علشان تطلع الاول علي الدفعة

انا قلت مينفعش قبل مامشى لازم اضحكو شويه عشان تطلعوا اوائل دفعتكو بما اننا داخلين علي امتحانات
بس انا همشى مش عشان الامتحانات والله لكن بقي قدر الله وماشاء فعل
الامتحانات فعلا مقدور عليها
اول حاجة
التوبيك ده للفكاهة مش اكتر
بس اوعو تعملوا كده

ممكن تكون الاول علي الدفعة الموضوع سهل اوووووي دي الوصفة السحرية اقراها كويس وما تطلع الاول تبقي تدعيلي

اول حاجة : ان تكون مرهف الحس

بمعني انك تبكي كتيييييير بعد كل امتحان وانك تنهار وتترمي علي الارض وانك تضرب الارض بايديك ورجليك ومفيش مشكلة برضة في اغمائة بسيطة
ولو اي حد سألك ترد كده وانت مموت نفسك من العياط (اصلي.........ما
حليتش كويس وان الامتحان كان زفت ومؤرف وانك هتسقط في المادة دي)

بـــــــــــــــس.........لو صاحبك رزل ممكن يقولك لية دا الامتحان سهل اوي ان شاء الله مش هتسقط في المادة دي تعالي نراجع سوا الاجابات تروح قايل ....... لا...لا...لا مش عايز

وخليك متأكد ان المادة دي اول مادة تجيب فيها امتياز

تاني حاجة : الراحة البدنية

بمعني ان يكون رد اخواتك اذا سأل احد اصحابك عليك بالتليفون معلش دا نايم ويا ســـــــلام لو مامتك اللي ردت علي التليفون لازم تقول (معلش يا حبيببي اصله بعد ما اتفرج علي المسلسل امبارح راح لعب كورة وطلع اتفرج علي
الفيلم الاجنبي وجه نام لحد دلوقتي انا مش عارفة الولد ده هايذاكر امتي وطبعا المكالمة ما ينفعش تخلص قبل ما مامتك تشتمك شوية لحد ما تقنع صاحبك انك مش بتذاكر خالص طبعا ساعتها انت هتكون نايم عشان امبارح قعدت
تذاكر 23 ساعة وقولت تناملك نص ساعة وتصحي تكمل مذاكرة

تالت حاجة : مبدأ الصداع المزمن

بمعني اخر من الكلية للبيت ومن البيت لكلية ( علشان تلحق تذاكر ) ولما يقترح عليك احد افراد الشلة الخروج للترفية تجيلك الحالة وتصرخ بأعلي صوت اه.....اه......اه..... راسي.... مصدع اووووي روحو انتوا انا هاجي
معاكو المرة الجاية ولو حد عرض عليك بعض اقراص الاسبرين لا تتوتر وقول لهم ان طبيبك الخاص بينصحك بنوع معين من الاقراص

رابع حاجة : الاحساس بالفشل

لازم تتحس اصحابك انك فاشل ومش فالح في حاجة يعني مثلا لو شفت حد قاعد يذاكر رغم انك عارف انك اشطر منه بمراحل وانه مهما ذاكر مش هيوصل لمستواك ابدا مهما عمل لازم تقول الاسطوانة المشروخة دي ....(يخرب
بيتك انت علي طول بتذاكر كدة يا بني انت بتحسسني بالفشل حرام عليك )

وخلي بالك........ لازم تركز في تمثيلك وانت بتقول الكلمتين دول وهيبصلك نظرة بريئه ويقول.......... والله ورايا حاجات كتييييير ومش لاحق اخلصها وانت عارف ان كلامة صحيح لكن ولا يهمك وروح قوله( هو انا مش
عارفك دا انت موس مذاكرة وانا فاهم كل حاجة انت بتقول كدة بس علشان ما نحسدكش )

وبعد ما تقول الكلمتين دول امشي وانت مطمئن انه مش هيذاكر تاني لانك بكلامك حطمت معنوياتة

لو نفذت الحاجات دي ان شاء الله تكون من الاوائل ولما النتيجة تتطلع ما تنساش تدعيلي

طيب نصيحتى الحقى امسحى الموضوع قبل مالكل يقراه ويطلع من الاوائل ويعرفوا انك بتذاكرى

دا اللي يمشي ورا الموضوع ده مش هيطلع الأول بس دا هيطلع فوق القمر يدور على أثار بعد كده
ربنا يسهل والكل يجيب تقديرات عالية السنه دى

هههههههههههههه
خلاص مسحته
والله فعلا ربنا ينجحنا بس السنة دى ونجيب تقدير برضو
بس علي فكرة انا قلت الموضوع ده للفكاهة
يعنى والله مابعمل كده لانى الحمد لله الامتحانات بتبقي معايا كويسة والحمد لله برضو بجيب تقدير
واصحابى بيتوقعوا تقديري لما اقولهم انا عملت ايه في الامتحان
مش بحب اخبى يعنى

» كتب اسمك تطلع صورتك
» الكتاب الاول كتاب علم الاثار وهذا الكتاب يعد المرجع الاول في علم الاثار
» امنحوتب الاول
» تاريخ نابوليون الاول
» تحفة الزائرالجزء الاول