رباعيات عمنا صلاح جاهين

مع تحياتي smsm_tout

مع أن كل الخلق من اصل طين وكلهم بينزلوا مغمضين بعد الدقائق والشهور والسنين تلاقي ناس أشرار وناس طيبين عجبي

عجبي عليك . . عجبي عليك يا زمن يا بو البدع يا مبكي عيني دما إزاي أنا اختار لروحي طريق وأنا اللي داخل في الحياة مرغما عجبي

مرغم عليك يا صبح مغصوب يا ليل لا دخلتها برجليا ولا كانلي ميل شايلني شيل دخلت انا في الحياة وبكرة ح خرج منها شايلني شيل عجبي

سنوات وفايته عليا فوج بعد فوج واحدة خدتني ابن والتانية زوج والتالتة اب خدتني والرابعة اية اية يعمل الي بيحدفه موج لموج عجبي

وانا في الظلام . . من غير شعاع يهتكه اقف مكاني بخوف ولا اتركه ولما ييجي النور واشوف الدروب أحتار زيادة . . أيهم اسلكه ؟ عجبي

نظرت في الملكوت كتير وانشغلت ونكل كلمة ( لية ؟) و ( عشانيه ) سألت اسأل سؤال . . الرد يرجع سؤال واخرج وحيرتي اشد مما دخلت عجبي

خرج ابن ادم م العدم قلت ياه : رجع ابن ادم للعدم قلت : ياه تراب بيحيا . . وحي بيصير تراب الاصل هو الموت والا الحياة ؟ عجبي

ضريح رخام فيه السعيد اندفن وحفرة فيها شريد من غير كفن مريت عليهم . . قلت يا للعجب لاتنين ريحتهم فيها نفس العفن عجبي

ياما صادفت صحاب وما صحبتهمش وكاسات خمور وشراب وما شربتهمش اند م علي الفرص الي انا سبتهم والا علي الفرص اللي ما سبتهمش عجبي

والكون ده كيف موجود من غير حدود وفيه عقارب ليه وتعابين ودود عالم مجرب فات وقال سلامات ده ياما فية سؤالات من غير ردود عجبي

غدر الزمان يا قلبي ما لهوش امان وحاييجي يوم تحتاج لحبة ايمان قلبي ارتجف وسألني . . أأمن بإيه؟ أأمن بإيه محتار بقالي زمان عجبي

يا باب ايا مقفول . . وللحديث بقية .......

ألف شكر علي مجهودك الرائع

توبيك هايل جدا وطبعا عمنا صلاح جاهين

عبقري متعدد المواهب , والرباعيات كانت أجمل أعماله

نورت المنتدي ومنتظرين جديدك

» رباعيات الاستاذ صلاح جاهين
» هكذا ظهر جيل صلاح الدين
» حروب صلاح الدين و فتح بيت المقدس
» الفلم التاريخي الناصر صلاح الدين
» الملك الناصر صلاح الدين الأيوبي