اسئلة واجابات تجيب الضغط

س :- طوبه وقعت من فوق عماره ولوح الأزاز الي تحت ما انكسرش ليه؟؟
ج : - لأن الطوبه ماوقعتش علي الأزاز.

س : - طيب فرخه بتعدي الشارع ماتت فجأة ليه؟؟
ج : - لأن الطوبه وقعت عليها.

س : - ليه واحد حاطط جنبه كوباية شاي وهو نايم ؟؟
ج : - لأن الشاي منبه.

س : - طيب ليه حاطط جنب كوب الشاي فنجان قهوة ؟؟
ج : - عشان اذا ما رنش الشاي.

س : - طيب ليه يحط كوباية مايه فاضيه وكوباية مايه مليانه؟؟
ج : - عشان يمكن يشرب ويمكن ما يشربش.

س : - واحد بيحط سكر على الكرسي قبل ما يقعد ،، ليه ؟؟
ج : - عشان تكوون القعده حلوووة.

س : - حاجه طايرة فى السما وتقووول مياوووووو ،، أيه هيه ؟؟
ج : - قطه بيضه ، مضروووبة بالشلووت.

س : - طيب حاجه سودا طايرة فى السما وتقوول مياووووو ، أيه هيه ؟
ج : - غراب بيستهبل على القطه البيضاء
ههههههههههههههههههههههههه

س : - طيب حاجه زرقا طايره فى السما ،، أيه هيه ؟؟
ج : -دبانه لابسه بنطلووون جينز أزرق.

س : - طيب حاجه سودا وفيها خط أحمر وطايره في السما من الشرق الى الغرب، أيه هيه ؟؟
ج : - دبانه لابسه فستان وحاطه روج أحمر ، ورايحه جواز وحده من صحاباتها .

س : - طيب حاجه سودا وفيها خط أحمر وطايره فى السما من الغرب الى الشرق،،

أيه هي ؟؟
ج : - نفس الدبانه نسيت حاجه في البيت وراحت تجيبها .

س : - نقطة سودا على الحيطه أيه هيه ؟؟
ج : - دبانه.

س : - و نقطتين سود على الجدار ايه هما؟؟
ج : - أكيد فيشه.

س : - طيب تلات نقط سود ، أيه هما؟؟
ج : - دبانه وفيشه .

س : - 54 نقطة سودا ، أيه هما ؟؟؟
ج : - الحيطه مقشره
هههههههههههه

س : - حاجه ضعيفه وطووويله ولونها أبيض أيه هيه ؟؟
ج : - خيط أبيض.

س : - طيب حاجه ضعيفه وطوووويله ولونها أسود أيه هيه ؟؟
ج : - ظل الخيط الابيض .

س : - طيب ليه القطر بيوقف فى المحطة ؟؟
ج : - عشان ما بيعرفش يقعد.

س : - طيب وليه بيمشي مرررة تانيه ؟؟
ج : - لأنه زهق من الوقوووف.

س : - طيب بيضه وقعت من الطياره ومانكسرتش ليه ؟؟
ج : - ربك ستر.

س : - طيب أزاي نحط غزال في التلاجه على ثلاث خطوات ؟؟
ج : - افتح الثلاجه ،،، نحط الغزال ،،، نقفل التلاجه .

س : - طيب أزاي نحط الفيل على اربع خطوات؟؟
ج : - نفتح الثلاجه ،،، نطلع الغزال ،،، نحط الفيل ،، نقفل الثلاجه .

س : - طيب طياره شايله اجهزه كهربائية ،،حصل عطل فني فيها فلازم نرمي أثقل حاجه نرمي ايه؟؟؟
ج : - نرمي التلاجه عشان فيها الفيل.

س : - واحد قاعد بيعوم في البحر وفجأه مات... ليه؟؟
ج : - لأن الثلاجه الي فيها الفيل وقعت عليه .

س : - نملة بتقعد على البحر لما بتحب تقرا،، ليه ؟؟
ج : - عشان تبل ايدها لما تيجي تقلب الصفحه.

س : - طيب اذا ركبت موتسيكل ،، بتحط الفيل قدامها ليه ؟؟
ج : - عشان مايلعبش فى الجرس.

س : - طيب ليه ما بيعوموش في البحر سوااا ؟؟
ج : - عشان ماعندهمش غير مايوووه واحد.

س : - طيب وليه النمله ما بتنمش جنب الفيل ؟؟
ج : - لأن الشيطان شاطر.

س : - طيب أزاي نصطاد الفيل الاحمر؟؟
ج : - نصطاده ببندقية الفيل الاحمر .

س : - والفيل الاخضر ،، أزاي نصطاده ؟؟
ج : - نستناه لما يستوى ونصطاده ببندقيه الفيل الاحمر .

س : - طيب أزاي نصطاد الفيل الازرق ؟؟
ج : - نعمله حركه تحرجه ،، ولما وشه يحمر نصطاده ببندقيه الفيل الاحمر .

س :-أزاي نقعد 4 فيله فى عربيه جيب؟؟
ج: نركب اتنين وره واتنين قدام

س : - طيب ومين الي يسوووق ؟؟
ج : - الي معاه رخصه.

س : - طيب ازاي نركب 8 فيله في سياره شبح ؟؟
ج : - نبيع الشبح ،، ونشتري عربيتن جيب ونركب في كل عربيه 2 ورا و 2 قدام.

س : - أيه هي الحاجه الي بتعوم على وش المايه وأول حرف منها ق ؟
ج : - قطعة خشبه.

س : - طيب وأيه هي الحاجه الي بتعوم علي وش المايه وأول حرف منها ب ؟
ج : - برضه قطعة خشبه.

س : - طيب وأيه هيه الحاجه الي بتعوم علي وش المايه وأول حرف منها ن؟؟
ج : - نفس قطعة الخشب.

س : - وايه هيه الحاجه الي تعوم على وش المايه وأول حرف منها هـ ؟
ج : - هي هي نفس قطعة الخشب.

س : - طيب ايه هيه الحاجه الي بتعوم على سطح الماء وأول حرف منها ي ؟
ج : - يا أخي انت ما بتفهمش ، قلت لك قطعة الخشب

جميله شوشو أنا مكملتهاش لأنها جابتلي الضغط مرة قبل كده وأنا جبت بيها الضغط لأصحابي

تسلم ايدك

طب ايه هو الحيوان التعيس؟
القطة

ليه؟
عشان ديما تخربش ومتكسبش

طب ايه الحيوان اللي دايما مشغول؟
الخرتيت .. تيت .. تيت

طب ايه الحيوان اللي بياكل ويشرب بديله؟
كل الحيوانات بتاكل وتشرب بدلها .. عمرك شفت حيوان ساب ديلو وراح ياكل؟

طب ايه اقدم حيوان؟
الحمار الوحشي .. عشان ابيض واسود

طب ايه هو اجدد حيوان؟
القنفد .. ليه ؟
عشان بشوكه..والكنغر علشان بكيسه

طب ليه التلاجة غبية؟
عشان بتحفظ الاكل .. مبتفهموش

ماهي قمة الحيرة؟
يقال لك اجلس في ركن غرفة مستديرة

ماهو قمة الذكاء؟
ان تجد ركن للغرفة

ماهو قمة الالم؟
التزحلق على زحلاقة مغطاة بشفرات حلاقة وشظايا الزجاج

ماهي قمة العذاب؟
السقوط بعد ذلك في حوض بة كولونيا

ليه الهرم فيه حتة حديدة من فوق؟
عشان يتشال منها وينضفوا تحتيه

ايه الشبه بين الجرنان والشمس ؟؟
الاتنين بيطلعوا الصبح

ايه الشبه بين التفاح والكمثرى ؟؟
الاتنين مش جوافة

ايه الفرق بين الصحراء وايام الاسبوع وموس لورد ؟؟
الصحراء مفيهاش حد ايام الاسبوع فيها حد موس لورد فيه حدين

واحد وقع من الدور التاسع
لقى ايه؟؟

لقى مصرعه

ليه الارنب مبيعديش من قدام القهوة ؟؟
بيخاف من السحلب المكار

دكتور اسنان ارتكب جريمة يسجنوه فين ؟؟
في سجنال تو

ليه نابليون كان بيقعد قدام التلاجة ؟؟
عشان يستنى حملة فريزر

ايه هي قمة الادب ؟؟
انك تخبط على التلاجة قبل متفتحها

ايه هي قمة الصبر ؟؟
انك تستنى حد يفتحلك

ايه هي قمة الدهشة ؟؟
حد يفتحلك فعلا

إيه وجه الشبه بين الحلاق وجورباتشوف ؟
الإتنين بيتعاملوا مع الروس

إيه وجه الشبه بين القمر وصينية البطاطس ؟
الإتنين ميتعملوش عصير مانجو

إيه العلاقة بين الكمبيوتر والحفرة ؟
الكمبيوترحاسب آلى أما الحفرة حاسب لتقع

ليه الأرجنتين مش بيزرعوا تين ؟
لأنها من الدول اللا....تينية

إية الفرق بين الزيتون والليمون ؟؟
التانى بيتعمل لاموناته والأول ما بيتعملش زاتوناتة

ايه ده ياشوشو دي مجابتليش الضغط بس دي جبتلي فنجان قهوة
هههههههههههههههههههههه اصل ماما وانا بقراها في نفس اللحظة جابت الفنجان
عايزين حجات كمان ياشوشو

ايه الفرق بين القلة والزير

فى فوازير ومافيش فوا قلة

ايه عكس كونكريت

لاتكن كريت

ايه عكس زمان

زا وومن

(The Woman)

ماهو الشئ اللي ننام عليه ونجلس فوقه ونغسل اسناننا فيه؟
السرير والكرسي وفرشاة الاسنان

ماالذي له راسان و8 اقدام؟

كلبان

ايه اكتر حيوان مبيعرفش يستخبى ؟

الثعبان بان بان بان بان بان

طيب ايه اكتر حيوان بيسمع اغاني اجنبي ؟

الغراب راب راب راب راب راب

طيب ايه اكتر حيوان بيسيح في الحر ؟

تمساح ساح ساح ساح ساح

-سمعت نكتة الأسانسير ؟
- لأ
- يبقى اكيد كنت طالع على السلم

ليه مصر مش محتاجة بطاطين ؟

علشان اتصالات غطت مصر كلها

ليه السمك بيخاف من فودافون ؟

علشان اكبر شبكة

ليه محمدين بيلبس شرابات خضرا ؟

عشان خضرا لابسة شراباته

محمدين واقف فى الشمس و معاه دودة ليه؟

عشان الدكتور قالله اقف فى الشمس دقائق معــدودة

لية محمدين بيحط خيارة تحت المخدة؟
عشان لو حط طمطماية هتتفعص

تقبلي مرورى

ياسلام يااحمد بجد ضحكتنى

ايه ده ياشوشو ايه الاسئله ديه ههههههههههههههههههه ديه بجد تجيب الضغط بس ضحكتنى اوى تقبلى مرورى وشكرا يااحمد على الاسئله التانيه اللى برده بتجيب الضغط اسئلة واجابات تجيب الضغط Icon_smile

ميرسى ولاء - منمن

وشكرا يااحمد لاضافتك اللى جابتلى الضغط هههههههههههه

بصراحة مش الضغط بس هى تجيب امراض كتييييييييييييير ههههههههههه
بس شغالة
شكراً شوشو
وشكراً لا حمد

» طفله ترفع الضغط والسكر ..
» اسئلة ذكية جدا اتحداكم تجاوبوا عليها
» اسئلة مواكبة للعصر
» اغبى خمس اسئلة في العالم بس اتحداكم انكم تحلوها ( بس شوف الاجابة )
» اسئلة مالهاش اى لازمة فى حياتنا........!!!