الدولة : المحافظة : البحيرةالمدينة : عايش فى زمن كل اقنعه الجامعة : الإسكندريه فرع دمنهورالكلية : كلية الآدابالفرقة : الثالثةقسم : التاريخالشعبة : عامةعدد المساهمات : 1529العمر : 32الجنس :
موضوع: ولد وبنت فى الميكروبااااظ الثلاثاء 14 سبتمبر 2010, 23:57
طبعا كلنا ركبنا ميكروباصات سواء كان في ازمة تكاسي او بنت لوحدها وخايفه تركب تاكسي بليل او مثلا نفضت جيبك مره وحده ملقتشي غير اجرة ميكروباص الحقيقه ان الميكروباصات بنشوف فيها كتير وبنسمع اكتر لكن وكالعاده لازم نعمل مقارنه الواد والبت كل حاجه ومنهم الميكرو ... باظ نمره واحد وانت بتوقف الميكروباص وياسلام لو مافيش مكان لو انت بنت يادوب تبصي بس بصة استعطاف لأي بأف قاعد هايقوم ينط يقعد في ضهر السواق عشان تعدي انما بقا لو انتى ولد شوفلك اي حتة اترزع فيها او انشالله تتشعلق مانتا اساسا مالكش أهل يخافو عليك ثاني حاجة طبعا وانتا طالع كتير مننا ممكن يخبط راسه في الباب طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا تلاقي اللي ممكن يقوم يضرب السواق انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين *********************** تالت حاجة وانت بقى بتقفل الباب وطبعا السواق بيقولك اقفله بالراحه على اساس انه هايتكسر في اديك مانتا بقا رامبو اللى نايم على جمبو طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل .... ولو قفلت الباب بالجامد بقا لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه انما لو كنت ولد : ايه الطور دا خلاص ياعم عرفنا انك فان دام بس بالراحه ع أم الباب *********************** رابع حاجة طبعا ممكن يجيلك فون ( فووون هااا ) وانت قاعد في الميكروباص لو انتي بنت وانتي بتقولي الو ياسلااااام الله يا جماعه على صوتها شوفوالرقة يابخته المحظوظ ابن المحظوظه اللي بيكلمك ولو معاها موبايل معفن .... ياسلام ع التواضع انما بقا لو كنت ولد الهي يجيلك ضربة انت واللي بيرنلك دلوقتي وطي ياعم صووت ام صوتك صرعتنا والله عرفنا انك معاك زفت موبايل ولو الموبايل معفن .. وكمان بتتعايق بموبايل معفن امال لو كان موبايل عدل شوية كنت عملت ايه *********************** نمرة خمسة لو انتا بقا طالع والسواق مشغل اغنية بيئة ومعلي الصوت بقي وانت عايز تتكلم في النوبايل طبعا لو انتي بنت القانون بيديكي الحق الكامل انك تقوليله وطي الكاسيت او اطفيه ( قانون ساكسونيا طبعا ) انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه تاني ويعلي الصوت كمان ويفضل يبرطم بقي : انت هاتشترينا بأم النص جنيه اللي هاتدفعه *********************** سادس حاجة طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول الطريق عايز تنزل بتقول للسواق على جنب وطبعا لايمكن هايسمعك ماهو مشغل الاغاني ومعلي الصوت على اخره طبعا لو انت ولد هتقول مرة واتنين وعشرة وينزلك بعد الحته اللي انتا عايز تنزل عندها بشارعين تلاته وطبعا هايقولك ماسمعتكش مانتا اللي صوتك واطي زي البنات انما بقا البنت يادوب كل اللي هاتعمله انها توشوش نفسها على جنب وكأنها بتكلم نفسها هاتلاقي بقيت الاربعتاشر نفر اللي قاعدين في الميكروباص بصوت واحد بيقولو للسواق على جنب ..... اييييه انت اطرش ؟؟؟
وكما قال الشاعر جزرة وجطمها جحش منقول
abdo طالب ماسى
الدولة : المحافظة : البحيرةالمدينة : عايش فى زمن كل اقنعه الجامعة : الإسكندريه فرع دمنهورالكلية : كلية الآدابالفرقة : الثالثةقسم : التاريخالشعبة : عامةعدد المساهمات : 1529العمر : 32الجنس :
موضوع: رد: ولد وبنت فى الميكروبااااظ الجمعة 17 سبتمبر 2010, 19:39
على فكرة دى تفرقة عنصرية كدة ههههههههههههه منورة دايماً يا منمن
قمر الزمان مديرالمنتدى
الدولة : الكلية : كلية الآدابقسم : تاريخعدد المساهمات : 1960الجنس :
موضوع: رد: ولد وبنت فى الميكروبااااظ الجمعة 17 سبتمبر 2010, 20:32
ههههههههههههههههههههه ايه ده ياعبده طبعا دي الحقيقة وانت كده اظهرت الحقيقة الخفية عشان تعرفوا مدي رقة البنت ومحدش يقدر يتكلم نصف كلمة
abdo طالب ماسى
الدولة : المحافظة : البحيرةالمدينة : عايش فى زمن كل اقنعه الجامعة : الإسكندريه فرع دمنهورالكلية : كلية الآدابالفرقة : الثالثةقسم : التاريخالشعبة : عامةعدد المساهمات : 1529العمر : 32الجنس :
موضوع: رد: ولد وبنت فى الميكروبااااظ الجمعة 17 سبتمبر 2010, 20:46
انا مش هاتكلم على الرغم من التفرقة الى فى المكروباص والمنتدى ههههههههههههه نورتى يا ولاء
shimaa elshamy طالب مجتهد
الدولة : المحافظة : البحيرةالمدينة : كفر الدوارالجامعة : الإسكندريه فرع دمنهورالكلية : كلية الآدابالفرقة : الثانيةقسم : التاريخعدد المساهمات : 108العمر : 31الجنس :
موضوع: رد: ولد وبنت فى الميكروبااااظ الأربعاء 22 سبتمبر 2010, 23:08
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه موضوع جميل بجد والله
abdo طالب ماسى
الدولة : المحافظة : البحيرةالمدينة : عايش فى زمن كل اقنعه الجامعة : الإسكندريه فرع دمنهورالكلية : كلية الآدابالفرقة : الثالثةقسم : التاريخالشعبة : عامةعدد المساهمات : 1529العمر : 32الجنس :
موضوع: رد: ولد وبنت فى الميكروبااااظ الخميس 23 سبتمبر 2010, 23:54
والاجمل مرورك شيمو نورتى
ahmed طالب ماسى
الدولة : المدينة : مالهاش وجود ع الخريطةالجامعة : أخرالكلية : كليات أخرىالفرقة : أخرقسم : تاريخ تخصص جراحة مومياواتالشعبة : شعبة نساء وتوليدعدد المساهمات : 1026العمر : 38الجنس :
موضوع: رد: ولد وبنت فى الميكروبااااظ الجمعة 24 سبتمبر 2010, 17:15
اهيء اهيء اهيء
دا أحنا مطحونين يابنى ولا حدش حاسس بينا ربنا يستر وتبقي علي قد الميكروباصات بس وعموما أنا أشترى كرامتى وأشوفلي عجله أروح وأجي بيها أحسن ماتيجي نلم من بعض ياعبده ونشتريلنا ميكروباص للرجال فقط بزمتك مش هيبقي أريح؟ وان كان ع السواق نطلع كلنا رخص وكل واحد يسوق يوم وربنا يستر بقي
abdo طالب ماسى
الدولة : المحافظة : البحيرةالمدينة : عايش فى زمن كل اقنعه الجامعة : الإسكندريه فرع دمنهورالكلية : كلية الآدابالفرقة : الثالثةقسم : التاريخالشعبة : عامةعدد المساهمات : 1529العمر : 32الجنس :
موضوع: رد: ولد وبنت فى الميكروبااااظ الأربعاء 06 أكتوبر 2010, 14:06
اوك انا موافق وانا معاك من جنية ل5 جنية اى خدمة بس ليا شرط انا بحب اقعد جنب الشباك ههههههههههههههه