نفسي اعرف أنت ليه مش بتحب الشيطان
السلام عليكم ورحمة الله وبركاته
في بداية الموضوع أحب أسألك انت بتحب الشيطان ولا لأ .
طبعا الكل وإنت أولهم هاتقولوا لأ .
لأ طبعا نحبه إزاى هوة في حد بيحب الشيطان .
أنا هاقولك آه في .
صدقني في والله .
عارف مين يا صديقي بيحب الشيطان اللي بيسمع كلامه وبيمشى وراه .
مش إنت لما بتحب صاحبك بتعمل كل حاجه بيحبها وببقولك عليها .
ولما أمك تطلب منك حاجه بتعلمها على طول عشان انت فعلا بتحبها .
ولو زعلت منك بتفضل مدايق وشايل فنفسك وتعبان صح .
وغيرهم كتير والله . بس الشرط الوحيد انك تكون بتحبه .
أهو بقى اللي بيسمع كلام الشيطان ده أكيد بيحبه .
وها قولك بيحبه ازاى وبيسمع كلامه ليه .
أول حاجه إن الإنسان بيجرى دايما ورى الشهوات وورى أهواؤه وبيحب الملذات . وخاصة اللي ربنا محرمها .
وهنا بقى بيجى دور (( الشيطان )) .
وهوة أهم وأسهل دور والله .
لأنه عارف انك ضعيف وإنت بتدور على الشهوات وضعيف قدامها جدا .
بس هاقولك إن إنت اقوي وأجمد منه برده .
بحاجه بسيطة خالص والله .
الإستعاذه بالله من الشيطان وذكر الله .
بص الشيطان ديما زنان ورذل ومابيسكتش همه الوحيد فالدنيا انه يغويك ويوقعك فالغلط .
بس ضعيف جدا وجبان . انت اول ما بتذكر ربك هوه بيخاف وبيمشى ويبعد .
لانه عارف ان ربنا أقوى منه . وانت هاتكون اشد منه بالاستعانة بالله .
وانت عارف كمان الشيطان كل ما يشوفك بتصلى وبتقرأ القران وبتقول الأذكار .
كيده بيزيد بس والله بيضعف اكتر .
وعلشان ماطولش عليك .
خليك دايما بتحب ربنا وماتسمعش كلام الشيطان علشان نعرف انك بتكره وخلاص هاننكون عرفنا انت مابتحبوش ليه