آداب دمنهور


 
الرئيسيةمكتبة الصورالتسجيلدخول

شاطر | 
 

 الكابتن هريدي يحيكم للتعليق على مباراة الجمة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سمر محمد يعقوب
مشرف سابق
مشرف سابق


الدولة : مصر
المحافظة : البحيرة
الفرقة : الرابعة
الشعبة : عامة
عدد المساهمات : 614
العمر : 27
الجنس : ذكر

مُساهمةموضوع: الكابتن هريدي يحيكم للتعليق على مباراة الجمة   الخميس 04 فبراير 2010, 20:52

الكابتن هريدي يحيكم للتعليق على مباراة الجمة

كابتن هريدى يحيكوا من ارض الملعب بتاعنا احنا , ايوة الملعب بتاعنا احنا .

وزى ماحنا شايفين الاستاد مليان على اخره تسعين الف متفرج مش فاهمين حاجة واصل فى الكوره .
و بيتوسط المجصورة الرئيسيه المعلم عماشه ابو الضبع و حرمه اكبر

تاجر شكاير اسمنت فاضيه و هو اللى هيسلم البلاص للفريج الفايز .

_
و زى ماحنا شايفين الفرجتين نازلين ارض الملعب يدلعوا دليع و

الفريج بتاعنا نازل بالزى الرسمى بتاعه وهو العمم البمبى و

الجلاليب البيضا المخططه لبنى بالطول و الجزم البنى المربوطة

بفتله من جدام .

_
وبيمثل الفريج بتاعنا النهارده فى حراسة المرمى الكابتن عمار

ابو خلف الله و خط الدفاع فيه الشمندى و الجماوينى و الاعرج و الدمرانى

على فكرة يا جماعة الدمرانى ده اصغر لعيب فى الملعب عنده اتنين و

تمانين سنه و كان بيلعب مع الاشبال تحت سن سته و سبعين سنه .

خط النص من تلاته هم : قناوى و المنياوى و الجرجاوى

اما فى الهجوم تلاته برضه هم : عسران و وهدان و معاهم نجم نجوم

الفريج حمدان ابو خطوة و هو لابس الجلابية رقم متين و اربعين ياريت

الكاميرا تجيبهولنا وهو بيربط حبل السروال بتاعه .

و زى ماانتو شايفين الارض بتاعتنا خرسانيه مسلحه مش نجيله زى ملاعب الخنافس يعنى اللى

هايجع مش هايجوم تانى والملعب عليه اربعين غفير ببندقيه عشان يطخوا اى لاعيب يتسلل

و الجهاز الطبى للفريقين بيتكون من اتنين داكاتره وهم

الاسطى رجب حلاق الكفر و المعلم خشبه حانوتى المركز و معهم المساعدمسعود تاجر البصل و هو جايب معاه شوال بصل عشان يفوق ويصحصح اللاعيبه

_
بيحكم الماتش النهارده الكابتن الكبير ابو العينين الكفيف .

_
مع اول طلجه من مسدس الحكم يبتدى الماتش بهجمه سريع للفريج بتاعنا

و الكرة مع حمدان و بينفرد بالجون و يجتله و يشوط الكرة فى العارضة

و الحكم يضرب نارمعلنا فاول على حارس المرمى و يعترض اللاعب شرقاى

واللاعب قليوبى من فريج الفلاحين و يعترض معهم جمهور الفلاحين و يلقى

الحكم بالطماطم و البطاطس و البيض المسلوج .

و ترد الجماهير الصعايده بالقنابل و الديناميت و يولع الماتش حريجة و تيجى المطافى و الماتش
يتلغى بفوز الحكم
اتناشر صفر
و كان معكم من وسط هذه الاحداث المعلق الرياضى هريدى عبد الغفور من

امام تلاجة الميه اللى فى الكشك بتاع السجاير بتاع الواد ابو العلا ولد البت نبويه جارتنا
الرجوع الى أعلى الصفحة اذهب الى الأسفل
abdo
طالب ماسى
طالب ماسى


الدولة : مصر
المحافظة : البحيرة
المدينة : عايش فى زمن كل اقنعه
الجامعة : الإسكندريه فرع دمنهور
الكلية : كلية الآداب
الفرقة : الثالثة
قسم : التاريخ
الشعبة : عامة
عدد المساهمات : 1529
العمر : 25
الجنس : ذكر

مُساهمةموضوع: رد: الكابتن هريدي يحيكم للتعليق على مباراة الجمة   الخميس 04 فبراير 2010, 22:17

ههههههههههههههههههههههههههههه
جاااامد








الرجوع الى أعلى الصفحة اذهب الى الأسفل
زملكاوى
عضو مميز
عضو مميز


الدولة : مصر
المحافظة : البحيرة
المدينة : ايتاى البارود
الجامعة : الإسكندريه فرع دمنهور
الكلية : كلية الآداب
الفرقة : الثالثة
قسم : التاريخ
الشعبة : عامه
عدد المساهمات : 299
العمر : 26
الجنس : ذكر

مُساهمةموضوع: رد: الكابتن هريدي يحيكم للتعليق على مباراة الجمة   الثلاثاء 09 فبراير 2010, 14:06

على فكره الماتش ده انا شوفته

ويوميها البلاص اتسرق بعد الماتش وده يفكرنا بالبلاص بتاع كاس العالم
بس بعد ما اتسرق نجح الكلب بتاع هريدى انه يلاقى البلاص


بس لحد دلوقتى الكلب مش عايز يدى البلاص لحد لانه وعد خطيبته انه هيجبلها البلاص ده هديه فى عيد الفلانتين التاسع للكلاب








الرجوع الى أعلى الصفحة اذهب الى الأسفل
 
الكابتن هريدي يحيكم للتعليق على مباراة الجمة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
آداب دمنهور :: استراحة الاعضاء :: استراحة الاعضاء-
انتقل الى: