب اوضة مى تسمع فى ايه
ايمان : ليه بس ؟؟
مى : روحت الصيدلية اللى بيشتغل فيها لقيت واحدة لابسة ضيق و شعرها اصفر و حطالك مكياج داخلة تقوله وحشتنى انت نسيت انك خاطبنى و لا ايه و و لا بتسأل و كدة يعنى و بتسألنى انا مين و قالت لى انها خطيبته انا اتضايقت جدا طبعا و لغاية دلوقتى عمالة اعيط انا مش عارفة ليه الدنيا كلها قالبة معايا كدة انا تعبت اهئ اهئ اهئ مش قاااااااااادرة خلاص انا نفسى اموت
ايمان : استغفر الله العظيم اهدى كدة يا حبيبتى ماينفعش اللى انتى بتقوليه دة
و بسرعة مايا تروح تلبس هدومها و تنزل الصيدلية
تلاقى على عمال يتكلم مع هايدى عادى و ولا كأن فى اى حاجة
مايا : دكتور على ثوانى بعد اذنك
على : عن اذنك يا دودوس
مايا : ممكن اعرف ايه اللى حصل بينك و بين اختى ؟
على : استغفر الله العظيم هو انا ماوراييش غيركوا اخرجى برة بدل ما اجيب لك البوليس ياخدك من هنا
هايدى : اووووو مين دى يااااى

و تطلع مايا بيتهم تلاقى مى ميتة من العياط و الباب بيخبط

تفتح مايا الباب : اهلا و سهلا اتفضل يا استاذ عمرو
عمرو : اهلا و سهلا يا انسة مايا
انا بس حبيت اتطمن على انسة مى لان من الواضح انها كانت داخلة متضايقة جدا
مايا : و الله يا استاذ عمرو هى مش عايزة تقول مالها بس انا عرفت
عمرو : لو ممكن اعرف و اساعدكم
مايا : اصل حصل .......... " و حكت له الحكاية كلها "
عمرو : اها اقول حاجة و ماتزعليش منى
للحق يعنى هى غلطانة ماكانش ينفع تسلم و تسيب قلبها لواحد ماكملتش يومين على معرفته
مايا : عندك حق
مى : ماااااااايا مين اللى جه
مايا : عن اذنك
عمرو : اتفضلى

مايا : دة عمرو جارنا ابن مدير الشركة اللى ساكن فى الدور اللى فوقينا

مى : و جى ليه دة

مايا : يتطمن عليكى عشان كان شايفك منهارة اطلعى سلمى عليه عشان واضح اوى ان انتى فى البيت

الرجوع الى أعلى الصفحة اذهب الى الأسفل
قمر الزمان
مديرالمنتدى
مديرالمنتدى
قمر الزمان


الدولة : مصر
الكلية : كلية الآداب
قسم : تاريخ
عدد المساهمات : 1960
الجنس : انثى

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: رد: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالأحد 06 فبراير 2011, 23:39

الحلقة السادسة

مى : و هو ماله بيا ان شاء الله اقتل نفسى مالهوش دعوة
مايا : مى كدة غلط انتى تفكيرك عامل كدة ليه اطلعى له بس دلوقتى و نبقى نتفاهم بعدين
مى : اهلا و سهلا ازى حضرتك منورنا
عمرو : البيت منور بصحابه يا انسة مى انا الحمد لله تمام و حضرتك ؟
مى : انا كويسة اسفة على اللى حصل ع السلم
عمرو : لا ابدا مفيش داعى للاسف انا اسف على الازعاج انا بس حبيت اتطمن عليكوا عن اذنكوا
مى : اتفضل و ابقى خلينى نشوفك ماتغيبش عننا كتير كدة
عمرو : ان شاء الله عن اذنك
مى : اذنك معاك

مى : يااااااااااااه اخيرا مشى دة بنى ادم رخم بشكل
مايا : حرام عليكى يلا بقى عايزاكى تظبطى لى نفسك بكرة
مى : لييييييييييييييييه يعنى ؟؟؟؟؟؟؟؟؟؟؟
مايا : ايه دة انتى نسيتى ماشى يا مى انا زعلانة منك
مى : ليه بس فى ايه
مايا : مش قولتلك النهاردة فى واحد جاى يتكلم عليا
مى :اااااااااااااااااه صحيييييييييييييييييييييييح
مايا : يلا بقى ظبطى نفسك كدة
مى : دة انا هتغير لك 360 درجة بكرة المهم انتى يا عروسة
مايا : ربنا يستر انا قلقانة اووووووووووووووووووى
مى : لا جمدى قلبك كدة ماتبقيش ضعيفة ، يلا انا رايحة انام تصبحى ع خير
مايا : و انتى من اهل الخير يا عمرى

تــــــــــــــــانى يــــــــــوم فى بيت بسنت :
بسنت و عمالة ترقص مع المخدة فى اوضتها : شافنى و شوفته ما قليش بحبك و لا قولتله و انا كمان
نانسى : هههههههههههههههههههههههههههههههههه انتى هبلة اوووووووووووووووووووووووى
بسنت : بس يا بت هبلة مين دى اللى بتتكلمى عليها يا هبولة
نانسى : ايه يا بنتى انتى بتغلطى ليه انتى فاكرة نفسك اكبر منى ؟؟؟؟؟؟؟
بسنت : يا حبيبتى فى الواقع و فى الحقيقة انا اكبر منك و سيبينى استمر فى المود اللذيذ اللى كنت فيه دة
نانسى : استمرى هاه
بسنت : بس يا سى تامر حسنى انتى
نانسى : ياااااااااااااااااااااااه دة قمر انا بموت فيه شوفتى اغنيته الجديدة اللى بتقول دة خسارة فيك حتى السلام انا بهديهالك بقى
بسنت : بقى كدة ( و تحدفها بالمخدة اللى كانت ماسكاها )
نانسى : اه كدة و نص ( وتحدف المخدة تقوم تقع من الشباك المفتوح اللى كان ورا بسنت )
بسنت : لالالالالالالالالا عمااااااااااد حبيبى
نانسى : قولى كدة بقى
بسنت : اخرجى برة انا بكرهك
نانسى : انا و لا عماد يا بسنت
بسنت : ايه يا نانسى اللى انتى بتقوليه دة مفيش اى وجه مقارنة اكيد ميدوس طبعا
نانسى : خلاص خليه ينفعك وااااااااااااااااااااااااااااااااااااااااااااااااا اااااااااااااااااااااء
بسمة : ايه يا نانوس صوتك جايب لغاية اخر الشارع اللى ورانا ههههههههههه
نانسى : شوفى اختك يا ست بسمة بتبقى صاحبها علينا
بسنت : نو نو يا نانوس انا ببقيه عليكى مش عليكوا
نانسى : عاجبك كدة يا كبيرة اهئ اهئ اهئ اهئ
بسنت : هيعيط هيموت هيقلد الكتكوووووت
بسمة : بس خلالالاص احترموا وجوودى
تدخل الام

الام : ايه اللى انتوا بتعملوه دة انتوا مش عارفين ان خطيب اختكوا هنا لازم نحافظ على بريستيجنا ادام الناس دة انتوا فظااااااااااااااااااااع يلا بسرعة البسوا لبس شيك و انتى يا بسمة هو جاى يخطبنى انا و لا ايه يلا البسى و اجهزى و سيبك منهم
بسمة : اوكيك يا ماميتو و يلا يا نانوس معايا و انتى يا بيسو البسى يلا عايزاكوا تقولولى رأيكم فيه
بسنت : اكيد عماد احلى يعنى بس يلا ما علينا اممممممممممممم البس الفستان الاحمر و لا الازرق
اممممممممممممم احمر و لا ازرق احمر و لا ازرق هو دة اكيد الاسود احلى و اشيك

فى اوضة نانسى :

نانسى : البس الفستان لونه ايه امممممممممممم ازرق و لا بينك اممممممممممممممم لالا الاسود اجمل بكتيييييييييييير

فى اوضة بسمة : يا ربى ايه الفساتين المحيرة دى البس الاحمر و لا البنى ؟؟؟؟؟؟؟؟؟ لالا الاسود شيك و ملك السهرة


الام : ها يا بسنت خلصتى ؟؟؟؟؟؟؟
بسنت : يا مامى خلصت

الام : ها يا نونو خلاويص
نانسى : ايوة يامامى خلاويصت ا
الام : ايه يا بنتوتى لابسة اسود زى بيسو ليه


الام : ها يا بسبس خلاص ؟
بسمة : ايوة يا احلى ماميتو انا جاهزة
الام : ايه يا جماعة بقيتوا شبه بعض كدة ليه انتوا رايحين عزاء كله اسود فى اسود

نانسى : خلاص يا مامى هروح اغير
الام : لالالالالالالالالا تغيرى ايه العريس زمانه زى ما الناس فى الشارع بتقول اسمها ايه اسمها
بسمة : اااااااااااا مخلل ؟؟
الام : اه العريس خلل
بسنت : هههههههههههه خلل ههههههههههههههههه
الام : يلا بسرعة

والد العريس : بسم الله ما شاء الله قمر و الله ازيك يا عروستنا ( و بيسلم على بسنت )
باسم ( العريس ) : يا بابا مش دى العروسة دى اختها
والد العريس : امال هى مين فيهم ؟
باسم : الطويلة اللى لابسة اسود
والد العريس : ما كلهم لابسين اسود يا بنى
باسم : ااااااااااه صح طب استنى يابابا بسمة
بسمة : نعم
باسم : هى دى العروسة يا بابا
والد العريس : لا يا عم اللى انا سلمت عليها الاول احلى
بسنت : ميرسي يا اونكل انت كدة بتكسفنى
والدة العريس : قرب يا باسم عايزاك
باسم : نعم يا ماما
والدة العريس : بص انت فكك من بسمة دى و خليك فى بسنت مال و جمال و صغيرة تعرف تشكلها و كمان ذوق و هترفعك فوق
باسم : ياماما هو انا جاى اشترى بدلة و بعدين انا بحب بسمة مش اى حد تانى و لو ماجوزتوهاليش انا هولع فى نفسى بجاز
والد بسمة : ايه يا جماعة هى العروسة ماعجبتكوش و لا ايه ؟
باسم : هاه لا طبعا يا عمو بسمة دى قمر الجمال و الاخلاق
والد بسمة : خلاص انا بقول نحدد معاد قراية الفاتحة و الخطوبة و على خيرة الله
والد باسم : خلاص و احنا موافقين ايه رأيك فى يوم الخميس الجاى نقرا الفتحة ؟؟
والد بسمة :و انا موافق
والد باسم : نستأذن احنا بقى
والد بسمة : مانتوا لسة قاعدين
والد باسم : معلش و الله ورانا حاجات
والد بسمة : خلاص ماشى ابقوا خلونا نشوفكم مع السلامة



فى منزل مى :

مايا : مى ها قوليلى ايه رأيك فى الفستان دة
مى : عسولة اوى بيه و الله حلو جدا عليكى
مايا : طب احط ميك اب و لا بلاش
مى : حطى بس خفيف
مايا : انا حاسة انى اول مرة البس
مى : ههههههههههههه يلا بقى بسرعة قبل ما العريس ييجى خلينى البس بقى

و جرس الباب يرن
و تفتح والدة مى
مروان : السلام عليكم يا طنط
والدة مى : وعليكم السلام يا بنى اتفضل
مروان : امال فين مايا ؟؟
والدة مى : اهى جاية اهى
مايا : ازيك يا مروان عامل ايه ؟؟
مروان : انا كويس الحمد لله المهم انتى طمنينى عاملة ايه واحشانى
مايا : احم احم ( و تشاور على والدتها )
مى : اهلا وسهلا
مروان : اهلا وسهلا بيكى
والدة مى : امال فين اهلك يا بنى
مروان : الحقيقة انا حبيت اجى لواحدى الاول
والدة مى : لا طبعا كانوا المفروض ييجوا معاك
مايا : احم احم اااااااا اا خلاص بقى يا ماما مفيش مشكلة
والدة مى : ازاى يا بنتى الاصول بتقول انه لازم يكون الوالد و الوالدة حاضرين
مروان : الحقيقة يا طنط انا ماما و بابا منفصلين و بابا متجوز و ماما متجوزة و انا عايش لواحدى
والدة مى : نعم ؟؟؟؟؟؟؟ هو دة اللى عايزة تتجوزيه اتفضل اطلع برة مفيش بنات عندنا للجواز
مايا : استنى يا مروان اهدى بس ياماما
مى : تسمحوا لى اتكلم ؟؟؟؟؟؟؟
والدة مى : اتفضلى يا ست مى علمينا
مى : دلوقتى انا مع حضرتك يا ماما ان عائلته منفصلة و كل حاجة بس دة مش ذنبه انه اتولد وسط ناس مش كويسة و ليه حضرتك باصة للمطلقين بنظرة وحشة زيهم زينا بس كل اللى حصل انهم مالاقوش تفاهم بينهم و بعدين كويس اوى ان شاب فى سنه بيسافر و بيجتهد و بيجمع فلوس يعنى قد المسئولية و يقدر يبنى بيت و تقدرى ماتخافيش على بنتك
والدة مى : لا و الله و لما يجى يطلقها زى ابوه و يتجوز عليها
مى : مش كل الناس لازم تطلع زي والديها و الا ماكانش رأينا اختلف عن رأى حضرتك و بعدين كويس انه كان صريح معاكى
والدة مى : عموما اتفضل دلوقتى و احنا هنبقى نتشاور فى الموضوع دة و نرد عليك
مروان : انا اسف جدا لو كنت ازعجتكوا عن اذنكم
الرجوع الى أعلى الصفحة اذهب الى الأسفل
قمر الزمان
مديرالمنتدى
مديرالمنتدى
قمر الزمان


الدولة : مصر
الكلية : كلية الآداب
قسم : تاريخ
عدد المساهمات : 1960
الجنس : انثى

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: رد: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالثلاثاء 08 فبراير 2011, 01:51

الحلقة السابعة
مايا :::: ياماما ياماما بقى حرام عليكى هتفضلى ترفضى كل اللى يطلبونى لغاية امتى يا ربى يعنى انا هفضل قاعدة معاكى منوراكى من غير جواز لغاية لما اموت حرام عليكى بقى حسى بيا شوية كل صحابى اللى من سنى اتجوزوا و خلفوا انا تعبت بجد حرااااااااااااام
الام :: يا بنتى انا عايزة مصلحتك و مصلحتك مش مع الولد دة
مايا :::: يا ماما ابوس ايديكى انا ادرى بمصلحتى و انا بحب مروان و و الله ماهتجوز حد غيره
الام :::: انتى بتحلفى كمان ؟؟؟؟؟؟؟؟؟؟ ماتيجى تضربينى بالمرة فين مايا ايام زمان لما كانت حتى كلمة صباح الخير تغنيهالى
مايا :::: و انا هفضل كدة لغاية امتى ؟؟ انا كبرت يا ماما انا كبرت ..... انا تعبت من العيشة دى فينك يا بابا يعنى كان لازم تنزل شغل الوقت دة
و تدخل مايا على اوضتها و الام تقعد تعيط

مى ::: خلاص يا ماما هدى نفسك ماتزعليش هى كل اللى قالته دة كان لحظة غضب صدقينى مش دة شعورها و كل دة من ورا قلبها صدقينى
الام ::: يعنى انا عشان عايزة مصلحتكم اطلع وحشة فى الاخر و انا اللى خلفت و شلت و ربيت و علمت هو دة جزائى فى الاخر ربنا يسامحها
مى ::: ياماما مروان شاب كويس و كفاية اوى انه معتمد على نفسه و كمان كويس جدا انه صارحك من اول الطريق و هما الاتنين بيحبوا بعض و ان طلع وحش فهى اللى اختارته و خليها تبقى تدفع تمن غلطتها
الام : : يعنى انتى شايفة كدة
مى : : اه يا ماما
و تدخل الام على مايا
مايا : : ماما ماتزعليش منى انا فاهماكى كويس بس انا بحب مروان جدا جدا
الام : : انا اللى كنت داخلة اقولك ماتزعليش منى بس انا بعمل كدة عشان مصلحتك و الله انا لو عليا نفسى اشوفك فرحانة مع احسن بنى ادم فى الدنيا اللى تحبيه و يــحبك و مادام انتى شايفة ان مروان كويس خلاص انا موافقة
مايا :: ميرسى يا احلى ام فى الدنيا كلها ربنا يخليكى لينا و مايـــحرمناش منك ابدا
الام : الشكر لاختك مى يا مايا هى اللى كانت واقفة جنبك لحظة بلحظة فى كل حاجة دة غير انها هى اللى اقنعتنى
مايا : ربنا يخليكى ليا يا مى يا غالية
مى : ويخليكى ليا يا جميل .... ماما انا نازلة اقابل واحدة صاحبتى عايزين منى حاجة
الام : لا ياحبيبتى انزلى بس ماتتأخريش

و فى التليفون
مى :: ايوة يا ايموس انا نازلة لك اهو
ايمان : اوك يا ميوي انا مستنياكى

فى كافيتيريا
ايمان : ازيك يا مى عاملة ايه دلوقتى
مى : انا بخير يا ايمان و انتى ؟
ايمان : الحمد لله على كل شئ ، عملتى ايه مع على دة
مى : ايمان عشان خاطرى ماتجيبيليش سيرته انا تعبت بجد
ايــمـــان : خلاص يا مى انا اسفة
مى : يا لهوى عليكى يا ايمان مفيش داعى للاسف يا حبيبتى
ايمان : خلاص يا مى مفيش حاجة
مى ::: ها تشربى ايه ؟؟؟؟؟؟
ايمان : : انا طلبت لنا اتنين ليمون عشان تهدى
مى :: ايه يا ايمان انتى شايفانى بشد فى شعرى و لا مجنونة ايه عشان تهدى دى
ايمان : ايه يا مى انتى مش طايقة لى كلمة ليه
مى :: بصى يا ايمان انا غلطانة اصلا انى بتكلم مع واحدة زيك
ايمان : : خلاص يا ستى انا اسفة
مى : : لا اسفة ولا مش اسفة عن اذنك انا مش طايقة نفسى اصلا
ايمان ::: مى مالك ؟؟ حرام عليكى اللى بتعمليه فى نفسك دة حراااااااام
مى ::: ايمان سيبينى فى حالى عشان خاطرى انا تعبانة اوى
ايمان ::: قولى بسم الله بس و اشربى الليمون دة و انتى هتبقى كويسة و فضفضى انا سامعة لك
مى ::: بصى يا ايمان انا اكتر حاجة بكرهها فى حياتى انى احس ان فى حد بيعطف عليا النهاردة جالنا عمرو جارنا قال ايه عشان يتطمن عليا و هو عمره مازارنا اساسا و نعرف اسمه بالعافية و عرفت ان مايا اختى نزلت للاستاذ على تفهم منه اللى حصل و هو طردها و انتى بتعطفى عليا بعصير الليمون عشان اهدى انا و الله تعبت حرااااااااام بقى حرااااااااااااااام
ايمان : : بصى يا مى مش عشان دكتور على طلع وحش يبقى كل الشباب وحشين بس انتى برضه مش تحبى حد و تأمنيله و تعرفيه كل حاجة عنك بالسرعة دى
مى ::: بصى انا لا هحب تانى و لا هتجوز ولا اى حاجة
ايمان : : لاااااا انتى اكيد بتهزرى انتى المفروض تدوسى ع التعب عشان توصلى للانتى عايزاه
يلا تعالى اوصلك بيتك تطلعى تريحى

و عند باب العمارة :
مى :: شوفتى البرنسيسة عنده
ايمان : ماقولنى انسى بقى
مى : عموما شكرا تعبتك معايا اتفضلى ارتاحى
ايمان : لالا مرة تانية ان شاء الله عن اذنك
مى : اتفضلى

مايا : مى مالك شكلك معيط
مى :: لا يا مايا عينى واجعانى شوية بس
مايا : خلاص يا مى انا مش هسألك كتير هسيبك براحتك


ايمان بتعدى الشارع و يخبطها تاكسى فى رجلها
فينزل سواق التاكسى و الراكب عشان يتطمنوا عليها
الراكب ( وليد ) : احنا اسفين جدا حضرتك كويسة
ايمان : مش قادرة رجلى هتموتنى
وليد : شيلها معايا يا استاذ نوديها المستشفى
و فى المستشفى

وليد : ها يا دكتور حصل لها حاجة
الدكتور : لاااا ماتخافوش مفيهاش اى حاجة احنا بس هنديها شوية مسكنات عشان تخفف الالم
وليد : : يعنى هى كويسة يا دكتور ؟.
الدكتور : ايوة كويسة ماتقلقش هى اسماءكم ايه و حضرتك تقرب لها ايه ؟؟
وليد : بصراحة يا دكتور انا معرفش اى حاجة عنها بس احنا خبطناها و هى بتعدى الشاارع
الدكتور ::: ااااااااااااااه طيب خلاص
الدكتور ::: انتى اسمك ايه ؟
ايمان : دكتور انا كويسة ؟؟
الدكتور : انتى حاسة بإيه
ايــمان : حاسة انى كويسة الحمد لله
الدكتور : و انتى كويسة الحمد لله ها قوليلى اسمك ايه عشان اسجل دخولك هنا
ايمان :: اسمى ايمان محمد
الدكتور : خلاص يا ايمان
ايمان : دكتور انا ممكن اخرج دلوقتى
الدكتور : ايوة انتى ممكن تخرجى بس ماتمشيش على رجلك كتير
ايمان : حاضر يا دكتور مع السلامة
وليد : انسة ايمان حضرتك ممكن تتفضلى معانا نوصل حضرتك لأن الوقت اتأخر و انا لو ليا اخت مش هخليها تمشى لواحدها فى الوقت دة
ايمان : شكرا اوى لذوق حضرتك يا استاذ
وليد : يلا اتفضلى
السواق : هتنزلى فين يا بنتى ؟
وتشرح له ايمان عنوان بيتها
و لما توصل تدور ايمان على شنطتها ماتلاقيهاش
ايمان : بسم الله الرحمن الرحيم راحت فين دى بس
وليد : فى حاجة يا انسة
ايمان شنطتى شكلها ضاعت فى الحادثة
وليد : طيب هى كان فيها حاجة مهمة
ايمان : كان فيها الفلوس اللى هروح بيها
وليد : و انتى عايزة الفلوس دى فى حاجة ؟؟؟
ايمان : اكيد عشان احاسب السواق
وليد : عيب عليكى امال انا هنا بعمل ايه
ايمان : لالالالا اوعى مش كفاية حضرتك دفعت لى مصاريف الكشف و الادوية كمان ؟
وليد : لالا عادى حضرتك زى اختى
ايمان : لالا استنانى هنا و اانا هطلع اجيب فلوس واجى
وليد : طيب ماشى

تطلع ايمان بيتها عشان تجيب الفلوس و لما تنزل تلاقى التاكسى مشى
والدة ايمان : ايه يا بنتى مالك انا مش فاهمة حاجة و فين شنطتك فهمينى
وتحكى لها ايمان اللى حصل
الام : ايه اللى انتى بتقوليه دة ؟؟؟ حرام عليكى دة احنا بنمسك في رضا ربنا بايدينا و سناننا جاية انتى تركبيلى تاكسى مع شاب و تعرفيه عنوان بيتك و تخليه يدفعلك و تعرفيه اسمك كمان انتى اتجننتى ؟
ايمان : يا امى الشاب دة محترم و بعدين اهو اللى حصل بقى ربنا عايز كدة انا اعمل
الام : روحى ربنا يسامحك روحى نامى روحى
ايمان : يا امى بقى حرام عليكى انتى ليه مصرة تحسسينى بالذنب ؟؟
الام : تصبحى على خير يا بنتى

فى بيت بسنت :
بسنت : الف مبروك يا بسمة يا قمر
بسمة : بسنت ابعدى عنى انا مش طايقة حد دلوقتى
بسنت : ايه بس مالك ؟؟؟
بسمة : قولتلك انتى بالذات مش طايقاكى
الام : ايه يا عروسة صوتك جايب لاخر الشارع مالك بس؟
بسمة : انتى يا مامى ماشوفتيش باباه و ماماته كانوا عايزين يجوزوله بسنت ازاى انا مش طايقاها و زعلانة منها
الام : و هى ذنبها ايه بس ما هما اللى اعجبوا بيها و بعدين خلاص ماتقلقيش مهو كدة كدة هيجوزك انتى يا جميل
بسمة : ولو هى ماترضاش انى اعمل كدة مع حد جاى يتقدم لها
بسنت : و هو انا عملت حاجة ؟؟؟ هما اللى معجبين بيا و بصراحة بقى هما عندهم حق انا اجمل منك بكتير
الام : يا بناتيت بقى مالكم
بسمة : و الله يا حبيبتى الجمال جمال الروح و الاخلاق
نانسى : اووووو انتوا بتتكلموا كدة ليه نو نو نو
بسنت : امشى يا نانسى من هنا انا مش ناقصاكى
بسمة : لا يا نانوس افضلى هنا يا حبيبتى
نانسى : على فكرة بقى بسمة اجمل من بسنت دى فى الاخلاق و فى الشكل كمان
الام : ما تحترموا نفسكم بقى انا قاعدة
بسنت : بصى يا بسمة انا ماعملتش حاجة عشان يكون ليكى حق تزعلى عموما انا اسفة و الف مبروك


الرجوع الى أعلى الصفحة اذهب الى الأسفل
قمر الزمان
مديرالمنتدى
مديرالمنتدى
قمر الزمان


الدولة : مصر
الكلية : كلية الآداب
قسم : تاريخ
عدد المساهمات : 1960
الجنس : انثى

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: رد: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالخميس 10 فبراير 2011, 21:59

الحلقة التامنة
و فى بيت مى
مى : ماما بصى انا هخلى مايا تكلم مروان يجى يزورنا واهو نصلح موقفنا
الام : خلاص يا ميوى يا حبيبتى اللى تشوفيه
مى : مايا حبيبتى
مايا : ايوة يا ميوى نعم
مى : بصى احنا عايزينك تكلمى مروان تخليه ييجى عندنا بكرة احنا عازمينه ع الغدا
مايا : مش هيرضى دة غير انه مش راضى يرد عليا
مى : امممممم طب هاتى رقمه اكلمه من موبايلى انا هو مش عارف رقمى صح ؟
مايا : اها صح خدى الرقم
مى : اهو جرس
مى : الو
مروان : ايوة مين ؟؟
مى : مش لازم تعرف المهم تعالى بكرة انت معزوم ع الغدا عند مايا وان ماجتش مش هتشوف مايا تانى خالص ولا هتعرف انا مين يلا سلام
مايا : لا يا راجل ع اساس انه كدة هييجى
مى : هييجى انا صوتى لا يقاوم
مايا : ماشى يا حجة مى اما نشوف
مى : يلا بقى تصبحى ع خير

)*( يوم الاربعاء )*(

تصحى بسمة على رنة موبايلها :
بسمة : الو
باسم : ايوة يا حبيبتى ازيك؟
بسمة : الحمد لله تمام
باسم : ازيك يا بسمة واحشانى خالص

بسمة : الحمد لله
باسم : يااااااااه امتى بكرة ييجى بقى ونتخطب احلى حاجة ان بابا لما كلم مامتك ع التليفون وقال لها نخليها خطوبة هى وافقت
بسمة : اه
باسم : حبيبتى انا عندى خبر ممكن يبسطك وممكن لا
بسمة : يا فتاح يا عليم ايه هو؟
باسم : انا جالى عقد شغل برة
بسمة : نعم فين ان شاء الله
باسم : لسة مش عارف لما اعرف هقولك
بسمة : وامتى بقى ان شاء الله
باسم : يعنى كمان شهرين ولا حاجة وعشان كدة يا حبيبتى لازم نتجوز قبل ماسافر
بسمة : انت بتقول ايه ؟؟ انت اكيد اتجننت
باسم : اتجننت ليه يعنى ؟
بسمة : بص يا باسم م الاخر كدة انا مش موافقة على السفرية دى
باسم : ليه بس مانتى عارفة اللى فيها
بسمة : باسم يا نا يا السفرية دى سلام

بسنت : ايه يا بسوم بتزعقى ليه بس
بسمة : سيبينى فى حالى يا بسنت
بسنت : حاضر يا بسمة اللى تشوفيه
بسمة : يا رب بقى خلاص يا بسنت ماتزعليش
بسنت : لا يا بيسو مفيش اى حاجة عن اذنك

فى بيت ايمان :
الام : قومى يا ست ايمان
ايمان : صباخ الخير يا امى
الام : خير ؟؟ وهييجى منين الخير من اللى انتى عملتيه امبارح نروح من ربنا و من الناس فين؟؟
ايمان : خلاص يا امى انا اسفة وبعدين ماحصلش حاجة يعنى
الام : لا ماحصلش حاجة خاااااالص اتفضلى يلا شوفى هتروحى المدرسة ولا هتروحى فين فى يومك دة
ايمان : ايه رأيك بقى يا ست ماما ان انا مش منقولة من هنا غير لما اتأكد انك رضيتى عنى
الام : .................................
ايمان : خلاص بقى يا قمر انت صباح الخير بقى
الام : صباح الخير يا بنتى انا والله عايزاكى تاخدى بالك من نفسك مش اكتر
ايمان : ماتخافيش يا ماما بنتك شطورة خالص
الام : يلا يا ست الشطورة عشان ماتتأخريش على المدرسة

فى جامعة مى :
مى : لمييييييييس عاش مين شافك ايه يا بنتى فينك؟
لميس : لاوالله لسة فاكرة انك ليكى صاحبة اسمها لميس
مى : خلاص بقى معلش والله ربك هو اللى يعلم انا كنت عاملة ازاى
لميس : طيب ياختى مسامحاكى ثوانىمعايا فون
لميس : هاللو
بسنت : هاللو لميس ازيك عاملة ايه بقولك هى مى جنبك؟؟ اصل موبايلها مقفول
لميس : اه اهى معاكى
مى : الو
بسنت : الو يا مى بصى عايزاكى بالليل تجيبى مى ولميس وايمان وتيجوا البيت عندى عايزاكوا ضرورى
مى : مش هينفع والله مروان خطيب اختى جى عندنا وانا اللى عازماه



بسنت : خلاص بعد مايمشى عشان خاطرى و الله عايزاكوا ضرورى
مى : فى ايه بس ؟؟ خلاص اوكى هتصرف سلام
بسنت : حاولى عشان خاطرى سلام

مى تتصل بايمان :
ايمان : السلام عليكم
مى : وعليكم السلام ازيك يا ايمان
ايمان : انا الحمد لله تمام
مى : انتى فاضية بالليل ؟
ايمان : اه ان شاء الله
مى : خلاص نتقابل عند محطة مترو المعادى عشان نروح لبسنت عشان شكلها واقعة فى مشكلة
ايمان : لااا ربنا يستر خلاص هحاول والله مع السلامة
مى : مع السلامة

لميس : مى انا هاجى معاكوا طبعا
مى : اكيد يلا عشان نلحق المحاضرة
لميس : يلا



فى مدرسة ايمان :
مريم : ايه يا ايمان فيكى ايه انتى اتغيرتى اوى
ايمان : لا ابدا يا مريم لا اتغيرت ولا حاجة صدقينى مفيش اى حاجة
مريم : عليا انا لولا بس ان المستر دخل ماكنتش سبتك
ايمان : طب الحمد لله انه دخل ههههههههههههههههههههههههههه



فى جامعة بسنت :

موبايل بسنت يرن

بسنت : الو
عماد : الو بسنت معايا ؟؟
بسنت : ايوة انا انت عماد ؟؟
عماد : اها ازيك يا قمر
بسنت : الحمد لله انا تمام وانت؟
عماد : انا كوول علطوول
بسنت : ههههههه ماشى يا عم الكول
عماد : بقولك عايز اشوفك
بسنت : لا يا عمدتى والله مش هينفع
عماد : لاااا مش هينفع ايه دى
بسنت : عشان خاطرى يا عمدتى
عماد : خلاص مسامحك عشان عمدتى اللى زى السكر دى بس
بسنت : ههههههههههه يلا باى
عماد : باى يا سكر

فى اخر اليوم مى روحت بيتها وقابلت مروان سلمت عليه قالت له انها هى اللى كلمته و نزلت تروح لبسنت المهم اتقابلت هى و لميس و ايمان عند المترو وراحوا لبيت بسنت
بسنت : ادخلو ادخلو
مى : ايه يا بنتى فى ايه
بسنت تحكى لهم على اللى حصل لما باسم جه يخطب بسمة و حكت لهم على اللى حصل الصبح لما بسمة كلمت باسم فى التليفون
لميس : نعم طب وانتى ذنبك ايه هما اللى مش محترمين
ايمان : احنا نقابها و واحدة مننا تقف معاها واتنين يقفوا معاكى لغاية اما الموقف يتفهم
مى : بصوا .........
وتقاطعها رنة موبايلها
مى : الو
مايا : ايوة يا مى تعالى الحقينا بسرعة
وتقفل مايا
مى : سلام يا جماعة انا لازم اروح
لميس : هو فى ايه ؟؟ ايه اليوم دة
توصل مى البيت بعد ساعة وربع
مى : ايه فى ايه ايه اللى حصل
مايا وهى بتعيط : شوفتى يا مى رامز عمل ايه
مى : هو اللى قلب كيان الشقة كدة؟
مايا : جه و قعد يقولنا ايه اللى في مروان احسن منى وهدده بالقتل لو مابعدش عنى
مى : طب اهدى طيب
مايا : اهدى ازاى بس
مى : دة سبب يخلينا نجوزك لمروان بسرعة
مايا : انتى اتجننتى كدة هيقتله
مى : لا مش هيقدر بس حاولوا الايام الجاية دى تتقابلوا بعيدعن البيت روحوا كافيتريا مطعم اى حاجة
مايا : حاضر يا مى
مى : خشى انتى بس ارتاحى ونامى

وتتصل مى ببسنت تعتذرلها و بسنت قالتلها انهم حلوا الموضوع وكدة

يوم الخميس :
فى بيت بسنت :
بسنت : يلا يا عم ماحدش قد اجهزى بقى
بسمة : حاضر يا احلى اخت فى الدنيا
بسنت : وانا اهو يا قمر واخدة لك اجازة من الجامعة
بسمة : ربنا يخليكى ليا


فى بيت مى :
مى : كلمي مروان قوليله تتقابلوا النهاردة
مايا : حاضر

مروان : الو
مايا : الو يا مروان ازيك عامل ايه ؟؟
مروان : الحمد لله تمام
مايا : اناعايزة اشوفك فى الكافيتريا اللى كنا بنتقابل فيها زمان دلوقتى يلا سلام

مى : يلا قومى البسى و تعالى بدرى عشان نروح خطوبة اخت بسنت صاحبتى
مايا : اوك يا جميل


فى الكافيتريا :
مايا : مروان انا كنت عايزة اقولك انسى موضوع رامز دة خالص هو مستحيل يعمل حاجة
مروان: اكيد يا حبيبتى انا متأكدة ان ماحدش يقدر يفرق بيننا ابدا
موبايل مروان يرن
مايا : ايه ماترد مين اللى بيكلمك
مروان : دى مسج مش اتصال
مايا : طب ماتقراها
مروان يقرى المسج :
المرسل : انا حذرتك وانت استهونت استنانى
محتوى الرسالة : انا حذرتك وانت استهونت استنانى
مايا : مروان مال وشك قلب الوان كدة ليه ورينى فيها ايه المسج دى
وتمسك مايا الموبايل وتقرا المسج
مروان : دى مبعوتة من نت
مايا : مش محتاجين نعرف اللى بعتها احنا كدة كدة عارفينه
مروان : رامز
مايا : احنا لازم نبلغ البوليس ماينفعش نسكت
مروان : مانقدرش نبلغ البوليس
مايا : ليه؟
مروان : لأننا ماعندناش دليل يأكد انه رامز
مايا : طب والعمل
مروان : مش عارف
مايا : يعنى ايه مش عارف انا هروح لرامز واشوف ايه حكايته
مروان : لا عشان خاطرى بلاش انا خايف عليكى
مايا : طب ايه يعنى هنسكت ع الموضوع كدة ؟ طب احنا نورى البوليس الرسالة عشان يأمنونا
مروان : خلاص اوكى بس برضو ممكن يفتكروا ان احنا اللى باعتين الرسالة و بنعمل بلاغ كاذب
مايا : بس يبقى اسمنا عملنا اللى علينا
مروان : طب يلا بينا على اقرب قسم
مايا يلا بينا
وفى القسم مروان يحطى للظابط اللى حصل و يكون رد الظابط : امممممممم و انت متأكد ان صاحب الرسالة دى رامز ؟
مروان : لا مش متأكد بس هو جه وهددنا فى البيت
الظابط : يعنى مفيش دليل ، عموما احنا هنقوم الحراسة عليك من بكرة عشان الرسالة اللى اتبعتت دى لكن مانقدرش نعمل اى حاجة لرامز دة لأن مفيش عليه اى حاجة تأكد اتهامك ليه بس عايزينك تكتبلنا كل حاجة عنك و الاماكن اللى بتروحها و تكتب لنا عن علاقتك برامز بالظبط
مروان : حاضر معلش تعبت حضرتك معايا مع السلامة
الظابط : اتفضل
مايا : ها عملت ايه جوة؟
مروان : ولا حاجة هيقوموا عليا حراسة
مايا : طب الحمد لله

موبايل مايا يرن
مايا : الو
مى : ايوة يا مايا هو دة اللى مش هتتأخرى
مايا : معلش يا مي كنت فى القسم والله
مى : قسم ؟! ليه فى ايه ؟؟
مايا : اصل رامز بعت مسج لمروان و...................... (وتحكى لها اللى حصل)
مى : خلاص لما تيجى نتكلم يلا تعالى بسرعة عشان الخطوبة اللى رايحينها دى
مايا : خلاص حاضر
مى : يلا سلام
مايا : سلام
الرجوع الى أعلى الصفحة اذهب الى الأسفل
ahmed
طالب ماسى
طالب ماسى
ahmed


الدولة : إفتراضي
المدينة : مالهاش وجود ع الخريطة
الجامعة : أخر
الكلية : كليات أخرى
الفرقة : أخر
قسم : تاريخ تخصص جراحة مومياوات
الشعبة : شعبة نساء وتوليد
عدد المساهمات : 1026
العمر : 38
الجنس : ذكر

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: رد: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالجمعة 11 فبراير 2011, 23:45

ان شاء الله لما نخلصها نرجع ونقول رأينا
الرجوع الى أعلى الصفحة اذهب الى الأسفل
قمر الزمان
مديرالمنتدى
مديرالمنتدى
قمر الزمان


الدولة : مصر
الكلية : كلية الآداب
قسم : تاريخ
عدد المساهمات : 1960
الجنس : انثى

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: رد: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالخميس 17 فبراير 2011, 22:18

الحلقة التاسعة

مى : ايه يا بنتى التأخير دة كله
مايا : معلش يا حبيبتى و الله كنا فى القسم بقى وكدة انتى عارفة يلا ثوانى اروح اغير لبسى وارجعلك
مى : خلاص اوكى بس بسرعة
بعد ربع ساعة
مايا : خلاص انا جهزت
مى : طب يلا سلام يا ماما
الام : سلام يا بنات خلوا بالكم من نفسكم

فى بيت بسنت :
بسنت : ايه يا ميوى اتأخرتى كدة ليه؟؟
مى : معلش يا بيسو غصب عنى والله
بسنت : طب يلا يا دوبك نلحق نروح الفندق عشان خلاص كلنا خلصنا و العريس على وصول
مى : خلاص يا قمر ربنا يتمم لهم بخير يا رب
مايا : الف مبروك يا بسنت وعقبالك
بسنت : ايه المفاجأة الجميلة دى مايا ؟؟ ازيك يا قمراية عاملة ايه ؟انا من زمان نفسى اشوفك
مايا : ههههههههههه ماتشوفيش وحش
بسنت : وحش ايه بس مانتى زى القمر اهو عشان خاطرى ماتخليش العريس يشوفك
مايا : هههههههههههههههههههههههههه حاضر يا قمر ربنا يخليكى يا عسل والله كلامك ذوق
مى : اللللللللللللـــــــ انتوا هتقعدوا تعاكسوا لنا فى بعض يلا العريس وصل يا اختى انتى وهى سمعونى زغروطة
لولولولولولوولولولولولوولولولولولولى
ايمان :انتوا مش عاملينه اسلامى ولا ايه ؟؟
بسنت : اسلامى ازاى يعنى
ايمان : يعنى العروسة المفروض تكون محجبة ويتعمل فى دار مناسبات ومسجد ويكون كتب كتاب و قرءان وخلاص
بسنت : ياحبيبة قلبى انا اختى مش متحجبة اصلا دة غير ان دى خطوووبة عموما نبقى نتكلم فى الكلام دة بعدين
يلا يا بنات العريس وصل

وبعد الخطوبة
مايا : ميوي انا هكلم مروان اطمنه عليا عشان قاللى لما نخلص اكلمه
مى : اوكي يا حبى
مى : ايه ما بيردش ؟؟
مايا : ايوة جرس بس مش بيرد
مى : تلاقى الموبايل بعيد عنه ولا حاجة
مايا : لا انا قلقانة عليه انا هروح اشوفه
مى : تشوفيه ايه يا مجنونة دلوقتى الوقت اتأخر
مايا : هتيجى معايا ولا لا؟
مى : امرى لله هاجى معاكى اهو

فى بيت مروان
مايا بتخبط ع الباب وماحدش فتح

مى : يا بنتى انا مش عارفة انتى شاغلة نفسك ليه تلاقيه برة
مايا : اسكتى يا مى عشان خاطرى انا مخنوقة اوى
مى : طب تعالى معايا دلوقتى نروح والصبح نجيله
مايا : حاضر يا مى حاضر
وهما نازلين
مى : طب تعالى نشوفه يمكن يكون فى جنينة البيت ولا حاجة
مايا : اه هو بيحب يقعد هناك كتير
و هما ماشيين فى الجنينة مى كانت بتكلم مامتها تطمنها عليهم فى الموبايل ومايا بتدور على مروان وبتنده عليه وفجأة مايا تقف فى مكانها و تنده مى بصوت عالى
مى : سلام يا ماما سلام
ولما مى تروح تشوف مايا
مايا : شوفتى انا قلتلك قلبى مش متطمن اهو مروان راح شوفتى عمايل رامز ربنا ينتقم منك يا رامز يا رب
مى : لاااا مستحيل معقول رامز يعمل كدة
مايا : مروان ... فوق يا مروان انا مايا
مى : انا اسفة يا مايا
مايا : اسفة ايه انا بكرهك ابعدى عنى وعمالة تقوليلى مش هيقدر يعمل له حاجة ويلا نروح الخطوبة
مى : وانا ايش عرفنى ان كل دة هيحصل عموما يا مايا اهو ارتاح وراح عند اللى خلقه
مايا : انتى يا بت انتى طالعة باردة لمين؟ غورى من وشى مش عايزة اشوفك انتى من هنا ورايح لا اختى ولا اعرفك
مى : كدة يا مايا
مايا : قولتلك غورى من وشى

مى تتصل بالبوليس :
مى : الو
الظابط : الو
مى : انا اسفة انى بتصل فى وقت متأخر يا حضرة الظابط
الظابط : اتفضلى انا سامعك ايه اللى حصل
مى : حصل ........ ( وتحكى له اللى حصل )
الظابط : طيب ادينا العنوان وماتتحركوش لغاية لما نيجى
و مى تديله العنوان وفى خلال 25 دقيقة وصل الظابط و معاه عساكر
الظابط : يا ريت تتفضلوا معانا عشان ناخد اقوالكم
مايا :اقوال .. اقوال ايه حرام عليك بقولك خطيبى مات وتقولى اقوال
مى : معلش يا حضرة الظابط هى اعصابها تعبانة شوية بس
الظابط : طب يا ريت حتى نروحها وناخد اقوالك انتى
مى : خلاص اوكى
مايا : انا مش متحركة من هنا انا هفضل جنب مروان
الظابط : يا انسة استاذ مروان اصلا مش هيفضل هنا دة جسد بس
مايا : امشوا من هنا مروان عايش هو لسة قايل لى المغرب ان مافيش حاجة هتبعدنا عن بعض
مى : لاحول ولا قوة الا بالله يا بنتى اهدى وقومى معانا بقى
مايا : قولتلك غورى من وشى غوروا كلكوا انا مش عايزة اشوف حد
الظابط : انسة مى احنا لازم ندخلها مستشفى حالتها كدة مش كويسة خالص
مايا : تدخل مين يا مجنون انت انت اللى المفروض تدخل
مى : معلش اعذرها انا اسفة
الظابط : خلاص مفيش حاجة المهم دلوقتى اننا نتصل بالاسعاف تاخد الجثة وتاخد الانسة ويتصرفوا معانا هما احسن مننا اكيد
مى : اللى تشوفه يا حضرة الظابط
وفى القسم :
الظابط : اتفضلى يا انسة
مى : شكرا يا حضرة الظابط
الظابط : دلوقتى يا انسة مى انا عايز اعرف كل اللى انتى تعرفيه بالتفصيل
مى : حاضر .. المفروض ان فى واحد اسمه رامز رامز دة كان خطيب مايا المهم مايا سافرت برة 6 اشهر عشان دراستها فرامز دة فضل مستنيها وكدة فلما مايا رجعت قالت لنا انها مش عايزاه و انها قابلت واحد غيره فى السفر و هييجى يتقدم لها و كدة المهم امبارح مروان كان عندنا دخل رامز الشقة و بهدلها ومسك مروان ضربه و هدده بالقتل لو مابعدش عن مايا
الظابط : يعنى انتى بتتهمى رامز اتهام مباشر بإنه قتل مروان
مى : بصراحة ايوة
الظابط : اتفضلى كملى
مى : انا بصراحة قولتلهم ان دة سبب يخلينا نسرع الجواز و كدة و شجعتهم ان هما يتقابلوا لأن انا عارفة ان رامز مايقدرش يعمل كدة فلما خرجوا اتبعتت رسالة لمروان من النت فيما معناه انه هيتقتل و كدة فمايا و مروان طلعوا على القسم بس مش عارفة انهى قسم والله و بعدين قالوا لهم فى القسم انهم هيقوموا عليه الحراسة من بكرة الصبح بس مروان راح قبل ما الصبح يطلع خلاااااص

الظابط : اهدى يا انسة طيب
مى : انا اسفة خلاص مفيش حاجة
الظابط : انتى كنتى موجودة لما رامز هددهم فى الشقة ؟
مى : لا حضرتك انا كنت عند صاحبتى بسنت فى المعادى و بعدين كلمتنى مايا قالت لى اجى بسرعة ولما روحت حصل اللى انا حكيته دة
الظابط : طيب دلوقتى احنا بنرشح رامز طبعا ان هو القاتل بس بما ان مفيش اى ادلة ثابتة فالتحقيق جارى و لسة لما نرفع البصمات حضرتك تقدرى تتفضلى تعبناكى معانا
مى : متشكرة اوى .. اقدر اشوف مايا ؟؟
الظابط : للأسف الدكتور قال مش هينفع اى حد يدخل لها
مى : خلاص ماشى فى رعاية الله
الظابط : اتفضلى ويا ريت لو جد جديد تبقى تكلمينا
مى : حاضر يا حضرة الظابط

و مى و هى فى الطريق للبيت موبايلها يرن بس رنة المسج
وتفتح مى الرسالة
المرسل : الدور عليكى يا ميوية هانم
الرسالة : الدور عليكى يا ميوية هانم

فى بيت مى :
الام : مى ايه اللى اخرك كدة ؟؟ الله وفين اختك ؟؟
مى تقع ع الارض ويغمى عليها

الام : مى فوقى يا بنتى مى مى
يدخل من باب الشقة جارهم عمرو
عمرو : انا اسف يا فندم انى دخلت فجأة كدة بس الباب كان مفتوح مالها انسة مى
الام : والله يا بنى ماعارفة ايدك معايا نوديها اقرب مستشفى ولا حاجة
عمرو: يا فندم موبايلها بيرن
الام : مش عارفة يا بنى رد انت طيب
عمرو : ارد انا بصفتى مين يعنى يا طنط
الام : والله مانا عارفة يا حبيبى خلاص هرد انا
عمرو : اتفضلى يا فندم ردى
الام : والله يابنى عاملة كلمة سر للموبايل مش عارفة افتحه
عمرو : ممكن الموبايل كدة يا طنط ؟؟
الام : اتفضل يا بنى
ويكتب عمرو كلمة ali فيتفتح الموبايل ويرد
عمرو : الو
الظابط : الو موبايل انسة مى ؟؟
عمرو : ايوة يا استاذ مين حضرتك
الظابط : حضرتك اللى مين ؟؟؟انا عايز انسة مى
عمرو : انسة مى تعبانة شوية اقدر اعرف انت مين؟
الظابط : انا الظابط يوسف
عمرو : طب وعايز مى ليه؟
الظابط : وهعوزها فى ايه يعنى حضرتك اكيد عشان جثة مروان و اختها التعبانة دى
عمرو : ايه انت بتقول ايه ؟؟
الظابط : هى انسة مى مالها؟؟
عمرو : مش عارف بس هى اغمى عليها فجأة ووالدتها جنبى
الظابط : طيب انتوا انقلوها المستشفى ولما تنقلوها كلمونى قولولى هى فين عشان اجى لكم
عمرو : حاضر يا استاذ يوسف تحت امرك
الام : مين يا بنى
عمرو : لالا دة زميل مى فى الجامعة كان بيسألها ع الكشكول بتاعة جه مع مى بالغلط
الام : وفى حد يتصل بحد الوقت دة يلا يا بنى شيلها معايا البت بتموت فى ايدى
ويشيلوا مى و ينزلوا بيها
عمرو : معلش يا طنط ثوانى بس هجيب العربية ادام البيت
الام : بسرعة يابنى الله يخليك
عمرو : دقيقة بالظبط يا طنط
ويجيب عمرو العربية ويروحوا المستشفى
عمرو : ها يا دكتور فى ايه؟
الدكتور : مفيش حاجة هى بس انفعلت جامد والضغط كان شديد عليها يا ريت الفترة دى تبعد عن اى حاجة تضايقها
عمرو : بصراحة يا دكتور ماوعدكش اختها تعبانة و خطيب اختها توفى و الضغط شديد اوى والله
الدكتور : لااااااااا تبقى المستشفى هنا احسن بكتير عشان الحالة تتحسن بس
عمرو : خلاص يا دكتور شكرا اوى

وياخد عمرو موبايل مى ويكلم الظابط ويقوله العنوان والظابط ييجى المستشفى ويحكى لعمرو اللى حصل و الظابط قال له لو جد اى حاجة يقوله وبعد كدة مشى
وفجأة عمرو فتح موبايل مى و فتح المسجات ولقى المسج اللى اتبعتت من النت راح جرى بسرعة ع القسم وحصل الحوار دة
الظابط : خير يا عمرو
عمرو : والله يا يوسف بعد ماحكيت لى اللى حصل مع مروان والرسالة اللى جت له فتحت موبايل مى لقيت الرسالة دى
الظابط : اممممممممممممم كدة لازم نوقف حراسة على مى 24 ساعة و من دلوقتى .. عمرو انت معاك عنوان رامز او رقم موبايله او اى حاجة
عمرو : لا بس اكيد هيكون مع مى ع الموبايل ثانية واحدة
الظابط : اكيد
عمرو : اه اهو الرقم اكتب عندك 0121212121
الظابط : انا هتصل بيه دلوقتى
عمرو : اتفضل
الظابط : الو
بنت : الو
الظابط : موبايل رامز ؟؟
بنت : رامز مين ؟؟ النمرة غلط
الظابط : طب انتى الرقم دة معاكى من مدة ؟؟ انا استاذ يوسف ظابط
بنت : هاه انا يا باشا اللى اعرفه ان الرقم دة جالى من يومين هدية من غير صاحب لقيته جاى فى جواب ومكتوب فيه دة هدية ليك
الظابط : اه ليك ولا ليكى؟
بنت : لا ليك حتى انا استغربت بس قبلتها عشان الرقم شدنى بصراحة
الظابط : انتى اسمك ايه ؟؟
بنت : اسمى علياء
الظابط : طيب الظرف دة لسة عندك ؟؟
بنت : هاه اه يا بيه
الظابط : تقدرى تعدى علينا بكرة فى قسم الجيزة ؟؟
بنت: هاه لااا مش هينفع
الظابط : ليه ؟؟
بنت : ............... اصل اصل
الظابط : اصل ايه ؟؟
بنت : اصل يا بيه انا مسافرة و مش هرجع قريب يعنى شهرين تلاتة كدة
الظابط : طيب سلام
بنت : سلام

عمرو : ها عملت ايه يا يوسف؟
الظابط : دى بنت اسمها علياء وحكى له المكالمة
عمرو : وبعدين ؟؟
الظابط : ولا قبلين بس انا شاكك انها مش مسافرة وعشان كدة هعمل معاينة لمكان الرقم
عمرو : يا رب نوصل لحل اه صحيح هى مالها انسة مايا ؟
الظابط : والله زى اللى جه لمى واكتر مرتين
عمرو : لاحول ولا قوة الا بالله
الظابط : الا قوللى انت تقرب لهم ايه بالظبط
عمرو: انا جارهم
الظابط : جارهم بس ؟
عمرو : ايه ياعم يوسف
الظابط : يعنى مفيش مشروع خطوبة ولا حاجة
عمرو : يا ريت لو ينفع
الظابط : ماعلينا خلينا فى شغلنا اتفضل انت روح المستشفى عشان والدة الانسة مى ماتقلقش عليك
عمرو : اوك سلام
الظابط : فى رعاية الله


فى المستشفى :
الام : ايه يابنى اختفيت فجأة كدة كنت فين ؟؟
عمرو : كنت فى مشوار كدة يا امى
الام : دة موبايل مى اتسرق
عمرو: لا يا امى انا نسيته معايا
الام : طب الحمد لله انا قلقانة عليها اوى وعلى اختها اللى ماعرفلهاش مكان دى
عمرو : مايا يا طنط عند واحدة صاحبتها
الام : وانت عرفت منين يابنى
عمرو : هى كلمتنى على موبايل مى قالتلى
الام : طمنتنى يا بنى الله يطمنك .. بقولك ايه ماتكلمها هى ومروان تخليهم ييجوا هنا يشوفوا مى
عمرو : مش هينفع يا امى دة حتى مروان مسافر
الام : سافر امتى ؟؟
عمرو : النهاردة الصبح
الام : اذا كان مايا خرجت معاه ع المغرب كدة
عمرو : هاه يبقى سافر بالليل
الام : مش عارفة ليه مش مرتاحة لك يا عمرو يا بنى انا مربياك على ايدى تكدب عليا ؟؟
عمرو : مهو اصل
الام : اصل ايه ؟؟ انطق
عمرو : بصراحة مروان اتقتل ومايا تعبانة وفى المستشفى
الام : اييييييييييه لااا قوللى انك بتكدب عليا منك لله يا رامز ربنا ينتقم منك
عمرو : انا اسف
الام : مايا بنتى لازم اشوفها
عمرو : الدكتور قال ان فى حالتها ماينفعش حد يزورها
الام : دكتور ايه وحالتها ايه دى بنتى يا عمرو بنتى
عمرو : يا فندم انا عارف والله بس صدقينى ماينفعش تشوفيها
الام : لاااااااااااااااااااااااا
عمرو : معلش استنى لبكرة
الام : لاا يا بنى ماقدرش
عمرو : عشان خاطر مى ومايا
الام : انا مليش غيرهم فى الدنيا يا ربى ليه كل دة
عمرو : استغفر الله العظيم يا طنط دة قضاء وقدر وبعدين هو انا روحت فين مش ابنك انا كمان ولا ايه؟؟
الام : ربنا يخليكوا ليا يا رب
عمرو : يا رب يا امى اتفضلى انتى ارتاحى بقى
الام : لا انا مش هرتاح غير لما اشوفهم الاتنين بعينيا واتأكد انهم كويسين
عمرو : اللى تشوفيه ياطنط
الام : ملاقيش معاك مصحف يا بنى
عمرو : اتفضلى يا طنط
الام : متشكرة اوى انا هقعد اقرا لهم سورة يس و كذا سورة كدة
عمرو : كويس اوى يا طنط اتفضلى


وموبايل مى يرن مسج برضه
المرسل : انا اسف/ة خليتك يغمى عليكى هههههههههههههههههههههههه قريب ترتاحى
الرسالة : انا اسف/ة خليتك يغمى عليكى هههههههههههههههههههههههه قريب ترتاحى

الام : صدق الله العظيم
ايه يا بنى مين دة
عمرو : لا ولا حاجة يا امى دة المنبه بس
الام : اه صح احنا بقينا 6 الصبح مش تمشى انت يا بنى تروح كليتك
عمرو : لا والله ابدا لازم اتطمن على مى قصدى على انسة مى الاول
الام : ماشى يا بنى كتر خيرك والله تعبناك معانا انا هدخل افرد جسمى ع السرير اللى جنب سرير مى تعبانة اوى
عمرو : اتفضلى يا طنط
الدكتور : استاذ عمرو انسة مى عايزة حد يدخل لها
عمرو : هينفع؟
الدكتور : اه بس يا ريت الكلام مايكنش كتير
عمرو : حاضر يا دكتور
عمرو : الحمد لله على السلامة يا انسة مى
مى : الله يسلمك يا بشمهندس
عمرو : بشمهندس مرة واحدة ؟؟ انا مشمهندس مش بشمهندس
مى : هههههههههههه انا كنت عايزاك فى حااجة كدة
عمرو : تحت امرك
مى : انا لو جرالى حاجة عايزاك تاخد بالك من امى و من مايا مالهومش حد غيرى خصوصا بعد وفاه مروان
عمرو : ماتقوليش كدة يا انسة مى انا مش هاخد بالى منهم لأن انتى قدها وقدود ورامز دة مش هيقدر يمسك طول مانا موجود
مى : ميرسي اوى انا تعباك معايا اوى والله
عمرو : كل التعب دة هيمشى اول مانتى تبطلى كلام دلوقتى وترتاحى وتنامى
مى : حاضر يا عمر قصدى يا استاذ عمرو تصبح على خير
عمرو : وانتى من اهله يا مى

موبايل مى يرن
عمرو : الو يا يوسف ازيك
الظابط يوسف : انا الحمد لله ازيك انت يا عمور وايه الاخبار عندك
عمرو : كله تمام اوى وانت؟
يوسف : الحمد لله انسة مايا هديت عن الاول و احنا مستنيين نتيجة الطب الشرعى عشان مروان وكدة
عمرو : ربنا يستر
يوسف : انت مش عارف يا عمرو احنا مهتمين بالقضية دى ازاى
عمرو : ربنا يجازيكم كل خير
يوسف : يلا سلام بقى عشان قدامى كوم متهمين
عمرو : ماشى يا حضرة الظابط سلام

وتوصل مسج لموبايل مى
..................................
يتبع فى الحلقة الجاية

الرجوع الى أعلى الصفحة اذهب الى الأسفل
همس الايمان
طالب جديد
طالب جديد
همس الايمان


الدولة : مصر
المحافظة : البحيرة
المدينة : حبيبتي مصر ام الدنيا
الجامعة : جامعة الإسكندريه
الكلية : كلية الآداب
الفرقة : الثالثة
قسم : تاريخ
الشعبة : عامه
عدد المساهمات : 21
العمر : 33
الجنس : انثى

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: رد: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالإثنين 21 فبراير 2011, 17:32

انا حاسه انها مسلسل تركي لان حلقاته كتييييييييييييييييييييييره قوي
تسلمي ومستنيين باقي الحلقات لو فيه
الرجوع الى أعلى الصفحة اذهب الى الأسفل
قمر الزمان
مديرالمنتدى
مديرالمنتدى
قمر الزمان


الدولة : مصر
الكلية : كلية الآداب
قسم : تاريخ
عدد المساهمات : 1960
الجنس : انثى

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: رد: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالإثنين 21 فبراير 2011, 23:29

هو فعلا حلقاته كتيرة بس مشوقة
انا اعتبر قريته كله بس منزلتهمش عشان في ناس بتمل بسرعة
بس ده علي كده هنزل كل تلات ايام حلقة عشان اللي يحب يقرا كل يوم سطر ولا حاجة
الرجوع الى أعلى الصفحة اذهب الى الأسفل
عبد الرحمن عبد الشافى
طالب ماسى
طالب ماسى
عبد الرحمن عبد الشافى


الدولة : مصر
المحافظة : البحيرة
المدينة : كفر الدوار
الجامعة : جامعة المنصورة
الكلية : كلية الآداب
الفرقة : الثالثة
قسم : التاريخ
الشعبة : عامة
عدد المساهمات : 647
العمر : 33
الجنس : ذكر

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: رد: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالثلاثاء 22 فبراير 2011, 23:45

الاحسن كل اسبوع حلقة

احنا مش فاضين لمهند ونور
الرجوع الى أعلى الصفحة اذهب الى الأسفل
قمر الزمان
مديرالمنتدى
مديرالمنتدى
قمر الزمان


الدولة : مصر
الكلية : كلية الآداب
قسم : تاريخ
عدد المساهمات : 1960
الجنس : انثى

قصة ( جيلنا الجديد ) كوميدية و رومانسية ...الخ الخ Empty
مُساهمةموضوع: رد: قصة ( جيلنا الجديد ) كوميدية و رومانسية ...الخ الخ   قصة ( جيلنا الجديد ) كوميدية و رومانسية ...الخ الخ Icon_minitimeالثلاثاء 22 فبراير 2011, 23:57

لا خلاص بقي انا بدات امل منها
الرجوع الى أعلى الصفحة اذهب الى الأسفل
 
قصة ( جيلنا الجديد ) كوميدية و رومانسية ...الخ الخ
الرجوع الى أعلى الصفحة 
صفحة 1 من اصل 1
 مواضيع مماثلة
-
» صور رومانسية
» رسالة رومانسية جداً!
» رومانسية الرسول عليه افضل الصلاة واتم التسليم
» المسلم الجديد في أوروبا
» اسمى الجديد مسلمه ,,, هكذا دخلت الاسلام رووووووعه

صلاحيات هذا المنتدى:لاتستطيع الرد على المواضيع في هذا المنتدى
آداب دمنهور :: منتديات العامة :: منتدى القصص والروايات-
انتقل الى: