ياريت ياshimaa تنورينا على كرسى الاعتراف

العضوة الى معانا ان شاء الله شيماء الشامى

نورتى

مرحبا بيكى ياشيمو
انا راجعالك بالاسئلة تانى
جهزي نفسك بقي

انا اسفة يا جماعة انى طولت ف الرد وطبعا مبسوطة انى معاكم ع كرسى الاعتراف لان فكرتة عجبانى جداااااااااااااااااااااااااااااااااااااااااااا

بعتلها بس مش عارف هية راحت فين

شكرا ليكى شيماء على الرد

بسم الله الرحمن الرحيم
عايزين بطاقة تعارف عن نفسك؟
شيماء فاروق الشامى من كفر الدوار تانية اداب قسم تاريخ وبس
اية رايك ف شخصيتك؟؟
هو انا صعب اقيم نفسى بس اقدر اقول انى شخصية عادية جدا ليها مميزات وعيوب

ايه اللى مش عاجبك ف نفسك ونفسك تغيرية؟؟؟
العصبية طبعاوبعدين انى اقلل الصراحة شوية اصلهم بيقولوا ان الصراحة الزايدة بتبقى مش حلوة

مين اقرب انسان ليكى؟؟
لا كتير بجد بس ممكن ع راسهم ماما

ايه رايك ف اعضاء المنتدى ومواضيعهم؟؟
بجد المنتدى تحفة والاعضاء تحس انهم اخوات كدة ودى اكتر حاجة عجبانى فيه

اكتر جملة او مثل اثر فيكى؟؟
مش عارفة بالظبط احدد بس انا بحب جملة سمعتها
اذا لم اقل انى احبك فهذا يعنى شيئان اما اننى لا احبك او اننى احبك اكثر مما تحمل هذه الكلمة

قدوتك ف الحياه او حد نفسك تكونى مثله؟؟؟
انا بعشق امى نفسى اكون زيها ف الامومة

حاجة مش عجباكىا ف المنتدى؟؟
بصراحة بحس انه مافيهوش حركة او يعنى حاجة تشد

هل انتى متكبرة؟؟
الحمد لله لا طبعا

ايه اكتر فكرة مجنونة فكرتى فيها؟؟؟
انى اقدم لاخويا وليا ف مسابقة غنا

اغنيتك المفضلة؟؟؟
لا صعبة دى كتيييييييييييير

اكتر مكان بترتاحى فيه؟؟؟
لما اقعد قدام البحر

من هو مخزن اسرارك؟؟؟
اصحابى وماما طبعا

اكتر عضو بتعجبك مواضيعة؟؟؟
هبقى كدابة لو حددت اصلى لسة جديدة ومش عارفة بالظبط

شكررررررررا ياعبدة ويارب مابقاش ضيفة تقيلة ع قلبكم

ايه ياشيمو جاهزة ولا لسه
انا هبدا معاكى بالاسئلة بس يارب تعجبك ومتكونش صعبة عليكى هتعرفي تجيبى تقدير ولا ......

من هو العضو اللي يستحق انه تقول عنه محبوب بين الاعضاء ؟
مين بنظرك بيعمل بجهد بالمنتدى
شخص لاترفض له طلبا ..؟؟
من هو توأم روحك ...؟؟
مالذي يشعرك بأكثر قدر من الحرج...
(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟
حلمك في الحياة؟
أجمل سنوات مرت عليك؟
لو خيروك تكون مشرف أي قسم تختار ؟
من هم الأعضاء اللي تود مصادقتهم ؟
من هم الأعضاء اللي تتمنى تشوفهم؟
من العضو اللي تحب يضيفك لقائمة الأصدقاء ؟
صــف نفســـك بكلمتيـــن فقـــط..!
مــاهــو الشــئ الذي ندمــت علــي عمـلــــه؟!؟
كـلمـــة تمنيـــــت ان تسـتطيـــع سحـبهــــا؟!؟

بسم الله الرحمن الرحيم
ايه دة يا لولو كل دة ومش صعبة بس بردة ان شاء الله هجيب تقدير

من هو العضو اللى تستحق انه نقول عنه محبوب بين الاعضاء؟؟
ممكن نقول ولاء عسل

مين بنظرك بيعمل بجهد ف المنتدى؟؟
والله كلكم ما شاء الله بتنزلوا مواضيع وبتتفعلوا مع بعض بس لو اكتر عضو كسلان شيماء الشامى

شخص لا ترفض له طلبا؟؟
لا مافيش بيتوقف ع الطلب

من هو توام روحك؟؟
حودة اخويا احنا نفس الاهتمامات ف كل حاجة

ما الذى يشعرك باكثر قدر من الحرج؟؟؟
بجد عمرى ما اتعرضت لموقف كدة وان شاء الله ما اتعرض

((اللى راح راح ولا تفيد كلمة ياريت))
اذا اردت ان توجة هذه لنفسك فماذا تقصد بها؟؟؟
ممكن انى كنت هتدخل اداب انجليزى بس حولت تاريخ وبعدين ندمت بطريقه رهيبة

حلمك ف الحياه؟؟
لا انا طماعة عندى احلااااااااااااااااااااااااااام كتير بس من اهمهم انى اكون انسانة صالحة وبردة انى احب بجد بس الانسان اللى هرتبط بيه يعنى ما اتعرضش لتجربه فاشلة....يااااارب...

اجمل سنوات مرت عليك؟؟؟
السنوى

لو خيروك تكون مشرف اى قسم تختار؟؟
الشعر والخواطر عشان اكتر قسم بيعرض مواضيع متعلقة بالحب

من هم الاعضاء اللى تود مصادقتهم؟؟
كلكم

من هم الاعضاء اللى تتمنى تشوفهم؟؟
كلكم

من العضو اللى تحب يضيفك لقائمة الاصدقاء؟؟
ما فيش حد محدد

صف نفسك بكلمتين فقط؟؟
انسانة عاديه

ما الشى اللى ندمت على عملة؟؟
انى دخلت اداب تاريخ ..........بس دلوقت الحمد لله........

كلمة تمنيت انك تستطيع سحبها؟؟؟
ماااااااااااااااااااااااااا فيش اللى بيطلع مش بيدخل وانت وحظك ههههههههههههههههههههههههه

مرسى ليك يا فانى وحرررام عليك كل دة
موقف موتك ن الضحك؟؟
مش فاكرة حاجات كتييييير

اكتر مكان بتحبيه ؟؟وليه؟؟
اى مكان فيه اصحابى حتى لو كان المريخ يعنى

لو رجع بيكى الزمان تتمنى تغيرى ايه ف حياتك؟؟
ولا حاجة اصل حياتى حلوة الحمد لله هبقى طماعة لو اتمنيت اكتر

بالنسبة لمنتدانا مين اكتر عضو....
بتعجبك مواضيعة..كلهم بتحرصى ع متابعتة...كلهم
ردودة مميزة..كلهم قريب من قلبك..كلهم
تحسة قريب من الاعضاء..ولاء عسل عضو نشيط..كتيييير
متابع جيد..كتير مثلا احمد وعبدةوولاء وفانى اول حد لفت نظرك ف المنتدى..فانى
عضو مفرفش المنتدى..عبدة عضو ما تتخيليش المنتدى من غيرة..والله ما عارفه احدد
عضو بتسعدى جدا لما تلاقيه ف الاعضاء المتواجدين حاليا.....سورى انا مش بدخل اصلا عليهم
بتحسيه مخلص ف عمله بالمنتدى...كتيييييييييييييييييير
عضو هادى.ملكة الاحزان عضو طيب..منمن
عضو هادف..شمس الاسلام عضو محترم..ولاء وعبدة واحمد وفانىومنمن وكمان كتير
عضو بتعجبك ارائة..كلهم افضل موضوع قراتيه..دخلت النت داعية وخرجت عاشقة
اسوا موضوع قراتيه..لا لسة ايجابيات المنتدى..اعضاءة ومواضيعهم
افضل شخص حاطط صورة ع المنتدى...ف صور كتير حلوة جدا صعب اميز
اكتر؟؟ اكله؟ملوخيه لعبه؟؟الحقيقه رياضة؟؟اهلاوية برنامج وصورة مش عارفة
امتى بتحنى لطفولتك؟؟
كل يوم تقريبا

اجمل يوم مر عليكى ف حياتك؟؟
كانت رحلة مع اصحابى

اغلى واحلى هديه اتقدمتلك؟؟ومن مين؟؟
اغلى.. كانت حاجة دهب من ماما
احلى.. كانت ساعة كنت لسة شايفاها ف محل وعجبتنى وكان يوم عيد ميلادى وما توقعتش خالص انها ممكن تجيلى لقيت ابن خالتى جابهالى ومن غير مايعرف انى حباها اساسا فكان موقف تحفة

كلمة بتحبى تقوليها ع طول؟؟
اخر حاجة

كلمة بتحبى تسمعيها ع طول؟؟
قلبى من ماما واخويا

اول ما بتصحى من النوم شو بتقولى؟؟
شو بقول..اكيد صباح الخير

اكتر حاجة بتيجى ف بالك لما تتضيقى؟؟
اول حاجة بعملها بعيط وبعدين بصبر نفسى ان ربنا اكيد شايلى الاحسن

ع اى اساس بتختارى اصدقائك؟؟
اللى ارتحلهم

المواقع التى تحرصى ديما ع زيارتها؟؟
الفيس والمنتدى والياهو وجوجل

اجمل ما ف العالم؟؟
الحياة والحب ولو تقصد النت الاصدقاء

اسوا ما ف النت؟؟
الكذب

بماذا تقضى وقتك ع النت؟؟
ف المنتدى والياهو

ماذا اكتسبت وهل حققت فائدة تذكر من استخدامه؟ظ
ممكن اصدقاء جدد..........فائدة ساعات بقرا كتب وبتعلم منها معلومات جديدة

شكرا ليك يا عبدة

اولا السلام عليكم ورحمه الله وبركاته
الكرسى كالعاده منور باللى عليه بس النهارده النور كشعاع الشمس فى ساعه الظهيره
منوره الكرسى والله يا شيماء انا اسف والله انى بعيد عن المنتدى شويه بس بدخل من وقت للتانى
بس يا رب يكون الجميع بخير
انا حابب اشارك باساله لو مش حضيقك يعنى
_اوصفى سيماء فى جمله بسيطه
_اكتر حاجه بتوجع شيماء بجد
_صفه شيماء بتحبها جدا
من هو الصديق الصدوق بالنسبه لشيماء وما هى مواصفاته
ايه رايك فى المنتدى والاعضاء
اكتر واحد كلماته اثرت فيكى
اكتر قسم فى النتدى بتحبيه وبتحبى تشتركى فيه
شخصيه فى المنتدى تتمنى بجد تشوفيها لانه شخصيته عجبتك من خلال موضوعاته
موقفان احدهما يضحكك والاخر يبكيكى عندما تتذكرينهم
حاجه عملتيها وانتى زعلانه بس بعده حمدتى ربنا عليها
(مستحيل انساك)لمن تقولين هذه الكلمه
بحبك ماذا تعنى عندك فى كلمتين ولمن تتمنى ان تقوليها
اقرب شخص ليكى ؟
شخص تمنيتى معرفته ولكن فرقت بينكم الظروف واخر لم تتمنى معرفته وجمعتك الظروف
اسف جدا للاطاله شكرا ليكى وللمنتدى تقبلى مرورى

بسم الله الرحمن الرحيم

اولا..عليكم السلام ورحمة الله وبركاتة
ميرسى ليك يا على بجد على المرور الجميل دة اللى منور الصفحة

اوصفى شيماء ف جملة بسيطة؟؟؟
شيماء انسانة عادية من عيوبها العصبيه ومميزاتها الحب حبها للناس وانها ديما بتحب تعرف ناس
وتتعلق بيهم

اكتر حاجة بتوجع شيماء بجد؟؟؟
الفراق

صفة شيماء بتحبها جدا؟؟؟
الحنيه

من هو الصديق الصدوق بالنسبة لشيماء وما هى مواصفاته؟؟؟
عندى صحاااب كتير بجد بس ع راسهم((دينا وشيماء)) واحسن حاجة فيهم الصدق والحب

ايه رايك ف المنتدى والاعضاء؟؟؟
بجد تحفة وانا بحبهم جداااااااااااااااااااااااااااااااااا

اكتر واحد كلماته اثرت فيكى؟؟؟
لو شخصيه عامه ممكن نقول صلاح جاهين

اى قسم بتحبيه وتحبى تشتركى فيه؟؟؟
الخواطر والشعر

شخصيه ف المنتدى تتمنى تشوفيها لان شخصيته عجبتك من خلال موضوعاته ؟؟؟
المفروض انى ارد وقول كلهم بس بجد مافيش حد لان انا عجبانى فكرة ان احنا صحاب وبندردش من غير ما نعرف بعض فتحس انه حب ف الله مش عشان يعرفنى ولا حاجة

موقفان الاول يضحكك والاخر يبكيكى عندما تتذكريهم؟؟؟
يضحكنى مش فاكرة موقف معين......اما يبكينى فبلاش احسن معلش

حاجة عملتيها وانتى زعلانة وبعدين حمدتى ربنا عليها؟؟؟
انى دخلت تاريخ

((مستحيل انساك)) لمن تقولين هذه الكلمة؟؟؟
ل بابا الله يرحمه

بحبك ماذا تعنى عندك ف كلمتين؟؟؟ ولمن تتمنى انك تقوليها؟؟؟
بحبك يعنى مقدرش اعيش من غيرك......يعنى اتمنى اكمل حياتى معاك
واتمنى اقولها للى يستحقها يارب

اقرب شخص ليكى؟؟؟
ماما واصحابى

شخص تتمنى معرفتة ولكن فرقت بينكم الظروف؟؟؟
هو شخص انا اعجبت به وتمنيت انى اكون لانسان مثله لانه شخصيه محترمه

واخر لم تتمنى معرفته وجمعتك به الظروف؟؟؟
لا دة ف ناس كدة كتيييييييييييييير

ميرسى ليك بجد يا على لمرورك ويارب الاجابه تعجبك